22 10 2024

$

387.21
4.01
€

419.23

+9.09 ^oC

Խորհրդարանը քննարկել է Վճռաբեկ դատարանի քաղաքացիական պալատի դատավորի թեկնածուի ընտրության հարցը

ՀԱՅԱՍՏԱՆ

15:51 22.10.2024

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Բարձրագույն դատական խորհուրդը Վճռաբեկ դատարանի քաղաքացիական պալատի դատավորի թափուր տեղում ընտրելու համար առաջադրել է Գուրգեն Մալխասյանի, Վիգեն Քոչարյանի եւ Ատոմ Հայրապետյանի թեկնածությունները. պատգամավորները հարցը քննարկել են Ազգային ժողովի` հոկտեմբերի 22-ի նիստում:

Բարձրագույն դատական խորհրդի նախագահ Կարեն Անդրեասյանը ներկայացրել է առաջադրված երեք թեկնածուների կենսագրությունն ու աշխատանքային գործունեությունը:

Կարեն Անդրեասյանը տեղեկացրել է, որ առողջական խնդիրների պատճառով թեկնածու Ատոմ Հայրապետյանը չի ներկայացել խորհրդարան:

Գուրգեն Մալխասյանը նշել է, որ վերջին մեկ տարվա ընթացքում իրականացնում է արդարադատություն` որպես Առաջին ատյանի ընդհանուր իրավասության դատարանի դատավոր: Թեկնածուն խոսել է Վճռաբեկ դատարանի առաքելությունից, ներկայացրել իր դիտարկումները դատական ակտերի հետագա բողոքարկման հնարավորությունների նվազեցման վերաբերյալ: Զեկուցողը կարեւորել է մասնագիտացված դատարանների ստեղծումը:

Վիգեն Քոչարյանը ներկայացրել է դատական համակարգի գործունեության արդյունավետության վերաբերյալ իր մոտեցումները:

«Վճռաբեկ դատարանն իր գործունեության ընթացքում պետք է իրականացնի երկու կարեւոր առաքելություն` ապահովի օրենքների միատեսակ կիրառումը եւ մարդու իրավունքների պաշտպանությունը»,- ընդգծել է թեկնածուն:

Նրա խոսքով դատարաններում գործերի քննության ողջամիտ ժամկետների ապահովումն ու դատական իշխանության հանդեպ հանրային վստահության հարցը դատական համակարգին բնորոշ հիմնական առանցքային խնդիրներից են:

Թեկնածուները պատասխանել են նաեւ պատգամավորների հարցերին: Դրանք վերաբերել են դատական համակարգի նկատմամբ հանրության վստահության բարձրացմանը, ողջամիտ ժամկետներում դատական գործերի քննությանը, վարչական արդարադատությանը եւ այլն:

ԱԺ «Քաղաքացիական պայմանագիր» խմբակցության անունից ելույթ է ունեցել Վլադիմիր Վարդանյանը: Նա անդրադարձել է ընդդիմադիր գործընկերների կողմից դատական իշխանության հասցեին հնչեցված քննադատություններին` նշելով` «Կա մի ընդհանուր կանոն, որը բոլորիս համար պետք է դառնա գործունեության հիմք` ուժի մեջ գտնվող դատական ակտը որեւիցե մեկի կողմից չի կարող վիճարկվել»: Խոսելով ներկայիս արդարադատության խնդիրների մասին` պատգամավորը փաստել է, որ դրանք իշխող մեծամասնության կողմից մշտապես բարձրաձայնվում են թե’ ԱԺ նիստերում, թե’ բոլոր հնարավոր քննարկումներում` փորձելով գտնել այնպիսի լուծումներ, որոնք թույլ կտան ՀՀ քաղաքացուն ստանալ արդյունավետ, մատչելի եւ ոչ ժամանակատար արդարադատություն:

Բաժանորդագրվեք SHANTNEWS.am-ին Telegram-ում

Բոլոր լուրերը

21:48 22.10.2024
Ազվանի-Տաթև-Լծեն ավտոճանապարհին տեղում է ձյուն

Կապակցված լուրեր

21:48 22.10.2024

Ազվանի-Տաթև-Լծեն ավտոճանապարհին տեղում է ձյուն

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Սյունիքի մարզի Ազվանի-Տաթև-Լծեն ավտոճանապարհին տեղում է ձյուն։ Կապան-Սիսիան ավտոճանապարհը փակ է բեռնատարների համար։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: ...

