16:16 12.12.2024
Կառավարության որոշմամբ նախատեսվում է 2024 թ. պետբյուջեով ՀՀ կրթության, գիտության, մշակույթի և սպորտի նախարարությանը հատկացված միջոցների հաշվին կատարել վերաբաշխում:
Որոշման ընդունումը պայմանավորված է Մշակույթի զարգացման հիմնադրամի գործունեության պատշաճ կազմակերպման անհրաժեշտությամբ, ինչպես նաև «Հեղինակային երգի հանրապետական մրցույթ-փառատոն» և «Ջերմ Ամանոր Ջերմուկում» համերգ-տոնավաճառի, «Դպրոցական բաժանորդային համակարգ» ծրագրերի իրականացմամբ: Նույն որոշմամբ միջոցներ են հատկացվել նաև հեղինակավոր միջազգային փառատոներին և մրցույթներին մասնակցած մշակույթի գործիչներին խրախուսում տրամադրելու նպատակով:
Համաձայն որոշման՝ լրացուցիչ ֆինանսավորում կտրվի Մշակույթի զարգացման հիմնադրամին թանգարանների կառավարման միասնական մոդելի գործարկման նպատակով: Այդ մոդելը նախատեսում է տարբեր գործառույթների մեկտեղում և իրականացում հիմնադրամի կողմից, ինչը հնարավորություն կտա ավելի արդյունավետ կազմակերպել թանգարանային գործունեությունը: Ոլորտի կառավարման նոր համապարփակ մոտեցմամբ ապահովվելու է տարբեր գործառույթների ինտեգրում, որը կբարելավի ընդհանուր աշխատանքի արդյունավետությունը:
Նախատեսվում է նաև կազմակերպել «Հեղինակային երգի հանրապետական մրցույթ-փառատոն» և «Ջերմ Ամանոր Ջերմուկում» համերգ-տոնավաճառ» ծրագրերը, որոնք նպատակ ունեն բացահայտել երիտասարդ կատարողներին՝ խթանելով նրանց ստեղծագործական գործունեությունը: Միջոցառումը թույլ կտա նորահայտ երիտասարդ կատարողների համար ստեղծել մշակութային հարթակ, մրցանակներով խրախուսել մրցույթ-փառատոնի լավագույն մասնակիցներին, ինչպես նաև Ջերմուկ քաղաքում ապահովել ամանորյա տոնական միջոցառում:
Նույն որոշման շրջանակում, համաձայն ՀՀ կառավարության 2024 թվականի փետրվարի 29-ի N 305-L որոշմամբ հաստատված մշակույթի ոլորտի միջազգային հեղինակավոր փառատոների և մրցանակաբաշխությունների մասնակցած և մրցանակի արժանացած մշակույթի գործիչներին դրամական խրախուսում տրամադրելու կարգի, դրամական խրախուսումներ կտրվեն «Հոշկի ֆիլմ» ՍՊԸ-ին՝ ՖԻԱՊՖ-ի կողմից որակավորված (ըստ ուղղվածության) Տամպերե միջազգային կինոփառատոնին, «Բումերանգ մեդիա.ամ» ՍՊԸ-ին՝ ՖԻԱՊՖ-ի կողմից որակավորված Վենետիկի միջազգային կինոփառատոնին, ինչպես նաև Նարինե Գրիգորյանին՝ Ա. Պ. Չեխովի անվան միջազգային թատերական փառատոնին (Չեխովյան փառատոն) մասնակցելու համար։ Խրախուսումը միտված է արժևորելու մշակույթի և ստեղծարար ոլորտի ձեռքբերումները, բարձրացնելու գեղարվեստական և մշակութային արդյունքի ճանաչելիությունը, նպաստելու մշակույթի գործիչների համար բարենպաստ միջավայրի ձևավորմանը, մշակույթի ոլորտներում պետական խրախուսման մեխանիզմների ներդրմանը։
Դպրոցական բաժանորդային համակարգ ծրագրի շրջանակում փոխհատուցում է հատկացվելու 2024 թվականի երկրորդ և երրորդ եռամսյակների ընթացքում թանգարանների, թատրոնների և համերգային կազմակերպությունների կողմից մատուցված ծառայությունների դիմաց:
21:40 12.12.2024
Ուսիկը պատրաստ է Ֆյուրիի հետ մենամարտինՊրոֆեսիոնալ բռնցքամարտի գերծանր քաշային կարգում WBC, WBA, WBO և IBO վարկածներով աշխարհի չեմպիոն Ալեքսանդր Ուսիկը (22-0, 14 նոկաուտ) բրիտանացի Թայսոն Ֆյուրիի (34-1-1, 24 նոկաուտ) հետ ռևանշ մենամարտից առաջ ավարտել է մարզական հավաքը: 37-ամյա ուկրաինացին սեպտեմբերից ակտիվորեն նախապատրաստվում էր գլխավոր մենամարտին Իսպանիայում, իսկ հավաքի ավարտից հետո մեկնելու է մրցավայր: «Մարզական հավաքն ավարտված է: Մեր թիմն ուղևորվում […] ...
