17:50 07.11.2024
Նոյեմբերի 6-ին ՆԳՆ փրկարար ծառայության տնօրեն-ՆԳ նախարարի տեղակալ Կամո Ցուցուլյանն ընդունել է Ֆրանսիայից ժամանած պատվիրակությանը, որի կազմում ընդգրկված էին Ֆրանսիայի Հանրապետության Եվրոպայի և արտաքին գործերի նախարարության անվտանգության և պաշտպանության համագործակցության տնօրինության ներկայացուցիչները, ՖՀՀԿ անվտանգության հարցերով կցորդը, Ֆրանսիայի դեսպանության օպերատիվ անվտանգության խորհրդականը և միջազգային տեխնիկական փորձագետը:
Հանդիպմանը ներկա էր նաև ՓԾ տնօրենի տեղակալ Տիգրան Պետրոսյանը:
Ողջունելով պատվիրակությանը՝ Կամո Ցուցուլյանն իր երախտագիտությունն է հայտնել Հայաստանի հետ բազմամյա բարեկամական հարաբերությունների, ձևավորված արդյունավետ համագործակցության և ցուցաբերված աջակցության համար: ՓԾ տնօրենը ներկայացրել է ՆԳՆ փրկարար ծառայությունում իրականացվող բարեփոխումները և շեշտել, որ կարևորում է ֆրանսիացի փորձագետների աջակցությունը ծառայության ուղղությունների զարգացման և արդիականացման գործում՝ ընդգծելով քաղաքացիական և բնակչության պաշտպանության, ինչպես նաև աղետների ռիսկերի կառավարման ոլորտների առաջնահերթությունները:
Ֆրանսիայի Հանրապետության Եվրոպայի և արտաքին գործերի նախարարության անվտանգության և պաշտպանության համագործակցության տնօրինության ներկայացուցիչ Դորդհայնը շնորհակալություն է հայտնել ջերմ ընդունելության համար և կարևորել երկկողմ համագործակցության հետևողական զարգացումը՝ նշելով, որ բարձր պատրաստվածություն ունեցող ֆրանսիացի փորձագետի Հայաստանում գտնվելը միտված է ՆԳ նախարարությունում իրականացվող ներկայիս բարեփոխումներին աջակցելուն՝ ի նպաստ Հայաստանի Հանրապետությունում բնակչության պաշտպանության ոլորտի զարգացմանը։
Քննարկումների ընթացքում կողմերն անդրադարձել են տարածաշրջանին սպառնացող աղետներին, մասնավորապես՝ անտառային հրդեհներին և ջրհեղեղներին։
ՓԾ տնօրենը ներկայացրել է 2024 թվականի մայիս ամսին Լոռու և Տավուշի մարզերում տեղի ունեցած աղետալի ջրհեղեղի պատճառած վնասները՝ անդրադարձ կատարելով Փրկարար ծառայության ստորաբաժանումների գործունեությանն ու բարձր պատրաստվածությանը։
Հանդիպման ընթացքում, ի թիվս այլ հարցերի, քննարկվել են ճգնաժամային կառավարման համակարգի բարելավման հետ կապված հարցեր։ Կամո Ցուցուլյանը նշել է, որ ՆԳՆ կազմում գործում է երկու կենտրոն՝ ՓԾ ճգնաժամային կառավարման ազգային կենտրոնը և ոստիկանության օպերատիվ կառավարման կենտրոնը։ Նա ընդգծել է, որ բարեփոխումների արդյունքում նախատեսվում է այս երկու կենտրոնների միավորումը՝ կառավարման գործընթացը մեկ կետից ապահովելու նպատակով, ինչը թույլ կտա արդյունավետորեն կազմակերպել փոխլրացնող և մասնագիտական աշխատանքը։ Անդրադարձ է կատարվել նաև ՆԳՆ կազմում գործող ուսումնական հաստատությունները մեկ միասնական կրթահամալիրի շրջանակում միավորելու հարցին։
Հանդիպման ավարտին հյուրերը եղել են ՓԾ Ճգնաժամային կառավարման ազգային կենտրոնում, ծանոթացել ստորաբաժանման կառուցվածքին, գործունեությանը, տեխնիկական հագեցվածությանն ու վերջինիս կողմից իրականացվող գործառույթներին:
22:48 07.11.2024
Գերմանական կոալիցիայի փլուզումը չի ազդի Կիևին արդեն իսկ խոստացված օգնության վրաԳերմանիան կկարողանա տրամադրել Ուկրաինային օգնելու համար հատկացված 4 միլիարդ եվրոյի մեծ մասը, նույնիսկ եթե 2025 թվականի բյուջեն ժամանակին չհաստատվի Գերմանիայում իշխող «Traffic Light» կոալիցիայի փլուզումից հետո: Այս մասին գրում է Reuters-ը՝ հղում անելով Բունդեսթագի բյուջետային հանձնաժողովի աղբյուրներին։ Գործակալության աղբյուրների համաձայն, այդ միջոցները հիմնականում պարտադիր հատկացումներ են և, հետևաբար, կարող են տրամադրվել որպես միջանկյալ բյուջեի կառավարման […] ...
