17:10 12.01.2025
Այսօր՝ դատական իշխանության օրվան նվիրված պաշտոնական միջոցառմանը Բարձրագույն դատական խորհրդի նախագահ Արթուր Աթաբեկյանը շնորհավորել է դատավորներին և դատական ծառայողներին՝ առանձնահատուկ կարևորելով այն հանգամանքը, որ ժողովրդավարության ուղիով ընթացող բոլոր երկրներում առանձնակի դերակատարություն ունեն դատարանները, որոնց գործունեության արդյունքները թե՛ պետության, թե՛ հասարակության ձևավորման և կենսագործունեության ընթացքում մշտապես կրել են իրավունքի գերակայության, արդյունավետ արդարադատության և արդար դատաքննության երաշխավորի դերը։ Այս մասին հայտնում են Դատական իշխանությունից։
«Այս սկզբունքների ամրագրմամբ է իրականացվել պետականության շինարարությունը և ձևավորվել ժողովրդավարական հասարակությանը հարիր դատական համակարգ», – ընդգծել է Բարձրագույն դատական խորհրդի նախագահը:
Միաժամանակ կարևորվել է դատավորների և դատական համակարգի աշխատակիցների կողմից իրենց մասնագիտական գործունեության բարեխիղճ իրականացումը, շարունակաբար գործադրվող ջանքերը դատաիրավական բարեփոխումների ուղղությամբ՝ ի ապահովումն դատական իշխանության անկախության ամրապնդման, դատական համակարգի անխափան գործունեության և արդարադատության արդյունավետության բարձրացման:
Եզրափակելով խոսքը Բարձրագույն դատական խորհրդի նախագահն ընդգծել է նաև, որ դատական իշխանության հեղինակության բարձրացման ուղղությամբ բավականին անելիք ունեն հենց իրենք դատավորները.
«Մասնավորապես՝ օրենսդրությամբ սահմանված վարքագծի կանոների պահպանումից սկսած մինչև մեր՝ որպես դատավորի սահմանադրական առաքելության իրականացում, որը, իմ համոզմամբ, առաջին հերթին պետք է դրսևորվի իրավունքի գերակայության պահպանմամբ, ինչն ունի իր բաղադրատարրերն ու սկզբունքները, մասնավորապես, օրինակություն, իրավական որոշակիություն, կամայականության արգելք, անկախ և անկողմնակալ դատարանում արդարադատության մատչելիություն, մարդու իրավունքների նկատմամբ հարգանք, խտրականության արգելք, հավասարություն օրենքի առաջ»,-ամփոփել է Բարձրագույն դատական խորհրդի նախագահը՝ շեշտադրելով, որ նման գործողությունների իրականացումը նպաստելու է ժողովրդավարական հասարակությանը հարիր դատական համակարգ ունենալու, հանրային վստահությունն ու իրավունքի գերակայությունն ամրապնդելու բոլորի նպատակի իրագործմանը»,-ասված է հաղորդագրության մեջ։
23:59 12.01.2025
Ղրիմի ափերի մոտ երկրաշարժ է տեղի ունեցելՍև ծովում՝ Ղրիմի ափերի մոտ, 4,2 մագնիտուդով երկրաշարժ է տեղի ունեցել։ Այս մասին ասվում է Եվրոպական միջերկրածովյան սեյսմոլոգիական կենտրոնի կայքում։ Երկրաշարժը տեղի է ունեցել Սև ծովում 45 կմ խորության վրա՝ Կերչից 75 կմ հեռավորության վրա՝ Մոսկվայի ժամանակով 17:49-ին, հայտնում են վերլուծաբանները։ Շաբաթ օրը՝ հունվարի 11-ի առավոտյան, մի քանի ժամվա ընթացքում Սոչիում մի քանի փոքր երկրաշարժ […] ...
23:39 12.01.2025
Բունդեսթագը կոչ է արել ամերիկացի զինվորականներին լքել ԳերմանիանԲունդեսթագի պատգամավոր Սևիմ Դագդելենը («Sarah Wagenknecht Union for Reason and Justice» – BSW) Բոննում Դաշնային կուսակցության համագումարում սուր քննադատության է ենթարկել Գերմանիայում ամերիկյան զորքերի ներկայությունը, որը հեռարձակվել է Phoenix TV-ով։ Դագդելենը կոչ է արել անհապաղ դուրս բերել ամերիկյան 37 հազարանոց զորախումբը։ «Մենք այլևս չենք կարող մեզ թույլ տալ Գերմանիայում 37000 զինվորականի ներկայություն»,-ասել է նա: Նրա […] ...
23:20 12.01.2025
Թրամփի խորհրդականն ասել է, թե երբ կկայանա Պուտինի հետ հեռախոսազրույցըԱՄՆ նորընտիր նախագահ Դոնալդ Թրամփի և Ռուսաստանի նախագահ Վլադիմիր Պուտինի հեռախոսազրույցը կարող է տեղի ունենալ «առաջիկա օրերին կամ շաբաթներին», ասել է Թրամփի ազգային անվտանգության հարցերով խորհրդական Մայք Ուոլցը։ «Մենք դեռ չենք որոշել ստույգ կառուցվածքը, բայց աշխատում ենք դրա վրա, ես ակնկալում եմ, որ առնվազն առաջիկա օրերին կամ շաբաթներին զանգը տեղի կունենա, սա կլինի առաջին քայլը, […] ...
23:00 12.01.2025
Շվեդիան կմասնակցի ՆԱՏՕ-ի դիտարկմանը Բալթյան երկրներումՇվեդիան ՆԱՏՕ-ի անդամ մյուս երկրների հետ միասին կմասնակցի Բալթիկ ծովում դաշինքի նոր գործողությանը։ Շվեդիան կտրամադրի երեք ռազմանավ և դիտորդական ինքնաթիռ, մամուլի ասուլիսի ժամանակ ասել է վարչապետ Ուլֆ Քրիսթերսոնը։ «Շվեդիան այլ դաշնակիցների հետ միասին կմասնակցի Բալթիկ ծովում ՆԱՏՕ-ի նոր օպերացիային»,- նշել է նա: Քրիստերսոնը նաև բացատրել է, որ որպես ՆԱՏՕ-ի անդամ՝ Շվեդիան առաջին անգամ է ռազմական […] ...
22:43 12.01.2025
ՃՏՊ Երևան-Մեղրի ավտոճանապարհին․ կա տուժածՀունվարի 12-ին, ժամը 20:17-ին Վայոց ձորի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Արփի գյուղի մոտակայքում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ: Պարզվել է, որ Երևան-Մեղրի ավտոճանապարհի 114-րդ կմ-ին բախվել են «ZIL» մակնիշի […] ...
22:40 12.01.2025
Սիրիան ազատ է արձակել Հոմսում անկարգությունների ժամանակ ձերբակալված 360 մարդուՍիրիայի անցումային կառավարության իշխանությունները ազատ են արձակել դեկտեմբերի վերջին Հոմս քաղաքում (Դամասկոսից 160 կմ հեռավորության վրա) կայունությունը վերականգնելու անվտանգության գործողության ընթացքում ձերբակալված քաղաքացիների մեծ խմբին։ Այդ մասին Al Watan թերթին հայտնել է նահանգի գլխավոր անվտանգության վարչության աղբյուրը։ «Ազատ են արձակվել 360 մարդ, ովքեր մասնակցել են անկարգություններին, բայց նախկին նախագահ Բաշար ալ-Ասադի օրոք ներգրավված չեն եղել […] ...
