19:04 12.12.2024
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է ՀՀ-ում Հունաստանի Հանրապետության արտակարգ և լիազոր դեսպան Խրիստոս Սոֆիանոպուլոսին:
Հանդիպմանը մասնակցել է նաև ԿԳՄՍ նախարարի տեղակալ Արթուր Մարտիրոսյանը:
Նախարար Ժաննա Անդրեասյանը ողջունել է դեսպանին և ընդգծել, որ Հայաստանի և Հունաստանի միջև մշտապես առկա են ջերմ և բարեկամական հարաբերություններ:
Կարևորելով Հայաստանի և Հունաստանի միջև համագործակցությունը կրթության, գիտության, մշակույթի, սպորտի և երիտասարդության բնագավառներում՝ նախարարը շեշտել է դրա ընդլայնման ներուժը:
ՀՀ-ում Հունաստանի Հանրապետության արտակարգ և լիազոր դեսպան Խրիստոս Սոֆիանոպուլոսը շնորհակալություն է հայտնել ընդունելության համար և պատրաստակամություն հայտնել գործադրել ջանքեր՝ հարաբերությունների խորացման ուղղությամբ:
Հանդիպման ընթացքում կողմերը քննարկել են մշակութային տուրիզմի զարգացման, միջազգային հարթակներում համատեղ ծրագրերով հանդես գալու և համագործակցության ընդլայնմանը վերաբերող այլ հարցեր:
Անդրադառնալով կրթության ոլորտում համագործակցությանը՝ կողմերը կարևորել են միջբուհական կապերի զարգացումը և ընդգծել համատեղ կրթական և հետազոտական աշխատանքների, ինչպես նաև ուսանողների և դասախոսների փոխանակման ծրագրերի իրականացման ծրագրերը: Այս համատեքստում կարևորվել է հատկապես Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի գործունեությունը, որի հետ Հունաստանի դեսպանատունը տարիներ ի վեր արդյունավետ համագործակցություն է ծավալում:
Անդրադառնալով մշակույթի ոլորտին՝ Ժաննա Անդրեասյանն ընդգծել է, որ պետության առանցքային քաղաքականության մաս են մշակութային ժառանգության պահպանությանն ու պաշտպանությանը վերաբերող հարցերը, այդ թվում՝ Հայաստանում այլ ազգերի պատմամշակութային ժառանգության պահպանությունն ու կոթողների վերականգնումը: Այս համատեքստում կողմերն անդրադարձել են Կոտայքի մարզի Հանքավան բնակավայրի Այոս Գեորգիոս հունական եկեղեցուն, որը Հայաստանում հունական հետքի ամենացայտուն վկայություններից է:
Համագործակցության մյուս կարևոր ուղղությունը, ըստ նախարար Ժաննա Անդրեասյանի, թանգարանային ոլորտն է: Քննարկվել են, մասնավորապես, Հայաստանի պատմության թանգարանում համատեղ ցուցադրությունների կազմակերպման հնարավորությունը և Մատենադարանի հետ համագործակցության հեռանկարները:
00:00 13.12.2024
«Արամ Խաչատրյան» համերգասրահում կայացել է «Արթուր Գրիգորյան. սիմֆոնիկ մեղեդիներ» խորագրով համերգըՀ ԿԳՄՍ նախարարության աջակցությամբ «Արամ Խաչատրյան» համերգասրահում կայացել է «Արթուր Գրիգորյան. սիմֆոնիկ մեղեդիներ» խորագրով համերգը: Համերգին հետևել են ԱԺ նախագահ Ալեն Սիմոնյանը, ԿԳՄՍ նախարար Ժաննա Անդրեասյանը և նախարարի տեղակալ Դանիել Դանիելյանը: Հայաստանի երգի պետական թատրոնը Հայաստանի պետական սիմֆոնիկ նվագախմբի հետ ներկայացրել է ՀՀ ժողովրդական արտիստ Արթուր Գրիգորյանի 16 սիմֆոնիկ ստեղծագործությունները, որոնք կենդանի կատարմամբ հնչել են […] ...
