15:48 20.10.2018
«Ես հետևել եմ երեկվա բանավեճին՝ մի կողմից Հանրապետական կուսակցության և մյուս կողմից՝ կառավարության և ԸՕ-ի աշխատանքային խմբի հեղինակների տրամագծորեն տարբերվող տեսակետներին: Սա այն դեպքն է, որ ես պետք է ասեմ, որ երկուսն էլ ճիշտ են»,- ShantNews.am-ի հետ զրույցում ԲՀԿ խմբակցության պատգամավոր Նաիրա Զոհրաբյանը խոսել է Ընտրական օրենսգրքի վերաբերյալ Վենետիկի հանձնաժողովի տված եզրակացությանը:
Նաիրա Զոհրաբյանը շեշտեց, որ Վենետիկի հանձնաժողովը, անկախ բոլոր հանգամանքներից, հավատարիմ է մնում իր սկզբունքներին և նույնիսկ հաշվի չի առնում, թե ԵԽ անդամ որ երկրում ներքաղաքական ինչ փոփոխություններ են եղել:
«Իրենք իրենց հիմնարար սկզբունքից չեն հրաժարվել: Այդուհանդերձ, հասկանալով հայաստանյան ներքաղաքական աննախադեպ իրավիճակը և հասկանալով, որ ստեղծված իրավիճակում միակ գրագետ և ճիշտ հանգուցալուծումը արտահերթ խորհրդարանական ընտրություններն են՝ իրենք ասում են, որ աչք կփակեն ԸՕ-ի փոփոխություններից անմիջապես հետո խորհրդարանական ընտրության գնալու վրա, եթե քաղաքական բոլոր ուժերի միջև լինի կոնսենսուս»,- ասել է Նաիրա Զոհրաբյանը:
Պատգամավորը զուգահեռ նաև ասել է, որ Վենետիկի հանձանժողովի եզրակացությունները իմպերատիվ բնույթ չունի և իրենց հետևից քաղաքական ու իրավական սանկցիաներ չեն ենթադրում.
«Այստեղ երկրի և խորհրդարանական ուժերի վստահության հարցն է: Այդ կոնսենսուսը սուրբ կովը չէ, որի խախտումը բերի լուրջ բարոյական, իրավական հետևանքների: Վենետիկի հանձնաժողովը չի կախելու որևէ մեկին, ընդամենը կարձանագրվի, որ Հայաստանը, անդամակցելով ԵԽ-ին, ստորագրել է փաստաթուղթ, որը պարտավորվել են հարգել և հանձնառու են կատարել ԵԱՀԿ ԺՀՄԻԳ-ի ու Վենետիկի հանձաժողովի հանձնարարականները»,- պարզաբանել է ԲՀԿ-ական պատգամավորը:
Զոհրաբյանը նշեց, որ ԲՀԿ-ն կողմ է, ԸՕ-ի իրենց ներկայացրած հիմնարար առաջարկները ընդունվել են:
«Մենք կոչ ենք անում մնացած քաղաքական ուժերին ևս չխոչընդոտել քաղաքական ուժերի միջև ձևավորվող կոնսենսուսին, որպեսզի մենք նոր ԸՕ-ով գնանք դեկտեմբերյան ընտրություններին: Եթե չլինի այդ կոնսենսուսը և փորձ արվի տապալել ԸՕ-ի ընդունումը ԱԺ-ում, ապա ստիպված ենք լինելու գնալ հին Ընտրական օրեսնգրքով, այսինքն՝ ռեյտինգային կարգը պահպանված, որը կարող է լուրջ ռիսկեր պարունակել»,- նշել է Նաիրա Զոհրաբյանը:
22:58 04.04.2025
Ռուբիոն Եվրոպային կոչ է արել միջոցներ առաջարկել Ուկրաինայի անվտանգությունն ապահովելու համարԵվրոպական երկրները պետք է միջոցներ առաջարկեն Ուկրաինայի անվտանգությունն ապահովելու համար։ Այս մասին հայտարարել է ԱՄՆ պետքարտուղար Մարկո Ռուբիոն։ «Մեզ ավելի քիչ խոսքեր և ավելի շատ գործողություններ են պետք: Եվրոպան պետք է մշակի կոնկրետ առաջարկներ ուկրաինացի ժողովրդի անվտանգությունն ապահովելու համար»,- գրել է նա X-ում: Ավելի վաղ Բրյուսելում ՆԱՏՕ-ի արտգործնախարարների հանդիպմանը հաջորդած մամուլի ասուլիսում Ռուբիոն ընդգծել էր, […] ...
