19:01 30.10.2024
Հոկտեմբերի 23-ից 25-ը Տավուշի մարզի Իջևան համայնքի Գետահովիտ բնակավայրի մերձակայքում անցկացվել է ՄԱԿ-ի միջազգային որոնողափրկարարական խորհրդատվական խմբի (ԻՆՍԱՐԱԳ) չափանիշներին համապատասխան «Երկրաշարժի դեպքում որոնողափրկարարական աշխատանքների կազմակերպում և իրականացում» թեմայով 32-ժամյա դաշտային վարժանք:
Վարժանքին մասնակցում էին Տավուշի մարզային փրկարարական վարչության Իջևանի, Դիլիջանի և Նոյեմբերյանի հրշեջ-փրկարարական ջոկատների ազգային որակավորում ունեցող 45 փրկարարներից և 2 բուժաշխատողներից բաղկացած Տավուշի քաղաքային որոնողափրկարարական թիմը (ՔՈՓ)։
Վարժանքի նպատակն էր ստուգել ՔՈՓ թիմի ղեկավարման շտաբի ծավալումը, փրկարարական աշխատանքների համակարգումը, ունակությունները փրկարարական աշխատանքներում, մասնավորապես՝ պարանային և հատուկ գործիքների հետ աշխատելու կարողությունները։
Գործողությունների ընթացքին տեղում հետևում էր ՆԳՆ ՓԾ աշխատանքային խումբը՝ ՆԳՆ ՓԾ տնօրենի օգնական Արմեն Գևորգյանի գլխավորությամբ։
Տավուշի քաղաքային որոնողափրկարարական թիմը 3 փուլով խաղարկել է Տավուշի մարզում գրանցված ուժեղ երկրաշարժի սցենար․ մոբիլիզացիա, տեղափոխում աղետի գոտի և գործողությունների ծավալում, դեմոբիլիզացիա։
Համաձայն սցենարի՝ սույն թվականի հոկտեմբերի 24-ին՝ տեղական ժամանակով ժամը 06։45-ին, Ազատամուտ բնակավայրում տեղի էր ունեցել 7 մագնիտուդով երկրաշարժ, որի հիպոկենտրոնը գտնվում էր 15 կմ խորության վրա: Կային մեծ ավերածություններ, զոհեր և վիրավորներ։ Տուժել էր մոտ 2300 մարդ։
Փրկարարների կողմից պայմանական աղետի գոտում ձևավորվեց վրանային ավան, որի ծավալումից անմիջապես հետո փրկարարական խմբերը ստացան համապատասխան տեղամասերի համար նախատեսված փրկարարական գործողությունների վայրերը և 4-ժամյա հերթափոխով կատարեցին հետախուզական և փրկարարական աշխատանքներ՝ յուրաքանչյուր տեղամասի համար կիրառելով տարբեր սարքավորումներ:
Տեղամասերում իրականացվեցին պարանների օգնությամբ տուժածների իջեցում, փլատակներում մնացած տուժածներին հատուկ գործիքների օգնությամբ դուրսբերում, ինչպես նաև ամրակապման միջոցով տուժածների շենքից անվտանգ տարհանում։
Վարժանքի ավարտին Ա․ Գևորգյանն ամփոփել է կատարված աշխատանքների արդյունքները՝ կարևորելով ազգային մակարդակում ՔՈՓ թիմերի առկայությունը և համաձայն ԻՆՍԱՐԱԳ-ի մեթոդաբանության՝ թիմերի կարողությունների զարգացումը։
23:10 30.10.2024
Ուսումնական գումարտակի նորակոչիկների առօրյան․ ՊՆՀՀ պաշտպանության նախարարությունը ուսումնական գումարտակի նորակոչիկների առօրյայի մասին պատմող տեսանյութ է հրապարակել։ ...
