13:49 23.01.2025
Հայաստանի և Ադրբեջանի միջև բանակցությունների համար Երևանի համար ընդունելի են բոլոր այն հարթակները, որտեղ կհարգվեն Հայաստանի Հանրապետության շահերից բխող սկզբունքները։«Արմենպրես»-ի հաղորդմամբ՝ այս մասին լրագրողների հետ ճեպազրույցի ընթացքում հայտարարեց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը՝ խոսելով Հայաստանի և Ադրբեջանի միջև հարաբերությունների կարգավորման համար առկա հարթակների, ինչպես նաև 2020 թվականի նոյեմբերի 9-ի Հայաստան, Ռուսաստան, Ադրբեջան եռակողմ հայտարարության մասին։
Նրա խոսքով՝ բանակցային այն հարթակներում, որտեղ կհարգվեն Հայաստանի Հանրապետության և, առհասարակ, պետությունների սուվերենության շահերից բխող սկզբունքները, Երևանի համար ընդունելի են։
«Հայաստանի արտաքին գործերի նախարար Արարատ Միրզոյանի՝ Մոսկվա կատարած այցը նաև հենց դրա մասին է։ Ինչ վերաբերում է նոյեմբերի 9-ի հայտարարության 9-րդ կետին, «Խաղաղության խաչմերուկ» նախագծում մեր ներկայացրած առաջարկներին, ապա ես կարծում եմ, որ դրանք այդքան էլ չեն տարբերվում միմյանցից, որովհետև նոյեմբերի 9-ի հայտարարության մեջ որևէ խոսք չկա էքստերիտորիալ տարածքի մասին այնպես, ինչպես «Խաղաղության խաչմերուկ» նախագծում։ Մենք խոսում ենք ճանապարհների ապաշրջափակման, ենթակառուցվածքների վերագործարկման մասին՝ յուրաքանչյուր պետության սուվերենության ներքո»,-ընդգծեց Հովհաննիսյանը։
Վերջինիս բնորոշմամբ՝ հայ-ադրբեջանական բանակցությունները բազմակողմ հարթակներով են տեղի ունենում, և Երևանն օգտագործում է բոլոր հնարավորություններն՝ առաջ տանելու համար խաղաղության օրակարգը։
«Մենք չենք ֆիքսվում կոնկրետ մեկ հարթակի վրա, որովհետև կարծում ենք, որ մեկ հարթակում մինչ այս այդքան էլ արդյունավետ չեն եղել այդ քննարկումները»,-ասաց Արթուր Հովհաննիսյանը։
22:57 23.01.2025
Գազայի հատվածի համաձայնագրի նոր փուլի շուրջ բանակցությունները կսկսվեն երկու շաբաթիցԳազայի հատվածում հրադադարի համաձայնագրի երկրորդ փուլի քննարկման շուրջ բանակցությունները կսկսվեն երկու շաբաթից։ Դա հաստատել է Հորդանան գետի արեւմտյան ափի ՀԱՄԱՍ բջիջի ղեկավար Զահեր Ջաբարինը։ «Երկու շաբաթից կսկսվեն բանակցությունները համաձայնագրի երկրորդ փուլի շուրջ, որի ընթացքում կքննարկվեն երեք հիմնական կետեր»,-ասել է Ջաբարին, նրա խոսքերը մեջբերված են ՀԱՄԱՍ-ի հեռագրային ալիքում։ Հորդանան գետի արեւմտյան ափի զինյալների ղեկավարը նաեւ ընդգծել […] ...
22:47 23.01.2025
Ես գտնում եմ, որ հայ-ռուսական հարաբերությունները այսօր շատ պրակտիկ հողի վրա են. Շիրակ Թորոսյան«Հեռանկարն» այսօր հյուրընկալել է ԱԺ «Քաղաքացիական պայմանագիր» խմբակցության պատգամավոր, պատմաբան Շիրակ Թորոսյանին: Զրույցի ընթացքում անդրադարձ է եղել կառավարության հետ վերջին հարցուպատասխանի ժամանակ պատգամավորի՝ վարչապետին ուղղված հարցին բալանսավորման և բալանսավորված արտաքին քաղաքականության դրսևորումների մասին: Հյուրը անդրադարձել է նաև վերջին քաղաքական զարգացումներին՝ հայ-ամերիկյան ռազմավարական գործընկերության վերաբերյալ փաստաթղթին, Փաշինյան-Պուտին հեռախոսազրույցին, Արարատ Միրզոյանի Մոսկվա կատարած այցին և, ընդհանուր առմամբ, […] ...
