11:00 06.12.2024
Հայաստանում առաջին անգամ Միջազգային հեռահաղորդակցության միության հետ համատեղ անցկացվում է պետական և մասնավոր համակարգերի կրիտիկական ենթակառուցվածքների համար նախատեսված ազգային կիբեռվարժանք։
Կիբեռվարժանքը կազմակերպվել է Հայաստանի տեղեկատվական համակարգերի գործակալության և Միջազգային հեռահաղորդակցության միության (ITU) կողմից՝ ՀՀ Կենտրոնական բանկի և Բարձր տեխնոլոգիական արդյունաբերության նախարարության աջակցությամբ։
Միությունը մասնագիտացված միջազգային կազմակերպություն է, որին անդամակցում է շուրջ 190 պետություն և ավելի քան 700 միջազգային և տարածաշրջանային կազմակերպություն: Միջոցառմանը մասնակցում է Հայաստանի պետական և մասնավոր համակարգերի կրիտիկական ենթակառուցվածքների ավելի քան 150 ներկայացուցիչ։
Համատեղելով աշխատաժողովի, դասընթացի և կիբեռվարժանքի ձևաչափերը` միջոցառման նպատակն է նպաստել Հայաստանի կրիտիկական ենթակառուցվածքների կիբեռհմտությունների և կիբեռմիջադեպերին արձագանքման կարողությունների հզորացմանը, ազգային կիբեռանվտանգության ճկունության ամրապնդմանը։
ԲՏԱ նախարարի առաջին տեղակալ Գևորգ Մանթաշյանն իր ողջույնի խոսքում կարևորել է Հայաստանում նման միջոցառման անցկացումը՝ ընդգծելով կիբեռանվտանգության ոլորտի առաջնահերթությունը։ Նախարարի առաջին տեղակալն անդրադարձել է «Կիբեռանվտանգության մասին» օրենքի մշակմանը՝ կարևորելով օրենքի նախագծի շուրջ համայնքի կողմից առաջարկությունների ներկայացումը լավարկման համար։
Միջոցառման բացման խոսքում Տեղեկատվական համակարգերի գործակալության տնօրեն Ներսես Երիցյանն ընդգծել է Միջազգային հեռահաղորդակցության միության հետ համագործակցության կարևորությունը։ Բացի այդ, Ն. Երիցյանը կարևորել է միջոցառման ընթացքում գործնական առաջադրանքների միջոցով մասնակիցների կիբեռկարողությունների գնահատումն ու հզորացումը։
Միության ներկայացուցիչն իր ելույթում ներկայացրել է Հայաստանի հետ համատեղ իրականացվող նախագծերն ու ծրագրերը։ Վերջինս ընդգծել է թվային կառավարման համատեքստում կիբեռանվտանգության կարևորության վերաբերյալ ընկալման ամրապնդումը։ Միության ներկայացուցիչը կարևորել է Հայաստանում նման միջոցառումների անցկացումը խնդիրների վերհանման և ազգային կարողությունների ամրապնդման համատեքստում։ Նա ներկայացրել է «Կիբեռանվտանգության համաշխարհային ինդեքսի» 2024թ․ ցուցանիշների վերաբերյալ զեկույցը՝ շեշտելով, որ այս միջոցառումն ու օրենսդրության ընդունումը ինդեքսում Հայաստանի դիրքի բարելավման տարրեր են։
Այնուհետև, միջազգային փորձագետների կողմից կազմակերպվել է գործնական վարժություն, ներկայացվել են վնասակար ծրագրերի ռիսկերը, գործնական ուսումնասիրության և փորձաքննության եղանակները։
Միջոցառման երկրորդ օրը միջազգային փորձագետների համակարգմամբ կիբեռանվտանգության մասնագետներն իրականացնելու են գործնական առաջադրանքներ, որոնք միտված են վնասակար ծրագրերի հայտնաբերմանն ու հետազոտմանը, ինչպես նաև՝ կիբեռհանցագործությունների դեպքում արագ և արդյունավետ դիմակայման ապահովման։
15:45 03.04.2025
ՀՀ միջգերատեսչական պատվիրակության կազմում ՊԵԿ պատվիրակությունը՝ Էդուարդ Հակոբյանի գլխավորությամբ, այցելել է ԷստոնիաՀՀ պետական եկամուտների կոմիտեի պատվիրակությունը՝ ՊԵԿ նախագահ Էդուարդ Հակոբյանի գլխավորությամբ ապրիլի 1-ից 3-ը ՀՀ միջգերատեսչական պատվիրակության կազմում այցելել է Էստոնիայի Հանրապետություն՝ ուսումնասիրելու թվային կառավարման, կիբեռպաշտպանության և հանրային ծառայությունների թվայնացման ոլորտում Էստոնիայի առաջադեմ փորձը: Հանդիպման ընթացքում կողմերը քննարկել են երկու երկրների միջև ոլորտային համագործակցության խորացման հնարավորությունները՝ ընդգծելով երկկողմ հարաբերությունների զարգացման ներուժը, փորձի փոխանակումը, փոխշահավետ ծրագրերի մշակումն […] ...