21:40 22.10.2024

Բրազիլիան ափսոսանք է հայտնել, որ Արգենտինան հրաժարվել է միանալ BRICS-ին

Բրազիլիան ցավում է, որ Արգենտինայի նոր կառավարությունը չի ընդունել BRICS-ին միանալու հրավերը։ Այս մասին «ՌԻԱ Նովոստի»-ին ասել է երկրի ԱԳՆ ղեկավար Մաուրու Վիեյրան։ Սեպտեմբերի 23-ին Ռուսաստանում Արգենտինայի դեսպան Էնրիկե Իգնասիո Ֆերեր Վիեյրան ասել է, որ երկիրը Կազանում BRICS-ի գագաթնաժողովի հրավեր չի ստացել։ Դիվանագետն ընդգծել է, որ Բուենոս Այրեսը BRICS-ին միանալու որևէ համոզիչ պատճառ չի տեսնում, […] ...

21:30 22.10.2024

Պաղեստինի նախագահ Աբասը ժամանել է Կազան՝ մասնակցելու BRICS-ի գագաթնաժողովին

Պաղեստինի առաջնորդ Մահմուդ Աբասը ժամանել է Կազան՝ մասնակցելու BRICS-ի գագաթնաժողովին, հայտնում է «ՌԻԱ Նովոստի»-ի թղթակիցը։ Ակնկալվում է, որ Աբասը կհանդիպի Ռուսաստանի առաջնորդ Վլադիմիր Պուտինի հետ՝ քննարկելու Գազայի հատվածում և, ընդհանուր առմամբ, Մերձավոր Արևելքում ստեղծված իրավիճակը։ Հոկտեմբերի 22-24-ը Կազանում տեղի է ունենում BRICS-ի գագաթնաժողովը՝ պետությունների ղեկավարների մասնակցությամբ։ ...

21:20 22.10.2024

Ի՞նչ պայմաններ է Ալիևի առջև դրել Բայդենի օգնականը. զրույց Հովսեփ Խուրշուդյանի հետ

ԵՄ անդամակցության հանրաքվեի պահանջով 50 հազար ստորագրությունը հավաքվել է: Ի՞նչ է սպասվում հաջորդիվ և ի՞նչ են անելու նախաձեռնող խմբի անդամները. այս և այլ հարցերի «Հեռանկար»-ի տաղավարում անդրադարձել է «Ազատ քաղաքացի» ՀԿ նախագահ Հովսեփ Խուրշուդյանը: ...

21:09 22.10.2024

44-օրյա պատերազմի մասնակիցների դիմանկարները ներկած 62-ամյա կինը հայտնաբերվել է․ Նարեկ Սարգսյան

ՆԳՆ մամուլի քարտուղար Նարեկ Սարգսյանը Ֆեյսբուքյան իր էջում գրել է. «ԶԼՄ-ներում տեսանյութ էր տարածվել, թե ինչպես է մի կին ներկում Երևանի Պուշկինի փողոցի շենքերից մեկին պատկերված 44-օրյա պատերազմի մասնակիցների դիմանկարները: ՆԳՆ ոստիկանության Երևան քաղաքի վարչության և Կենտրոնական բաժնի ծառայողների ձեռնարկած ծավալուն օպերատիվ հետախուզական միջոցառումների շնորհիվ քիչ առաջ հայտնաբերվել և խուլիգանություն կատարելու կասկածանքով ձերբակալվել է մայրաքաղաքի […] ...

21:00 22.10.2024

Շոլցն ասել է, որ «Հեզբոլլահ»-ը պետք է հեռանա Իսրայելի հետ սահմանային տարածքից

Լիբանանյան «Հեզբոլլահ» շիական շարժումը պետք է հեռանա Իսրայելի հետ սահմանային տարածքից՝ համաձայն ՄԱԿ-ի Անվտանգության խորհրդի 1701 բանաձեւի, որը կարգավորում է իրավիճակը Իսրայելի եւ Լիբանանի սահմանին։ Այս մասին Բեռլինում Ֆինլանդիայի նախագահ Ալեքսանդր Ստուբի հետ բանակցություններից առաջ հայտարարել է Գերմանիայի կանցլեր Օլաֆ Շոլցը։ «Ինչ վերաբերում է Լիբանանում տիրող իրավիճակին, ապա Հեզբոլլահը պետք է դուրս գա Իսրայելի հետ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.