22:43 23.01.2025
Իսրայելը հույս ունի Թրամփի օրոք համագործակցել ԱՄՆ-ի հետԻսրայելի արտաքին գործերի նախարար Գեդեոն Սաարը հեռախոսազրույց է ունեցել ԱՄՆ նոր պետքարտուղար Մարկո Ռուբիոյի հետ, որում նա հույս է հայտնել, որ Վաշինգտոնում նախագահ Դոնալդ Թրամփի գլխավորած նոր վարչակազմի օրոք երկու երկրների միջև հետագա սերտ համագործակցություն կլինի: Նա նաև իր գործընկերոջը հրավիրել է այցելել Իսրայել և համաձայնել է շուտով հանդիպել նրա հետ։ «Կարևոր զրույց ունեցա ԱՄՆ […] ...
22:33 23.01.2025
Բելառուսում վաղաժամկետ քվեարկության եռօրյա մասնակցությունը կազմել է 27,15 տոկոսԲելառուսի ընտրողների ավելի քան մեկ քառորդը երեք օր շուտ է քվեարկել Բելառուսի նախագահական ընտրություններում: Հանրապետության կենտրոնական ընտրական հանձնաժողովի տվյալներով՝ «երեք օրվա ընթացքում Բելառուսի Հանրապետության նախագահական ընտրությունների վաղաժամկետ քվեարկությանը մասնակցել է ընտրացուցակներում ընդգրկված քաղաքացիների ընդհանուր թվի 27,15%-ը»։ Ընտրողների ամենաբարձր մասնակցությունը գրանցվել է Բրեստի և Վիտեբսկի մարզերում, որտեղ քվեարկել է ընտրողների համապատասխանաբար 30,66%-ը և 27,47%-ը։ Գոմելի շրջանում […] ...
22:28 23.01.2025
Նիկոլ Փաշինյանը և Արտեմ Փաթափությանը քննարկել են գիտության ոլորտի զարգացմանը վերաբերող հարցերԴավոսում՝ Համաշխարհային տնտեսական ֆորումի շրջանակում, ՀՀ վարչապետ Նիկոլ Փաշինյանը հանդիպում է ունեցել հայազգի անվանի գիտնական, մոլեկուլային կենսաբան և նյարդաբան Արտեմ Փաթափությանի հետ, ով 2021 թվականին արժանացել է Նոբելյան մրցանակի: Վարչապետը բարձր է գնահատել պարոն Փաթափությանի բացառիկ ներդրումն ու գիտական ձեռքբերումները համաշխարհային գիտության ոլորտում՝ ընդգծելով, որ գիտության և կրթության զարգացումը ՀՀ Կառավարության ռազմավարական առաջնահերթություններից է։ Վարչապետը […] ...
22:26 23.01.2025
Գուտերեշը դեռ չի պլանավորում հանդիպել Թրամփի հետՄԱԿ-ի գլխավոր քարտուղար Անտոնիո Գուտերեշը դեռ չի ծրագրում մեկնել Վաշինգտոն՝ հանդիպելու ԱՄՆ նոր նախագահ Դոնալդ Թրամփի հետ։ Այս մասին լրագրողների համար ճեպազրույցում ասել է համաշխարհային կազմակերպության ղեկավարի պաշտոնական ներկայացուցչի տեղակալ Ֆարհան Հակը։ «Դեռևս հայտարարություններ չունեմ գլխավոր քարտուղարի այցերի հետ կապված»,- ասել է նա՝ ի պատասխան հարակից հարցի։ ԱՄՆ 47-րդ նախագահ Դոնալդ Թրամփի երդմնակալության արարողությունը տեղի […] ...
