16:22 14.03.2025
ՀՀ կրթության, գիտության, մշակույթի և սպորտի նախարար Ժաննա Անդրեասյանը շրջել է Հայաստանի ազգային պատկերասրահի 8-րդ հարկում տեղակայված Մշակույթի զարգացման հիմնադրամի տարածքում, ծանոթացել կառույցի աշխատանքային պայմաններին ու գործունեության ընթացքին:
Այցին մասնակցել է նաև ԿԳՄՍ նախարարի տեղակալ Ալֆրեդ Քոչարյանը:
Շրջելով տարածքում՝ նախարարը հետաքրքրվել է աշխատակազմի գործունեությամբ, ընթացիկ խնդիրներով, նոր միջավայրում աշխատանքային տրամադրվածությամբ և այլ հարցերով:
Ժաննա Անդրեասյանի խոսքով՝ Մշակույթի զարգացման հիմնադրամի գործարկման միջոցով փորձ է արվում բարձրացնել թանգարանների կառավարման արդյունավետությունը: Մասնավորապես՝ նախատեսվում է ԿԳՄՍՆ ենթակայությամբ գործող թանգարանների վարչատնտեսական կառավարումը պատվիրակել հիմնադրամին։
«Մենք կարևորում ենք թանգարանների մարքեթինգային միասնական քաղաքականությունը, որը կնպաստի թանգարանների տեսանելիության բարձրացմանը և կխթանի այցելուների թվի աճին: Հիմնադրամն այժմ իրականացնում է որոշ թանգարանների բրենդավորման և մարքեթինգային ռազմավարությունների մշակում: Այս ուղղությամբ դեռ շատ աշխատանքներ կան անելու, բայց առաջիկայում արդեն իսկ կտեսնենք մարքեթինգային նոր քաղաքականության առաջին արդյունքները։ Նոր քաղաքականության առանձին ու կարևոր մաս է դիտվում թանգարաններում հուշանվերների վաճառքի ավելի համակարգված կազմակերպումը, քննարկվում են նաև մասնավորի հետ համագործակցության հնարավորությունները՝ հուշանվերների արտադրության և վաճառքի նորովի վերապլանավորվման առումով»,- ասել է Ժաննա Անդրեասյանը՝ հավելելով, որ այդ նպատակով համապատասխան իրավական կարգավորումներն արդեն ապահովված են:
Ըստ նրա՝ թանգարաններում վաճառվող հուշանվերները թողարկվում են այնտեղ պահվող մշակութային արժեքների հիմքով, հետևաբար դրանք նաև հանրահռչակում են թանգարանային հավաքածուները: Հուշանվերների վաճառքի առանձին հատված կգործի նաև թանգարանների միասնական տոմսային էլեկտրոնային համակարգում:
Նախարարը Մշակութային զարգացման հիմնադրամի գործունեությունը կարևորել է նաև թանգարանների միջազգային համագործակցության խթանման տեսանկյունից՝ նշելով, որ այդ ուղղությամբ պլանավորվում են համատեղ ցուցադրություններ ու տարբեր ծրագրեր հեղինակավոր թանգարանների հետ:
Հանդիպման շրջանակում քննարկվել են նաև հիմնադրամի զարգացման ընթացիկ և հեռահար ծրագրերը, նախանշվել դրանց ուղղությամբ իրականացվող աշխատանքները:
19:47 14.03.2025
Մեկնարկել է Մանուշյանական շաբաթը
22:46 14.03.2025
Բրազիլիան Հայաստանին և Ադրբեջանին հորդորում է հետամուտ լինել դիվանագիտությանը և երկխոսությանը՝ որպես կայուն խաղաղության ճանապարհԲրազիլիայի կառավարությունը ողջունում է Հայաստանի և Ադրբեջանի կառավարությունների հայտարարությունը համաձայնագրի շուրջ բանակցությունների ավարտի մասին: Այս մասին նշվում է Բրազիլիայի ԱԳ նախարարության տարածած հաղորդագրության մեջ: «Բրազիլիայի կառավարությունը ողջունում է Հայաստանի և Ադրբեջանի կառավարությունների հայտարարությունը համաձայնագրի շուրջ բանակցությունների ավարտի մասին, որն իրագործվելուց հետո կվերականգնի խաղաղությունը երկրների միջև և կկարգավորի երկկողմ հարաբերությունները։ Բրազիլիան խրախուսում է կողմերին հետամուտ լինել […] ...
22:35 14.03.2025
ՆԱՏՕ-ն անհամբերությամբ է սպասում Հայաստանի ու Ադրբեջանի միջև պայմանագրի ստորագրմանըՆԱՏՕ-ն ողջունում է Հայաստանի և Ադրբեջանի միջև խաղաղության համաձայնագրի շուրջ բանակցությունների ավարտը և հույս հայտնում, որ պայմանագիրը շուտով կստորագրվի և կվավերացվի։ Այս մասին ՆԱՏՕ-ի խոսնակ Էլիսոն Հարթը գրել է X-ի միկրոբլոգում: «Մենք ողջունում ենք Հայաստանի և Ադրբեջանի միջև խաղաղության համաձայնագրի շուրջ բանակցությունների ավարտը և անհամբերությամբ սպասում ենք պայմանագրի ստորագրմանը և վավերացմանը։ Սա նշանակալի քայլ է […] ...
22:22 14.03.2025
Հրշեջ-փրկարարները մարել են Լոռու մարզում բռնկված հրդեհըՄարտի 14-ին, ժամը 12:56-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ հրդեհ է նկատվում «Սալարդ» կոչվող տարածքից դեպի Լալվար լեռ ընկած հատվածում։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 15։27-ին, մարվել՝ 18։20-ին։ Այրվել է խոտածածկույթ։ Հրշեջ-փրկարարները կանխել են հրդեհի տարածումը […] ...
22:12 14.03.2025
Իջևան համայնքում հետևեցի փողոցների սալիկապատման և ասֆալտապատման աշխատանքների ընթացքին. ՏԿԵ նախարարՀՀ ՏԿԵ նախարար Դավիթ Խուդաթյանը Ֆեյսբուքի էջում տեղեկացրել է, որ Իջևան համայնքում հետևել է փողոցների սալիկապատման և ասֆալտապատման աշխատանքների ընթացքին: Մանրամասները՝ տեսանյութում: ...
21:55 14.03.2025
Գլխավոր հարկադիր կատարողն այցելել է ՀԿԱԾ Շիրակի և Լոռու մարզային բաժիններԳլխավոր հարկադիր կատարող Սիրո Ամիրխանյանն այսօր աշխատանքային այց է կատարել Ծառայության Շիրակի և Լոռու մարզային բաժիններ, տեղում անցկացրել աշխատանքային խորհրդակցություն։ Այս մասին նշվում է Հարկադիր կատարումն ապահովող ծառայության հայտարարության մեջ: Գլխավոր հարկադիր կատարողը մարզային բաժինների աշխատակացիների հետ ընթացիկ հարցերի քննարկման ժամանակ հատուկ շեշտադրել է քաղաքացիների հետ բարեկիրթ ու գրագետ հաղորդակցությունը, կատարողական վարույթի շրջանակում կատարողական գործողությունների […] ...