23:04 30.10.2024
Թրա՞մփ, թե՞ Հարիս․ ո՞ւմ են պաշտպանում նախագահի ընտրություններում ԱՄՆ-ի հայկական կազմակերպություններըԱՄՆ խոշորագույն հայկական լոբբիստական կազմակերպությունը՝ Հայ դատի հանձնախումբը որոշել է պաշտոնապես չսատարել նախագահի թեկնածուներից և ոչ մեկին: Դիմելով հայրենակիցներին՝ հանձնախումբը կոչ է արել ինքնուրույն որոշում կայացնել: Ինչո՞ւ: Թեմային «Հորիզոնի» տաղավարում անդրադարձել է Արտյոմ Երկանյանը։ «Սովորաբար ընտրություններից օրեր առաջ Հայ դատի հանձնախումբը, ինչպես և մեկ այլ լոբբիստական կազմակերպությունը` հայկական ասամբլեան, դիմում էին հայրենակիցներին՝ կոչ անելով կոնկրետ […] ...
22:56 30.10.2024
Վինիսիուսի ֆանատները «Աթլետիկոյի» ֆուտբոլիստին շփոթել են Ռոդրիի հետՄադրիդի «Ռեալի» բրազիլացի հարձակվող Վինիսիուս Ժունիորի երկրպագուները, որոնք զայրացած են, որ իրենց կուռքը չի ստացել «Ոսկե գնդակը», սխալմամբ վիրավորական քոմենթներ են գրել այլ ֆուտբոլիստի: Օգտատերերից շատերը չեն իմացել, որ իսպանացի ֆուտբոլիստը սոցցանցերում էջեր չունի: Նրանք Ռոդրիգոյին շփոթել են Մադրիդի «Աթլետիկոյի» արգենտինացի կիսապաշտպան Ռոդրիգո Դե Պոլի հետ և նրա էջերը ողողել են բացասական մեկնաբանություններով: Հիշեցնենք, որ […] ...
22:51 30.10.2024
Վալենսիայում ջրհեղեղների հետևանքով զոհերի թիվը հասել է 92-իԱռնվազն 92 մարդ է զոհվել Իսպանիայի արևելքում գտնվող Վալենսիայում` հորդառատ անձրևի և ջրհեղեղի պատճառ դարձած փոթորկի հետևանքով։ Այս մասին հայտնել են տարածաշրջանի արտակարգ ծառայությունները X-ում: Ծառայությունից նաև հավելել են, որ ներկայումս շարունակվում է տուժածների ինքնությունը պարզելու գործընթացը։ Երեք մահվան դեպք է գրանցվել նաև Իսպանիայի երկու այլ շրջաններում։ Իսպանիային պատուհասած փոթորիկը հանգեցրել է բազմաթիվ միջադեպերի։ Խոսքը […] ...
22:43 30.10.2024
Հոսանքանջատումներ Երևանի և մարզերի որոշ հասցեներում«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հոկտեմբերի 31-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 11:00-17:00 Բագրատունյաց պող․ 11, 11ա շենքեր, Չեխովի փ․ 18 շենք և հարակից ոչ բնակիչ-բաժանորդներ, Ավան՝ Թումանյան թաղ. 6/1, 6/2, 6/3, 7/1, 7/2, 8, 9, 9/1 շենքեր, հարակից տարածքների առանձնատներ և ոչ բնակիչ-բաժանորդներ, […] ...
22:35 30.10.2024
Հակոբ Արշակյանը մասնակցել է «Կանանց դերը փոխհամաձայնության ձևավորման, անվտանգության և խաղաղության գործում» պանելային քննարկմանըՀՀ ԱԺ նախագահի տեղակալ Հակոբ Արշակյանը հոկտեմբերի 30-ին «Կատարինե համայնք կամրջողներ» ծրագրի կազմակերպած կոնֆերանսի շրջանակում մասնակցել է «Կանանց դերը փոխհամաձայնության ձեւավորման, անվտանգության եւ խաղաղության գործում» պանելային քննարկմանը: Հակոբ Արշակյանը կարեւորել է կանանց ներգրավվածությունը հասարակական հնչեղության գործընթացներում, որոշումների կայացման մակարդակում ու խոսել ոլորտում առկա ե՛ւ խնդիրների, ե՛ւ առաջընթացի մասին: «Մեր քաղաքական ուժը եւ պետությունը հենց դրա […] ...
