16:10 04.11.2024
Տեղեկատվական տեխնոլոգիաների զարգացմանը զուգընթաց՝ թվային աշխարհում կատարվող հանցավոր գործունեության կամ, որ նույնն է՝ կիբեռհանցագործության եղանակներն ու մեթոդները ևս փոխվում են:
Կիբեռհանցավորության տեսակները բազմաթիվ են՝ ֆինանսական հափշտակություններ, հաքերային հարձակումներ, խարդախությամբ անձնական տվյալների տիրապետում և այլն: Որպես խոցելի խումբ՝ այդ հանցագործությունների թիրախում հաճախ հայտնվում են նաև անչափահասները։ Երեխաներին առցանց տիրույթում առկա վտանգներից պաշտպանելուն են ուղղված «Երեխաներին կազմակերպված կիբերհանցագործություններից և առցանց վտանգներից պաշտպանելու դիմակայունության ամրապնդում և երեխաների պաշտպանություն» ծրագրով նախատեսված միջոցառումները։
Անչափահասներին և նրանց ծնողներին թվային տիրույթում կատարվող հանցագործությունների, դրանցից պաշտպանվելու եղանակների մասին իրազեկումը քննարկելու, համատեղ այլ քայլեր ծրագրելու, ինչպես նաև ոլորտում առկա հիմնական հիմնախնդիրները բացահայտելու նպատակով նոյեմբերի 1-ին Երևանի պետական համալսարանում կազմակերպվել էր «Երեխաներին առցանց միջավայրում հանցագործություններից պաշտպանելուն ուղղված քաղաքականություն. բացեր, առաջնայնություններ, հետագա քայլեր» թեմայով քննարկումը:
Քննարկմանը մասնակցում էին ՆԳՆ ոստիկանության պետի տեղակալ Վարդան Վարդանյանը, Հայաստանում ՅՈՒՆԻՍԵՖ-ի ներկայացուցչի տեղակալ Սիլվիա Մեստրոնին, փորձագետներ, շահագրգիռ գերատեսչությունների ներկայացուցիչներ:
ՆԳՆ ոստիկանության պետի տեղակալ Վարդան Վարդանյանը ՆԳ նախարարության անունից պատրաստակամություն է հայտնել ստանձնելու երեխաներին առցանց միջավայրում հանցագործություններից պաշտպանելուն ուղղված այս ծրագրի իրականացման առաջնորդությունը։ Նա կարևորել է նման հանդիպում-քննարկումները՝ նշելով, որ կիբեռհանցագործություններից երեխաներին զերծ պահելու համար անհրաժեշտ է փոխգործակցություն թե՛ ՀՀ պետական գերատեսչությունների, թե՛ միջազգային գործընկերների ու քաղաքացիական հասարակության ներկայացուցիչների միջև, ինչպես նաև միասնական մոտեցումների մշակում ու առաջնահերթությունների սահմանում:
Անդրադառնալով կիբեռանվտանգության ամրապնդման նպատակով ՆԳ նախարարության կողմից մշտապես իրականացվող միջոցառումներին՝ Վարդան Վարդանյանը նշել է, որ նախատեսվում է ներդնել խորհրդատվական թեժ գիծ, որը հնարավորություն կտա կիբեռհանցավորության ու կիբեռանվտանգության վերաբերյալ ստանալ մասնագիտական խորհրդատվություն, ինչպես նաև ակտիվորեն իրականացնել տարատեսակ տեղեկատվական միջոցառումներ:
Սիլվիա Մեստրոնին կիբեռհանցագործությունների դեմ պայքարում բարձր է գնահատել ՆԳՆ ոստիկանության դերը: Նա նաև կարևորել է ՅՈՒՆԻՍԵՖ-ի հետ նախարարության սերտ համագործակցությունը:
Հանդիպման ընթացքում ներկայացվել են թեմային առնչվող խորքային ուսումնասիրություններ, ծավալվել է ակտիվ քննարկում:
23:12 04.11.2024
Թբիլիսիում հանրահավաքն ավարտվել է առանց միջադեպերի
22:32 04.11.2024
ԱՄՆ-ում վաղաժամ քվեարկել է մոտ 76 միլիոն մարդ
09:15 05.11.2024
Կիպրոսի նախագահը ժողովրդագրական իրավիճակը անվանել է ազգային մեծ խնդիրԿիպրոսի Հանրապետության նախագահ Նիկոս Խրիստոդուլիդեսը կղզում ձևավորվող ժողովրդագրական իրավիճակը որակել է որպես ազգային մեծ խնդիր: Այդ մասին նա հայտարարել է երկրի բնակիչներին ուղղված հեռուստաուղերձում, որի ընթացքում հայտարարել է 50 միլիոն եվրո արժողությամբ միջոցառումների փաթեթի մասին, որն ուղղված է ծնելիության աճի խթանմանը։ «Ես դիմում եմ ձեզնից յուրաքանչյուրին, որպեսզի հայտարարեմ ժողովրդագրական խնդրի լուծման համար կոնկրետ և ծախսատար […] ...
