12:20 01.03.2025
ՆԳՆ ՓԾ տնօրեն-ՆԳ նախարարի տեղակալ, փ/ծ գեներալ-մայոր Կամո Ցուցուլյանի շնորհավորական ուղերձը Քաղաքացիական պաշտպանության համաշխարհային օրվա կապակցությամբ․
«Շնորհավորում եմ Քաղաքացիական պաշտպանության համաշխարհային օրվա առթիվ: Մարտի 1-ը Քաղաքացիական պաշտպանության համաշխարհային օրն է, որն ամփոփում է քաղաքացիական պաշտպանության կարևորությունը՝ որպես մեր երկրի և ժողովրդի անվտանգության ապահովման հիմնարար միջոց։
Քաղաքացիական պաշտպանությունը բնակչության անվտանգության կազմակերպման ամենակարևոր և մարտունակ համակարգերից մեկն է։ Այն ընդգրկում է ինչպես խաղաղ, այնպես էլ պատերազմական ժամանակահատվածներում հասարակության բոլոր խավերի և քաղաքացիների համապարփակ պաշտպանության կազմակերպման մարդասիրական գործընթացը։
Այսօր, երբ նշում ենք Քաղաքացիական պաշտպանության համաշխարհային օրը, մենք միանում ենք համաշխարհային ջանքերին՝ շարունակելով ուժեղացնել մեր երկրի պաշտպանունակությունն ու պատրաստակամությունը՝ պատրաստ լինելով դիմակայելու ցանկացած սպառնալիքի։ Այս օրը նաև անդրադարձ է կատարում մեր երկրի անվտանգության ապահովման գործում փրկարար ուժերի անխափան աշխատանքի և բարձր պատրաստվածության կարևորությանը։
Շնորհակալություն և բարձր գնահատանք եմ հայտնում Հայաստանի Հանրապետության քաղաքացիական պաշտպանության համակարգի բոլոր աշխատակիցներին՝ իրենց անփոխարինելի ջանքերի համար, որոնք ուղղված են մեր բնակչության պաշտպանության կազմակերպմանը և անվտանգության ապահովմանը։
ՆԳՆ փրկարար ծառայությունը մեծ ուշադրություն է դարձնում քաղաքացիական պաշտպանության համակարգի զարգացմանը՝ մշտապես ապահովելով փրկարար ուժերի բարձր պատրաստվածությունը՝ ինչպես ցանկացած արտակարգ իրավիճակի ժամանակ, այնպես էլ զինված հակամարտությունների դեպքում։
Օրվա խորհրդին համահունչ, մեր կարգախոսն է՝ ոչ մի քաղաքացի, ընտանիք կամ համայնք չպետք է մնա անպատրաստ կամ անպաշտպան՝ անկախ իրավիճակի բարդությունից և ծանրությունից։ Մենք ձգտում ենք ապահովել մեր քաղաքացիների պաշտպանության բարձր մակարդակը՝ ուշադրություն դարձնելով բնակչության ուսուցմանը և իրազեկվածության բարձրացմանը, կանխարգելիչ միջոցառումների իրականացմանն ու արտակարգ իրավիճակներում բնակչության պաշտպանության ապահովմանը։
Սիրելի՛ հայրենակիցներ, միայն համատեղ ու համախմբված աշխատանքի շնորհիվ մենք կկարողանանք ստեղծել այն ներուժը, որը պատրաստ կլինի հակազդելու ցանկացած սպառնալիքի։ Բոլորիս պատրաստվածությունը, իրազեկվածությունը և քաջությունը մեր անվտանգությունը դարձնում են անառիկ։
Շնորհավորում եմ Քաղաքացիական պաշտպանության համաշխարհային օրվա առթիվ և վստահություն հայտնում, որ մենք շարունակելու ենք աշխատել բարձր պատասխանատվությամբ՝ ապահովելու մեր բնակչության անվտանգությունը և դիմակայելու ցանկացած մարտահրավերի»։
20:43 01.03.2025
Իտալիան կոչ է արել աշխատել Միացյալ Նահանգների հետ՝ Ուկրաինայում խաղաղության հասնելու համարԻտալիայի տրանսպորտի նախարար և փոխվարչապետ, Լիգա կուսակցության առաջնորդ Մատեո Սալվինին կարծում է, որ Հռոմը պետք է աշխատի ԱՄՆ-ի և համախոհների հետ՝ Ուկրաինայում խաղաղության հասնելու համար, որպեսզի խուսափի Երրորդ համաշխարհային պատերազմից, նման մեկնաբանություն է թողել նա X սոցիալական ցանցում։ «Երեք տարվա պատերազմից և հարյուր հազարավոր մահերից հետո եկել է խաղաղության ժամանակը: Իտալիան իրավունք և պատասխանատվություն ունի համագործակցելու […] ...