23:56 12.12.2024
Ավտոմեքենան դուրս է եկել ավտոճանապարհի երթևեկելի հատվածից և բախվել բետոնե արգելապատնեշինԴեկտեմբերի 12-ին, ժամը 20:02-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Հյուսիս-Հարավ ավտոճանապարհին՝ «Դեֆանս Հաուզինգ» բնակելի թաղամասի մոտակայքում տեղի է ունեցել ՃՏՊ, ավտոմեքենան բախվել է արգելապատնեշին․ կան տուժածներ։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ «Opel» մակնիշի ավտոմեքենան (վարորդ՝ Կ․ Յ․, […] ...
23:52 12.12.2024
Դավիթ Հովհաննիսյանը 0 ստացավ, Հակոբ Մկրտչյանը՝ մրցահարթակ դուրս չեկավ. ծանրամարտի ԱԱԲահրեյնի մայրաքաղաք Մանամայում շարունակվող ծանրամարտի աշխարհի առաջնության մրցումային հերթական օրը մրցահարթակ դուրս եկավ Եվրոպայի կրկնակի չեմպիոն Դավիթ Հովհաննիսյանը (96 կգ)։ 27-ամյա ծանրորդը պոկում վարժությունում միայն մեկ հաջողված մոտեցում կատարեց բարձրացնելով 163-կիլոգրամանոց ծանրաձողը և զբաղեցրեց 12-րդ տեղը։ Հրում վարժությունում նա երկու անգամ չկարողացավ գլխավերևում պահել 202-կիլոգրամանոց ծանրաձողը, իսկ երրորդ մոտեցումից հրաժարվեց և 0 ստացավ։ Այս քաշային […] ...
23:44 12.12.2024
Իսրայելը բացատրել է Սիրիայի հետ սահմանին գտնվող բուֆերային գոտի զորք մտցնելըԻսրայելի արտաքին գործերի նախարար Գեդեոն Սաարը արդարացրել է իսրայելցի զինվորականների մուտքը Սիրիայի հետ սահմանի բուֆերային գոտի՝ մեղադրելով Դամասկոսին Իսրայելի և Սիրիայի միջև ուժերի բաժանման մասին 1974 թվականի համաձայնագիրը խախտելու մեջ, հինգշաբթի գրում է The Times of Israel-ը։ «Իսրայելը չէր կարող անգործ մնալ՝ հետևելով զինյալների մուտքին բուֆերային գոտի՝ հակառակ համաձայնագրին և իմանալով հարձակումների մասին ՄԱԿ-ի Դատախազության […] ...
23:36 12.12.2024
Թրամփը խոստացել է կոշտ իրավական միջոցներ ձեռնարկել ԱՄՆ-ում անօրինական ներգաղթի դեմ պայքարելու համարԱՄՆ նորընտիր նախագահ Դոնալդ Թրամփը Time ամսագրին հայտնել է, որ իր կոշտ դիրքորոշումը միգրացիոն քաղաքականության վերաբերյալ որոշիչ գործոնն է եղել նախագահական ընտրություններում իր հաղթանակի համար։ «Տնտեսությունը կարևոր գործոն է, բայց այն, ինչ, իմ կարծիքով, ավելի կարևոր գործոն էր, դա սահմանն էր»,-ասել է նա։ Նորընտիր նախագահը քննադատել է ներկայիս նախագահ Ջո Բայդենի միգրացիոն քաղաքականությունը և խոստացել […] ...
23:28 12.12.2024
«Մանչեսթեր Սիթին» հերթական հակառեկորդն է սահմանելԱնգլիական «Մանչեսթեր Սիթին» հերթական հակառեկորդն է սահմանել, հայտնում է Opta-ն: Գվարդիոլայի թիմը նոյեմբերի սկզբից մինչև այժմ բոլոր մրցաշարերում 21 գոլ է բաց թողել: Այս ցուցանիշով ակումբը վատագույնն է թոփ-5 առաջնությունների թիմերի շարքում: Հիշեցնենք, որ «Մանչեսթեր Սիթին» բոլոր մրցաշարերում անցկացրած նախորդ 10 խաղում կրել է 7 պարտություն, 2 անգամ ոչ-ոքի է խաղացել և ընդամենը մեկ անգամ […] ...
