13:29 20.01.2025
ՆԳ նախարարի տեղակալներ Արմեն Ղազարյանն ու Արմեն Մկրտչյանը հունվարի 17-ին մասնակցել են ՄԱԿ-ի Զարգացման ծրագրի «Դիմակայունություն բոլորի համար» նախաձեռնության շրջանակում կազմակերպված «Արդյունքների առաջխաղացման ուղին, հյուրընկալող համայնքների և փախստականների դիմակայունության ամրապնդում» խորագրով ամփոփիչ միջոցառմանը։
Ներկա էին Նորվեգիայի Թագավորության դեսպանության, ՄԱԿ-ի Զարգացման ծրագրի, Ազգային ժողովի, շահագրգիռ նախարարությունների ներկայացուցիչներ, համայնքների ղեկավարներ ու կամավորներ։
Ողջույնի խոսքով հանդես են եկել ԱԺ նախագահի տեղակալ Հակոբ Արշակյանը, Հայաստանում Նորվեգիայի Թագավորության արտակարգ և լիազոր դեսպան Բերգլյոտ Հովլանդը և Հայաստանում ՄԱԶԾ մշտական ներկայացուցիչ Նաթիա Նացվլիշվիլին։
Արմեն Ղազարյանն ամփոփել է Ծրագրի շրջանակում ՆԳ նախարարության կողմից համայնքների դիմակայունության ամրապնդման և ԼՂ բռնի տեղահանված անձանց փաստաթղթավորման կարգի դյուրացման ուղղությամբ կատարված աշխատանքները, մասնավորապես, փաստացի հաշվառման և ժամանակավոր պաշտպանության վկայականների տրամադրման թվայնացումը։
Աղետների ռիսկի կառավարման համատեքստում՝ Արմեն Ղազարյանն առանձնացրել է Մասիս համայնքում կամավորական ջոկատների ձևավորումը, վաղ ազդարարման համակարգերի արդիականացումը և հանրության իրազեկվածության բարձրացումը։
Ընդգծելով Ծրագրի ներառականության բաղադրիչը՝ փոխնախարարը կարևորել է ԼՂ բռնի տեղահանված բնակչության և նրանց ընդունող համայնքների կարիքների համապարփակ մոտեցումը։
Արմեն Ղազարյանը շնորհակալություն է հայտնել բոլոր գործընկերներին և հույս հայտնել, որ առաջիկա ծրագրերը կներառեն ՆԳ նախարարության գործառույթների զարգացումն ու թվայնացման գործընթացի ընդլայնումը։
Գրանցված արդյունքների և առկա ձեռքբերումների վերաբերյալ տեղեկատվությամբ կիսվել են նաև Ազգային ժողովի և շահագրգիռ այլ նախարարությունների ներկայացուցիչները։
Միջոցառման ավարտին տեղի է ունեցել մրցանակների հանձնում։
Վկայականներ են ստացել շահառու այն համայնքների ղեկավարները, որտեղ Ծրագրի շրջանակում ուժեղացվել են ավագանու և աշխատակազմի կարողությունները։
ՆԳ նախարարի տեղակալ Արմեն Մկրտչյանը վկայականներ է հանձնել Մասիս համայնքի կամավորներին։
Վկայականներ են հանձնվել նաև իրավաբանական օգնություն տրամադրողներին, իսկ այն համայնքների ղեկավարներին, որտեղ նախագծվել և գործարկվել են նորարարական համայնքային ոլորտային ծառայություններ. շնորհվել են տրանսպորտային միջոցներ։
Փակման խոսքում Նաթիա Նացվլիշվիլին շնորհակալություն է հայտնել մասնակիցներին` արդյունավետ համագործակցության համար։
ՄԱԿ-ի Զարգացման ծրագրի «Դիմակայունություն բոլորի համար» նախաձեռնությունն իրականացվել է Նորվեգիայի կառավարության ֆինանսավորմամբ՝ ՀՀ կառավարության և ԱԺ հետ համագործակցությամբ։
21:57 20.01.2025
Ալ-Սիսին շնորհավորել է Թրամփին ԱՄՆ նախագահի պաշտոնը ստանձնելու կապակցությամբԵգիպտոսի նախագահ Աբդել Ֆաթահ ալ Սիսին շնորհավորել է ԱՄՆ նոր նախագահ Դոնալդ Թրամփին պաշտոնը ստանձնելու կապակցությամբ։ Համապատասխան հայտարարությունը տեղադրվել է Ալ-Սիսիի ֆեյսբուքյան պաշտոնական էջում: «Շնորհավորում եմ Դոնալդ Թրամփին սահմանադրական երդում տալու և Միացյալ Նահանգների նախագահի պաշտոնը ստանձնելու կապակցությամբ և հաջողություն եմ մաղթում նրան»,- գրել է Եգիպտոսի նախագահը։ Ալ-Սիսին հավելել է, որ հույս ունի «շարունակել համագործակցությունը» […] ...
21:53 20.01.2025
Համընդհանուր հայտարարագրի մասին. Նիկոլ ՓաշինյանՀՀ վարչապետ Նիկոլ Փաշինյանը ֆեյսբուքյան իր էջում տեսանյութ է հրապարակել և գրել․ «Համընդհանուր հայտարարագրի մասին»։ ...
21:45 20.01.2025
Վանաձորը 2025-ը սկսում է կայուն ջրամատակարարմամբՎանաձորը 2025-ը սկսում է կայուն ջրամատակարարմամբ: Համայնքային ենթակառուցվածքների 2-րդ ծրագրի 3-րդ փուլով քաղաքը վերջապես լուծում է տարիների խնդիրը: Մանրամասները՝ ՀՀ կառավարության տեսանյութում։ ...
21:35 20.01.2025
Ջեյմս Վենսը ստանձնել է ԱՄՆ փոխնախագահի պաշտոնըԱՄՆ 50-րդ փոխնախագահ Ջեյմս Դեյվիդ Վենսի երդմնակալության արարողությունը տեղի է ունեցել Կոնգրեսի կենտրոնական դահլիճում՝ Ռոտոնդա քաղաքում։ Հանրապետականը հավատարմության երդում է տվել Սահմանադրությանն ու երկրին: «Ես հանդիսավոր կերպով երդվում եմ, որ կաջակցեմ և կպաշտպանեմ Միացյալ Նահանգների Սահմանադրությունը արտաքին և ներքին թշնամիներց, հավատարիմ կլինեմ այս երդմանը: Ես ազատորեն ընդունում եմ այս պարտավորությունը և երդվում եմ, որ հավատարմորեն […] ...
21:28 20.01.2025
Թրամփը ստանձնել է պաշտոնը որպես Միացյալ Նահանգների 47-րդ նախագահԱՄՆ 47-րդ նախագահ Դոնալդ Թրամփի երդմնակալության արարողությունը 40 տարվա մեջ առաջին անգամ տեղի է ունեցել Կոնգրեսի կենտրոնական դահլիճում՝ Ռոտոնդա քաղաքում, որը կարող է տեղավորել մոտ հազար մարդ։ Հանրապետականը հավատարմության երդում է տվել Սահմանադրությանն ու երկրին: «Ես՝ Դոնալդ Ջոն Թրամփս, հանդիսավոր կերպով երդվում եմ, որ հավատարմորեն կկատարեմ Միացյալ Նահանգների նախագահի պաշտոնը և իմ հնարավորությունների սահմաններում կպահպանեմ, […] ...
