14:50 21.02.2025
Մատենադարանի գիտական մասնաշենքում տեղի է ունեցել Մատենադարանի «Ծաղկելու արվեստ» մանրանկարչական ստուդիայի սաների աշխատանքների ցուցադրությունը:
Միջոցառմանը ողջույնի խոսքով հանդես են եկել ՀՀ կրթության, գիտության, մշակույթի և սպորտի նախարար Ժաննա Անդրեասյանը, Մատենադարանի տնօրեն Արա Խզմալյանը:
Ժաննա Անդրեասյանը ողջունել է ներկաներին և նշել, որ ծանոթանալով մասնակիցների հետ՝ վստահաբար կարելի է ասել, որ կրթական այս ծրագիրը հաջողված է. «Մշակութային կրթությունն իրականում երեխաների կրթության ամենակարևոր բաղադրիչներից մեկը պետք է լինի։ Երեխաների մոտ բարդությունները հաղթահարելու, ստեղծագործ լինելու և լուծումներ գտնելու ամենակարևոր հմտությունները ձևավորվում են մշակույթի և արվեստի միջոցով: Նմանօրինակ ծրագրերի կարիք մենք շատ ունենք և ուրախ եմ, որ Մատենադարանը շարունակաբար ընդլայնում է կրթական ծրագրերը: Կրթական այս հնարավորությունը պետք է հասանելի լինի ավելի ու ավելի շատ երեխաների, որովհետև Մատենադարանն այն վայրն է, որտեղ յուրաքանչյուր երեխա պետք է անպայման այցելի: Այստեղ նրանք պետք է ծանոթանան ոչ միայն ձեռագրերին, այլև հաղորդակից լինեն այս միջավայրի անգնահատելի արժեքներին»,- ասել է նախարարը՝ հավելելով, որ երեխաների ստեղծած պատկերների միջոցով տեսանելի է դառնում նրանց լուսավոր և դրական էներգիայով լի աշխարհը։
Նախարարը շնորհակալությւոն է հայտնել ծրագրի նախաձեռնողներին, կազմակերպիչներին, իրականացնողներին և ծնողներին՝ ընդգծելով, որ նրանց ջանքերի և հետևողականության շնորհիվ կայացել է կրթական այս ծրագիրը:
Ժաննա Անդրեասյանը շրջել է ցուցադրության սրահում, հանգամանորեն դիտել «Ծաղկելու արվեստ» մանրանկարչական ստուդիայի շրջանավարտների ստեղծագործությունները, զրուցել հեղինակների հետ:
Նշենք, որ «Ծաղկելու արվեստ» մանրանկարչական ստուդիան Մատենադարանում գործում է ավելի քան 7 տարի: Այն լավագույն դարբնոցն է միջնադարյան ձեռագրական արվեստի ու մանրանկարչության գաղտնիքների բացահայտման ու հմտությունների յուրացման համար։
«Ծաղկելու արվեստ» խորագրով ցուցահանդեսին արտացոլված էին ստուդիայի սաների ձեռք բերած գիտելիքն ու ունակությունները։ Ցուցադրվել են ստուդիայի բոլոր խմբերի՝ երեխաների ու մեծերի, մանրանկարչական և ստեղծագործական աշխատանքները, երեխաների նկարազարդած մագաղաթյա ձեռագիր և պատկերազարդ գրքերը, ինչպես նաև գրաֆիկ դիզայնի ստեղծագործությունները։
«Ծաղկելու արվեստ» մանրանկարչական ստուդիայի շրջանավարտների վկայականները հանձնել է ՀՀ ԿԳՄՍ նախարար Ժաննա Անդրեասյանը:
17:38 22.02.2025
Դոդոն. Մոլդովայում ընդդիմության բողոքի ակցիաները մարտին կուժեղանանՄոլդովայի Հանրապետության սոցիալիստների կուսակցության (PSRM) ղեկավար, երկրի նախկին նախագահ Իգոր Դոդոնը հայտարարել է, որ մարտին Մոլդովայում հակակառավարական ցույցերը կուժեղանան։ «Հաջորդ բողոքը կունենանք մարտին, այն կլինի երեք անգամ ավելի մեծ, քանի որ երկրի հյուսիսային ու հարավային շրջաններից մարդիկ են լինելու, այսօր մենք առաջին քայլն արեցինք։ Մենք կոչ ենք անում մյուս ընդդիմադիր կուսակցություններին լինել այստեղ մեզ հետ»,- […] ...
