15:44 23.10.2024
Օրենսդրական նախաձեռնության ընդունումը բխում է Կառավարության 2021-2026 թվականների գործունեության ծրագրից, ինչպես նաեւ դատաիրավական բարեփոխումների ռազմավարությունից: Փաթեթը շուրջ երկու տարվա հետազոտությունների եւ հանրության բավականին լայն շրջանակի հետ քննարկումների արդյունք է, արժանացել է նաեւ Վենետիկյան հանձնաժողովի դրական արձագանքին: Այս մասին ասել է ՀՀ արդարադատության նախարարի պարտականությունները կատարող Արմենուհի Հարությունյանը:
Հոկտեմբերի 23-ին ՀՀ ԱԺ հերթական նիստում քննարկվել է «ՀՀ ընտրական օրենսգրքում փոփոխություններ եւ լրացումներ կատարելու մասին» եւ կից ներկայացված օրենքների նախագծերի փաթեթը:
Հիմնական զեկուցողի ներկայացմամբ քաղաքացիներն ավելի դյուրին կիրականացնեն իրենց ընտրական իրավունքներըգ իրենց հաշվառման համայնքում քվեարկելու անհնարինության դեպքում՝ քաղաքացիներն արդեն էլեկտրոնային դիմումով կկարողանան փոխել տեղամասը եւ էլեկտրոնային ծանուցումով նոր տեղամասում քվեարկել առանց թղթային տեղեկանքի: Հաշմանդամություն եւ տեղաշարժման դժվարություններ ունեցող անձինք եւս էլեկտրոնային դիմումով կկարողանան ընտրել իրենց համար ավելի մատչելի ընտրատեղամաս, տեսողության խնդիրներ ունեցողները կապահովվեն լրացուցիչ միջոցներով: Առաջարկվել է քրեականացնել ընտրություններին մասնակցող թեկնածուներին ինքնաբացարկ ներկայացնելուն կամ մանդատից հրաժարվելուն հարկադրելը: Կմիասնականացվեն հերթական եւ արտահերթ ընտրությունների ժամկետները՝ ընտրական գործընթացներն ավելի պատշաճ կազմակերպելու համար: Քվեարկության արդյունքների վերահաշվարկման ժամանակ առաջնահերթություն է տրվելու թեկնածուների, վստահված անձանց, ընտրական հանձնաժողովի անդամների դիմումներին, եւ առաջին հերթին կվերահաշվարկվեն այն ընտրական տեղամասերի արդյունքները, որոնց վերաբերյալ ներկայացվել է վերահաշվարկի դիմում:
«Ընդլայնվում է դիտորդական առաքելություն իրականացնելու սուբյեկտների շրջանակը: Այսուհետ հիմնադրամները եւս կարող են հավատարմագրվել: Կարգավորվում է քարոզչական նյութերի փակցման հարցը, որպեսզի մեր քաղաքացիների ապրելու միջավայրը, փողոցները, բազմաբնակարան շենքերը, պատշգամբները չլցվեն քարոզչական պաստառներով»,- ասել է Արմենուհի Հարությունյանը:
Ընտրատարածքային, ընտրական հանձնաժողովների անդամների համար սահմանվելու է ամենամյա ատեստավորման պահանջ՝ ընտրական գործընթացներն առավել մասնագիտացված եւ պրոֆեսիոնալ կազմակերպելու համար:
Հստակեցվում է, թե ինչ է տեղի ունենում ընտրությունների հետ արտակարգ կամ ռազմական դրություն հայտարարելու դեպքում: Ներկայում գործող օրենքներով արգելվում է ընտրությունների նշանակումն ու անցկացումը ռազմական եւ արտակարգ դրության պայմաններում: «Հնարավորություն տալու հարց է առաջացել՝ հաշվի նստելով նոր իրողությունների հետ: Մյուս բոլոր դեպքերում ընտրական գործընթացը կկասեցվի եւ կշարունակվի այն պահից, որտեղ կանգ է առել որոշակի բացառություններով»,- մանրամասնել է փոխնախարարը: Վարչական պատասխանատվություն կնախատեսվի թեկնածուի կողմից գույքի եւ եկամուտների մասին հայտարարագիրը սահմանված ժամկետում չներկայացնելու, սահմանված կարգի խախտմամբ կամ չթույլատրված վայրում քարոզչական պաստառ, քարոզչական տպագիր եւ այլ նյութեր փակցնելու համար:
Արմենուհի Հարությունյանը պատասխանել է պատգամավորների հարցերին: Նա ներկայացրել է մանրամասներ եւ պարզաբանումներ «ընտրությունների նշանակումն ու անցկացումը ռազմական եւ արտակարգ դրության պայմաններում» դրույթին վերաբերող փոփոխությունների մասին:
Հարակից զեկուցող, Պետական-իրավական հարցերի մշտական հանձնաժողովի նախագահ Վլադիմիր Վարդանյանի խոսքով Ընտրական օրենսգրքում առաջարկվող փոփոխությունները պայմանավորված են վերջին շրջանում ընտրական գործընթացների արդյունքում վեր հանված հիմնական խնդիրները լուծելու համար: Նա տեղեկացրել է, որ հանձնաժողովն աշխատանքային որոշում է կայացրել ունենալ աշխատանքային խումբ, որը ձեւավորվել է եւ աշխատում է օրենսդրական փաթեթի լավարկման համար: Առաջիկայում նախատեսվում է արտագնա քննարկում հանձնաժողովի անդամների եւ շահագրգիռ կողմերի մասնակցությամբ՝ քննարկելու բարձրացված հարցերն օրինագծի վերաբերյալ: Հարակից զեկուցողը ներկայացրել է նաեւ հանձնաժողովի դրական եզրակացությունն օրենսդրական փաթեթի վերաբերյալ՝ կոչ անելով կողմ քվեարկել:
