19:49 05.03.2025
ՄԱԿ-ի Կենսաբանական բազմազանության մասին կոնվենցիայի գործադիր քարտուղար Աստրիդ Շոմեյքերի Հայաստանի Հանրապետություն այցի շրջանակում այսօր ՄԱԿ-ի հայաստանյան գրասենյակում տեղի է ունեցել հանդիպում շրջակա միջավայրի պահպանության հարցերով զբաղվող անհատների, բնապահպանական, հասարակական կազմակերպությունների և նախաձեռնող խմբերի ներկայացուցիչների հետ։
Հանդիպման ընթացքում կոնվենցիայի գործադիր քարտուղարը ներկայացրել է COP17-ի կազմակերպման վերաբերյալ քարտուղարության պատկերացումները, անելիքները և այդ ամենին քաղհասարակության ներկայացուցիչների մասնակցության ձևաչափերը։
Քննարկվել են Կենսաբանական բազմազանության մասին ՄԱԿ-ի կոնվենցիայի շրջանակում ձեռնարկվող միջոցառումները, ինչպես նաև ազգային և միջազգային մակարդակներում բնապահպանական քաղաքականության և գործողությունների նոր հնարավորությունները։ Աստրիդ Շոմեյքերը շեշտել է, որ կենսաբազմազանության պահպանման խնդիրները պահանջում համատեղ ջանքեր, և կարևոր է տարբեր շահագրգիռ կողմերի համագործակցությունը։ Նա ընդգծել է, որ բնապահպանական կազմակերպությունների ու հասարակական նախաձեռնությունների ներդրումը COP17-ի շրջանակում կարող է ծառայել որպես խթան նոր գաղափարների ու լուծումների համար։
Հանդիպման ընթացքում ելույթով հանդես է եկել նախարարի տեղակալ Արամ Մեյմարյանը, ով շնորհակալություն է հայտնել հասարակական կազմակերպությունների ներկայացուցիչներին բնապահպանական խնդիրները մշտապես ուշադրության կենտրոնում պահելու և արդյունավետ համագործակցության համար։
Բնապահպանական, հասարակական կազմակերպությունների ներկայացուցիչները խոսել են իրենց կողմից իրականացվող ծրագրերից և նախագծերից և հարցուպատասխան ունեցել համաժողովին իրենց մասնակցության և ներգրավվածության վերաբերյալ։
15:08 06.03.2025
2024 թվականին նախորդ տարվա նույն ժամանակահատվածի համեմատ տնտեսական ակտիվության աճ է գրանցելՀայաստանում 2024 թվականի հունվար–դեկտեմբերին նախորդ տարվա նույն ժամանակահատվածի համեմատ տնտեսական ակտիվության էական աճ է գրանցել։ Վերոնշյալ ժամանակահատվածում տնտեսական ակտիվության ցուցանիշը կազմել է 8.0%: ...
15:05 06.03.2025
«Եվրոպական ժառանգության երիտասարդ կերտողներ»․ հայ պատանիները հաղթողների հնգյակում են«Եվրոպական ժառանգության օրեր» ծրագրի շրջանակում օրերս կայացել է «Եվրոպական ժառանգության երիտասարդ կերտողներ» մրցույթի համաեվրոպական ժյուրիի քվեարկությունը: Արդյունքում` Հայաստանը ներկայացնող Նարե Թովմասյանի և Հասմիկ Սիմոնյանի (քաղաք Գյումրի) «Սասնա ծռեր․ փայտյա խաղ-փազլ հայկական էպոսի մասին» աշխատանքն ընդգրկվել է այս տարվա հաղթողների ցանկում (տեսանյութը՝https://www.youtube.com/watch?v=11K0zl_1Ks0)։ Ամենամյա համաեվրոպական մրցույթի Հայաստանի ազգային փուլն իրականացնում է Ե․ Չարենցի անվան գրականության և արվեստի թանգարանը՝ ԿԳՄՍ […] ...
14:55 06.03.2025
Արարատի մարզի «Լուսառատի միջնակարգ դպրոց» ՊՈԱԿ-ում գործարկվելու է էլեկտրական շչակՄարտի 7-ին՝ ժամը 11:00-ից մինչև 12:00-ն ընկած ժամանակահատվածում, Արարատի մարզի «Լուսառատի միջնակարգ դպրոց» ՊՈԱԿ-ում իրականացվելու է «Ազդարարում, տարհանում, պատսպարում» թեմայով գործնական պարապմունք, որի ընթացքում գործարկվելու է էլեկտրական շչակ։ ...
14:43 06.03.2025
Քննարկվել են ՀՀ-Ֆրանսիա տնտեսական համագործակցության զարգացման հեռանկարներըՓոխվարչապետ Տիգրան Խաչատրյանի գլխավորած պատվիրակությունը Ֆրանսիայի Հանրապետություն կատարած աշխատանքային այցի շրջանակներում հանդիպել է Ֆրանսիայի էկոնոմիկայի, ֆինանսների, արդյունաբերական և թվային ինքնավարության նախարար Էրիկ Լոմբարդին: Հանդիպման ընթացքում քննարկվել են ՀՀ-Ֆրանսիա տնտեսական համագործակցության զարգացման հեռանկարները, մասնավորապես՝ երկկողմ տնտեսական օրակարգում փոխադարձ առևտրի և ներդրումների նոր ուղղությունների ներառման, ինչպես նաև երկու երկրների մասնավոր հատվածների միջև գործարար կապերի ընդլայնման միջոցով։ Փովարչապետ […] ...
14:35 06.03.2025
Համագյուղացուն մարմնական վնասվածքներ պատճառած 18-ամյա երիտասարդը ձերբակալվել էՄարտի 6-ին, կեսգիշերն անց, ՆԳՆ ոստիկանության Գեղարքունիքի մարզի օպերատիվ կառավարման կենտրոն «Վարդենիս» բժշկական կենտրոնից հաղորդում է ստացվել, որ «մեջքի կտրած-ծակած, արնահոսող բազմակի վերքեր» ախտորոշմամբ բուժօգնության է դիմել Մեծ Մասրիկ գյուղի 28-ամյա մի բնակիչ։ Համայնքային ոստիկանության Վարդենիսի բաժնից օպերատիվ խումբ է մեկնել։ 28-ամյա երիտասարդը հայտնել է, որ մարմնական վնասվածքը ստացել է տան բակում սայթաքելու և երկաթների […] ...