09:05 05.11.2024
Ղազախստանը հույս ունի Հարավային Կորեայի մասնակցությամբ ատոմակայան կառուցելԱստանան ակնկալում է Կորեայի Հանրապետության ընկերությունների մասնակցությունը Ղազախստանում ատոմակայանի կառուցման, ռեսուրսների արդյունահանման և վերամշակման նախագծերին։ Այս մասին Սեուլում կայացած «Կենտրոնական Ասիա – Կորեայի Հանրապետություն» 17-րդ համագործակցության ֆորումում ասել է Ղազախստանի փոխվարչապետ-արտաքին գործերի նախարար Մուրատ Նուրթլեուն։ Ինչպես հաղորդում է Ղազախստանի ԱԳՆ-ն, Նուրթլեուն նշել է, որ հարավկորեական ընկերությունների մասնակցությունն այդ նախագծերին «նոր հեռանկարներ կստեղծի տարածաշրջանի էներգետիկ անվտանգության […] ...
08:55 05.11.2024
Մեծ Բրիտանիայում կապիկի ծաղիկի երկու նոր դեպք է հայտնաբերվելՄեծ Բրիտանիայում հայտնաբերվել է կապիկի ծաղիկի նոր տեսակի ևս երկու դեպք, ասվում է Մեծ Բրիտանիայի Առողջապահական ծառայությունների գործակալության (UKHSA) հայտարարության մեջ, որը հրապարակվել է երկուշաբթի օրը կառավարության կայքում։ Հոկտեմբերի վերջին վարչությունը հայտնել է բացահայտված առաջին դեպքի մասին։ Այն գրանցվել էր Լոնդոնում․ խոսքը մի մարդու մասին է, ով վերջերս այցելել էր աֆրիկյան երկրներ։ «Կապիկի ծաղիկի երկու […] ...
08:45 05.11.2024
Կիմ Չեն Ընի քույրը նախազգուշացրել է Կորեական թերակղզում հնարավոր պատերազմի մասինԿորեայի Աշխատավորական կուսակցության կենտրոնական կոմիտեի վարչության պետի տեղակալ Կիմ Յո Չժոնգը՝ Հյուսիսային Կորեայի առաջնորդ Կիմ Չեն Ընի քույրը, ասել է, որ Կորեական թերակղզում և հարակից շրջաններում ուժերի անհավասարակշռությունը կարող է հանգեցնել պատերազմի։ Նա ընդգծել է, որ Հյուսիսային Կորեան կշարունակի ամրապնդել իր միջուկային զինանոցը, փոխանցում է ՏԱՍՍ-ը։ «Այսօր Կորեական թերակղզում և տարածաշրջանում մեր և թշնամիների միջև […] ...
08:35 05.11.2024
Հյուսիսային Կորեայի հրթիռների արձակումը սպառնում է կայունությանը ողջ աշխարհում․ ՊետքարտուղարությունԱՄՆ վարչակազմը կարծում է, որ Հյուսիսային Կորեայի հրթիռների արձակումը սպառնում է ոչ միայն տարածաշրջանի խաղաղությանը և կայունությանը, այլև ողջ աշխարհի։ Այս մասին ՏԱՍՍ-ի թղթակցին հայտնել են Պետդեպում։ «Միացյալ Նահանգները դատապարտում է ԿԺԴՀ-ի կողմից նոյեմբերի 4-ին (Վաշինգտոնի ժամանակով) բազմաթիվ բալիստիկ հրթիռների արձակումը: Դրանք վտանգ են ներկայացնում տարածաշրջանային և միջազգային խաղաղության և անվտանգության համար և խաթարում են […] ...
08:25 05.11.2024
ՀՀ տարածքում ավտոճանապարհներն անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: ...
