18:42 25.02.2025
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում երկրորդ ընթերցմամբ քննարկվել է «Երիտասարդական քաղաքականության մասին» օրենքի նախագիծը, որը ներկայացրել է ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը: Այս մասին հայտնում են ԿԳՄՍՆ-ից։
«Ներկայացնելով առաջին ընթերցումից հետո իրականացված փոփոխությունները՝ ԿԳՄՍ նախարարի տեղակալը նշել է, որ բովանդակային հիմնական առաջարկները ներառվել են նախագծում: Մասնավորապես՝ երիտասարդական կազմակերպություն հասկացությունը սահմանելիս շեշտադրվել է ոչ առևտրային կազմակերպության պահանջը, քանի որ, ըստ Արթուր Մարտիրոսյանի, «քաղաքացիական սուբյեկտ լինելու համար «ոչ առևտրային» լինելու հանգամանքը էական նշանակություն ունի»:
Նախագծով ամրագրվում են երիտասարդական միացյալ մարմին ունենալու կարգավորումները, որը, Արթուր Մարտիրոսյանի դիտարկմամբ, կարևոր է ժողովրդավարական հասարակությունում քաղաքացիական հասարակության ինքնակազմակերպման և երիտասարդության ոլորտում, այսպես կոչված, անձրևանոցային կառույցների ձևավորման տեսանկյունից: Ըստ այդմ՝ առաջարկվում է սահմանել համապատասխան իրավակարգավորում՝ երիտասարդական քաղաքականության ոլորտում քաղաքացիական հասարակության կազմակերպությունները պետական լիազոր մարմնի հետ պետք է համագործակցեն պայմանագրային հիմունքներով՝ իրականացնելով համախումբ սոցիալական շահերի պաշտպանություն:
Վերջին փոփոխությամբ որպես քաղաքականության սուբյեկտ ավելացվել են երիտասարդական նախաձեռնող խմբերը:
«Երիտասարդության պարագայում խոսում ենք քաղաքացիական հասարակության այն սուբյեկտների մասին, որոնք դեռ իրավական կարգավիճակ չունեն և գտնվում են սկզբնավորման որոշակի փուլում: Ուստի, նրանք հանդես գալով որպես համայնքային կամ որևէ այլ նախաձեռնող խումբ՝ կարող են կուտակել համապատասխան ներուժ՝ հետագայում գրանցվելու, իրավական կարգավիճակ ստանալու և հանրային կյանքում ավելի էական դերակատարում ունենալու համար»,- ասել է Արթուր Մարտիրոսյանը:
Անդրադառնալով պատգամավորների հարցերին և առաջարկություններին՝ Արթուր Մարտիրոսյանը պարզաբանումներ է ներկայացրել նախագծով առաջարկվող երիտասարդության տարիքային շեմի վերաբերյալ:
«Երիտասարդական քաղաքականության մասին» օրենքի նախագծի ընդունումը ենթադրում է նաև փոփոխություններ այլ իրավական ակտերում, մասնավորապես՝ «Տեղական ինքնակառավարման մասին», «Երևան քաղաքում տեղական ինքնակառավարման մասին» օրենքներում:
Օրենքի նախագիծը հանձնաժողովի կողմից ստացել է դրական եզրակացություն»,-ասված է հաղորդագրության մեջ:
00:16 26.02.2025
Լարսը փակ է
00:13 26.02.2025
ՀՀ տարածքում կան փակ և դժվարանցանելի ավտոճանապարհներ
00:04 26.02.2025
Աշխարհի լավագույն ֆուտբոլիստների վարկանիշը՝ ըստ BBC-ի
00:29 26.02.2025
Տիգրան Ավինյանը քաղաքապետարանում ընդունել է մի խումբ աշակերտներիԵրևանի քաղաքապետ Տիգրան Ավինյանը Ֆեյսբուքի իր էջում տեսանյութ է հրապարակել, որին կից գրել է, որ քաղաքապետարանում ջերմ ու հետաքրքիր հանդիպում է ունեցել Չեխովի անվան թիվ 55 հիմնական դպրոցի աշակերտների հետ։ «Աշակերտների հետ զրուցեցինք Երևանի մասին, ներկայացրի էլեկտրոնային GIS աշխարհագրական տեղեկատվական համակարգը, որը մեզ հնարավորություն է տալիս քաղաքը դարձնել ավելի կառավարելի ու ժամանակակից։ Խոսեցինք նաև «Ակտիվ […] ...
00:16 26.02.2025
Լարսը փակ էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ ...
00:13 26.02.2025
ՀՀ տարածքում կան փակ և դժվարանցանելի ավտոճանապարհներՓրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Բերդ-Ճամբարակ, Տաշիր-Դաշտադեմ, Տաշիր-Կաթնառատ (բուք է) ավտոճանապարհները փակ են բոլոր տեսակի տրանսպորտային միջոցների համար, իսկ Ջերմուկի խաչմերուկից «Զանգեր» կոչվող հատվածը՝ բեռնատարների և կցորդիչով բեռնատարների համար։ Երասխ գյուղի շրջադարձից […] ...
00:04 26.02.2025
Աշխարհի լավագույն ֆուտբոլիստների վարկանիշը՝ ըստ BBC-իBBC-ի պաշտոնական էջում հարցում է անցկացվել, որով մարդկանց խնդրել են քվեարկել այսօրվա դրությամբ աշխարհի լավագույն ֆուտբոլիստի օգտին։ Քվեարկության արդյունքում հաղթել է «Լիվերպուլի» եգիպտացի հարձակվող Մոհամեդ Սալահը: Նա ստացել է ընտրողների ձայների 83 տոկոսը։ Երկրորդ տեղում է Մադրիդի «Ռեալի» աստղ Կիլիան Մբապեն՝ ընդամենը 9 տոկոսով, երրորդը՝ Վինիսիուս Ժունիորը 4 տոկոսով, ապա Լամին Յամալը՝ 2 տոկոսով։ Մյուս […] ...
23:55 25.02.2025
Աբխազիայում հայերի հասցեին հնչած սպանության սպառնալիքներից հետո լարվածությունը նվազել էԱբխազիայում, ուր նախագահական ընտրությունների առաջին փուլից հետո սպանության սպառնալիքներ էին հնչում տեղի հայերի հասցեին, իրավիճակը կայունացել է: Իրավապահների ու քաղաքական իշխանությունների գործողությունների շնորհիվ աբխազահայերն իրենց ավելի վստահ են զգում, թեև հայկական գյուղերում շարունակում են հերթապահել ոստիկանության ուժեղացված ստրաբաժանումները: Ինչի՞ շնորհիվ հաջողվեց իջեցնել լարվածությունը: Թեմային՝ «Հորիզոնի» տաղավարում անդրադարձել է Արտյոմ Երկանյանը. «Հիշեցնեմ՝ ընտրությունների առաջին փուլում առաջին […] ...
23:43 25.02.2025
Իսակովի պողոտայում «ԳԱԶել»-ներ են բախվել․ կան վիրավորներՓետրվարի 25-ին, ավտովթար է տեղի ունեցել Երևանում։ Ժամը 19։20-ի սահմաններում Իսակովի պողոտայում բախվել են Երևանի քաղաքապետարանի հաշվեկշռում հաշվառված թիվ 75 երթուղին սպասարկող «ԳԱԶել» մակնիշի և Երևան-Արմավիր երթուղին սպասարկող «ԳԱԶել» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել են «Հերացի թիվ 1 համալսարանական» հիվանդանոց։ Վթարի փաստով քննչական բաժնում նախաձեռնվել է քրեական […] ...
