22:08 02.04.2025
Ապրիլի 12-ին և 13-ին Մոսկվայի «Արարատ Պարկ Հայաթթ Մոսկվա» 5 աստղանի հյուրանոցում տեղի կունենա հայկական անշարժ գույքի առաջին ցուցահանդեսը, որտեղ կներկայացվեն Հայաստանի լավագույն նորակառույցները (որի ընդհանուր կապիտալիզացիան կկազմի մոտ 2 միլիարդ դոլար)։ Սա թերևս առաջին անգամը կլինի, երբ կմասնակցեն նաև 5 համաշխարհային բրենդներ, որոնք արդեն իսկ սկսել են իրենց գործունեությունը Հայաստանում: Դրանցից են՝ Kempinski-ն , Pullman-ը, Movenpick-ը , Milano Firenze-ն և Novotel-ը։ Այս մասին հայտնել է Business Partners of Armenia ընկերության ղեկավար Վրույր Փենեսյանը։
«Մենք շատ ենք կարևորում այս բրենդների ներկայությունը թե՛ Հայաստանում, թե՛ միջոցառմանը, քանի որ նրանք իրենց գործունեությամբ արդեն իսկ նոր միջազգային ամենաբարձր ստանդարտներին համապատասխան մշակույթ են բերում Հայաստան: Դա չի կարող դրական ազդեցություն չունենալ ամբողջ շուկայի վրա։ Այն նաև կարևոր ցուցիչ է Հայաստանի ներդրումային դաշտի գրավչության և կայունության։ Կարևոր է նաև, որ միջոցառմանը, Երևանից բացի, կլինեն պրոյեկտներ Հայաստանի ամենապահանջված տուրիստական վայրերից, ինչպիսիք են Մայլեռ Մաունթին ռեզորթը՝ Ապարանում, Movenpick և Novotel-ը՝ Ծաղկաձորում և Allure Residence-ը՝ Դիլիջանում»,- նշել է նա:
Վրույր Փենեսյանը վստահություն է հայտնել, որ Երևանի ամենագեղեցիկ շենքերը հետաքրքրություն կառաջացնեն Ռուսաստանի խստապահանջ հաճախորդների մոտ, որոնցից են ՝ Amanoo Sarin-ը, Skyline-ը, Ayvazovski-ն, Dalan technopark-ը, HEVN-ը, Ember-ը, Հին Երևան-ը, Amanoo Ivy -ն, Amiryan Residence-ը, InTown-ը, Ֆիրդուս 33 թաղամասի նորակառույցները, Shant Residence-ը և Argishti Residence-ը և մի շարք այլ շենքեր։
«Միջոցառմանը ներկա կլինի նաև Հայաստանի ամենահայտնի ու բարձրակարգ Kulthome ճարտարապետադիզայներական ընկերությունը, որը բնակարանի գնորդներին կառաջարկի իր նախագծային և դիզայներական ծառայությունները՝ գնորդների համար էլ ավելի հարմար պայմաններ ստեղծելով»,- տեղեկացրեց նա:
Հայկական բանկերը միջոցառման շրջանակում կառաջարկեն իրենց հիփոթեքային վարկավորման հատուկ պայմանները: IDBank-ը կառաջարկի հիփոթեքային վարկավորման հատուկ պայմաններ նաև ոչ ռեզիդենտների համար` ավելի դյուրին դարձնելով Հայաստանում անշարժ գույքի ձեռքբերումը։
«Հայաստանը սպասում է ձեզ»,- եզրափակել է Վրույր Փենեսյանը։
14:07 04.04.2025
Փաշինյանը հյուրընկալել է Վիետնամի ԱԺ նախագահի գլխավորած պատվիրակությանըՎարչապետ Նիկոլ Փաշինյանն հյուրընկալել է պաշտոնական այցով Հայաստանում գտնվող Վիետնամի Սոցիալիստական Հանրապետության Ազգային ժողովի նախագահ Չան Թան Մանի գլխավորած պատվիրակությանը: Վարչապետը ողջունել է Չան Թան Մանի այցը Հայաստան և ընդգծել Վիետնամի հետ բարեկամական հարաբերությունների զարգացման կարևորությունը: Նիկոլ Փաշինյանը նշել է, որ երկու երկրների միջև բարձր մակարդակի փոխայցելությունները վկայում են երկկողմ հարաբերությունների հետագա խորացման և ընդլայնման […] ...
