19:14 16.12.2024
Մարդու իրավունքների պաշտպան Անահիտ Մանասյանը դասախոսությամբ է հանդես եկել Միջազգային Իրավունքի Ակադեմիայի չորրորդ դասընթացի շրջանակում՝ նվիրված մարդու իրավունքներին:
Միջոցառման նպատակն էր քննարկել մարդու իրավունքների միջազգային իրավունքի բնույթը, կառուցվածքը, կիրառման և պաշտպանության մեխանիզմները, ինչպես նաև Մարդու իրավունքների պաշտպանի հաստատության դերն ու գործունեության ուղղությունները:
Ողջունելով ներկաներին՝ Պաշտպանը նշել է, որ կրթության ոլորտը չափազանց կարևորում է, այդ թվում` մարդու իրավունքների կրթության տեսանկյունից:
«Մարդու իրավունքների կրթությունը ոչ թե տարբեր տերմինների, այլ ապրելակերպի և արժեքների մասին է: Դրա մասին գիտելիքները պետք է լինեն համընդհանուր, քանի որ այն ամենը, ինչ գործնականում սահմանում է իրավունքը, վերաբերում է մարդուն, իսկ մարդը բարձրագույն արժեք է, ում արժանապատվությունն ու իրավունքները պետք է երաշխավորված լինեն», – ասել է Պաշտպանը:
Հանդիպման ընթացքում երիտասարդները բարձրաձայնել են մի շարք ոլորտային հարցեր, քննարկումներ են ծավալվել մարդու իրավունքների և ազատությունների պաշտպանության ոլորտում առկա արդի մարտահրավերների վերաբերյալ:
Դեկտեմբերի 14-ին և 15-ին անցկացված դասընթացին որպես բանախոս հանդես են եկել միջազգային իրավունքի ոլորտի մասնագետներ և ՄԻՊ աշխատակազմի ներկայացուցիչներ, այդ թվում՝ ՄԻՊ աշխատակազմի գլխավոր քարտուղար Նինա Փիրումյանն ու ՄԻՊ աշխատակազմի հետազոտական, փորձագիտական և կրթական կենտրոնի ղեկավարի տեղակալ Մերի Մամիկոնյանը: Նրանք երիտասարդներին ներկայացրել են փախստականների, կանանց և երեխաների իրավունքները, անդրադարձել խոսքի ազատությանն ու ատելության խոսքին, Մարդու իրավունքների եվրոպական դատարանի վճիռներին, մարդու իրավունքների պաշտպանության ՄԱԿ-ի մեխանիզմներին, Հայաստանում և աշխարհում օմբուդսմանական հաստատությունների գործունեությանը:
Երկօրյա դասընթացը կազմակերպվել է Մարդու իրավունքների պաշտպանի աշխատակազմի և Հայաստանի միջազգային իրավունքի միության (ՀՄԻՄ) համագործակցությամբ և կրել է «Մարդու իրավունքների միջազգային իրավունք» խորագիրը:
11:21 04.04.2025
Կհրավիրվեն խորհրդարանական լսումներ
11:14 04.04.2025
ԱՄՆ-ի հետ հարաբերությունները այլևս նույնը չեն լինի Թրամփի գործողությունների պատճառով․ Կանադայի ԱԳՆԿանադայի արտաքին գործերի նախարար Մելանի Ջոլին ասել է, որ Կանադայի և Եվրամիության հարաբերությունները Միացյալ Նահանգների հետ երբեք նույնը չեն լինի՝ կապված ԱՄՆ նախագահ Դոնալդ Թրամփի՝ առևտրի ոլորտում գործողությունների հետ: «Մենք հասկանում ենք, որ հարաբերություններն այլևս նույնը չեն լինի: Ամերիկացիները ցանկանում են այլ կերպ վարվել հարցերի հետ, մենք դա հասկանում ենք: Եվ այսպես, մենք կձգտենք համաձայնության […] ...