22:46 04.04.2025
Մոուրիյուին որակազրկում է սպառնում․ նա հարձակվել է «Գալաթասարայի» մարզչի վրա«Ֆեներբահչեի» գլխավոր մարզիչ Ժոզե Մոուրինյուն կրկին հայտնվել է սկանդալի կենտրոնում: Թուրքիայի գավաթի խաղարկության քառորդ եզրափակչում նրա թիմը 1:2 հաշվով պարտվել է «Գալաթասարային», ինչից հետո պորտուգալացին թիկունքից մոտեցել է մրցակցի գլխավոր մարզիչ Օկան Բուրուկին և քաշել նրա քթից: Թուրք մարզիչն ընկել է: Մրցավարը Մոուրինյուին կարմիր քարտ է ցույց տվել: Այժմ նրան որակազրկում է սպառնում: 🎥 Jose […] ...
22:39 04.04.2025
Վարդենիսում 25-ամյա վարորդը «Nissan March»-ով բախվել է հողաթմբին և մի քանի պտույտ գլխիվայր շրջվելով հայտնվել դաշտումԵրեկ՝ ապրիլի 3-ին, ավտովթար է տեղի ունեցել Գեղարքունիքի մարզում։ Ժամը 20։50-ի սահմաններում Վարդենիս-Սոթք ավտոճանապարհի 3-րդ կմ հատվածում Գեղարքունիքի մարզի բնակիչ 25-ամյա Հայկուհի Ա․-ն իր վարած «Nissan March» մակնիշի ավտոմեքենայով դուրս է եկել ճանապարհի երթևեկելի գոտուց, բախվել հողաթմբին և մի քանի պտույտ գլխիվայր շրջվելով հայտնվել դաշտում։ Ինչպես հայտնում է shamshyan.com-ը, վթարի հետևանքով վարորդը մարմնական վնասվածքներով տեղափոխվել […] ...
22:28 04.04.2025
Դեսպան Նատալի Շուարդը դեսպան Տոլմաջյանին է ներկայացրել DCAF-ի՝ Հայաստանում իրականացվող և նախատեսվող ծրագրերըԺնև ՄԱԿ գրասենյակում և այլ միջազգային կազմակերպություններում ՀՀ մշտական ներկայացուցիչ, դեսպան Հասմիկ Տոլմաջյանը հանդիպում է ունեցել Ժնևի անվտանգության ոլորտի կառավարման կենտրոնի (DCAF) տնօրեն, դեսպան Նատալի Շուարդի հետ՝ քննարկելու անվտանգության ոլորտի կառավարման բնագավառում համագործակցության ամրապնդման հնարավորությունները։ Այս մասին տեղեկացնում են Շվեյցարիայում ՀՀ դեսպանությունից: Շնորհավորելով DCAF-ին 25-ամյակի կապակցությամբ՝ դեսպան Տոլմաջյանը շնորհակալություն է հայտնել կենտրոնին պաշտպանական ոլորտում արդյունավետ […] ...
22:16 04.04.2025
Տարեկան իրականացվում է շուրջ 3․5-4 միլիոն միջազգային միավոր հակահեմոֆիլային պատրաստուկների մատակարարում՝ մոտ 400 հիվանդի համար. Անահիտ Ավանեսյան«Մենք շատ բարձր ենք գնահատում ձեր գործունեությունը, խիստ կարևորոմ մեր երկարամյա համագործակցությունը և ուրախ ենք, որ այն շարունակական է լինելու. ձեր աջակցությունը անհարաժեշտ է մեզ քրոնիկ հիվանդությունները կառավարելու գործում»,- ընդունելով Հեմոֆիլիայի համաշխարհային ֆեդերացիայի մարդասիրական օգնության ծրագրերի ղեկավար դոկտոր Ասսադ Հաֆֆարին` նշել է առողջապահության նախարար Անահիտ Ավանեսյանը: Արդեն շուրջ 20 տարի է, ինչ Հեմոֆիլիայի համաշխարհային ֆեդերացիան […] ...
22:02 04.04.2025
Քննարկվել են Հայաստանի և Ֆրանսիայի ռազմարդյունաբերական համագործակցության զարգացման հեռանկարներըԱպրիլի 4-ին Ֆրանսիայի Հանրապետություն կատարած աշխատանքային այցի շրջանակում ՀՀ բարձր տեխնոլոգիական արդյունաբերության նախարար Մխիթար Հայրապետյանը հանդիպել է Ֆրանսիայի Զինված ուժերի նախարարության Սպառազինությունների գլխավոր տնօրինության ղեկավար Էմանուել Կիվայի հետ։ Այս մասին հայտնել են ՀՀ ԲՏԱ նախարարությունից: Քննարկման առանցքում են եղել Հայաստանի և Ֆրանսիայի ռազմարդյունաբերական համագործակցության զարգացման հեռանկարները, տեխնոլոգիական փոխանակման ծրագրերի նախաձեռնման հնարավորությունները, Հայաստանում պաշտպանական տեխնոլոգիաների զարգացմանն […] ...
