14:55 08.01.2025
Հարավային Կորեայի նախագահի անվտանգության ծառայությունը այս շաբաթ նախագահ Յուն Սեոկ Յոլի կեցավայրն ամրացրել է փշալարերով և բարիկադներով։ Անվտանգությունն օգտագործել է ավտոբուսներ՝ արգելափակելու մուտքը դեպի կեցակավայր։
Չորեքշաբթի օրը՝ հունվարի 8-ին, Յուն Սեոկ Յոլի փաստաբաններից մեկն ասել է, որ նախագահը չի կարող համաձայնել ձերբակալման հրամանին, քանի որ այն տրվել է ոչ պատշաճ իրավասությամբ, և Կոռուպցիոն պրակտիկայի գլխավոր գրասենյակը իրավասու չէ քննել գործող ղեկավարին:
Միևնույն ժամանակ, Կոռուպցիոն պրակտիկայի գլխավոր գրասենյակի ղեկավարը, որը ղեկավարում է հետաքննությունը, խոստացել է ձերբակալել ժամանակավոր պաշտոնանկ արված նախագահին այն բանից հետո, երբ վերահրապարակվել է հրամանը:
«Մենք ամեն ինչ անելու ենք մեր նպատակին հասնելու համար՝ այս անգամ ավելի զգուշավոր պատրաստվելով երկրորդ հրամանը կատարելու համար», – ասել է նա խորհրդարանական հանձնաժողովին:
Ձերբակալության տարբեր սցենարները, ինչպես հաղորդում են տեղական ԶԼՄ-ները, ներառում են ոստիկանության հատուկ ստորաբաժանումների և ծանր տեխնիկայի մոբիլիզացում՝ բարիկադները անցնելու համար, որից հետո ավելի քան 2000 ոստիկաններ կհեռացնեն նախագահի գվարդիան, ինչը կարող է տևել մինչև երեք օր։
Հիշեցնենք, որ 2024 թվականի դեկտեմբերի սկզբին Հարավային Կորեայի նախագահ Յուն Սեոկ Յոլը երկրում ռազմական դրություն հայտարարեց։ Դա պայմանավորված էր ոչ թե ռազմական սպառնալիքով, այլ ներքին իրավիճակով։
Ռազմական դրությունը տևեց մի քանի ժամ, բայց դա նշանավորեց Հարավային Կորեայում քաղաքական ճգնաժամի սկիզբը։ Իրավապահները հետաքննություն են սկսել նախագահի դեմ։ Յուն Սեոկ Յոլը հեռացվել է նախագահի պաշտոնից, երկրի Սահմանադրական դատարանը սկսում է իմպիչմենտի դատավարությունը։
Հարավային Կորեայի դատարանը հունվարի 1-ին Յուն Սեոկ Յոլին ձերբակալելու օրդեր է տվել, սակայն անվտանգության ուժերը չեն կարողացել նրան կալանավորել նախագահական գվարդիայի դիմադրության պատճառով։ Դատարանը կրկին կալանքի որոշում է կայացրել։
20:10 09.01.2025
Արման Ծառուկյանը գործող չեմպիոն Իսլամ Մախաչևի հետ տիտղոսային մենամարտից 11 օր առաջ ցուցադրել է մարզավիճակըUFC-ի թեթև քաշային կարգի դասակարգման աղյուսակի առաջատար Արման Ծառուկյանը գործող չեմպիոն Իսլամ Մախաչևի հետ տիտղոսային մենամարտից 11 օր առաջ ցուցադրել է մարզավիճակը։ «Մենք աշխատում ենք ամեն օր՝ ավելի լավը դառնալու համար»,- սոցցանցերում հրապարակած լուսանկարին կից գրել է 28-ամյա մարտիկը: Արման Ծառուկյանը 2019թ. ապրիլի 20-ին UFC-ում նորամուտը նշել էր Մախաչևի դեմ մենամարտով և դիտարժան պայքարում պարտվել […] ...
