19:08 21.02.2025
ԵԱՀԿ ԽՎ-ում ՀՀ ԱԺ պատվիրակության ղեկավար, ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը ելույթ է ունեցել վեհաժողովի ձմեռային նստաշրջանի` երեք հանձնաժողովների համատեղ նիստում: Պատգամավորն իր ելույթում նշել է.
«Հարգելի՛ գործընկերներ,
Այժմ, երբ կանոնների վրա հիմնված միջազգային կարգը լուրջ մարտահրավերների է բախվում, եւ ԵԱՀԿ տարածաշրջանի ապագայի շուրջ անորոշություններ կան, մենք պետք է օգտագործենք ցանկացած հնարավորություն վեճերի եւ երկարատեւ հակամարտությունների կարգավորման համար, հատկապես այնտեղ, որտեղ խաղաղության հեռանկարը հասանելի է:
Հարավային Կովկասը հենց այդպիսի տարածաշրջան է, որտեղ խաղաղությունը ոչ միայն հնարավոր է, այլեւ՝ հասանելի: Մենք չենք կարող մեզ թույլ տալ հապաղել կամ ուշանալ կայունություն ապահովելու հարցում, եւ Հայաստանի դիրքորոշումը հստակ է. Հայաստանը հաստատակամորեն քայլում է դեպի խաղաղություն:
- Մենք պատրաստ ենք Ադրբեջանի հետ ստորագրել համապարփակ խաղաղության պայմանագիր` հաստատելու կայուն միջպետական հարաբերություններ:
- Մենք հավատարիմ ենք տարածաշրջանային հաղորդակցությունների եւ ենթակառուցվածքների ապաշրջափակմանը` հարգելով յուրաքանչյուր երկրի ինքնիշխանությունն ու իրավազորությունը:
- Մենք պատրաստ ենք շարունակել սահմանների սահմանազատման ընթացիկ գործընթացը՝ երկու երկրների կողմից անցյալ տարի ստորագրված, համաձայնեցված կանոնակարգի հիման վրա:
- Մենք պատրաստ ենք երկխոսության՝ փոխադարձ մտահոգության բոլոր խնդիրները, այդ թվում՝ հումանիտար հարցերը քննարկելու համար:
Իմ լավատեսությունը վերաբերում է նաեւ Հայաստանի եւ Թուրքիայի միջեւ հարաբերությունների կարգավորմանը: Իրականում, երկու երկրների միջեւ դիվանագիտական հարաբերություններ հաստատելու, սահմանները բացելու եւ տնտեսական ու առեւտրային համագործակցություն խթանելու համար էական խոչընդոտներ չկան: Մենք պատրաստ ենք գործնական քայլեր ձեռնարկել առաջ շարժվելու համար եւ սպասում ենք դրական ազդակների Թուրքիայից:
Խաղաղության հիմքը դրված է: Այժմ անհրաժեշտ է դադարեցնել բեմականացված պրովոկացիաները եւ արհեստական լարվածությունը: Փոխարենը, մենք պետք է աշխատենք ինստիտուցիոնալ խաղաղություն կառուցելու շուրջ: Ցանկացած ձգձգում ոչ միայն անընդունելի է, այլեւ վտանգավոր մեր ամբողջ տարածաշրջանի ապագայի համար:
Շնորհակալություն»:
20:13 22.02.2025
Ավստրիայի կանցլերի պաշտոնակատարը հայտարարել է քաղաքականությունից հեռանալու մասինԱվստրիայի արտաքին գործերի նախարարության ղեկավար և հանրապետության կանցլերի պաշտոնակատար Ալեքսանդր Շալենբերգը X սոցիալական ցանցում հայտարարել է, որ հեռանում է քաղաքականությունից և չի միանալու նոր կառավարությանը։ «Ինչպես ասում էին հին հույները, կյանքում միակ հաստատունը փոփոխությունն է: Ավստրիայի դաշնային կառավարության անդամ լինելուց գրեթե վեց տարի հետո ես որոշեցի, որ ժամանակն է փոփոխությունների: Այս որոշումը հանկարծակի չի եկել. […] ...
