19:09 22.10.2018
SHANTNEWS.am-ն արդեն տեղեկացրել է` այսօր առավոտյան «Ղեկը աջ» նախաձեռնության անդամները ակցիա են կազմակերպել ԱԺ ծառայողական մուտքի մոտ: Նախաձեռնության անդամները գիտեին, որ խորհրդարանում այսօր արտահերթ նիստ է, ուստի հենց օրենսդիրի այդ մուտքի մոտ էին հավաքվել, որպեսզի ներս մտնելիս պատգամավորներին ու կառավարության անդամներին տեսնեն: Վարչապետին էլ հանդիպելու ակնկալիք ունեին, բայց Նիկոլ Փաշինյանը չէր եկել:
Նախաձեռնության անդամներին մոտեցել են ԱԺ պատգամավորներից Ալեն Սիմոնյանը, Էդմոն Մարուքյանը և ՀՀ տրանսպորտի, կապի և ՏՏ նախարարի պաշտոնակատար Հակոբ Արշակյանը:
Ինչպես հայտնի է, աջ ղեկով ավտոմեքենաներ ներկրելը Հայաստան արգելվել է հոկտեմբերի 1-ից:
ՀՀ տրանսպորտի, կապի և ՏՏ նախարարի պաշտոնակատարի հետ զրույցի ժամանակ «Ղեկը աջ» նախաձեռնության անդամներից մեկը հայտարարել է, որ մինչ ներկրումն ինքը ֆեյսբուքյան էջով հարց է ուղղել ՀՀ ԱԺ ԲՀԿ խմբակցության պատգամավոր Գևորգ Պետրոսյանին, որն ասել է, որ հոկտեմբերի 1-ից արգելքը չեղարկվելու է, կարող է ներկրել ավտոմեքենաներ, ուստի Ճապոնիա պատվեր է կատարել:
Նույն խոսքերը նախաձեռնության անդամը կրկնել է ՀՀ տրանսպորտի, կապի և ՏՏ նախարարությունում, երբ հանդիպել են փոխնախարարի պաշտոնակատար Արմեն Փամբուխչյանի հետ:
SHANTNEWS.am-ը խնդրի առնչությամբ պարզաբանումներ ստանալու նպատակով զանգահարել է պատգամավոր Գևորգ Պետրոսյանին, որը պնդել է՝ նման բան չի եղել: Նրա խոսքով՝ ժամանակին, երբ կառավարությունը ներկայացրել է առաջարկը, իրենք՝ «Ծառուկյան» խմբակցության անդամները, տարբեր կարծիքներ են հայտնել և խնդիրը թողնվել է ազատ քվեարկության:
«Անձամբ ես դեմ եմ քվեարկել աջ ղեկով մեքենաների ներկրման արգելքին: Իմ պատճառաբանությունները ժամանակին բերել եմ, ԱԺ նիստում հրապարակել եմ, չգիտեմ, թե քաղաքացին ինչ նկատի ունի: Առանձին մարդիկ չեն որոշում, թե օրենքների գործողությունը երբ պետք է դադարի, երբ սկսվի: Ես չէի կարող որևէ մեկին օրենքից դուրս խորհրդատվություն անել: Ես պնդում եմ, որ նման բան չի եղել: Նա կարող է սխալ է հասկացել, թող ուշադիր կարդա՝ անտեղ ինչ է գրված, նոր ասի»,- ասել է Պետրոսյանը:
Ավելի ուշ SHANTNEWS.am-ի թղթակիցը փորձել է պարզաբանումներ ստանալ հենց լուրը տարածողից: «Ղեկը աջ» նախաձեռնության անդամը նախ ասել է՝ թող լրատվամիջոցը թույլտվություն ստանա Գևորգ Պետրոսյանից նամակագրությունը ցույց տալու համար, ապա, թե անձնական բան է, չի ցանկանում հրապարակել:
Արդյունքում՝ «Ղեկը աջ» նախաձեռնության անդամը ցույց չի տվել ապացույց-նամակագրությունը՝ այդ կերպ չհաստատելով իր իսկ հայտարարությունը:
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
