17:44 11.12.2024
2023 թ. դեկտեմբերի 9-ին Սևանա լճում և ափամերձ տարածքներում ծառայություն իրականացնելու նպատակով ստեղծվեց Ջրային պարեկային ծառայությունը: Նորաստեղծ ծառայությունը մշտադիտարկելու էր իրավիճակը Սևանա լճի և ափամերձ գոտիների տարածքում՝ արագ արձագանքելով ցանկացած հնարավոր վտանգի, կանխարգելելով իրավախախտումները, աջակցելով լճի էկոհամակարգի պահպանմանը:
Պարեկային ծառայության նոր ստորաբաժանումը ստեղծման առաջին իսկ օրվանից գրանցեց դրական արդյունքներ՝ Սևանա լճում և ափամերձ տարածքներում իրականացնելով հասարակական կարգի ապահովման և հանցագործությունների բացահայտման աշխատանքներ։
Մասնավորապես, լողասեզոնի ընթացքում ուժեղացված ծառայություն են իրականացրել լճում և ափամերձ տարածքում՝ առավել անվտանգ դարձնելով մեր հայրենակիցների և հյուրերի հանգստի կազմակերպումը: Պահպանվել է հասարակական կարգը, լճում օգնություն է ցուցաբերվել քաղաքացիներին:
Սիգի ձվադրման ժամանակահատվածով պայմանավորված՝ մինչև հունվարի 20-ը ջրային պարեկները, համագործակցելով մարզի պարեկային ծառայության ու համայնքային ոստիկանության գործընկերների, ինչպես նաև Սևան ազգային պարկի ծառայողների հետ, իրականացնում են կանխարգելիչ միջոցառումներ:
Ջրային պարեկները ստորաբաժանման ստեղծման օրվանից ապօրինի ձկնորսության բացահայտման դեպքերով հայտնաբերել են ապօրինի որսած մոտ 1030 կգ ձուկ:
2024 թվականի հունվարի 1-ից մինչ օրս ջրային պարեկները ճանապարհային երթևեկության կանոնները խախտելու համար կազմել են 9518 վարչական արձանագրություն: Մասնավորապես՝ տրանսպորտային միջոցը ոչ սթափ վարելու՝ 289, առանց վարորդական իրավունքի վկայականի վարելու՝ 477, չամրակապված վարելու՝ 2513, թաղանթապատված կողային ապակիներով և արտաքին լուսային անսարքությամբ վարելու՝ 498, առանց տեխնիկական զննության վարելու՝ 2082, վարելիս ծխախոտ օգտագործելու և հեռախոսից օգտվելու՝ 789 դեպք: Բացահայտել են նաև բազմաթիվ հանցագործություններ, այդ թվում՝ թմրամիջոցների ապօրինի շրջանառության, ապօրինի ծառահատման, զենք-զինամթերք ապօրինի պահելու և այլ դեպքեր:
ՆԳ նախարարությունը հորդորում է մեր քաղաքացիներին լինել առավել պատասխանատու, խուսափել իրավախախտումներից, հակահասարակական արարքներից:
Իսկ Պարեկային ծառայության Գեղարքունիքի մարզի գումարտակի ջրային պարեկների վաշտի ծառայողները հետևողականորեն շարունակելու են ամենօրյա ծառայությունը:
15:00 11.12.2024
SHANTNEWS
00:00 12.12.2024
Bloomberg. Մասկը դարձել է առաջին մարդը, ում կարողությունը գերազանցել է 400 միլիարդ դոլարըԻլոն Մասկը դարձել է առաջին մարդը, ում կարողությունը գերազանցել է 400 միլիարդ դոլարը, հայտնում է Bloomberg-ը։ Bloomberg Billionaires Index-ի համաձայն՝ նոր ռեկորդը գրանցվել է Մասկի SpaceX մասնավոր ընկերության բաժնետոմսերի վաճառքով, որն ավելացրել է նրա կարողությունը 50 մլրդ դոլարով՝ հասնելով 439,2 մլրդ դոլարի։ 2022 թվականի վերջին հարստության զգալի անկումից հետո, երբ այն կրճատվեց 200 միլիարդ դոլարով, […] ...