20:35 01.03.2025
Բերբոքը կոչ է արել անհապաղ ևս 3 միլիարդ եվրո հատկացնել ՈւկրաինայինՈւկրաինայի նախագահ Վլադիմիր Զելենսկիի Սպիտակ տուն այցի ժամանակ տեղի ունեցած սկանդալից հետո Գերմանիայի արտաքին գործերի նախարար Անալենա Բերբոքը կոչ է արել քաղաքական արագ գնահատական տալ Եվրոպայում անվտանգությունն ամրապնդելու համար, իսկ Բունդեսթագին կոչ արել Ուկրաինային ևս 3 միլիարդ եվրոյի չափով լրացուցիչ օգնություն տրամադրել: «Մենք պետք է արագ գործենք՝ եվրոպական և ազգային մակարդակներում։ Մենք չենք կարող սպասել, […] ...
20:15 01.03.2025
ՔՊ Վարչության արտահերթ նիստում հաստատվեցին Գյումրիի և Փարաքարի նախընտրական ցուցակները. ՓաշինյանՀՀ վարչապետ Նիկոլ Փաշինյանը ֆեյսբուքյան իր էջում տեսանյութ է հրապարակել, որին կից գրել է․ «ՔՊ Վարչության արտահերթ նիստում հաստատվեցին Գյումրիի և Փարաքարի նախընտրական ցուցակները»։ ...
20:10 01.03.2025
Ռյուտեն Զելենսկիին կոչ է արել վերականգնել հարաբերությունները Թրամփի հետՆԱՏՕ-ի գլխավոր քարտուղար Մարկ Ռյուտեն Զելենսկիին կոչ է արել վերականգնել հարաբերությունները ԱՄՆ նախագահ Դոնալդ Թրամփի հետ և նրանց վեճը համարել «ափսոսանքի արժանի»։ Այս մասին նա հայտարարել է BBC-ին տված հարցազրույցում։ «Ես Զելենսկիին ասացի, որ նա պետք է ուղի գտնի՝ վերականգնելու հարաբերությունները Դոնալդ Թրամփի և նրա վարչակազմի հետ»,- ասել է նա։ ...
19:53 01.03.2025
Բուխարեստում տեղի է ունենում հակակառավարական մեծ ցույցՏասնյակ հազարավոր ցուցարարներ մասնակցում են բողոքի ակցիային, որը տեղի է ունենում Ռումինիայի մայրաքաղաքում կառավարության կենտրոնակայանի դիմաց։ Այս մասին հայտնում է Agerpres գործակալությունը։ Նրանք պահանջում են 2024 թվականի դեկտեմբերին Ռումինիայում ընդհատված նախագահական ընտրությունների երկրորդ փուլի անցկացում և Մարսել Չյոլակուի կառավարության հրաժարականը։ Ընդդիմադիր ազգայնական «Ալյանս հանուն ռումինացիների միասնության» կուսակցության կազմակերպած ցույցի մասնակիցները ազգային դրոշներ են պահել՝ վանկարկելով […] ...
