01 12 2024

$

394.64
3.66
€

416.82

--2.91 ^oC

Կբացվի Համազգային թատրոնի նոր շենքը, կնորոգվեն մարզային թատրոնները

ԿՐԹՈՒԹՅՈՒՆ

21:07 29.10.2024

ԱԺ մշտական հանձնաժողովների համատեղ նիստում 2025 թվականի պետական բյուջեի նախնական քննարկումներում ԿԳՄՍ նախարար Ժաննա Անդրեասյանը ներկայացրել է մշակույթի ոլորտում իրականացվելիք ծրագրերը:

Խոսելով մշակութային հաստատություններում և թատերահամերգային կազմակերպություններում իրականացվող աշխատանքների մասին՝ Ժաննա Անդրեասյանը տեղեկացրել է, որ 2025 թվականին կբացվի Սոս Սարգսյանի անվան Համազգային թատրոնի նոր շենքը, որը արդիական պահանջներով ու պայմաններով նոր կառուցված շինություն է: Այս համատեքստում Ժաննա Անդրեասյանը կարևորել է պետություն-մասնավոր հատված համագործակցությունը:

ԿԳՄՍ նախարարի խոսքով՝ հաջորդ տարի կապիտալ վերանորոգման աշխատանքներ կմեկնարկեն Վանաձորի Աբելյանի անվան պետական դրամատիկական թատրոնում և Գորիսի պետական թատրոնում՝ մարզերում մշակութային կյանքի ակտիվացման նպատակով: Կշարունակվեն աշխատանքները Մնջախաղի պետական թատրոնի և Հայաստանի պետական սիմֆոնիկ նվագախմբի շենքերի կառուցման ուղղությամբ, ինչպես նաև թատերահամերգային կազմակերպությունների ենթակառուցվածքների, նյութատեխնիկական բազայի և երաժշտական գործիքներով ապահովման գործընթացները։

Անդրադառնալով հուշարձանների ամրակայման, նորոգման և վերականգնման աշխատանքներին՝ Ժաննա Անդրեասյանը տեղեկացրել է, որ այդ նպատակով 2025 թվականին նախատեսվել է մոտ 1,8 մլրդ դրամ, որն էապես գերազանցում է 2024 թվականի ցուցանիշը: Նշյալ բյուջեով իրականացվելու են 17 հուշարձանների (Ամբերդ ամրոց, Բերդկունք ամրոց, Հորսի պալատ, Օրբելյանների քարավանատուն և այլն) ամրակայման, նորոգման և վերականգնման, ինչպես նաև 6 հուշարձանի գիտանախագծային փաստաթղթերի կազմման աշխատանքներ։ Շարունակվելու է նաև մոդուլային տեղեկատվական կենտրոնների կառուցումը, որոնք, Ժաննա Անդրեասյանի դիտարկմամբ, ստեղծում են ժամանակակից ենթակառուցվածք հուշարձանների գրավչությունը բարձրացնելու և զբոսաշրջային քաղաքականությունը խթանելու նպատակով: Նախարարի խոսքով՝ շարունակվելու է նախորդ տարիներին սկսված և ներկայում ընթացող պետություն-մասնավոր համագործակցությունը, ինչի արդյունքում 2024 թվականին 2 հուշարձանի վերականգնման աշխատանքները մոտեցել են ավարտին, իսկ 6 հուշարձանի վերականգնման աշխատանքները կշարունակվեն հաջորդ տարի։

Բաժանորդագրվեք SHANTNEWS.am-ին Telegram-ում

Բոլոր լուրերը

11:30 01.12.2024
Վրաստանի դեսպանների ու փոխարտգործնախարարի հրաժարականներ՝ բողոքի ցույցերի ֆոնին

Կապակցված լուրեր

11:17 01.12.2024

Թբիլիսիում ՆԳՆ աշխատակիցը այրվածքներ է ստացել այն բանից հետո, երբ ցուցարարները հրատեխնիկա են կիրառել

Վրաստանի ՆԳՆ աշխատակիցներից մեկը այրվածքներ է ստացել այն բանից հետո, երբ ցուցարարները Թբիլիսիում խորհրդարանի շենքի մոտ հրատեխնիկա են կիրառել։ Այդ մասին ճեպազրույցում հայտարարել է հանրապետության ներքին գործերի նախարարության ղեկավարի տեղակալ Ալեքսանդր Դարախվելիձեն։ «Այսօր հանրահավաքի մասնակիցների կողմից հրատեխնիկայի կիրառման հետևանքով ՆԳՆ աշխատակիցներից մեկը այրվածքներ է ստացել»,- ասել է Դարախվելիձեն։ ՆԳՆ պետի տեղակալը ցուցարարներին կոչ է արել […] ...