22:40 07.11.2024
Հոսանքանջատումներ նոյեմբերի 8-ին«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ նոյեմբերի 8-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 11։00-17:00 Ամիրյան փ. 2, 4, 26/4 շենքեր, Բուզանդի փ. 97 շենք և 6-45, 45-55 առանձնատներ, Կողբացու փ. 18-45 առանձնատներ, Ամիրյան փ. 10, 12 շենքեր, Մաշտոցի պող. 20, 20/4, 15/5 շենքեր, Հրազդանի կիրճ, […] ...
22:32 07.11.2024
Նիկոլ Փաշինյանը հանդիպել է Ֆրանսիայի նախագահի հետԲուդապեշտում տեղի է ունեցել վարչապետ Նիկոլ Փաշինյանի և Ֆրանսիայի նախագահ Էմանուել Մակրոնի հանդիպումը: Զրուցակիցները քննարկել են Հայաստան-Ֆրանսիա համագործակցությանը վերաբերող հարցեր: Նիկոլ Փաշինյանը և Էմանուել Մակրոնը կարևորել են բարձր մակարդակի հանդիպումների պարբերական բնույթը, որոնք հնարավորություն են տալիս քննարկել ինչպես երկկողմ օրակարգին, այնպես էլ երկուստեք հետաքրքրություն ներկայացնող այլ հարցեր: Կողմերն անդրադարձել են տնտեսության, ենթակառուցվածքների և այլ ոլորտներում […] ...
22:24 07.11.2024
Ռուսաստանին ռազմավարական պարտություն պատճառելու Արևմուտքի կոչերը կարող են վերածվել ողբերգության․ ՊուտինՌուսաստանի նախագահ Վլադիմիր Պուտինը հայտարարել է, որ աշխարհը հասել է վտանգավոր կետի, և Ռուսաստանին ռազմավարական պարտություն կրելու արևմտյան առաջնորդների կոչերը կարող են հանգեցնել համաշխարհային ողբերգության։ «Ես արդեն ասել եմ, որ մենք հասել ենք մի վտանգավոր կետի` Ռուսաստանին ռազմավարական պարտություն պատճառելու կոչերը, մի երկիր, որն ունի միջուկային զենքի ամենամեծ զինանոցը, ցույց է տալիս արևմտյան քաղաքական գործիչների […] ...
22:16 07.11.2024
Al Jazeera. 27 պաղեստինցի է զոհվել Գազայում բնակելի շենքի վրա հարձակման հետևանքովՊաղեստինցի փախստականների Ջաբալիա ճամբարը, որը գտնվում է Գազայի հատվածի հյուսիսում, իսրայելական բանակի կողմից հարձակման է ենթարկվել։ Այս մասին հայտնում է Al Jazeera հեռուստաալիքը։ Ըստ հեռուստաալիքի՝ հարվածի տակ է հայտնվել բնակելի շենք։ Հարձակման հետևանքով զոհվել է առնվազն 27 մարդ։ Գազայի հատվածի առողջապահության նախարարության տվյալներով՝ 2023 թվականի հոկտեմբերից անկլավում հակամարտության սրման զոհ է դարձել ընդհանուր առմամբ 43,5 […] ...
22:08 07.11.2024
Ո՞ր պետությունների ղեկավարներն են բոյկոտում Բաքվում անցկացվող COP29 կոնֆերանսըԵրկուշաբթի օրը Բաքվում իր աշխատանքը կսկսի ՄԱԿ-ի հովանու ներքո անցկացվող կլիմայի փոփոխության հարցով СOP29 միջազգային կոնֆերանսը: Ադրբեջանի կողմից հարվիրված ոչ բոլոր գործիչներն են համաձայնվել մեկնել Բաքու: Ո՞ր միջազգային կազմակերպություններն են ներկայացված լինելու, և արդյո՞ք Հայաստանը մասնակցելու է: Թեմային հետևել է Արտյոմ Երկանյանը և մանրամասներ ներկայացրել «Հորիզոն»-ի տաղավարում․ «Դե իհարկե, ՄԱԿ-ը առաջին անձով է ներկայացված լինելու: […] ...