10:55 04.04.2025
ԱՍՀ նախարարի տեղակալ Դավիթ Խաչատրյանը մասնակցել է ՄԱԿ-ի ԵՏՀ տարածաշրջանի կայուն զարգացման համաժողովինՀՀ աշխատանքի և սոցիալական հարցերի նախարարի տեղակալ Դավիթ Խաչատրյանն ապրիլի 2-ից 3-ը մասնակցել է Ժնևում կայացած ՄԱԿ-ի «Կայուն, ներառական, գիտահեն և ապացուցահեն լուծումների առաջխաղացում ԵՏՀ տարածաշրջանում 2030 թ. Կայուն զարգացման օրակարգի և դրա Կայուն զարգացման նպատակների համար» խորագրով միջազգային համաժողովին։ Համաժողովին մասնակցել են տարբեր երկրների բարձրաստիճան պաշտոնյաներ, քաղաքականություն մշակողներ, փորձագետներ և այլ շահագրգիռ կողմեր՝ անդրադառնալու […] ...
10:36 04.04.2025
Ֆրանսիայի և Մեծ Բրիտանիայի զինվորականները Կիևում կքննարկեն Արևմուտքի աջակցությունըՖրանսիացի բարձրաստիճան զինվորականները ժամանել են Կիև, որտեղ ապրիլի 4-ին ուկրաինական իշխանությունների հետ նախատեսում են քննարկել երկրում արևմտյան «աջակցող ուժերի» առկայության ապահովումը։ Այս մասին ՆԱՏՕ-ի ԱԳ նախարարների հանդիպման մեկնարկից առաջ հայտարարել է Ֆրանսիայի արտգործնախարար Ժան-Նոել Բարրոն։ «Որոշակի պահի, երբ խաղաղություն հաստատվի, ռազմական աջակցության հնարավորությունների անհրաժեշտություն կառաջանա: Այդ իսկ պատճառով մեր զինվորական ղեկավարներն այսօր կլինեն Կիևում՝ այդ […] ...
10:18 04.04.2025
Երկրաշարժ Ադրբեջանում. այն զգացվել է նաև ՍյունիքումԱպրիլի 4-ին` տեղական ժամանակով ժամը 04:19-ին (Գրինվիչի ժամանակով` ժամը 00։19-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39․28⁰ և արևելյան երկայնության 46.56⁰ աշխարհագրական կոորդինատներով Ադրբեջանում՝ Հայաստանի Կապան քաղաքից 16 կմ հյուսիս-արևելք, օջախի 10 կմ խորությամբ 3․1 մագնիտուդով երկրաշարժ: Երկրաշարժը զգացվել է Կապան քաղաքում 2-3 բալ ուժգնությամբ։ ...
10:14 04.04.2025
Տարադրամի փոխարժեքներն ապրիլի 4-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389․5 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 438 դրամ: Ռուսական ռուբլու առքի առավելագույն արժեքն է 4․60 դրամ, վաճառքի նվազագույն արժեքը՝ 4․7 դրամ: ...
10:00 04.04.2025
Հարավային Կորեայի Սահմանադրական դատարանը հաստատել է նախագահի իմփիչմենթըԿորեայի Հանրապետության Սահմանադրական դատարանը միաձայն հաստատել է նախագահ Յուն Սեոկ Յոլի իմփիչմենթը` վերջնականապես հեռացնելով նրան իշխանությունից։ Այս մասին հայտնում է ՏԱՍՍ-ի թղթակիցը։ Բոլոր ութ դատավորներն էլ պաշտպանեցին իմփիչմենթը: Իշխանությունից վերջնական հեռացման համար անհրաժեշտ էին նրանցից առնվազն վեցի ձայները։ Դեկտեմբերի 14-ին խորհրդարանը իմպիչմենտի ենթարկեց Յուն Սեոկ Յոլին՝ ռազմական դրության դեպքերի պատճառով։ Յուն Սեոկ Յոլը հերքել է […] ...
