23 10 2024

$

387.67
4.01
€

417.83

+7.09 ^oC

12-ամյա պարտադիր կրթության իրավունքի իրացման համար տարկետում կտրվի մեկ անգամ՝ ուսումնառության ողջ ընթացքի համար

ԿՐԹՈՒԹՅՈՒՆ

15:37 23.10.2024

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

ԱԺ լիագումար նիստում երկրորդ ընթերցմամբ և ամբողջությամբ քննարկվել է «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու նախագիծը:

Հարցը զեկուցել է ՀՀ ԿԳՄՍ նախարար Ժաննա Անդրեասյանը՝ տեղեկացնելով, որ առաջարկվող փոփոխության հիմնական նպատակը վարչարարության պարզեցումն ու կրթության շարունակականության իրավունքի իրացման գործընթացի հեշտացումն է:

«Օրենսդրական փոփոխությամբ հնարավորություն ենք ընձեռում ուսումնառության ողջ ընթացքի համար տարկետում ստանալ մեկ անգամ՝ այն քաղաքացիներին, որոնք շարունակում են կրթությունը հանրակրթական դպրոցներում, ինչպես նաև արհեստագործական և միջին մասնագիտական կրթական հաստատություններում՝ պարտադիր 12-ամյա միջնակարգ կրթության իրավունքի իրացման շրջանակում»,- հարցի զեկուցման ժամանակ նշել է ԿԳՄՍ նախարար Ժաննա Անդրեասյանը:

Նախարարի խոսքով՝ բազմաթիվ քաղաքացիների համար այս փոփոխությամբ կհեշտացվի կրթության շարունակականության ապահովումը և օրենքով արդեն իսկ սահմանված տարկետման իրավունքից օգտվելու գործընթացը։

«Մի քանի հազար քաղաքացիներ, որոնց 18 տարին լրացել է, սակայն դեռևս շարունակում են սովորել դպրոցներում, ինչպես նաև 9-րդ դասարանն ավարտելուց հետո, առանց կրթության ընդհատման, ուսումը շարունակում են քոլեջում կամ ուսումնարանում, կկարողանան մեկ անգամ ստանալով տարկետում՝ հաջողությամբ ավարտել ուսումնառությունը, այնուհետև անցնել պարտադիր զինվորական ծառայության»,- ասել է նախարարը՝ հստակեցնելով, որ մանրամասն քննարկվել է «կրթությունն առանց ընդհատման շարունակելու» եզրույթը և դրանով պայմանավորված հնարավոր այլ իրավական փոփոխությունների անհրաժեշտությունը:

Ժաննա Անդրեասյանի փոխանցմամբ՝ առաջինից երկրորդ ընթերցման ընթացքում ստացվել են որոշակի առաջարկներ, այդ թվում՝ խմբագրական բնույթի, որոնք ընդունվել են:

Նախարարը նաև նշել է, որ նոր կարգավորմամբ շահառուների խումբը չի փոխվում, պարզապես կրճատվում են վարչարարությունը և թղթաբանությունը:

Բաժանորդագրվեք SHANTNEWS.am-ին Telegram-ում

Բոլոր լուրերը

22:10 23.10.2024
Անվանի ֆուտբոլիստը 45 տարեկանում նորամուտը կնշի պրոֆեսիոնալ թենիսում

Կապակցված լուրեր

22:10 23.10.2024

Անվանի ֆուտբոլիստը 45 տարեկանում նորամուտը կնշի պրոֆեսիոնալ թենիսում

Ֆուտբոլի Ուրուգվայի հավաքականի, Մադրիդի «Աթլետիկոյի» ու անգլիական «Մանչեսթեր Յունայթեդի» նախկին հարձակվող Դիեգո Ֆորլանը կմասնակցի Մոնտևիդեոյում կայանալիք «Չելենջեր» շարքի մրցաշարին, որը կկայանա նոյեմբերի 11-17-ին։ Անվանի ֆուտբոլիստը պրոֆեսիոնալ թենիսում նորամուտը կնշի 45 տարեկանում։ Ֆորլաննը հանդես կգա զուգախաղում, արգենտինացի Ֆեդերիկո Կորիայի հետ, հաղորդում է մրցաշարի մամուլի ծառայությունը։ Դիեգո Ֆորլանը ֆուտբոլիստի կարիերան ավարտել է 2019 թվականին։ «Մանչեսթեր Յունայթեդի» կազմում […] ...

