Շիրակի մարզի ընդհանուր իրավասության Աշոցքի դատարանի կարգադրիչները մի քանի ժամով փակել էին Գյումրի-Բավրա միջպետական ճանապարհը

Հոկտեմբերի 2-ին, Շիրակի մարզի ընդհանուր իրավասության Աշոցքի դատարանի 7 կարգադրիչներով  գործադուլ են արել՝ փակելով Գյումրի-Բավրա միջպետական ավտոճանապարհը: Նրանք բողոքում էին Բարձրագույն դատական խորհրդի ընդունած նոր որոշման դեմ, համաձայն որի՝ 7 կարգադրիչները տեղափոխվելու են աշխատանքի Գյումրի՝ մարզի ընդհանուր իրավասության դատարան։ Մարզի առաջին ատյանի Աշոցքի դատարանը ունի մեկ նախագահ և 7 կարգադրիչ: Երեք օր առաջ կարգադրիչները ծանուցում են ստացել, որ Բարձրագույն դատական խորհրդի որոշմամբ՝ հոկտեմբերի մեկից իրենք տեղափոխվելու են աշխատանքի Գյումրի՝ մարզի ընդհանուր իրավասության դատարան:

Համաձյան որոշման՝ հոկտեմբերի մեկից արդեն պետք է աշխատանքի անցած լինեին Շիրակի մարզի ընդհանուր իրավասության դատարանում: Բայց 7 կարգադիչներով հրաժարվում են տեղափոխվել՝ հիմնավորելով, որ ճանապարհը երկար է, ֆինանսական ու այլ խնդիրներ կան: Ամեն օր Աշոցքից -Գյումրի հասնելը դժվար է, աշխատավարձն էլ ցածր է։SHANTNEWS.am-ի հետ զրույցում դժգոել են կարգադրիչները։

«Մենք չենք կարող գնալ Գյումրի, նախ ֆինանսականը չի ներում․ հետո էլ ճանապարհը, դուք շատ լավ գիտեք ինչ վիճակի ճանապարհ ունենք։ Մեծ խնդիր է նաև ձմռան ամիսներին Գյումրի հասնելը, 6 ամիս այստեղ ձմեռ է, իսկ որ ճանապարհ է փակվում, մենք ավելի վատ վիճակում ենք հայտնվում, ու չենք կարողանա աշխատանքի հասնել»,- մեր թղթակցի հետ զրույցում ասել է կարգադրիչներից Զորայր Մարտիրոսյանը։

«Մենք ինչ աշխատավարձ ենք ստանում, որ Աշոցքից Գյումրի հասնենք։ 80 հազար դրամ ենք ստանում, ու ի՞նչ է նշանակում՝ պետք է գնանք Գյումրի աշխատենք, իսկ  ինչպես է լուծվելու մեր ճանապարհածախսի խնդիրը։ Մենք Գյումրիում աշխատողը չենք, հազար խնդիրներ կան , թող լուծեն՝ կմտածենք »,- ասել է Գուրգեն Գալստյանը։

Արդեն 4 տարի է՝ Աշոցքի դատարանում նիստեր էլ չեն անում, իսկ դատարանի նախագահ Սուրեն Մնացյանը հրաժարվել է այստեղ նիստեր վարել : Պատճառը շենքային պայմաններն են։ 1985 թվականին կառուցված ու շահագործման հանձնած դատարանի եռահարկ շենքը կիսախարխուլ վիճակում է, պատկերն ավելի վատն է նիստերի դահլիճում:

«Մեր նիստերի դահլիճը չենք էլ օգտագործում, անմխիթար վիճակում է։ Դատավարողն անգամ նիստի չի գալիս արդեն 4 տարի։ Մենք դատավոր չենք տեսել 4 տարի, բայց ինչի՞ համար, եթե մենք դատարան ունենք, մեր դատավորը չի գալիս, մեզ համար պայման կա, իրա համար չկա՞ »,- ասել են դատարանի  կարգադրիչները։

Դատական նիստեր չեն եղել , բայց կարգադրիչները շարունակել են աշխատել , ավելին՝ շենքի պահպանությամբ էլ են զբաղվել: Հիմա, երբ նրանց ոչ թե կրճատում են, այլ տեղափոխում Գյումրի, 7 կարգադրիչներով չեն համաձայնում՝ ասելով , որ Աշոցքի դատարանը այս դեպքում կլուծարվի:

Կարգադրիչները Աշոցք -Գյումրի միջպետական ճանապարհը համաձայնեցին բացել այն բաինց հետո, երբ իրենց ընդունելու, խնդիրը քննարկելու հրավիրվեց Շիրակի մարզի ընդհնաուր իրավասության դատարանի նախագահը:

Հանդիպումը փակ էր, որից հետո կարգադրիչները հայտնեցին, որ դատարանի նախագահը վստահեցրել է, որ հարցը կներկայացնի Բարձրագույն դատական խորհրդում: Իսկ մինչև հարցի լուծումը կարգադրիչները չեն ներկայանա աշխատանքի :

Աշոցքի դատարանն զբաղվում է միայն քաղաքացիական գործերի քննությամբ և սպասարկում է նաև Ամասիայի տարածաշրջանի բնակչությանը: