23:59 25.03.2025
ՀՀ բարձր տեխնոլոգիական արդյունաբերության նախարար Մխիթար Հայրապետյանը նախարարի տեղակալ Ռուբեն Սիմոնյանի հետ մարտի 24-ին այցելել է Quantori ընկերություն, որը մասնագիտացած է կենսագիտության և առողջապահության ոլորտներում ծրագրային ապահովման, ալգորիթմների և տվյալների մշակման գործում։
Այցի շրջանակում նախարարը, ընկերության փոխնախագահ և հայաստանյան գրասենյակի ղեկավար Արտյոմ Խոզյաինովի ուղեկցությամբ, շրջայց է կատարել գրասենյակում, ծանոթացել ընկերության գործունեության առանձնահատկություններին, աշխատանքային պայմաններին։
Արտյոմ Խոզյաինովը ներկայացրել է «Քվանտորի»-ի գործունեությունը և ռազմավարական առաջնահերթությունները՝ ընդգծելով, որ Հայաստանը նպաստավոր միջավայր է տեխնոլոգիական ոլորտում գործունեություն ծավալելու համար։ Քննարկվել է որակյալ կադրերի առկայության կարևորությունը, ինչը ընկերության առաջնային խնդիրներից է։ Այդ նպատակով ստեղծվել է «Քվանտորի»-ի ակադեմիան, որը մասնագետներ է պատրաստում և վերապատրաստում ոլորտի գրեթե բոլոր ուղղություններով՝ բավարարելով ինչպես ընկերության, այնպես էլ ներքին շուկայի պահանջարկը։
Նախարար Մխիթար Հայրապետյանը կարևորել է պետություն-մասնավոր համագործակցության դերը և վերահաստատել նախարարության հանձնառությունը՝ ստեղծելու բարենպաստ միջավայր տեխնոլոգիական ընկերությունների զարգացման և առաջընթացի համար։
Ընդգծվել է, որ վերջին տարիներին Հայաստանը դարձել է նորարարական և տեխնոլոգիական բիզնեսների զարգացման գրավիչ ուղղություն, ինչը մեծապես պայմանավորված է կառավարության կողմից իրականացվող նախաձեռնություններով։
Քննարկվել են նաև ոլորտի առկա մարտահրավերները, գիտահետազոտական գործունեության ընդլայնման հնարավորությունները, տեխնոլոգիական ոլորտում Հայաստանի դիրքերի ամրապնդմանն ուղղված քայլերը, ինչպես նաև առաջացած խնդիրների լուծման ուղիները։ Նախարարը շեշտել է, որ պետությունն իրականացնում է տարբեր ծրագրեր՝ խթանելով Հայաստանում գործող բարձր տեխնոլոգիական ընկերությունների գործունեությունը ինչպես տեղական, այնպես էլ միջազգային շուկաներում։
Այս համատեքստում կողմերը քննարկել են «Բարձր տեխնոլոգիաների ոլորտի պետական աջակցության մասին» օրենքի ընձեռած հնարավորությունները, ոլորտի զարգացման ռազմավարությունը, Ինժեներական քաղաքում գործունեություն ծավալելու առանձնահատկությունները, փոքր և միջին բիզնեսի զարգացմանն ուղղված ծրագրերը, ինչպես նաև մի շարք այլ կարևոր հարցեր։
Այցի ընթացքում ձեռք են բերվել կոնկրետ պայմանավորվածություններ, որոնք հնարավորություն կտան խորացնելու համագործակցությունն ու նոր հնարավորություններ ստեղծելու տեխնոլոգիական էկոհամակարգի զարգացման համար։
«Քվանտորի»-ի գրասենյակը Հայաստանում բացվել է 2022 թվականի մարտին։ Ընկերության գործունեությունն ընդգրկում է գիտական ինֆորմատիկայի, լաբորատոր ինֆորմատիկայի, տվյալագիտության (Data Science), բարձր արտադրողականությամբ հաշվարկների (High Performance Computing) և արհեստական բանականության (AI) ոլորտները։ «Քվանտորի»-ն գրասենյակներ ունի նաև Բոսթոնում, Թբիլիսիում և Աստանայում։
17:08 29.03.2025
Մանկուց սիրել եմ պատրաստել զարդեր․ Լուսինե Հարությունյանը ստեղծում է արծաթյա յուրօրինակ զարդերՆկարիչ և զարդագործ Լուսինե Հարությունյանը ստեղծում է արծաթյա յուրօրինակ զարդեր՝ օգտագործելով հայկական մանրանկարչության դետալները։ Մանրամասները՝ Կառավարության տեսանյութում։ ...
17:00 29.03.2025
«Ռեալի» հանդեպ նրա հակակրանքն ինձ չի զարմացնում․ Անչելոտին՝ Լա լիգայի նախագահի մասինՄադրիդի «Ռեալի» գլխավոր մարզիչ Կառլո Անչելոտին պատասխանել է Լա լիգայի նախագահ Խավիեր Տեբասի հայտարարությանը: ««Ռեալի» հանդեպ նրա հակակրանքն ինձ չի զարմացնում, բայց մարզիչների նկատմամբ նման վերաբերմունքը նորություն էր: Լավ կլինի, որ նա կենտրոնանա իր գործերի վրա, որովհետև նա չի հարգում ոչ «Ռեալին», ոչ էլ մարզիչներին»,- իտալացի մասնագետի խոսքերը մեջբերում է As-ը: Ավելի վաղ Տեբասը անուղղակիորեն […] ...
16:50 29.03.2025
Մյանմայում երկրաշարժի հետևանքով զոհերի թվում ՀՀ քաղաքացիներ լինելու վերաբերյալ տվյալներ չկանՄյանմայում տեղի ունեցած երկրաշարժի հետևանքով զոհվածների շրջանում Հայաստանի Հանրապետության քաղաքացիներ լինելու վերաբերյալ տվյալներ չկան: «Արմենպրես»-ի հետ զրույցում այս մասին հայտնել է ԱԳՆ մամուլի քարտուղար Անի Բադալյանը։ Մարտի 28-ին Մյանմայում տեղի է ունեցել երկու հզոր երկրաշարժ՝ համապատասխանաբար 7․7 և 6․4 մագնիտուդով։ Ցնցումները զգացվել են նաև հարևան Թաիլանդում, ինչպես նաև Չինաստանում, Կամբոջայում, Բանգլադեշում և Հնդկաստանում։ Վերջին տվյալներով՝ երկրաշարժերի […] ...
16:40 29.03.2025
Արդյո՞ք խաղաղության պայմանագիրը կբացառի նոր պատերազմի վտանգը. Հեռանկար բանավեճԽաղաղ համաձայնագրի տեքստը համաձայնեցված է: Կստորագրվի՞ այն, թե՞՝ ոչ: Արդյո՞ք պետք են միջնորդներ ու երաշխավորներ: Կբացառի՞ արդյոք փաստաթուղթը նոր պատերազմի վտանգը: Ո՞ր սահմաններում է ճանաչվում Հայաստանի տարածքային ամբողջականությունը: Այս և այլ հարցերի մասին «Հեռանկար բանավեճ»-ի տաղավարում իրենց կարծիքն են հայտնել քաղաքագետ Ռոբերտ Ղևոնդյանը և քաղաքական գործիչ Հայկ Խանումյանը։ Մանրամասները՝ տեսանյութում: ...
16:17 29.03.2025
ԱՄՆ դատարանը ժամանակավորապես արգելափակել է «Ամերիկայի Ձայնի» փակման փորձերըՄանհեթենի ԱՄՆ շրջանային դատարանի դատավոր Ջեյ Փոլ Էթքենը որոշում է կայացրել ժամանակավորապես դադարեցնել ԱՄՆ նախագահ Դոնալդ Թրամփի վարչակազմի՝ «Ամերիկայի Ձայն» (Voice of America, VOA) լրատվական ծառայությունը փակելու փորձերը։ «Արմենպրես»-ի հաղորդմամբ՝ այս մասին հայտնում է The New York Times-ը։ Այս որոշումը կանխում է 1,300 լրագրողների և այլ աշխատակիցների աշխատանքից ազատումը, որոնք ավելի վաղ այս ամսվա ընթացքում […] ...
16:02 29.03.2025
Ռոմարիոյի որդին Վինիսիուսի նախկին ընկերուհու հետ տեղափոխվել է ԿիևԲրազիլացի լեգենդար ֆուտբոլիստ Ռոմարիոյի որդի Ռոմարինյոն հանդես կգա Ուկրաինայի առաջին լիգան ներկայացնող ՅՈՒԿՍ ակումբում։ Այս մասին հայտնում է sport.ua-ն: Երիտասարդ ֆուտբոլիստը Կիև է ժամանել իր ընկերուհու՝ Բիա Միշելի հետ, որը նախկինում հանդիպում էր Մադրիդի «Ռեալի» հարձակվող Վինիսիուս Ժունիորի հետ: Նա հանրահայտ բլոգեր ու պարուհի է և Ինստագրամում ունի 1.6 միլիոն հետևորդ: View this post […] ...