22:05 23.10.2024

Սուրբ Գրիգոր Լուսավորիչ եկեղեցու հարակից շուրջ 2500 քմ հատվածը բարեկարգվել է

Սուրբ Գրիգոր Լուսավորիչ եկեղեցու հարակից շուրջ 2500 քմ հատվածը բարեկարգվել է: Այս մասին հայտնում են Երևանի քաղաքապետարանից։ «Նախագծի շրջանակում անցկացվել է 290 մ սնուցման ջրագիծ, կառուցվել՝ շատրվանային համակարգ, տեղադրվել՝ 22 նստարան և 24 աղբաման, անցկացվել է արտաքին լուսավորության էներգախնայող համակարգ: Կանաչապատման ծրագրով տնկվել է 40 տույա»,-նշված է հաղորդագրության մեջ: ...

22:00 23.10.2024

SHANTNEWS

21:55 23.10.2024

Ունեմ զգացողություն, որ «Բարսելոնան» հիմա բարձունքում է. Լա լիգայի նախագահ

Իսպանիայի Լա լիգայի նախագահ Խավիեր Տեբասը կարծիք է հայտնել առաջիկա «Էլ կլասիկոյի» մասին։ ««Բարսելոնան» ֆավորի՞տ է․ հաշվի առնելով ստեղծված իրավիճակը, նրանք կունենան հաղթելու հնարավորություն։ Չնայած բոլորն ասում են, որ «Ռեալին» ամեն բան դժվարությամբ է տրվում, սակայն մադրիդցիները հաղթում են։ Այնպես որ, սա կարևոր հանդիպում է, որտեղ կարող է հաղթել յուրաքանչյուրը։ Ունեմ զգացողություն, որ «Բարսելոնան» հիմա […] ...

21:50 23.10.2024

Եթե չկնքվի պայմանագիրը մինչև տարեվերջ, ապա Ադրբեջանը առնվազն պետք է ապահովի գետնի վրա խաղաղությունը. Էդգար Վարդանյան

«Հեռանկարն» այսօր հյուրընկալել է քաղաքագետ Էդգար Վարդանյանին: Անդրադարձ է եղել վերջին քաղաքական զարգացումներին: Երկու ամերիկացի բարձրաստիճան պաշտոնյաներ տարածաշրջանում էին, սկզբում Ադրբեջանում, հետո՝ Հայաստանում. ինչո՞վ է պայմանավորված ամերիկյան կողմի այս ակտիվացումը, ինչի մասին է սա խոսում, ի՞նչ ուղերձներ կային Բայդենի՝ Ալիևին և Փաշինյանին հանձնված նամակներում: Այս հարցերի շուրջ է ծավալվել զրույցը: Էդգար Վարդանյանը պատասխանել է նաև […] ...

21:40 23.10.2024

Սաուդյան Արաբիայի ԱԳՆ ղեկավարը ժամանել է Կազան՝ մասնակցելու BRICS-ի գագաթնաժողովին

Սաուդյան Արաբիայի արտաքին գործերի նախարար Ֆեյսալ բեն Ֆարհան Ալ Սաուդը չորեքշաբթի երեկոյան ժամանել է Կազան՝ մասնակցելու BRICS-ի գագաթնաժողովին թագավոր Սալման Ալ Սաուդի անունից, հայտնում է Սաուդյան Ալ-Իխբարիա պետական հեռուստաալիքը։ Հեռուստաալիքի տվյալներով՝ ԱԳՆ ղեկավարը ժամանել է Կազան՝ «մասնակցելու BRICS-ի գագաթնաժողովին Սաուդյան Արաբիայի թագավորի անունից, երկիր, որը հրավիրվել է միանալու այս կազմակերպությանը»։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.