23:53 11.12.2024
Երկրի վրա ընկնող հրթիռների օգտագործված հարթակների թիվը հասել է տարեկան 300 միավորիՆերկայումս ավելի քան 300 հրթիռային հարթակների մնացորդներ ամեն տարի ընկնում են Երկիր: Այս մասին հայտնում է MIT Technology Review-ը՝ վկայակոչելով Հարվարդ-Սմիթսոնյան կենտրոնի ամերիկացի աստղաֆիզիկոս Ջոնաթան Մաքդաուելի հետազոտության տվյալները։ «Մենք ամեն տարի տեսնում էինք վերադարձող 50-ից 100 հրթիռային հարթակներ: Այժմ մենք տեսնում ենք տարեկան 300»,-ասել է գիտնականը: 2019 թվականին մթնոլորտում այրվել է մոտ 115 արբանյակ։ 2024 […] ...
23:45 11.12.2024
ՀՀ դեսպանը վերահաստատել է Կանադայի հետ հարաբերություններն առավել խորացնելու Հայաստանի հանձնառությունըԴեկտեմբերի 9-ին Ն.Գ. ՀՀ դեսպան Անահիտ Հարությունյանը Կանադայում հավատարմագրված դիվանագիտական առաքելությունների ղեկավարների պատվին կայացած ընդունելության ընթացքում կարճատև զրույց ունեցավ Կանադայի վարչապետ Ն.Գ. Ջասթին Թրյուդոյի և Ն.Գ. ԱԳ նախարար Մելանի Ժոլիի հետ։ Ընդգծելով երկու պետությունների միջև ձևավորված քաղաքական երկխոսության բարձր մակարդակը՝ ՀՀ դեսպանը մասնավորապես վերահաստատեց Կանադայի հետ հարաբերություններն առավել խորացնելու Հայաստանի հանձնառությունը՝ առանձնակի կարևորելով Կանադայի դիրքորոշումը՝ […] ...
23:40 11.12.2024
Եգիպտոսը դատապարտել է Իսրայելի՝ Սիրիայում ռազմական օբյեկտներին հարվածելըԵգիպտոսը դատապարտել է Իսրայելի կողմից սիրիական ռազմական ենթակառուցվածքների գնդակոծությունը և Իսրայելի գործողությունները Գոլանի բարձունքներում, քանի որ դա համարում է միջազգային իրավունքի խախտում։ Համապատասխան հայտարարությունը տարածել է Եգիպտոսի ԱԳՆ-ն։ «Եգիպտոսը խստորեն դատապարտում է Իսրայելի սիստեմատիկ ագրեսիան Սիրիայի ռազմական ենթակառուցվածքի դեմ, ինչպես նաև իր ազդեցության գոտին սիրիական տարածքների օկուպացիայի միջոցով ընդլայնելու նրա փորձերը», – ասվում է փաստաթղթում։ […] ...
23:30 11.12.2024
Phillips 66-ը և NextEra Energy-ն արևային էլեկտրակայան կկառուցեն ԿալիֆորնիայումԱմերիկյան Phillips 66-ը և նրա դուստր ձեռնարկությունը՝ NextEra Energy-ը, կկառուցեն 30,2 ՄՎտ հզորությամբ արևային էլեկտրակայան Rodeo վերականգնվող վառելիքի արտադրության համալիրի համար՝ Կալիֆոռնիայի հյուսիսում, ասվում է Phillips 66-ի մամուլի հաղորդագրության մեջ։ Էլեկտրակայանը, որը պետք է գործարկվի 2025 թվականի առաջին եռամսյակում, կկրճատի Rodeo-ի էլեկտրաէներգիայի կարիքները կիսով չափ և կխուսափի տարեկան մոտավորապես 33,000 տոննա ածխաթթու գազի արտանետումից: Նոր […] ...
23:22 11.12.2024
Ինգուր ՀԷԿ-ի վթարային անջատման հետևանքով Աբխազիան մնացել է առանց էլեկտրականությանՏեղի է ունեցել Ինգուր ՀԷԿ-ի վթարային անջատում, այն էլեկտրաէներգիա էր մատակարում ամբողջ երկրին, Աբխազիան մնացել է առանց էլեկտրաէներգիայի, հայտնում է «Չեռնոմորէներգոն»։ «Ջրի կրիտիկական ցածր մակարդակի և դրա անբավարար ներհոսքի պատճառով միացվել է վթարային պաշտպանության համակարգը և ՀԷԿ-ը կանգ է առել»,- ասվում է հաղորդագրության մեջ։ Ընկերությունից պարզաբանել են, որ նախկինում կայանն արտադրում էր ժամում մինչև 160 […] ...