20:05 22.02.2025
Ջերմուկի խաչմերուկից մինչև ավտոճանապարհները փակ են ծանրաքաշ և կցորդով տրանսպորտային միջոցների համարՓետրվարի 22-ին՝ ժամը 20:00-ի դրությամբ, Արարատի, Սիսիանի, Գորիսի, Կապանի, Մեղրիի, Թալինի, Արթիկի, Ախուրյանի, Բաղրամյանի, Աբովյանի, Հրազդանի, Դիլիջանի տարածաշրջաններում ձյուն է տեղում։ Ջերմուկի խաչմերուկից մինչև ավտոճանապարհները փակ են ծանրաքաշ և կցորդով տրանսպորտային միջոցների համար։ Սիսիանի տարածաշրջանի «Զանգեր» կոչվող հատվածը և Վարդենյաց լեռնանցքը փակ են կցորդով տրանսպորտային միջոցների համար, իսկ մյուս տրանսպորտային միջոցների համար՝ դժվարանցանելի։ Հ-46 հանրապետական […] ...
19:51 22.02.2025
Դուբայի թագաժառանգ արքայազնը պարաշյուտով թռչել է ամենաբարձր երկնաքերիցԱՄԷ-ի փոխվարչապետ և պաշտպանության նախարար, Դուբայի թագաժառանգ շեյխ Համդան բին Մուհամեդ բին Ռաշիդ Ալ Մաքթումը պարաշյուտով ցատկ է կատարել աշխարհի ամենաբարձր երկնաքերից՝ Դուբայում Բուրջ Խալիֆայից։ Դուբայի թագաժառանգն իր սոցիալական ցանցերում տեսանյութ է հրապարակել, որտեղ նա 15 երկրների 31 այլ մարզիկների հետ ցատկում է Բուրջ Խալիֆա երկնաքերի 139-րդ հարկից։ Շեյխ Համդանը հայտնի է տարբեր էքստրեմալ սպորտաձեւերի […] ...
19:40 22.02.2025
Լրատվամիջոցները հայտնել են պաշտպանական ծախսերն ավելացնելու Մեծ Բրիտանիայի վարչապետի ծրագրերի մասինՄեծ Բրիտանիայի վարչապետ Քիր Սթարմերը փետրվարի 27-ին Վաշինգտոն կատարած այցի ժամանակ մտադիր է հայտարարել պաշտպանության ծախսերը ՀՆԱ-ի 2,5%-ի 2,3%-ից հասցնելու ժամկետների մասին, ինչին Լոնդոնը, ամենայն հավանականությամբ, մտադիր է հասնել մինչև 2030 թվականը, գրում է Telegraph թերթը՝ հղում անելով աղբյուրներին: Սթարմերը բազմիցս խոստացել է պաշտպանական ծախսերը հասցնել ՀՆԱ-ի 2,5%-ի, սակայն հրաժարվել է ժամկետներ տալ: Նա ասել […] ...
19:28 22.02.2025
Օրբան. Ուկրաինան երբեք չի դառնա ԵՄ անդամՈւկրաինան երբեք չի միանա Եվրամիությանը, եթե գործի հակառակ Հունգարիայի շահերին: Այս մասին հայտարարել է Հունգարիայի վարչապետ Վիկտոր Օրբանը՝ ելույթ ունենալով Բուդապեշտում անցած տարվա քաղաքական արդյունքների և իր կառավարության առաջնահերթությունների վերաբերյալ: «Ուկրաինան կդառնա՞ Եվրամիության անդամ»,- հարցրել է կառավարության ղեկավարը։ «Սա կորոշեն հունգարացիները»,- ասել է Օրբանը: Նա ընդգծել է, որ «հակառակ Հունգարիայի և հունգարացիների շահերին՝ Ուկրաինան երբեք […] ...