21:32 12.12.2024
Global Times. Չինաստանում անօդաչու թռչող սարքը մխրճվել է Օլիմպիական մարզադաշտի շենքի մեջՉինաստանի Հուբեյ նահանգի Օլիմպիական մարզադաշտի շենքի մեջ ֆիքսված թևերով անօդաչու թռչող սարք է մխրճվել։ Այս մասին հայտնում է Global Times թերթը։ Նրա տեղեկություններով՝ այն բանից հետո, երբ անօդաչու սարքը բախվել է շենքին, հրդեհ է բռնկվել։ Մեկ մարդ վիրավորվել է, նրա վիճակի մասին տեղեկություններ չեն հաղորդվում։ Հրդեհը մարվել է, և իշխանությունները պարզում են միջադեպի պատճառները։ ...
21:24 12.12.2024
Տեսնում ենք վախվորած, անհանգիստ արձագանքներ Ադրբեջանից և Ռուսաստանից. Հովսեփ ԽուրշուդյանԿենտրոնական ընտրական հանձնաժողովը հաստատել է Եվրաքվեի, այսինքն՝ «Եվրամիությանը Հայաստանի անդամակցության գործընթացի մեկնարկի մասին» նախաձեռնության ստորագրությունների վավերականությունը։ Ինչպես հայտնի է «Հանրաքվեի մասին» ՀՀ սահմանադրական օրենքի համաձայն, նվազագույնը 50 հազար վավեր ստորագրություն է պահանջվում, որպեսզի նախաձեռնող խումբը հնարավորություն ունենա օրենքի նախագիծ ներկայացնելու խորհրդարան։ Այս թեմայի շուրջ «Հեռանկարը» զրուցել է «Ազատ քաղաքացի» ՀԿ նախագահ, քաղաքական վերլուծաբան Հովսեփ Խուրշուդյանի […] ...
21:16 12.12.2024
Գեղարդ Մուսասին պայմանագիր է կնքել Global Fight League-ի հետԽառը մենամարտերի միջին քաշային կարգում Bellator-ի նախկին չեմպիոն, Նիդերլանդները ներկայացնող հայ մարտիկ Գեղարդ Մուսասին պայմանագիր է կնքել Global Fight League փրոմոուշենի հետ, հայտնում է կազմակերպության մամուլի ծառայությունը: Գարնանը Մուսասին Պրոֆեսիոնալ մարտիկների լիգային (PFL) մեղադրել էր պայմանագրի պայմանները չկատարելու մեջ, իսկ ավելի ուշ PFL-ը խզել էր նրա հետ պայմանագիրը: MMA-ում իր նախորդ մենամարտում Մուսասին մրցավարների որոշմամբ […] ...
21:10 12.12.2024
Տեղի են ունեցել Հայաստան-Հնդկաստան-Իրան եռակողմ երկրորդ խորհրդակցություններըԴեկտեմբերի 12-ին Նյու Դելիում տեղի են ունեցել Հայաստան-Հնդկաստան-Իրան եռակողմ ձևաչափով 2-րդ խորհրդակցությունները: Խորհրդակցությունները հնդկական կողմից վարում էր Հնդկաստանի ԱԳՆ Պակիստանի, Աֆղանստանի և Իրանի տարածքային գլխավոր վարչության պետ Ջ. Պ. Սինգհը: Հայաստանի և Իրանի պատվիրակությունները գլխավորում էին ՀՀ ԱԳՆ Ասիայի և խաղաղօվկիանոսյան երկրների վարչության պետ Անահիտ Կարապետյանը և ԻԻՀ ԱԳՆ Հարավային Ասիայի գլխավոր վարչության պետ Հաշեմ […] ...
21:04 12.12.2024
Դավիթ Խուդաթյանը այցելել է «Բարձրավոլտ էլեկտրացանցեր» ՓԲԸԱյսօր ՏԿԵ նախարար Դավիթ Խուդաթյանն այցելել է ՏԿԵ նախարարության ենթակայությամբ գործող «Բարձրավոլտ էլեկտրացանցեր» ՓԲԸ։ Խուդաթյանը նախ շրջայց է կատարել տարածքում, ծանոթացել շենքային պայմաններին, որից հետո աշխատանքային խորհրդակցություն է անցկացրել ԲԷՑ ղեկավար կազմի մասնակցությամբ։ Խորհրդակցության ժամանակ ԲԷՑ գլխավոր տնօրեն Դավիթ Միրզոյանը ներկայացրել է ընկերության հիմնական անելիքները, ընթացքում գտնվող ծրագրերը, անդրադարձ է կատարվել կատարողական ցուցանիշներին։ Նախարարը հանձնարարել […] ...