ՀՀ ԱԺ «Հայաստան» խմբակցության անունից ելույթում խմբակցության քարտուղար Արծվիկ Մինասյանը, չափազանց կարեւորելով ընտրական օրենսդրության փաթեթի քննարկումը, այդ թվում՝ հանրային, մասնագիտական դաշտի լայն ընդգրկմամբ, անդրադարձել է արտակարգ եւ ռազմական դրության հիմքով ընտրությունները հետաձգելու հարցին: «Կարգավորումը վերաբերում է ամբողջ գործընթացին եւ հաշվի չեն առնվում մի շարք առանձնահատկություններ»,- ասել է խմբակցության քարտուղարը՝ ընդգծելով, որ վերաբերելի դրույթն ամբողջությամբ վերանայման կարիք ունի:
ՀՀ ԱԺ «Քաղաքացիական պայմանագիր» խմբակցության անունից ելույթում Վլադիմիր Վարդանյանը, անդրադառնալով Արծվիկ Մինասյանի դիտարկումներին, նշել է, որ հանձնառություն են ստանձնում քննարկել բարձրացված հարցերն արտագնա քննարկումների ժամանակ, նշելով նաեւ, որ օրենսդրական փաթեթի վերաբերյալ կկազմակերպվեն նաեւ խորհրդարանական լսումներ:
Եզրափակիչ ելույթում Արմենուհի Հարությունյանը շնորհակալություն է հայտնել ծավալուն փաթեթը քննարկելու հնարավորություն ընձեռելու համար՝ անդրադառնալով պատգամավորների հարցերին եւ դիտարկումներին: Նա նշել է, որ առաջինից երկրորդ ընթերցում ընկած ժամանակահատվածում աշխատանքային խմբի շրջանակում Արդարադատության նախարարությունը բաց է եւ պատրաստակամ քննարկումների ու արդյունավետ որոշումներ ընդունելու հարցում:
22:10 23.10.2024
Անվանի ֆուտբոլիստը 45 տարեկանում նորամուտը կնշի պրոֆեսիոնալ թենիսում21:30 23.10.2024
Դիեգո Մարադոնայի որդին իսպանական ակումբ է գլխավորել20:15 23.10.2024
ԱՄՆ-ը հաստատել է, որ Բայդենը կմասնակցի G20-ի գագաթնաժողովին19:50 23.10.2024
Մոդին հեռացել է Կազանից19:40 23.10.2024
Ո՞վ է փոխարինել Միշել Տեր-Զաքարյանին19:10 23.10.2024
Հաքերները կոտրել են «Յուվենտուսի» սոցցանցերից մեկի էջը18:56 23.10.2024
Եգիպտոսի դեսպանի հետ նախանշվել են համագործակցության շրջանակները18:42 23.10.2024
Անկարայում ահաբեկչություն է տեղի ունեցել. կան զոհեր ու վիրավորներ18:37 23.10.2024
Խորհրդարանում հյուրընկալվել է Գվատեմալայի դեսպանը18:32 23.10.2024
Մոուրինյուի գալուց հետո ակումբում հուսահատություն է. Դեմիրալ17:43 23.10.2024
Աշխարհի 5-րդ ռակետը մասնակցելու է Ամփոփիչ մրցաշարին17:10 23.10.2024
Բորելը խոսել է Ղարաբաղի հայերի անվտանգ վերադարձի իրավունքի մասին17:05 23.10.2024
Իմ կարծիքով՝ Վինիսիուսը կստանա «Ոսկե գնդակը». Անչելոտի16:56 23.10.2024
Հայկ Գրիգորյանն ընտրվել է Վճռաբեկ դատարանի քրեական պալատի դատավոր16:42 23.10.2024
Նարեկ Մկրտչյանն ընդունել է Գերմանիայի դեսպանին13:51 23.10.2024
Տարադրամի փոխարժեքները հոկտեմբերի 23-ին13:43 23.10.2024
Թրամփը սկսել է McDonald’s-ի տարբերանշանով շապիկներ վաճառել13:40 23.10.2024
ՌԴ բուհերում 2025-2026 ուսումնական տարում կրթություն ստանալու հրավեր13:25 23.10.2024
Կազանում մեկնարկել է ԲՐԻԿՍ-ի գագաթնաժողովի նեղ կազմով նիստը13:22 23.10.2024
Մոտակա օրերին օդի ջերմաստիճանն էապես չի փոխվի22:10 23.10.2024
Անվանի ֆուտբոլիստը 45 տարեկանում նորամուտը կնշի պրոֆեսիոնալ թենիսումՖուտբոլի Ուրուգվայի հավաքականի, Մադրիդի «Աթլետիկոյի» ու անգլիական «Մանչեսթեր Յունայթեդի» նախկին հարձակվող Դիեգո Ֆորլանը կմասնակցի Մոնտևիդեոյում կայանալիք «Չելենջեր» շարքի մրցաշարին, որը կկայանա նոյեմբերի 11-17-ին։ Անվանի ֆուտբոլիստը պրոֆեսիոնալ թենիսում նորամուտը կնշի 45 տարեկանում։ Ֆորլաննը հանդես կգա զուգախաղում, արգենտինացի Ֆեդերիկո Կորիայի հետ, հաղորդում է մրցաշարի մամուլի ծառայությունը։ Դիեգո Ֆորլանը ֆուտբոլիստի կարիերան ավարտել է 2019 թվականին։ «Մանչեսթեր Յունայթեդի» կազմում […] ...
