16:52 27.01.2025
Փոխվարչապետ Մհեր Գրիգորյանը հունվարի 26-ին մասնակցել է Հնդկաստանի Հանրապետության օրվան նվիրված միջոցառմանը, որի ընթացքում Կառավարության անունից շնորհավորել է Հնդկաստանի բարեկամ ժողովրդին՝ մաղթելով նորանոր ձեռքբերումներ, առաջընթաց, բարօրություն և հարատև խաղաղություն:
«Թեև մեր երկրները գտնվում են աշխարհագրորեն տարբեր տարածաշրջաններում, մեզ միավորում են հարուստ պատմական անցյալը, ժողովրդավարական արժեքները և միմյանց մշակութային ժառանգության հանդեպ խորը հարգանքը:
Մեր հարաբերությունները շաղկապված են բարեկամության դարավոր կապերով, որոնք հիմնված են փոխադարձ հարգանքի և վստահության վրա:
Հնդկաստանի հետ հարաբերությունների համակողմանի խորացումն ու զարգացումը երկարաժամկետ կտրվածքով՝ Հայաստանի Հանրապետության արտաքին քաղաքականության առաջնահերթություններից է։
Հնդկաստանը շարունակում է կարևոր նշանակություն ունենալ Հայաստանի համար՝ որպես միջազգային ասպարեզում իր հաստատուն տեղն ամրապնդած կարևորագույն դերակատար»,- նշել է փոխվարչապետ Մհեր Գրիգորյանը:
Արձանագրելով, որ վերջին տարիներին հաջողվել է նոր հանգրվանի հասցնել հայ-հնդկական համագործակցությունը բոլոր հնարավոր ուղղություններով՝ Մհեր Գրիգորյանն ընդգծել է, որ հայկական կողմը վճռական է երկկողմ հարաբերություններում չիրացված ներուժը լավագույնս իրացնելու և երկու երկրների միջև բարեկամությունը որակապես նոր մակարդակի բարձրացնելու հարցում:
Փոխվարչապետը նշել է, որ Հայաստանի Հանրապետության կառավարությունը մեծ կարևորություն է տալիս նաև բարեկամ Հնդկաստանի հետ գործընկերության զարգացմանը տարածաշրջանային և գլոբալ նշանակության նախաձեռնությունների շրջանակներում՝ ի շահ խաղաղության և անվտանգության համընդհանուր նպատակների առաջմղման:
«Համոզված եմ, որ մեր հարաբերությունները գտնվում են ճիշտ կետում և կշարունակեն ամրապնդվել բարեկամության, համերաշխության ու փոխշահավետ գործընկերության ոգով»,- ամփոփելով խոսքը նշել է փոխվարչապետը:
11:10 30.01.2025
Հայաստան-Վրաստան հարաբերությունները շոշափելի առաջընթաց են գրանցելՀՀ ԱԳ նախարար Արարատ Միրզոյանը Վրաստանի գործընկերոջ հետ մամուլի ասուլիսում շեշտել է, որ Հայաստան-Վրաստան հարաբերությունները 2024 թվականին գրանցել են շոշափելի առաջընթաց։ «Մենք ռազմավարական գործընկերության վերաբերյալ փաստաթուղթ ենք ստորագրել, մենք 2024 թվականին պաշտոնապես դարձել ենք ռազմավարական գործընկերներ։ Իհարկե, պետք է խոստովանել, որ մեր հարաբերությունները և՛ երկու երկրների միջև, և՛ երկու ժողովուրդների միջև, դարեր ի վեր ռազմավարական […] ...
