ԲՀԿ-ն կոչ է անում անհապաղ ազատ արձակել Նիկոլ Փաշինյանին, Սասուն Միքայելյանին ու Արարատ Միրզոյանին – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
05 04 2025
  • $
    391.22
  • RUBLE
    4.63
  • 431.28
WEATHER
+13.09 oC

ԲՀԿ-ն կոչ է անում անհապաղ ազատ արձակել Նիկոլ Փաշինյանին, Սասուն Միքայելյանին ու Արարատ Միրզոյանին

19:41 22.04.2018

«Բարգավաճ Հայաստան» կուսակցության քաղաքական խորհուրդը հայտարարությամբ է հանդես եկել, որում նշված է.

«Հայաստանի Հանրապետությունում ստեղծված իրավիճակը պայթունավտանգ է։ Մեր երկիրը այսօր կանգնած է պետականությանը սպառնացող լրջագույն վտանգի առջև, որը մեծանում է յուրաքանչյուր ժամի հետ։ Այսօր առավոտյան ԱԺ պատգամավորներ Նիկոլ Փաշինյանի, Սասուն Միքաելյանի և Արարատ Միրզոյանի ձերբակալությունը խաղաղ երթի ընթացքում էլ ավելի է բորբոքել հանրային դժգոհության ալիքը:

«Բարգավաճ Հայաստան» կուսակցությունը խստորեն դատապարտում է խաղաղ ցուցարարների նկատմամբ բռնի ուժի կիրառումը, ինչպես նաև բողոքի ակցիայի առաջնորդների և մասնակիցների՝ իրավական տեսակետից խոցելի հիմնավորմամբ ձերբակալությունները։ Մենք կոչ ենք անում անհապաղ ազատ արձակել ԱԺ պատգամավորներին՝ դրանով իսկ փորձելով խուսափել հնարավոր անդառնալի զարգացումներից և հետևանքներից: «Բարգավաճ Հայաստան» կուսակցությունը ևս մեկ անգամ վերահաստատում է իր դիրքորոշումն առ այն, որ ստեղծված իրավիճակը պետք է հանգուցալուծվի բացառապես խաղաղ ու բացառապես քաղաքական ճանապարհով։ Մենք անթույլատրելի ենք համարում ինչպես ուժային մեթոդները, այնպես էլ՝ վերջնագրերը, որոնք ստեղծված իրավիճակը դարձնում են փակուղային։

«ԲարգավաՃ Հայաստան» կուսակցությունը՝ որպես Հայաստանի Հանրապետության խորհրդարանի մեծությամբ երկրորդ քաղաքական ուժ, իշխանությանն ու «Իմ քայլը» նախաձեռնությանը կոչ է անում նստել բանակցությունների սեղանի շուրջ՝ անգամ առանց դրա օրակարգի նախնական համաձայնության։ Այսօր Հայաստանի Հանրապետությունում կա մեկ օրակարգային հարց, և դա ստեղծված իրավիճակը խաղաղ հանգուցալուծելու և որևէ բախում բացառելու հարցն է։ «Բարգավաճ Հայաստան» կուսակցությունը պատրաստ է իր քաղաքական և հանրային գործիքակազմի միջոցով նպաստել այդ գործընթացի կայացմանը։

Հայաստանի Հանրապետության պետականությունը թանկ է որևէ քաղաքական նպատակից և շահից։ Հայաստանի Հանրապետության պետականությունը բացարձակ ու անբեկանելի արժեք է, որը պահպանելու սրբազան պարտք ունենք բոլորս»:

 
Բոլոր լուրերը

Կապակցված լուրեր

Axios. Նեթանյահուն ծրագրում է հանդիպել Թրամփի հետ Վաշինգտոնում ապրիլի 7-ին

11:00 05.04.2025

Axios. Նեթանյահուն ծրագրում է հանդիպել Թրամփի հետ Վաշինգտոնում ապրիլի 7-ին

Իսրայելի վարչապետ Բենիամին Նեթանյահուն ծրագրում է երկուշաբթի օրը այցելել Վաշինգտոն՝ հանդիպելու ԱՄՆ նախագահ Դոնալդ Թրամփի հետ։ Այս մասին հայտնում է Axios պորտալը՝ հղում կատարելով սեփական աղբյուրներին։ Կողմերը կքննարկեն ԱՄՆ-ի սահմանած ներմուծման մաքսատուրքերը, Իրանի միջուկային ծրագիրը եւ Գազայի հատվածում տիրող իրավիճակը։ Axios-ը նշում է, որ ճանապարհորդությունն, ի սկզբանե, նախատեսված էր ապրիլի կեսերին: Պորտալի զրուցակիցները հայտնել են, […] ...

