Անցած աշխատանքային շաբաթը Շրջակա միջավայրի նախարարության կառույցներում

ՀՀ շրջակա միջավայրի նախարարությունը ամփոփել է անցած աշխատանքային շաբաթը նախարարության կառույցներում:

««Հայհիդրոմետ» ՊՈԱԿ-ում
«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենը Բուդվայում (Մոնտենեգրո) մասնակցել է «Աղետների ռիսկի նվազեցման Եվրոպայի և Կենտրոնական Ասիայի տարածաշրջանային հարթակի և Վաղ ազդարարումը շահագրգիռ բոլոր կողմերի (EW4All) համար» ֆորումին։
Հարթակը հնարավորություն կընձեռի քննարկել աղետների ռիսկի նվազեցման վերջին զարգացումները և միտումները, վեր հանել բացերը։
Էկոպարեկային ծառայությունում
աշխատակիցները մասնակցել են Չինաստանի Ժողովրդական Հանրապետության Անտառային տնտեսության և խոտածածկ տարածքների կառավարման ազգային ակադեմիայի նախաձեռնությամբ Պեկին քաղաքում կազմակերպված «Էկոլոգիական քաղաքակրթության զարգացում զարգացող երկրների համար» խորագրով դասընթացին։
«Խոսրովի անտառ» պետական արգելոցում
Խոսրով տեղամասում Հայաստանի Հանրապետության Գիտությունների ազգային ակադեմիայի Կենդանաբանության և հիդրոէկոլոգիայի գիտական կենտրոնի աշխատակիցները «Խոսրովի անտառ» պետական արգելոցի աշխատակցի հետ միասին իրականացրեցին միջատների ուսումնասիրություն։
«Արփի լիճ» ազգային պարկ ՊՈԱԿ-ում
կատարվել է հերթական ծառատունկը, տնկվել է շուրջ 1700 տարբեր տեսակի տնկի։
Սևան ազգային պարկ-ում
ՊՈԱԿ-ի ղեկավարությունը մասնակացել է Սևանի Իշխանի պաշարների վերականգնման և ձկնաբուծության զարգացման հիմնադրամի կողմից «Սևանի իշխանի Գեղարքունի ենթատեսակի» մանրաձկան հերթական խմբաքանակը Սևանա լիճ բաց թողնման միջոցառմանը, հանդիպում-քննարկում է ունեցել էկոպարեկային ծառայության Կոտայքի և Գեղարքունիքի մարզային վարչության աշխատակիցների հետ՝ սիգի ձվադրման ժամանակահատվածով պայմանավորված՝ նոյեմբերի 15-ից Սևանա լճում և Հայաստանի ողջ տարածքում վերահսկողության միջոցառումների իրականացման վերաբերյալ։
Արգելոցապարկային համալիրում
«Արգելոցապարկային համալիր» ՊՈԱԿ-ի և «ՆԻԳՄԱ» ակումբի միջև համատեղ համագործակցության շրջանակում «Ջրվեժ» անտառպարկում կազմակերպվել են ուսուցողական խաղեր․ երեխաները սովորել են անտառային հմտություններ և կողմնորոշում բնության մեջ:
«Զանգեզուր» կենսոլորտային համալիր» ՊՈԱԿ-ում
Զբոսաշրջության աշխատակիցներն էկոկրթական հանդիպում են ունեցել Կապանի թիվ 2 ավագ դպրոցի աշակերտների հետ։
Ներկայացվել է մարդ-բնություն կապի ամրապնդումը էկոզբոսաշրջության միջոցով։
«Հայանտառ» ՊՈԱԿ-ում
շարունակվում են 2024 թվականի անտառտնկման աշխատանքները:
Հայաստանի բնության պետական թանգարանում
իրականացվեց նախադպրոցական տարիքի երեխաներին բնաճանաչողական ընդունակությունների և բնապահպանական կարողությունների ամրապնդմանն ուղղված էքսկուրսիա»,-ասված է հաղորդագրության մեջ։