17:28 22.02.2025
L’ESSOR. Սահելի նահանգների համադաշնության երկրներն ընդունել են ընդհանուր դրոշՍահելի նահանգների համադաշնության երկրների նախարարները հաստատել են Բամակոյում (Մալի) միասնական միավորման դրոշը։ Այս մասին հայտնում է Մալիական L’ESSOR թերթը։ Դրոշը, որը նախկինում հաստատվել է համադաշնության պետությունների ղեկավարների կողմից, կանաչ ուղղանկյուն վահանակ է, որի կենտրոնում կազմակերպության տարբերանշանն է: Կանաչ գույնը, նշում է հրատարակությունը, «խորհրդանշում է տնտեսական աճը, հույսն ու բարգավաճումը, վերածնունդն ու նորացումը»։ 2023 թվականի սեպտեմբերի […] ...
17:19 22.02.2025
Գազան հայտնել է պաղեստինյան տարածքներից 97 բանտարկյալների արտաքսման մասինՓետրվարի 22-ին Գազայի հատվածում հրադադարի շրջանակներում Իսրայելի կողմից ծրագրված 620 պաղեստինցի բանտարկյալներից 97-ը կարտաքսվեն պաղեստինյան տարածքներից դուրս։ Այս մասին ՀԱՄԱՍ-ին առընթեր բանտարկյալների հետ կապված գրասենյակը հայտնել է իր Telegram ալիքում։ Տեղեկություն չի տրվում, թե որ երկրներ են ուղարկվելու բանտարկյալները։ Գրասենյակի տվյալներով՝ իսրայելական բանտերից ակնկալվում է ազատ արձակել ցմահ կամ երկարաժամկետ ազատազրկման դատապարտված 151 բանտարկյալների։ Հունվարի […] ...
17:12 22.02.2025
Լավրովը կայցելի ԹեհրանՌուսաստանի արտաքին գործերի նախարար Սերգեյ Լավրովն առաջիկա օրերին կայցելի Թեհրան։ Այս մասին ասվում է Իրանի ԱԳՆ պաշտոնական ներկայացուցիչ Էսմայիլ Բաղայի հայտարարության մեջ։ «ՌԴ ԱԳ նախարար Սերգեյ Լավրովն այս շաբաթ կժամանի Թեհրան։ ՌԴ ԱԳ նախարարի այցը նպատակ ունի շարունակել խորհրդատվությունները Իրանի Իսլամական Հանրապետության և Ռուսաստանի միջև երկկողմ հարաբերությունների և իրադարձությունների շուրջ աշխարհում և տարածաշրջանում,-ասված է հաղորդագրության […] ...
17:00 22.02.2025
ՄԻՊ աշխատակազմի գլխավոր քարտուղարը մասնակցել է ՀՀ-ԵՄ մարդու իրավունքների շուրջ երկխոսության նիստինՄարդու իրավունքների պաշտպանի աշխատակազմի գլխավոր քարտուղար Նինա Փիրումյանը մասնակցել է ՀՀ-ԵՄ մարդու իրավունքների շուրջ երկխոսության հերթական 14-րդ նիստին։ Հանդիպման շրջանակում Աշխատակազմի գլխավոր քարտուղարը, ի թիվս մարդու իրավունքներին վերաբերելի քննարկված մի շարք հարցերի, ԵՄ գործընկերների ուշադրությունը հրավիրել է խտրականության դեմ պայքարի համապարփակ օրենսդրության ընդունման ու այս առումով Մարդու իրավունքների պաշտպանի՝ իրավահավասարության մարմնի կարգավիճակում գործունեության համար անհրաժեշտ […] ...
16:56 22.02.2025
Վարչապետը ներկա է գտնվել Փոքր Վեդիի նորակառույց դպրոցի բացման արարողությանըՎարչապետ Նիկոլ Փաշինյանը ներկա է գտնվել Փոքր Վեդու նորակառույց միջնակարգ դպրոցի բացման արարողությանը: Վարչապետը շրջել է դպրոցում, ծանոթացել իրականացված աշխատանքներին և ստեղծված պայմաններին: Ծրագրի ընդհանուր արժեքը կազմել է 1 մլրդ 929 մլն դրամ: Այն իրականացվել է Կառավարության համաֆինանսավորմամբ Ասիական զարգացման բանկի Սեյսմիկ անվտանգության բարելավման ծրագրով: Իրականացված աշխատանքների արդյունքում Փոքր Վեդի բնակավայրն ունի նոր դպրոց՝ 432 […] ...
