11:53 07.02.2025
Փետրվարի 6-ին տեղի է ունեցել Միգրացիոն քաղաքականության երկխոսության հարթակի երրորդ հանդիպումը, որին մասնակցել է Ներքին գործերի նախարարի տեղակալ Արմեն Ղազարյանը։
Ներկա էին նաև Ներքին գործերի նախարարության, Միգրացիայի և քաղաքացիության ծառայության, ոլորտի այլ գերատեսչությունների, ինչպես նաև հասարակական և միջազգային կազմակերպությունների ներկայացուցիչներ։
Բացման խոսքով հանդես են եկել Ներքին գործերի նախարարի տեղակալ Արմեն Ղազարյանը և «Մարդը կարիքի մեջ» ՀԿ-ի Արևելյան գործընկերության և Բալկանների տարածաշրջանային տնօրեն Պետր Դրբոհլավը։
ՆԳ նախարարի տեղակալ Արմեն Ղազարյանն իր խոսքում ընդգծել է միասնական հարթակի կարևորությունը և նշել, որ այն հնարավորություն է տալիս առավել արդյունավետ համակարգել միգրացիայի և քաղաքացիության ոլորտում հիմնական առաջնահերթությունները՝ արդյունքում հենք ստեղծելով քաղաքականության, ռազմավարությունների մշակման և հիմնական հարցերի շուրջ կառուցողական երկխոսության համար։
Հանդիպման ընթացքում զեկույցներով ներկայացվել են միգրացիայի և քաղաքացիության գործընթացների թվայնացման օրակարգը, ինչպես նաև ՀՀ ռազմավարական կառավարման համակարգի արդիականացման հայեցակարգը, անդրադարձ է կատարվել բնակչության պետական ռեգիստրի մասին նոր օրենքին, ՀՀ քաղաքացիության շնորհմանը և դադարեցմանը, Հայաստանում օտարերկրացիներին կացության կարգավիճակների և ապաստանի տրամադրման թվայնացված գործընթացներին և այլ հարցերի։ Օրակարգում ընդգրկված էին նաև Միգրանտների և փախստականների հետ տարվող սոցիալական աշխատանքի ձեռնարկին և վերապատրաստման մոդուլին և «Միգրացիան և կանայք․ առողջության պահպանում և առողջական կարիքների գնահատում» ծրագրի արդյունքներին վերաբերող հարցեր։
Հանդիպման ավարտին Միգրացիայի և քաղաքացիության ծառայության պետ Նելլի Դավթյանը կարևորել է հարթակի շրջանակում աշխատանքային հանդիպումների շարունակականությունը։ Նախանշվել են երկխոսության հարթակի շրջանակում առաջիկա անելիքներն ու դրանց հիմնական ուղղությունները։
Հարթակի իրականացմանն աջակցում է «Մարդը կարիքի մեջ» կազմակերպության կողմից իրականացվող «Միգրացիոն համակարգի հզորացումը Հայաստանի Հանրապետությունում» ծրագիրը։ Այն համաֆինանսավորվում է Եվրոպական միության Միգրացիոն գործընկերության գործիքի (MPF) շրջանակում՝ Միգրացիոն քաղաքականության մշակման միջազգային կենտրոնի (ICMPD) միջոցով։
17:18 07.02.2025
Մոդրիչը որոշել է ևս մեկ մրցաշրջան անցկացնել «Ռեալում»
17:18 07.02.2025
Մոդրիչը որոշել է ևս մեկ մրցաշրջան անցկացնել «Ռեալում»«Ռեալի» խորվաթ կիսապաշտպան Լուկա Մոդրիչը որոշել է ևս մեկ մրցաշրջան անցկացնել մադրիդյան ակումբում, հաղորդում է AS-ը: Խորվաթիայի հավաքականի 39-ամյա ավագը մտադիր է ազգային թիմի կազմում հանդես գալ աշխարհի 2026 թվականի առաջնությունում: Այդ նպատակով կիսապաշտպանը ցանկանում է «Ռեալում» ելույթները շարունակել մինչև հաջորդ մրցաշրջանի ավարտը և օպտիմալ մարզավիճակում մոտենալ Մունդիալին: Մոդրիչը սեպտեմբերին կդառնա 40 տարեկան: Նրա գործող […] ...
