12:29 13.01.2025
Հարավային Կովկասի և Վրաստանի ճգնաժամի հարցերով Եվրոպական միության հատուկ ներկայացուցիչ Մագդալենա Գրոնոն ամփոփել է հունվարի 7-11-ը տարածաշրջան կատարած իր առաջին այցն ու մանրամասներ ներկայացրել անցկացված հանդիպումներից։
«Արմենպրես»-ի հաղորդմամբ՝ այս մասին ԵՄ հատուկ ներկայացուցիչ Գրոնոն գրառում է կատարել X-ի իր միկրոբլոգում՝ հայտարարելով, որ Հայաստանում և Ադրբեջանում ունեցած իր հանդիպումների ընթացքում փոխանցել է ԵՄ-ի շարունակական ամուր հանձնառությունը ռազմավարական տարածաշրջանին և Երևանի ու Բաքվի հետ գործընկերային հարաբերություններին։
«Կարևոր է առաջ շարժվել դեպի կայուն խաղաղություն, առաջընթաց ապահովել չլուծված հարցերի շուրջ և նախապատրաստել բնակչությանը խաղաղ ապագային: Կարևոր է սպառնալիքների ընկալումը լուծելն ու նվազեցնելը, այդ թվում՝ հանրային հաշտեցման ջանքերի և խաղաղության հաստատման դրական հռետորաբանության միջոցով»,-նշված է Մագդալենա Գրոնոյի գրառման մեջ:
ԵՄ հատուկ ներկայացուցիչը գրառման մեջ նշել է, որ Հայաստանում և Ադրբեջանում ունեցած տարբեր հանդիպումներում ընդգծվել է ԵՄ-ի պատրաստակամությունն՝ ուժեղացնելու աջակցությունը Հայաստան-Ադրբեջան բանակցություններին, հումանիտար խնդիրների լուծմանը, տարածաշրջանային համագործակցության նախաձեռնություններին և այլն։
«Շեշտվել է Եվրոպական միության պատրաստակամությունն՝ ուժեղացնելու աջակցությունը կարգավորմանն՝ իր բոլոր բաղադրիչներով, ներառյալ՝ աջակցություն Հայաստան-Ադրբեջան շարունակվող երկկողմ բանակցություններին, ուշադրություն կենտրոնացնելու կապի կոնկրետ բաղադրիչների և հումանիտար խնդիրների վրա, խթանելու տարածաշրջանային համագործակցության նախաձեռնությունները»,-նշել է ԵՄ հատուկ ներկայացուցիչը։
Վերջինս նաև հայտնել է, որ երկու երկրների մայրաքաղաքներում ղեկավարությունների և պաշտոնյաների հետ տեղի է ունեցել մտքերի խորը փոխանակում, թե ինչպես լավագույնս առաջ մղել խաղաղությունը, կարգավորման ջանքերը, տարածաշրջանային համագործակցությունը, ԵՄ-Հայաստան և ԵՄ-Ադրբեջան երկկողմ հարաբերությունները։ Մագդալենա Գրոնոն նաև հավելել է, որ կազմակերպության կողմից բարձր են գնահատվում նաև տեղական քաղաքացիական հասարակությունների հետ մտքերի փոխանակումները:
21:50 13.01.2025
Թուրքիայում հնարավոր է արտահերթ նախագահական ընտրություններ տեղի ունենան. կրկին կառաջադրվի՞ ԷրդողանըԹուրքիայում սկսել են խոսել արտահերթ նախագահական ընտրությունների հավանականության մասին: Այդ թեմային վերաբերող հայտարարություններով օրերս հանդես են եկել և՛ իշխանության, և՛ ընդդիմության ներկայացուցիչները: Անգամ վաղաժամկետ ընտրությունների օր է քննարկվում: Եվ ե՞րբ կարող են լինել ընտրությունները: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Հերթական նախագահական ընտրությունները Թուրքիայում պետք է անցկացվեն 2028թ.-ին: Այսինքն՝ դեռ բավական ժամանակ կա, բայց, […] ...
21:40 13.01.2025
Քաղաքաշինության կոմիտեն ամփոփել է 2024-ի աշխատանքները2024թ.-ին Քաղաքաշինության կոմիտեն համակարգել է 115 շինարարական և 34 նախագծային ենթածրագրեր: Իրականացվել են շուրջ 15 մլրդ դրամի շինաշխատանքներ, ավարտվել է 49 օբյեկտի շինարարություն: Քաղաքաշինության կոմիտեի նախագահն ամփոփել է նախորդ տարվա աշխատանքները: Մանրամասները՝ ռեպորտաժում: ...
21:30 13.01.2025
Հարավային Կորեայի նախագահի անվտանգության ծառայության շարքերում դժգոհություն է հասունանումԿորեայի Հանրապետության նախագահի անվտանգության ծառայության միջին և բարձրաստիճան աշխատակիցների մեծ մասը դեմ է պետության ղեկավարի ձերբակալությունը բռնությամբ կանխելու փորձերին։ Այս մասին հայտնում է Hangere թերթը՝ հղում անելով հատուկ ծառայության վետերանին։ Ըստ նրա տեղեկությունների՝ հունվարի 11-ին նախագահ Յուն Սեոկ Յոլը, իբրև, հրահանգել է անվտանգության ղեկավարությանը դիտարկել ուժ կիրառելու հնարավորությունը ձերբակալման երկրորդ փորձի դեպքում։ Դեկտեմբերի 14-ին՝ իմփիչմենթից […] ...
21:22 13.01.2025
Ուկրաինայի վերաբերյալ բանակցությունները պետք է ներառեն նրա հարաբերությունները ՆԱՏՕ-ի հետ. ՌյուտեՆԱՏՕ-ի գլխավոր քարտուղար Մարկ Ռյուտեն կարծում է, որ Ուկրաինայի հարցով խաղաղ բանակցությունները պետք է ներառեն նրա հարաբերությունները դաշինքի հետ։ «Խաղաղ բանակցությունների մի մասը պետք է անդրադառնա ՆԱՏՕ-ի հետ Ուկրաինայի հարաբերություններին, գերադասելի է ՆԱՏՕ-ի շրջանակներում»,-ասել է նա՝ ելույթ ունենալով Եվրախորհրդարանի արտաքին քաղաքականության և պաշտպանության հանձնաժողովի անդամների հետ: Միևնույն ժամանակ, Ռյուտեն կոչ է արել կանխատեսումներ չանել և […] ...
21:12 13.01.2025
Ուսիկը The Ring-ի վարկածով ճանաչվել է տարվա լավագույն բռնցքամարտիկԳերծանր քաշային կարգում WBA, IBF և WBO վարկածներով աշխարհի չեմպիոն, ուկրաինացի Ալեքսանդր Ուսիկը բռնցքամարտի հեղինակավոր The Ring ամսագրի կողմից ճանաչվել է լավագույնը 2024 թվականին: Անվանակարգերում գրանցվել են հետևյալ արդյունքները․ Տարվա լավագույն բռնցքամարտիկ՝ Ալեքսանդր Ուսիկ Տարվա նոկաուտ՝ Դենիել Դյուբուա, ով հաղթել է Էնթոնի Ջոշուային Տարվա վերադարձ՝ Բիլի Դիբ Տարվա լավագույն ռաունդ՝ Ալեքսանդր Ուսիկի և Թայսոն Ֆյուրիի […] ...
