22:57 12.12.2024
Հայաստանում է Եվրահանձնաժողովի պաշտոնյաների պատվիրակությունը: Բյուսելից ժամանած հյուրերը Հայաստանի ղեկավարության հետ քննարկում են վիզային ռեժիմի ազատականացման հեռանկարները:
Ովքե՞ր են պատվիրակության կազմում ու ի՞նչ մանրամասներ են հայտնի նրանց հանդիպումների մասին: Թեմայի շուրջ «Հորիզոնի» տաղավարում մանրամասներ է ներկայացրել Արտյոմ Երկանյանը:
«Պատվիրակության ղեկավարը Եվրահանձնաժողովի միգրացիայի և Ներքին գործերի գլխավոր տնօրենի տեղակալ Յոհաննես Լուխքն է: Փոխվարչապետը ներկայացրել է բոլոր այն բարեփոխումները, որոնք իրականացվել են վերջին շրջանում և որոնք ծրագրվում է իրականացնել մոտակա ամիսների ընթացքում այդ խնդրի դրական լուծման համար: Նշեմ, որ վիզաների լիբերալիզացիայի հարցում վերջին շաբաթների ընթացքում ակնհայտ ակտիվացում է նկատվում, միայն հիշատակեմ այն մասին, թե այս հարցի վերաբերյալ ինչ երկխոսություն է եղել վերջին շաբաթների ընթացքում:
Հայաստանի վարչապետը այս հարցի վերաբերյալ խոսել է Լեհաստանի նախագահ Անջեյ Դուդայի հետ Երևան կատարած այցի ընթացքում: Հայաստանի ԱԳ նախարարը դեկտեմբերի 5-ին նույն այս հարցի վերաբերյալ խոսել է Ավստրիայի ԱԳ նախարար Ալեքսանդր Շելենբերգի հետ: Վերջին շաբաթների ընթացքում ՆԳ նախարար Արփինե Սարգսյանը վիզաների հարցի վերաբերյալ խոսել է Ֆրանսիայի դեսպանի հետ: Արդարադատության նախարար Սրբուհի Գալյանը՝ Գերմանիայի դեսպանի հետ, Տուրիզմի վարչության ղեկավար Լուսինե Գևորգյանը՝ Բելգիայի դեսպանի հետ: Այսինքն այն, որ պաշտոնական մամուլի հաղորդագրություններում ընդգծվում է, որ այս հարցը ևս քննարկվել է բոլոր այս պաշտոնյաների հետ, վկայում է այն մասին, որ ինչ-որ տեղաշարժ է ուրվագծվում կամ սպասվում: Հիշեցնեմ՝ վերջերս հայտարարվել էր, որ շուտով մեկնարկելու է բանակցությունների արդեն տեխնիկական փուլը, որի ընթացքում քննարկվելու է այդ վիզաների լիբերալիզացման հարցը:
Անցած տարի դեռ փետրվարին էր որոշումը սկզբունքային կայացվել Բրյուսելում, և սեպտեմբերին Եվրահանձնաժողովը պաշտոնապես հաստատել և վավերացրել էր, որ այս հարցի վերաբերյալ բանակցությունները Երևանի հետ մեկնարկեն, և ամենայն հավանականությամբ գալիք տարվա հենց առաջին ամիսների ընթացքում զարկ կտրվի, և այս հարցի վերաբերյալ որոշակի տեղաշարժ կնկատենք»,- ասել է Արտյոմ Երկանյանը:
Ի՞նչն է խանգարում վիզաների ազատականացման հարցի լուծմանը և ե՞րբ արժի սպասել խնդրի վերջնական լուծմանը: Այս մասին ևս մեկնաբանություն է արել Արտյոմ Երկանյանը:
Մանրամասները՝ ամբողջական հարցազրույցում:
15:45 03.04.2025
ՀՀ միջգերատեսչական պատվիրակության կազմում ՊԵԿ պատվիրակությունը՝ Էդուարդ Հակոբյանի գլխավորությամբ, այցելել է ԷստոնիաՀՀ պետական եկամուտների կոմիտեի պատվիրակությունը՝ ՊԵԿ նախագահ Էդուարդ Հակոբյանի գլխավորությամբ ապրիլի 1-ից 3-ը ՀՀ միջգերատեսչական պատվիրակության կազմում այցելել է Էստոնիայի Հանրապետություն՝ ուսումնասիրելու թվային կառավարման, կիբեռպաշտպանության և հանրային ծառայությունների թվայնացման ոլորտում Էստոնիայի առաջադեմ փորձը: Հանդիպման ընթացքում կողմերը քննարկել են երկու երկրների միջև ոլորտային համագործակցության խորացման հնարավորությունները՝ ընդգծելով երկկողմ հարաբերությունների զարգացման ներուժը, փորձի փոխանակումը, փոխշահավետ ծրագրերի մշակումն […] ...