Ցրտահարություններ չեղան և չեն սպասվում․ Գագիկ Սուրենյան

10:52 05.04.2025

Ցրտահարություններ չեղան և չեն սպասվում․ Գագիկ Սուրենյան

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը Ֆեյսբուքյան իր էջում գրել է․ «Այս տարվա ամենալավ կողմը՝ ցրտահարություններ չեղան և չեն սպասվում»։ ...

ԱՄՆ-ում ՀՀ դեսպանությունը ներկա է գտնվել Քենեդի կենտրոնում STARMUS-ի կողմից կազմակերպված միջոցառումներին

10:47 05.04.2025

ԱՄՆ-ում ՀՀ դեսպանությունը ներկա է գտնվել Քենեդի կենտրոնում STARMUS-ի կողմից կազմակերպված միջոցառումներին

Ապրիլի 1-ին և 2-ին ԱՄՆ-ում ՀՀ դեսպանությունը ներկա է գտնվել Քենեդի կենտրոնում «STARMUS»-ի կողմից կազմակերպված միջոցառումներին։ Այս մասին հայտնում են ԱՄՆ-ում ՀՀ դեսպանությունից։ «Ապրիլի 2-ին տեղի է ունեցել «STARMUS VI» ֆիլմի ամերիկյան պրեմիերան: Նախքան ֆիլմի պրեմիերան «STARMUS» փառատոնի համահիմնադիրներ և «STARMUS VI» ֆիլմի պրոդյուսերներ Գարիկ Իսրայելյանը և Թոդ Միլլերը հանդես են եկել ամփոփ ելույթներով՝ ներկաներին […] ...

Ստեփանծմինդա-Լարս ավտոճանապարհը բաց է

10:40 05.04.2025

Ստեփանծմինդա-Լարս ավտոճանապարհը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

Առաջարկ էի ստացել «Ռեալից», բայց մտածում էի «Բարսելոնայի» մասին․ Ռունիի խոստովանությունը

10:30 05.04.2025

Առաջարկ էի ստացել «Ռեալից», բայց մտածում էի «Բարսելոնայի» մասին․ Ռունիի խոստովանությունը

«Մանչեսթեր Յունայթեդի» բոլոր ժամանակների գլխավոր ռմբարկու Ուեյն Ռունին խոստովանել է, որ Մադրիդի «Ռեալ» տեղափոխվելու տարբերակ է ունեցել, հաղորդում է BBC-ին: «2010 թվականին «Մանչեսթեր Յունայթեդին» ասացի, որ չեմ ցանկանում նոր պայմանագիր ստորագրել: Այդ ժամանակ երեք ակումբից առաջարկ ստացա: Շատ է խոսվում, որ առաջարկ եմ ունեցել «Մանչեսթեր Սիթիից», բայց երբեք նրանց տարբերակը չէի դիտարկի: Իրական առաջարկներ ստացել […] ...

Արգենտինայի նախկին նախագահը Զելենսկիին ծաղրածու է անվանել

10:25 05.04.2025

Արգենտինայի նախկին նախագահը Զելենսկիին ծաղրածու է անվանել

Արգենտինայի նախկին նախագահ Քրիստինա Ֆերնանդես դե Կիրշները պետության ներկայիս ղեկավար Խավիեր Միլեին համեմատել է Վլադիմիր Զելենսկիի հետ, քանի որ նա կարևորում է Միացյալ Նահանգների հետ հարաբերությունները։ «Նայեք ծաղրածու Զելենսկիի արտացոլմանը Օվալաձև աշխատասենյակում և մտածեք, թե ինչ պատահեց նրա հետ, երբ նա այլևս ոչ մեկի կարիքը չուներ»,-գրել է նա X-ում: Նա նախատել է Միլեին այն բանի […] ...

BACK_TO_TOP