Վուչիչն ասել է, որ համաշխարհային առաջնորդները գաղտնի բանակցություններ են վարում Պուտինի հետ

Աշխարհի մի քանի առաջնորդներ գաղտնի բանակցություններ են վարել Ռուսաստանի նախագահ Վլադիմիր Պուտինի հետ։ Այս մասին հայտարարել է Սերբիայի նախագահ Ալեքսանդր Վուչիչը։

«Ես Պուտինին երեք տարի չեմ տեսել, իսկ նրանցից շատերը (համաշխարհային առաջնորդներ) գաղտնի խոսել են նրա հետ: Եվ ես գիտեմ առնվազն երկու ազդեցիկ առաջնորդների, ովքեր գաղտնի խոսել են նրա հետ», – ասել է նա բլոգեր Մարիո Նաուֆալի հետ հարցազրույցում:

Վուչիչը պարզաբանել է, որ վերջին անգամ ՌԴ նախագահի հետ հանդիպել է 2021 թվականի նոյեմբերի 25-ին Սոչիում։ Նրանց հաջորդ հանդիպումը նախատեսված է մայիսի 9-ին, հավելել է նա։

Ինչպես մարտի 7-ին հայտնել է Կրեմլի մամուլի ծառայությունը, Վուչիչը հաստատել է, որ կգա Մոսկվա՝ նշելու Հաղթանակի 80-ամյակը, ինչպես նաև կուղարկի Սերբիայի զինված ուժերի ստորաբաժանումը՝ մասնակցելու մայիսի 9-ին կայանալիք շքերթին։