15:41 03.04.2025
Հստակեցվել է նախքան կենսաթոշակային տարիքը լրանալը կուտակային կենսաթոշակը ստանալու համար պահանջ հանդիսացող հիվանդությունների ցանկըԿառավարությունը փոփոխություններ և լրացումներ է կատարել նախկինում ընդունած որոշումներից մեկում՝ «Կուտակային կենսաթոշակների մասին» օրենքի համաձայն սահմանված հիվանդությունների (վիճակների) ցանկը վերանայելու նպատակով: Օրենքի համաձայն՝ մասնակիցն իրավունք ունի ցանկացած ժամանակ, ներառյալ` նախքան կենսաթոշակային տարիքը լրանալը, ներկայացնելու իր կենսաթոշակային հաշվում առկա ամբողջությամբ ստանալու պահանջ՝ Կառավարության սահմանած ցանկում ներառված հիվանդություններով հիվանդանալու (վիճակներում գտնվելու) դեպքում՝ կենսաթոշակային ոլորտի պետական կառավարման լիազոր […] ...
15:37 03.04.2025
Օպերատիվ իրավիճակը հանրապետությունում ապրիլի 2-3-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 2-3-ը ՆԳՆ ոստիկանության ստորաբաժանումները բացահայտել են հանցագործության 88 դեպք, որոնցից 4-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 11, թմրանյութի հայտնաբերման՝ 10, ֆիզիկական ներգործության` 9, խարդախության՝ 8, անձնական ունեցվածքի գողության` 6, հոգեկան ներգործության` 5, մարմնական […] ...
15:33 03.04.2025
ՀՀ ՆԳ նախարարության և ՄԱԿ-ի կառույցների համագործակցությունն ամրապնդվում է․ ՆԳ նախարարի տեղակալն ընդունել է ՄԱԿ ՓԳՀ պատվիրակությանըՆԳ նախարարի տեղակալ Արմեն Ղազարյանն ապրիլի 2-ին ընդունել է ՄԱԿ-ի փախստականների հարցերով գերագույն հանձնակատարի գրասենյակի ժամանակավոր ներկայացուցիչ Մոնիկա Սանդրիի գլխավորած պատվիրակությանը։ Հանդիպմանը ներկա էր Միգրացիայի և քաղաքացիության ծառայության պետ Նելլի Դավթյանը։ Քննարկվել են փախստականների, ապաստան հայցողների և քաղաքացիություն չունեցող անձանց իրավունքների պաշտպանության վերաբերյալ մի շարք հարցեր: Հատուկ ուշադրություն է դարձվել ապաստան հայցողների համար արժանապատիվ պայմանների […] ...
15:28 03.04.2025
Աջակցություն կցուցաբերվի Լոռու մարզի Աշոտաբերդ թաղամասի N 8 բազմաբնակարան շենքի հրդեհից տուժած բնակիչներինԼոռու մարզի Ստեփանավան համայնքի Աշոտաբերդ թաղամասի N 8 բազմաբնակարան շենքում 2025 թ. փետրվարի 8-ին տեղի ունեցած հրդեհից տուժած բնակիչներին աջակցություն ցուցաբերելու անհրաժեշտությամբ պայմանավորված՝ Կառավարությունն ընդունել է որոշում: Որոշմամբ առաջարկվում է Լոռու մարզպետի աշխատակազմին հատկացնել 24,915.7 հազար դրամ՝ 16 շահառու ընտանիքների համար առաջին անհրաժեշտության պարենային և ոչ պարենային ապրանքների հրատապ ձեռքբերման, հյուրանոցային ծառայությունների փոխհատուցման, ինչպես նաև […] ...
15:23 03.04.2025
Կառավարությունը շարունակում է կրթական հաստատությունների շենքային առավել բարենպաստ պայմանների ապահովումըԿառավարությունը վերաբաշխման միջոցով ավելի քան 525 մլն դրամ կհատկացնի թվով 1 դպրոցի 1 մասնաշենքի նորոգման աշխատանքների, 82 դպրոցի նորոգման համար անհրաժեշտ տեխնիկական վիճակի զննության, չափագրության և նախահաշվային փաստաթղթերի մշակման ծառայության, թվով 1 դպրոցի կառուցված մարզադահլիճի մասնաշենքի գազիֆիկացման աշխատանքների ձեռքբերման համար, ինչպես նաև նորոգման ընթացքում գտնվող թվով 21 դպրոցի համար հեղինակային հսկողության գումարի ապահովման համար։ Որոշմամբ […] ...
