16 11 2024

$

388.25
3.90
€

410.42

+9.09 ^oC

ԵՊՀ ռեկտորը մի շարք հանդիպումներ է ունեցել ԱՄՆ-ում

ԱՇԽԱՐՀ

11:32 16.11.2024

Երևանի պետական համալսարանի (ԵՊՀ) պատվիրակությունը՝ ԵՊՀ ռեկտոր Հովհաննես Հովհաննիսյանի գլխավորությամբ, այս շաբաթ Վաշինգտոնում մի շարք հանդիպումներ ունեցավ ԱՄՆ կառավարության, մասնավորապես ԱՄՆ Միջազգային զարգացման գործակալության (ՄԶԳ) և ԱՄՆ Պետքարտուղարության Կրթական և մշակութային հարցերի բյուրոյի ներկայացուցիչների հետ:

Հ․Հովհաննիսյանը, դեսպան Մակունցը, ինչպես նաև պատվիրակության անդամներ Էլինա Ասրիյանը (ԵՊՀ ուսումնական գծով փոխնախագահ), Կառլեն Խաչատրյանը (ԵՊՀ Տնտեսագիտության և կառավարման ֆակուլտետի դեկան) և Արմեն Չոբանյանը (Իզմիրլյան հիմնադրամի հայաստանյան գրասենյակի տնօրեն), հանդիպեցին ԱՄՆ ՄԶԳ կառավարչի փոխտեղակալի պաշտոնակատար Մարկ Հաննաֆինին: Քննարկման թեման Հայաստանի և Միացյալ Նահանգների միջև կրթական և հետազոտական համագործակցության ամրապնդումն էր՝ երկու երկրների նպատակներին համահունչ:

ԱՄՆ Պետքարտուղարությունում պատվիրակությունը հանդիպեց Կրթական և մշակութային հարցերի բյուրոյի պաշտոնյաների, այդ թվում՝ բյուրոյի ավագ խորհրդական Բարեթ Հագայի և Ֆուլբրայթ ծրագրի Եվրոպայի բաժնի պատասխանատուներին: Հանդիպման ընթացքում մտքեր փոխանակվեցին հայ ուսանողների և գիտնականների՝ ԱՄՆ-ում գործող հեղինակավոր, ինչպես օրինակ՝ «Fullbright», «BridgeUSA» և կրթական փոխանակման այլ ծրագրերին մասնակցության հնարավորությունների ընդլայնման վերաբերյալ: Անդրադարձ կատարվեց նաև փոխադարձ հետաքրքրություն ներկայացնող ոլորտներին, այդ թվում՝ ԵՊՀ-ի և ԱՄՆ-ի բուհերի միջև ակադեմիական համագործակցության և համատեղ հետազոտությունների շրջանակի ընդլայնմանը:

Ռեկտոր Հովհաննիսյանն ընդգծել է բարձրագույն կրթության ոլորտում շարունակական համագործակցության կարևորությունը՝ նշելով, որ նման փոխանակումներն օգտակար են երկու երկրների ակադեմիական շրջանակների համար։

Դեսպան Մակունցը վերահաստատեց կրթական փոխանակման ծրագրերի դերը՝ որպես երկու երկրների միջև փոխըմբռնման և համագործակցության խթանման արդյունավետ գործիք:

Բաժանորդագրվեք SHANTNEWS.am-ին Telegram-ում

Բոլոր լուրերը

22:32 16.11.2024
Հունաստանում ՀՀ դեսպանը և Հունաստանի Ազգային պաշտպանության Գլխավոր շտաբի պետը բարձր են գնահատել երկկողմ ռազմական փոխհամագործակցությունը

Կապակցված լուրեր

22:24 16.11.2024

Ֆոն դեր Լայենը Ռուսաստանին մեղադրել է գազային շանտաժի մեջ

Եվրահանձնաժողովի նախագահ Ուրսուլա ֆոն դեր Լայենը արձագանքել է «Գազպրոմի» կողմից Ավստրիա գազի մատակարարման դադարեցմանը։ «Պուտինը կրկին օգտագործում է էներգիան որպես զենք: Նա փորձում է շանտաժի ենթարկել Ավստրիային և Եվրոպային՝ դադարեցնելով գազի մատակարարումը: Մենք պատրաստ ենք դրան և պատրաստ ենք ձմռանը: Եվրամիությունում գազի պահեստարանները լիքն են»,-ասել է նա: Ինչպես հաղորդվում է, նոյեմբերի 15-ին ռուսական «Գազպրոմը» հայտարարել […] ...

22:16 16.11.2024

Իտալիան ավելի քան 15 տոննա մարդասիրական օգնություն է ուղարկել Գազա

Իտալիան մարդասիրական օգնությունով ինքնաթիռ է ուղարկել Գազայի բնակչությանը։ Այս մասին հայտնում է Reuters գործակալությունը՝ հղում անելով երկրի պաշտպանության նախարարության հայտարարությանը։ Ինչպես նշվում է, Իտալիայի ռազմաօդային ուժերի ինքնաթիռը օդ է բարձրացել շաբաթ օրը՝ նոյեմբերի 16-ին, ավելի քան 15 տոննա մարդասիրական օգնությունով, որը կհասցվի Գազայի բնակչությանը։ Գործակալությունը հայտնում է, որ օգնությունը հավաքել է Confederazione Nazionale delle Misericordie […] ...

22:08 16.11.2024

Ի՞նչ խնդիր պիտի լուծի պաշտպանության ու անվտանգության համակարգը

Այս շաբաթ Երևանն ու Բաքուն փոխադարձ հայտարարություններ արեցին։ Դեկտեմբերին կշարունակվեն բանակցությունները, իսկ ապաշրջափակման մասին Երևանը նոր առաջարկներ արեց Բաքվին։ Դրան զուգահեռ ընթանում են գործընթացները պաշտպանության բնագավառում: Այս և այլ հարցերի անդրադարձել է Արցախի պաշտպանության նախկին նախարար Սամվել Բաբայանը՝ «Հեռանկարում»: ...

22:00 16.11.2024

SHANTNEWS

21:50 16.11.2024

Աբխազիայի Հանրային պալատը ընդդիմության հետ բանակցությունների խումբ է ստեղծել

Աբխազիայի Հանրային պալատը ստեղծել է խումբ՝ երկրի իշխանությունների և ընդդիմության միջև բանակցությունների համար, հայտնում է «Ապսնիպրես» լրատվական գործակալությունը։ Ավելի վաղ Աբխազիայի Հանրային պալատի անդամներ Սոկրատիս Ջինջոլիան և Ռուսլան Խաշիգը հանդես են եկել ընդդիմության և երկրի նախագահ Ասլան Բժանիայի միջև բանակցություններում միջնորդ դառնալու նախաձեռնությամբ։ «Իշխանությունների և ընդդիմության միջև բանակցությունների համար Հանրային պալատի կողմից ստեղծված հատուկ խումբը […] ...

21:40 16.11.2024

«Հայանտառ» ՊՈԱԿ-ի 2024 թվականի անտառտնկման աշխատանքները շարունակվում են

Շրջակա միջավայրի նախարարությունը տեսանյութ է հրապարակել «Հայանտառ» ՊՈԱԿ-ի 2024 թվականի անտառտնկման աշխատանքներից։ Նկարահանումն իրականացվել է «Արագածոտնի անտառտնտեսություն» և «Հրազդանի անտառտնտեսություն» մասնաճյուղերում: ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.