17:30 27.12.2024
Գործատուների հետ աշխատանքն ամենակարևոր խնդիրն է, որովհետև կրթական համակարգն ինքնուրույն չի կարող որոշել կրթական ծրագրի բովանդակությունը։ Գործատուների ակտիվ ներգրավվածությունը, նրանց կողմից կատարվող ուղղորդումը, թե աշխատաշուկայում ինչպիսի հմտությունների ու գիտելիքի կարիք կա, շատ կարևոր են ՄԿՈՒ ոլորտի կրթական ծրագրերի մշակման ժամանակ։
Այս մասին ՀՀ կառավարության այսօրվա նիստում հայտարարել է ԿԳՄՍ նախարար Ժաննա Անդրեասյանը՝ արձագանքելով փոխվարչապետ Մհեր Գրիգորյանի՝ ՄԿՈՒ հաստատություններում կրթական ծրագրերի և տնտեսության կարիքների համապատասխանության վերաբերյալ դիտարկմանը։
«Իրականում ՄԿՈՒ ոլորտում բոլոր ինստիտուցիոնալ մեխանիզմները նախատեսված են, և գործատուների ներգրավվածությունը, սկսած կրթական ծրագրերի բովանդակության մշակումից մինչև քոլեջների կառավարում, օրենսդրորեն ամրագրված է։ Այստեղ ավելի շատ ունենք կոնկրետ աշխատանքի խնդիր կոնկրետ ոլորտների հետ, որպեսզի կարողանանք ապահովել ակտիվ համագործակցություն։ Կրթության զարգացման ռազմավարությամբ ամրագրված է, որ մենք կարող ենք ՄԿՈՒ հաստատության կառավարումն ընդհուպ մասնավորին հանձնել։ Մենք չունենք խնդիր՝ հաստատությունները պահել պետական կարգավիճակում, մենք ունենք տնտեսվարողների հետ արդյունավետ համատեղ աշխատելու խնդիր»,- ասել է Ժաննա Անդրեասյանը՝ նշելով, որ Տավուշի մարզի քոլեջներից մեկում մասնավորի հետ համագործակցության հաջողված նախադեպ արդեն կա, որը զարգացման հեռանկարային ուղղություն է։
Նախարարը նաև տեղեկացրել է, որ արձանագրվել են դրական ցուցանիշներ․ քոլեջներում և ուսումնարաններում կրթություն են ստանում 45 հազար ուսանողներ, և այս տարի կատարվել է հաջողված ընդունելություն՝ 2024 թվականին ՄԿՈւ հաստատություններ է ընդունվել 15058 ուսանող՝ 2023-ի համեմատ գրանցելով ընդունելության 11.4% աճ։
«Շնորհիվ մեր կրթաթոշակային նոր քաղաքականության՝ հատկապես արդյունաբերության, շինարարության և գյուղատնտեսության ոլորտներում սովորելու համար են ակտիվ դիմում։ Իսկապես առաջնային եմ համարում, որ ծրագրերի բովանդակության շուրջ ունենանք կոնսենսուս, որպեսզի դրանք իրոք այսօրվա աշխատաշուկայի համար պահանջված հմտություններ ապահովեն»,- նշել է նախարարը՝ շեշտելով պետական շահագրգիռ այլ գերատեսչությունների հետ համագործակցային աշխատանքի շարունակականությունը։
Նշենք, որ անցյալ տարվանից պետության կողմից գերակա համարվող մի շարք մասնագիտությունների համար քոլեջներում և ուսումնարաններում սովորողներին տրվում է բարձր՝ 50 հազար դրամ կրթաթոշակ։
00:00 29.12.2024
Ակտաուի մերձակայքում ավիավթարի հետևանքով զոհված չեչնիայի բնակիչների մարմինները հանձնվել են նրանց ընտանիքներինՉեչնիայի երկու բնակիչների՝ Արբի Ուբաեւի և Զաիրա Ացաևայի մարմինները, ովքեր զոհվել են Ակտաուի մերձակայքում տեղի ունեցած ավիավթարի հետևանքով, հանձնվել են նրանց ընտանիքներին։ Այդ մասին հանրապետության ղեկավար Ռամզան Կադիրովը հայտնել է իր Telegram ալիքում։ Նրա խոսքով՝ այժմ հարազատները դիերը տուն են տանում՝ հուղարկավորելու։ «Զոհվածների ընտանիքները կստանան լրացուցիչ ֆինանսական օգնություն ROF-ից»,- ընդգծել է Կադիրովը։ ...