11:03 30.01.2025
Քաղաքացիները 2025 թվականին կազատվեն էլեկտրոնային ստորագրության ակտիվացման տարեկան 3000 ՀՀ դրամ վճարիցՀայաստանի Հանրապետության քաղաքացիները 2025 թվականին կազատվեն էլեկտրոնային ստորագրության ակտիվացման տարեկան 3000 ՀՀ դրամ վճարից՝ սկսած սույն թվականի փետրվարի 1-ից: Այս մասին հայտնում է ՊԵԿ-ը։ Այս նախաձեռնության նպատակն է հեշտացնել և խթանել քաղաքացիների համար էլեկտրոնային ստորագրության ձեռքբերումը և օգտագործումը՝ պետական և մասնավոր թվային ծառայություններից օգտվելիս, այդ թվում՝ ֆիզիկական անձանց տարեկան եկամուտները հայտարարագրելիս։ Այն քաղաքացիները, ովքեր մինչև […] ...
10:56 30.01.2025
CNN. Վաշինգտոնում տեղի ունեցած ավիավթարը կարող է ամենողբերգականը լինել վերջին տասնամյակների ընթացքումՎաշինգտոնում տեղի ունեցած ավիավթարը կարող է դառնալ ԱՄՆ-ում զոհերի թվով ամենամեծը վերջին տասնամյակների ընթացքում։ Այս մասին հայտնում է CNN-ը՝ վկայակոչելով աղբյուրներին։ Հեռուստաալիքը հիշեցնում է, որ 1982 թվականին Air Florida-ի ինքնաթիռը վթարի է ենթարկվել Արլինգթոնն ու Վաշինգտոնը միացնող 14-րդ փողոցի կամրջին։ The Wall Street Journal-ի տվյալներով՝ զոհվել է 78 մարդ։ ...
10:40 30.01.2025
Նպատակս է ցույց տալ, որ տարիքն ընդամենը թիվ է․ Լևանդովսկի«Բարսելոնայի» հարձակվող Ռոբերտ Լևանդովսկին ասել է, որ իր տարիքը չի խանգարում մոտիվացված խաղ ցույց տալուն։ «Նպատակս է ցույց տալ, որ տարիքն ընդամենը թիվ է։ Շուտով կդառնամ 37 տարեկան, և ես տարիքիս համար չեմ ամաչում։ Ուզում եմ խաղալ, մարզումներին և խաղերի ժամանակ դեմքիս միշտ ժպիտ կա։ Դեռ ուզում եմ մրցել և տիտղոսներ նվաճել»,- ասել է Լևանդովսկին […] ...
10:33 30.01.2025
Փրկարարներն արգելափակումից դուրս են բերել ավտոմեքենաներըՀունվարի 28-30-ը ՆԳՆ ՓԾ Արագածոտնի, Վայոց ձորի, Կոտայքի, Գեղարքունիքի և Շիրակի մարզային փրկարարական վարչությունների ճգնաժամային կառավարման կենտրոններ ահազանգեր են ստացվել արգելափակված ավտոմեքենաների վերաբերյալ։ Մասնավորապես՝ Ջերմուկ, Հրազդան, Գավառ քաղաքներում, Վարսեր-Գագարին, Հարթավան-Երնջատափ, Ապարան-Ափնագյուղ ավտոճանապարհներին, Հատիս լեռան լանջին, Հացիկ գյուղի մոտակայքում և Ամբերդ ամրոց տանող ավտոճանապարհին։ Դեպքի վայր ժամանած փրկարարներն արգելափակումից դուրս են բերել 10 ավտոմեքենա և 15 […] ...
10:24 30.01.2025
Անմիջապես հետաքննություն է սկսվել․ Պենտագոնի ղեկավարը՝ ավիավթարի մասինՊենտագոնի ղեկավար Փիթ Հեգսեթը «X» սոցիալական ցանցում հայտնել է, որ գերատեսչությունն անմիջապես սկսել է Վաշինգտոնի մերձակայքում տեղի ունեցած ավիավթարի հետաքննությունը։ «Անմիջապես հետաքննություն է սկսվել բանակի և պաշտպանության նախարարության կողմից»,- գրել է նա։ «Black Hawk» ռազմական ուղղաթիռի և Կանզասից 64 մարդ տեղափոխող ուղևորատար ինքնաթիռի բախումը կարող է դառնալ վերջին 15 տարվա ընթացքում ԱՄՆ-ի ամենաողբերգական ավիավթարը։ ...