14:03 04.04.2025
Վիգեն Մեսրոպյանը նշանակվել է «ՀՀ ՔԿ փորձաքրեագիտական կենտրոն» ՊՈԱԿ-ի տնօրենՎիգեն Մեսրոպյանը նշանակվել է «Հայաստանի Հանրապետության քննչական կոմիտեի փորձաքրեագիտական կենտրոն» պետական ոչ առևտրային կազմակերպության տնօրենի պաշտոնում։ Վիգեն Մանուկի Մեսրոպյանի կենսագրությունը Ծնվել է 1974թ. մարտի 02-ին, Վեդի քաղաքում: Աշխատանքային գործունեություն 2024-2025թթ.՝ «Հայաստանի Հանրապետության քննչական կոմիտեի փորձաքրեագիտական կենտրոն» պետական ոչ առևտրային կազմակերպության տնօրենի ժամանակավոր պաշտոնակատար, 2022-2024թթ.՝ ՀՀ քննչական կոմիտեի նախագահի տեղակալ, 2020-2022թթ.՝ ՀՀ քննչական կոմիտեի տարածքային քննչական […] ...
13:52 04.04.2025
Պարույր Հովհաննիսյանն ազատվել է ԱԳ նախարարի տեղակալի պաշտոնիցՀՀ վարչապետ Նիկոլ Փաշինյանի որոշմամբ՝ Պարույր Հովհաննիսյանն ազատվել է ԱԳ նախարարի տեղակալի պաշտոնից: «Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Պարույր Հովհաննիսյանին ազատել արտաքին գործերի նախարարի տեղակալի պաշտոնից»,- նշված է որոշման տեքստում: ...
13:48 04.04.2025
Քրեակատարողական հիմնարկի ծառայողները դատարանից վերադարձված կալանավորված անձի մոտից հայտնաբերել են բջջային հեռախոսՀՀ արդարադատության նախարարության «Արմավիր» քրեակատարողական հիմնարկի ծառայողներն ապրիլի 2-ին՝ ժամը 19։40-ի սահմաններում, ըստ սահմանված կարգի, ամբողջական խուզարկության են ենթարկել դատարանից վերադարձված կալանավորված անձ Լ․Ա․-ին։ Վերջինիս գոտկատեղում պատրաստված թաքստոցից ծառայողները հայտնաբերել են բջջային հեռախոս։ Դեպքի առթիվ ձեռնարկվել են համապատասխան միջոցառումներ։ ...
13:39 04.04.2025
Ռուբիոն երաշխիքներ է տվել, որ ԱՄՆ-ը զիջումների չի գնա Ռուսաստանի հետ բանակցություններում․ ԿալլասԵՄ դիվանագիտության ղեկավար Կայա Կալլասը պնդում է, որ ԱՄՆ պետքարտուղար Մարկո Ռուբիոն Բրյուսելում ունեցած զրույցների ժամանակ «երաշխիքներ է տվել», որ ԱՄՆ-ը Ռուսաստանի հետ բանակցություններում չի գնա զիջումների, որոնք հակասում են Ուկրաինայի և Եվրամիության շահերին։ Ապրիլի 3-ին և 4-ին Բրյուսելում տեղի է ունենում ՆԱՏՕ-ի արտգործնախարարների հանդիպումը, որին առաջին անգամ մասնակցում է ԱՄՆ պետքարտուղար Մարկո Ռուբիոն։ «Շեշտվեց, […] ...
13:30 04.04.2025
Գևորգ Խաչատրյանը նշանակվել է ՀՀ քննչական կոմիտեի նախագահի խորհրդականԳևորգ Խաչատրյանը նշանակվել է ՀՀ քննչական կոմիտեի նախագահի խորհրդական։ Գևորգ Սերյոժայի Խաչատրյանի կենսագրությունը Ծնվել է 1982 թվականի հունվարի 16-ին, Կիրովական քաղաքում: Աշխատանքային գործունեություն 2023-2025թթ.՝ «Գազպրոմ Արմենիա» ՓԲԸ-ի Լոռու գազաֆիկացման և գազամատակարարման մասնաճյուղի գլխավոր հաշվապահ, 2021-2023թթ.՝ «Նորման կրեդիտ» ՈՒՎԿ ՓԲԸ-ի Վանաձորի մասնաճյուղի կառավարիչ, 2013թ-ից մինչ օրս` «Վանաձորի Հ.Թումանյանի անվան պետական համալսարան» հիմնադրամի դասախոս, 2009-2010թթ.՝ «Նոր Հորիզոն» […] ...