23:52 28.12.2024
Al Masirah. ԱՄՆ-ը և Մեծ Բրիտանիան հարձակվել են Եմենի Հաջա նահանգի վրաԱՄՆ-ի և Մեծ Բրիտանիայի զինված ուժերը հարվածներ են հասցրել Եմենի Հաջա նահանգի տարածքին, որը վերահսկում է ապստամբ հութի շարժումը՝ Անսար Ալլահը։ Այս մասին հայտնում է հութիներին պատկանող Al Masirah հեռուստաալիքը։ Ըստ հաղորդման՝ կոալիցիոն ուժերն առնվազն երկու հարված են հասցրել Միդի շրջանի Բուհեյս գյուղին, որը գտնվում է երկրի հյուսիս-արևմուտքում։ Գործադուլի հետևանքների, այդ թվում՝ հնարավոր զոհերի և […] ...
23:42 28.12.2024
Ուկրաինան բողոք է ներկայացրել ԵՄ-ին՝ Սլովակիայի սպառնալիքների պատճառովՈւկրաինան դիմել է ԵՄ-ին և էներգետիկ համայնքին՝ գազի տարանցման դադարեցման հետ կապված հնարավոր պատասխան միջոցների մասին Սլովակիայի վարչապետ Ռոբերտ Ֆիցոյի խոսքերից հետո, ասել է էներգետիկայի նախարար Գերման Գալուշչենկոն, նրա խոսքերը մեջբերում է երկրի էներգետիկայի նախարարությունը Telegram ալիքում։ «Ինչ վերաբերում է Սլովակիայի ղեկավարության հայտարարություններին այն մասին, որ նրանք մտադիր են դադարեցնել էլեկտրաէներգիայի մատակարարումն Ուկրաինա՝ ի պատասխան […] ...
23:30 28.12.2024
Զուրաբիշվիլին նոր նախագահի երդմնակալությունից առաջ գիշերելու է նստավայրումՎրաստանի նախագահ Սալոմե Զուրաբիշվիլին հայտնել է, որ իր իրավահաջորդ Միխեիլ Կավելաշվիլիի երդմնակալության նախօրեին գիշերելու է նստավայրում, որը մտադիր չէ լքել։ «Ողջունում եմ ձեզ Օրբելիանիի պալատից, ես այստեղ եմ, այստեղ կլինեմ և գիշերելու եմ այստեղ»,-ասել է Զուրաբիշվիլին իր տեսաուղերձում։ Նա կոչ է արել իր կողմնակիցներին դեկտեմբերի 29-ին գալ նստավայր, որտեղ կհայտարարի այդ և հետագա օրերի ծրագրերը։ ...
23:18 28.12.2024
Կատարի վարչապետը ՀԱՄԱՍ-ի պատվիրակության հետ քննարկել է Գազայում հրադադարի հեռանկարներըԿատարի կառավարության ղեկավար և արտաքին գործերի նախարար Մուհամեդ բեն Աբդել Ռահման Ալ Թանին Դոհայում հանդիպել է ՀԱՄԱՍ-ի պատվիրակության հետ՝ Պաղեստինի շարժման քաղբյուրոյի անդամ Խալիլ ալ Հայյայի գլխավորությամբ։ Այս մասին X-ում հայտնել են Կատարի ԱԳՆ-ից։ Նախարարության հաղորդագրության համաձայն՝ կողմերը քննարկել են «Գազայի հատվածում հրադադարի շուրջ բանակցությունների վերջին զարգացումները, ինչպես նաև դիտարկել են հնարավոր ուղիները՝ հստակ և […] ...
23:08 28.12.2024
Մոսկվայի ԱԳՆ-ը անհանգստացած է աֆղանական-պակիստանյան սահմանի սրացումներովՄոսկվան անհանգստացած է Աֆղանստանի և Պակիստանի սահմանին լարվածությամբ, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Մոսկվան անհանգստացած է պակիստանա-աֆղանական սահմանին լարվածության աճով, որտեղ կրակահերթերի հետևանքով զոհվում են ոչ միայն զինվորականներ, այլև քաղաքացիական անձինք»,- ասվում է գերատեսչության կայքում տեղադրված հաղորդագրության մեջ։ Անցած երեքշաբթի Պակիստանը օդային հարվածներ է հասցրել Աֆղանստանի Պակտիկա նահանգի Բարմալ թաղամասին, ինչի հետևանքով […] ...