20:05 09.01.2025
Մխիթար Հայրապետյանն ամփոփել է ԲՏԱ նախարարության 2024թ. գործունեությունըՀՀ բարձր տեխնոլոգիական արդյունաբերության նախարար Մխիթար Հայրապետյանը հունվարի 9-ին տեղի ունեցած մամուլի ասուլիսում ամփոփել է նախարարության 2024 թվականի գործունեությունը, հայտնում են ՀՀ բարձր տեխնոլոգիական արդյունաբերության նախարարությունից։ Նախարար Մխիթար Հայրապետյանի ելույթը՝ համառոտ. «Երկարատև աշխատանքի արդյունքում 2024 թվականին հաջողվեց մեծ փաթեթով փոփոխություններ ընդունել «Ռազմարդյունաբերական համալիրի մասին» օրենքում, որը հիմնական 4 նոր գործառույթներով է գալիս օժտելու Ռազմարդյունաբերության կոմիտեին […] ...
19:58 09.01.2025
Ֆլիկը պատժել է «Բարսելոնայի» դարպասապահին«Բարսելոնայի» գլխավոր մարզիչ Հանսի Ֆլիկը պատժել է ակումբի դարպասապահ Ինյակի Պենյային: Գերմանացի մասնագետը 25-ամյա դարպասապահին ուշացման համար դուրս է թողել Բիլբաոյի «Աթլետիկի» դեմ Իսպանիայի Սուպերգավաթի խաղարկության կիսաեզրափակիչ խաղի մեկնարկային կազմից։ Նրա փոխարեն դաշտ է դուրս եկել 34-ամյա Վոյցեխ Շչեսնին։ Ֆլիկն իմացել է, որ Պենյան ինչ-որ գործ է ունեցել հյուրանոցում, սակայն, քանի որ նա խախտել է […] ...
19:54 09.01.2025
Կալիֆոռնիայում հրդեհների հետևանքով զոհվածների թվում ՀՀ քաղաքացիներ չկան. ԱԳՆԱՄՆ Կալիֆոռնիա նահանգում հունվարի 7-ից բռնկված հրդեհների հետևանքով զոհվածների թվում, այս պահին ունեցած տեղեկություններով, ՀՀ քաղաքացիներ չկան: «Արմենպրես»-ի հետ զրուցում այս մասին տեղեկացրել է ՀՀ արտաքին գործերի նախարարության մամուլի խոսնակ Անի Բադալյանը։ «Լոս Անջելեսում ՀՀ գլխավոր հյուպատոսությունն աշխատում է բնականոն ռեժիմով, իրականացվում է հյուպատոսական ընդունելություն: Հունվարի 8-ին ստացվել է շուրջ երեք տասնյակ հեռախոսազանգ՝ հյուպատոսական բնույթի […] ...
19:50 09.01.2025
Սերգեյ Փարաջանով-100. հոբելյանական պետական ծրագրով 2024 թվականին Հայաստանում և արտերկրում իրականացվել է 21 միջոցառումՀՀ վարչապետ Նիկոլ Փաշինյանի որոշմամբ 2024 թ. ստեղծվել էր ՀԽՍՀ ժողովրդական արտիստ, անվանի կինոռեժիսոր Սերգեյ Փարաջանովի ծննդյան 100-ամյակի հոբելյանական հանձնաժողով, որը հաստատել էր միջոցառումների ծրագիրը: Սերգեյ Փարաջանովի ծննդյան 100-ամյակն ընդգրկված է ՅՈՒՆԵՍԿՕ-ի Հռչակավոր մարդկանց և կարևոր իրադարձությունների հոբելյանների 2024-2025 թթ. օրացույցում, և իրականացված հոբելյանական միջոցառումներն անցկացվել են ՅՈՒՆԵՍԿՕ-ի տարբերանշանի ներքո: Ինչպես տեղեկացնում են ԿԳՄՍ նախարարությունից, […] ...