10:57 01.12.2024

ԱՄՆ-ը կարող է խստացնել ՀԱՄԱՍ-ի դեմ պատժամիջոցները՝ պատանդներին ազատելու համար

ԱՄՆ ներկայիս նախագահ Ջո Բայդենի վարչակազմը մտադիր է խստացնել պատժամիջոցները և այլ միջոցներ ձեռնարկել արմատական պաղեստինյան ՀԱՄԱՍ շարժման դեմ՝ պատանդներին ազատելու համար։ Այս մասին ասվում է շաբաթ օրը Սպիտակ տան Ազգային անվտանգության խորհրդի ներկայացուցիչ Շոն Սեվեթի տարածած հայտարարության մեջ։ Նա նախանշել է վարկած, ըստ որի «Գազայի հատվածում պատերազմը կավարտվի հենց վաղը, եթե ՀԱՄԱՍ-ը համաձայնի ազատ […] ...

10:39 01.12.2024

Գիշերը Թբիլիսիում ցրել են ցուցարարներին

Հատուկ ջոկատայինները լիովին վերահսկում են Թբիլիսիի խորհրդարանի դիմացի հրապարակը՝ ցրելով ցուցարարներին, հայտնում է ՏԱՍՍ-ի թղթակիցը։ Մինչ ցրումը ՆԳՆ-ն մեծ քանակությամբ արցունքաբեր գազ է արձակել Ռուսթավելի պողոտա, որտեղ գտնվում է խորհրդարանը։ Թբիլիսիում շաբաթ օրը խորհրդարանի շենքի մոտ հերթական հակակառավարական ցույցն է տեղի ունեցել։ Տասնյակ հազարավոր մարդիկ են հավաքվել Ռուսթավելի պողոտայում։ Հանրահավաքն ավելի ուշ վերաճել է ոստիկանների […] ...

10:23 01.12.2024

Al Mayadeen. ընդհանուր առմամբ 191 լրագրող է սպանվել Գազայում մարտերի ժամանակ

Գազայի հատվածում 2023 թվականի հոկտեմբերին պաղեստինա-իսրայելական հակամարտության սրումից հետո առնվազն 191 լրագրող է սպանվել: Այս մասին հայտնում է լիբանանյան Al Mayadeen հեռուստաալիքը ՝ հղում անելով պաղեստինյան անկլավի կառավարությանը։ «Լրագրողի յուրաքանչյուր նպատակային սպանությամբ իսրայելական օկուպացիան ապացուցում է, որ Գազայում իր պատերազմը ոչ միայն խաղաղ բնակիչների, այլև ճշմարտության դեմ պատերազմ է», – ասվում է Պաղեստինի անկլավի կառավարության […] ...

10:00 01.12.2024

ՀՀ տարածքում կա փակ ավտոճանապարհ

Փրկարար ծառայությունը տեղեկացնում է, որ ՀՀ տարածքում կա փակ ավտոճանապարհ: Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը: Վարորդներին խորհուրդ է տրվում երթևեկել բացառապես ձմեռային անվադողերով։ ...

00:00 01.12.2024

Ջրհորն ընկած տղամարդը երեք օր օգնություն է կանչել, սակայն «ուրվականի ճիչերից» վախեցած մարդիկ նրան մոտ չեն գնացել

Մի գիշեր Թաիլանդի և Մյանմայի սահմանը հսկող սահմանապահները կասկածելի ճիչեր են լսել։ Ձայնը լսվելիս է եղել կարծես ընդհատակից և որոշ ժամանակ փնտրելուց հետո սահմանապահները ջրհոր են գտել, հայտնում է noodou.com-ը։ Հենց այդ ջրհորում՝ 12 մետր խորության վրա, սահմանապահները հայտնաբերել են տղամարդու, ով հուսահատ օգնություն կանչելիս է եղել։ Փրկված տղամարդը ուժասպառ է եղել՝ բազմաթիվ կապտուկներով և […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.