15:41 03.04.2025
Հստակեցվել է նախքան կենսաթոշակային տարիքը լրանալը կուտակային կենսաթոշակը ստանալու համար պահանջ հանդիսացող հիվանդությունների ցանկըԿառավարությունը փոփոխություններ և լրացումներ է կատարել նախկինում ընդունած որոշումներից մեկում՝ «Կուտակային կենսաթոշակների մասին» օրենքի համաձայն սահմանված հիվանդությունների (վիճակների) ցանկը վերանայելու նպատակով: Օրենքի համաձայն՝ մասնակիցն իրավունք ունի ցանկացած ժամանակ, ներառյալ` նախքան կենսաթոշակային տարիքը լրանալը, ներկայացնելու իր կենսաթոշակային հաշվում առկա ամբողջությամբ ստանալու պահանջ՝ Կառավարության սահմանած ցանկում ներառված հիվանդություններով հիվանդանալու (վիճակներում գտնվելու) դեպքում՝ կենսաթոշակային ոլորտի պետական կառավարման լիազոր […] ...
15:37 03.04.2025
Օպերատիվ իրավիճակը հանրապետությունում ապրիլի 2-3-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 2-3-ը ՆԳՆ ոստիկանության ստորաբաժանումները բացահայտել են հանցագործության 88 դեպք, որոնցից 4-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 11, թմրանյութի հայտնաբերման՝ 10, ֆիզիկական ներգործության` 9, խարդախության՝ 8, անձնական ունեցվածքի գողության` 6, հոգեկան ներգործության` 5, մարմնական […] ...
15:33 03.04.2025
ՀՀ ՆԳ նախարարության և ՄԱԿ-ի կառույցների համագործակցությունն ամրապնդվում է․ ՆԳ նախարարի տեղակալն ընդունել է ՄԱԿ ՓԳՀ պատվիրակությանըՆԳ նախարարի տեղակալ Արմեն Ղազարյանն ապրիլի 2-ին ընդունել է ՄԱԿ-ի փախստականների հարցերով գերագույն հանձնակատարի գրասենյակի ժամանակավոր ներկայացուցիչ Մոնիկա Սանդրիի գլխավորած պատվիրակությանը։ Հանդիպմանը ներկա էր Միգրացիայի և քաղաքացիության ծառայության պետ Նելլի Դավթյանը։ Քննարկվել են փախստականների, ապաստան հայցողների և քաղաքացիություն չունեցող անձանց իրավունքների պաշտպանության վերաբերյալ մի շարք հարցեր: Հատուկ ուշադրություն է դարձվել ապաստան հայցողների համար արժանապատիվ պայմանների […] ...
15:28 03.04.2025
Աջակցություն կցուցաբերվի Լոռու մարզի Աշոտաբերդ թաղամասի N 8 բազմաբնակարան շենքի հրդեհից տուժած բնակիչներինԼոռու մարզի Ստեփանավան համայնքի Աշոտաբերդ թաղամասի N 8 բազմաբնակարան շենքում 2025 թ. փետրվարի 8-ին տեղի ունեցած հրդեհից տուժած բնակիչներին աջակցություն ցուցաբերելու անհրաժեշտությամբ պայմանավորված՝ Կառավարությունն ընդունել է որոշում: Որոշմամբ առաջարկվում է Լոռու մարզպետի աշխատակազմին հատկացնել 24,915.7 հազար դրամ՝ 16 շահառու ընտանիքների համար առաջին անհրաժեշտության պարենային և ոչ պարենային ապրանքների հրատապ ձեռքբերման, հյուրանոցային ծառայությունների փոխհատուցման, ինչպես նաև […] ...
15:23 03.04.2025
Կառավարությունը շարունակում է կրթական հաստատությունների շենքային առավել բարենպաստ պայմանների ապահովումըԿառավարությունը վերաբաշխման միջոցով ավելի քան 525 մլն դրամ կհատկացնի թվով 1 դպրոցի 1 մասնաշենքի նորոգման աշխատանքների, 82 դպրոցի նորոգման համար անհրաժեշտ տեխնիկական վիճակի զննության, չափագրության և նախահաշվային փաստաթղթերի մշակման ծառայության, թվով 1 դպրոցի կառուցված մարզադահլիճի մասնաշենքի գազիֆիկացման աշխատանքների ձեռքբերման համար, ինչպես նաև նորոգման ընթացքում գտնվող թվով 21 դպրոցի համար հեղինակային հսկողության գումարի ապահովման համար։ Որոշմամբ […] ...