17:10 07.02.2025
ՊԵԿ-ն իրականացնում է եկամուտների համընդհանուր հայտարարագրման գործընթացի վերաբերյալ իրազեկման մարզային հանդիպումներՈվքե՞ր և ինչպե՞ս պետք է ներկայացնեն եկամուտների հայտարարագիր. ՊԵԿ-ն իրականացնում է եկամուտների համընդհանուր հայտարարագրման գործընթացի վերաբերյալ իրազեկման մարզային հանդիպումներ: Հանդիպումների մեկնարկը տրվել է Գյումրիում: ...
17:03 07.02.2025
Թուրքիան Իրանի հետ սահմանին արդեն 182 կմ երկարությամբ անվտանգային պատ ունիԹուրքիան շարունակում է Իրանի սահմանին անվտանգային պատի կառուցման աշխատանքները: Այն միտված է կանխելու անօրինական միգրանտների և ահաբեկիչների մուտքը երկիր: Հայտնում է ermenihaber.am-ը: Ծրագրի շրջանակներում պլանավորված 302 կմ երկարությամբ պատի 182 կմ հատվածն արդեն պատրաստ է: Պատի կառուցմանը զուգահեռ կատարվելու են նաև ճանապարհաշինական աշխատանքներ, ինչի շրջանակներում էլ նախատեսված 40կմ ճանապարհի կառուցման տենդերն իրականացվել է, իսկ 2025-ին […] ...
17:00 07.02.2025
Իրավիճակը՝ ՀՀ ավտոճանապարհներինՓետրվարի 7-ին՝ ժամը 16:30-ի դրությամբ, Նորավան-Լծեն-Տաթև ավտոճանապարհը փակ է կցորդով տրանսպորտային միջոցների համար, իսկ մարդատար տրանսպորտային միջոցների համար՝ դժվարանցանելի։ Շինուհայր-Տաթև-Աղվանի ճանապարհահատվածը դժվարանցանելի է ծանրաքաշ և կցորդով տրանսպորտային միջոցների համար։ Միջպետական և հանրապետական նշանակության մյուս ավտոճանապարհները բաց են։ Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: ...
16:53 07.02.2025
Մենք բոլոր առումներով տապալեցինք հանդիպումը, արժանի էինք պարտության. ԻնձագիՄիլանի «Ինտերի» գլխավոր մարզիչ Սիմոնե Ինձագին մեկնաբանել է «ֆիորենտինայի» դեմ Ա սերիայի 14-րդ տուրի հետաձգված խաղում կրած պարտությունը: «Մենք բոլոր առումներով տապալեցինք հանդիպումը, արժանի էինք պարտության: Շնորհավորում եմ «Ֆիորենտինային»: Ուշադրություն չդարձրինք ահազանգերին, ես առաջին պատասխանատուն եմ: Անպայման կվերլուծենք տեղի ունեցածը, պետք չէ ամեն ինչ բարդացնել»,- իտալացի մասնագետի խոսքերը մեջբերում է Football Italia-ն: «Ֆիորենտինա» – «Ինտեր» […] ...
16:48 07.02.2025
Մասիս քաղաքում այրվել է ավտոմեքենաՓետրվարի 7-ին, ժամը 13։52-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մասիս քաղաքի երկաթգծի մոտակայքում այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ քաղաքի Հանրապետության փողոցում այրվում է «Toyota» մակնիշի ավտոմեքենա (վարորդ` Վ. Ս., ծնված 1964 թ․)։ Մինչ փրկարարների […] ...