22:05 23.10.2024
Սուրբ Գրիգոր Լուսավորիչ եկեղեցու հարակից շուրջ 2500 քմ հատվածը բարեկարգվել էՍուրբ Գրիգոր Լուսավորիչ եկեղեցու հարակից շուրջ 2500 քմ հատվածը բարեկարգվել է: Այս մասին հայտնում են Երևանի քաղաքապետարանից։ «Նախագծի շրջանակում անցկացվել է 290 մ սնուցման ջրագիծ, կառուցվել՝ շատրվանային համակարգ, տեղադրվել՝ 22 նստարան և 24 աղբաման, անցկացվել է արտաքին լուսավորության էներգախնայող համակարգ: Կանաչապատման ծրագրով տնկվել է 40 տույա»,-նշված է հաղորդագրության մեջ: ...
21:55 23.10.2024
Ունեմ զգացողություն, որ «Բարսելոնան» հիմա բարձունքում է. Լա լիգայի նախագահԻսպանիայի Լա լիգայի նախագահ Խավիեր Տեբասը կարծիք է հայտնել առաջիկա «Էլ կլասիկոյի» մասին։ ««Բարսելոնան» ֆավորի՞տ է․ հաշվի առնելով ստեղծված իրավիճակը, նրանք կունենան հաղթելու հնարավորություն։ Չնայած բոլորն ասում են, որ «Ռեալին» ամեն բան դժվարությամբ է տրվում, սակայն մադրիդցիները հաղթում են։ Այնպես որ, սա կարևոր հանդիպում է, որտեղ կարող է հաղթել յուրաքանչյուրը։ Ունեմ զգացողություն, որ «Բարսելոնան» հիմա […] ...
21:50 23.10.2024
Եթե չկնքվի պայմանագիրը մինչև տարեվերջ, ապա Ադրբեջանը առնվազն պետք է ապահովի գետնի վրա խաղաղությունը. Էդգար Վարդանյան«Հեռանկարն» այսօր հյուրընկալել է քաղաքագետ Էդգար Վարդանյանին: Անդրադարձ է եղել վերջին քաղաքական զարգացումներին: Երկու ամերիկացի բարձրաստիճան պաշտոնյաներ տարածաշրջանում էին, սկզբում Ադրբեջանում, հետո՝ Հայաստանում. ինչո՞վ է պայմանավորված ամերիկյան կողմի այս ակտիվացումը, ինչի մասին է սա խոսում, ի՞նչ ուղերձներ կային Բայդենի՝ Ալիևին և Փաշինյանին հանձնված նամակներում: Այս հարցերի շուրջ է ծավալվել զրույցը: Էդգար Վարդանյանը պատասխանել է նաև […] ...
21:40 23.10.2024
Սաուդյան Արաբիայի ԱԳՆ ղեկավարը ժամանել է Կազան՝ մասնակցելու BRICS-ի գագաթնաժողովինՍաուդյան Արաբիայի արտաքին գործերի նախարար Ֆեյսալ բեն Ֆարհան Ալ Սաուդը չորեքշաբթի երեկոյան ժամանել է Կազան՝ մասնակցելու BRICS-ի գագաթնաժողովին թագավոր Սալման Ալ Սաուդի անունից, հայտնում է Սաուդյան Ալ-Իխբարիա պետական հեռուստաալիքը։ Հեռուստաալիքի տվյալներով՝ ԱԳՆ ղեկավարը ժամանել է Կազան՝ «մասնակցելու BRICS-ի գագաթնաժողովին Սաուդյան Արաբիայի թագավորի անունից, երկիր, որը հրավիրվել է միանալու այս կազմակերպությանը»։ ...