17:33 16.10.2024
ԿԳՄՍ նախարարի տեղակալ Արթուր Մարտիրոսյանի գլխավորած պատվիրակությունը հոկտեմբերի 14-15-ը Բրյուսելում մասնակցել է Հայաստան – ԵՄ գործընկերության օրակարգի «Մարդկանց միջև շփումներ» հարթակի նոր նախագծի քննարկմանը նվիրված աշխատանքային հանդիպմանն ու «ՀՀ և ԵՄ միջև Միության «Հորիզոն Եվրոպա» հետազոտությունների և նորարարության շրջանակային ծրագրին ՀՀ մասնակցության մասին» համաձայնագրի շրջանակում գործող ԵՄ – Հայաստան համատեղ կոմիտեի երրորդ նիստին։
Պատվիրակության կազմում էին ՀՀ ԿԳՄՍՆ բարձրագույն կրթության և գիտության կոմիտեի նախագահ Սարգիս Հայոցյանը, ՀՀ արտաքին գործերի նախարարության և Եվրոպական միությունում ՀՀ ներկայացուցչության անդամներ, Գիտական և նորարարական գործընկերությանն աջակցման կենտրոնի տնօրեն Տիգրան Արզումանյանը:
Հայաստան – ԵՄ գործընկերության օրակարգի շրջանակում նոր նախագծի քննարկում
Հայաստան – ԵՄ «Մարդկանց միջև շփումների հարցերով» ենթակոմիտեի նիստում քննարկվել են համագործակցության նոր թիրախային ուղղությունները, այդ թվում՝ հետազոտությունների և նորարարության ոլորտներում քաղաքականության բարեփոխումների մշակմանն ուղղված աջակցությունը` ներառյալ հետազոտությունների և նորարարության ոլորտներում ենթակառուցվածքների զարգացումը, եվրոպական հետազոտական տարածքին Հայաստանի ակտիվ մասնակցությանը և ինտեգրմանն ուղղված քայլերը: Մասնավորապես՝ անդրադարձ է եղել ԵՄ Էրազմուս+, «Ստեղծագործ Եվրոպա» ծրագրերին, երիտասարդության և մեդիայի ոլորտներում ԵՄ հարթակներում ՀՀ ինտեգրման և դրան ուղղված ազգային մակարդակում իրականացվելիք բարեփոխումներին, Հայաստանում սպորտային քաղաքականության մշակման ուղղությամբ համագործակցության ուղղություններին, ինչպես նաև սպորտի ոլորտում լավագույն փորձի փոխանակմանը։
ՀՀ ԿԳՄՍ նախարարի տեղակալ Արթուր Մարտիրոսյանը շեշտել է ԵՄ հարթակներում մասնակցության կարևորությունը կարճաժամկետ և երկարաժամկետ հեռանկարներում: Նա վերահաստատել է ՀՀ ԿԳՄՍ նախարարության պատրաստակամությունն աշխատելու իրականացվող բարեփոխումների ուղղությամբ` օգտագործելով ԵՄ հարթակների ընձեռած լավագույն հնարավորությունները։ Մարդկանց միջև շփումների հարթակով նախատեսվող միջոցառումների առնչությամբ Արթուր Մարտիրոսյանը նշել է, որ ՀՀ-ի համար վերջիններիս իրականացումը կնպաստի Եվրոպական միության հետ բազմակողմ համագործակցության հետագա խորացմանը։ Այս առումով ընդգծվել է նաև ԵՄ կողմից հնարավոր խորհրդատվական և տեխնիկական աջակցության կարևորությունը։ Կողմերը պայմանավորել են հնարավորինս սեղմ ժամկետում ամփոփել նոր նախագծի լրամշակման աշխատանքները` հաշվի առնելով քննարկման ընթացքում ներկայացված առաջարկությունները։
Նիստը վարել է ԵՄ արտաքին գործողությունների ծառայության Վրաստանի, Մոլդովայի, Հայաստանի, Ադրբեջանի և Բելառուսի հարցերով բաժնի պատասխանատուի տեղակալ Ջուլիեն Բուրտեմբուրգը։
Աշխատանքային հանդիպում է կայացել Եվրոպական հանձնաժողովի կրթության և մշակույթի գլխավոր տնօրենության, Եվրոպական հանձնաժողովի կապի և տեխնոլոգիաների գլխավոր տնօրենության ներկայացուցիչների, ինչպես նաև Եվրոպական հանձնաժողովի կրթության, երիտասարդության, սպորտի և մշակույթի գլխավոր տնօրենության նորարարության, թվային կրթության և միջազգային համագործակցության հարցերով տնօրեն Ա․ Անգելովա-Կրաստևայի հետ։
Հանդիպումների ընթացքում քննարկվել են «Ստեղծագործ Եվրոպա», «ԵՄ սպորտ» ինչպես նաև բարձրագույն կրթության ոլորտում «Էրազմուս+» ծրագրին ՀՀ մասնակցությանն առնչվող մի շարք հարցեր։
Շարունակական համագործակցություն՝ «Հորիզոն Եվրոպա» ծրագրի շրջանակում
Հոկտեմբերի 15-ին տեղի է ունեցել «ՀՀ և ԵՄ միջև Միության «Հորիզոն Եվրոպա» հետազոտությունների և նորարարության շրջանակային ծրագրին ՀՀ մասնակցության մասին» համաձայնագրի շրջանակում գործող ԵՄ-Հայաստան համատեղ կոմիտեի երրորդ նիստը` ՀՀ ԿԳՄՍ նախարարի տեղակալ Արթուր Մարտիրոսյանի և ԵՀ հետազոտությունների և նորարարության հարցերով գլխավոր տնօրենության «Հորիզոն Եվրոպա» ծրագրի ասոցացման հարցերով ստորաբաժանման ղեկավարի տեղակալ Անն Հագլունդ-Մորիսինի համանախագահությամբ։
Նիստի ընթացքում քննարկվել են ՀՀ գիտական համայնքի՝ եվրոպական հետազոտական տարածքին ինտեգրման վերաբերյալ մի շարք հարցեր, այդ թվում՝ «Հորիզոն Եվրոպա» ծրագրին ՀՀ մասնակցության 2023-2024 թթ. վիճակագրական տվյալները, նշված ծրագրին ՀՀ մասնակցությունը խթանելու նպատակով ԵՄ աջակցության հնարավոր միջոցները, ՀՀ ֆինանսական պարտավորությունների կատարման ընթացքը, եվրոպական հետազոտական տարածքին ՀՀ ինտեգրման ուղղությամբ գիտության ոլորտում իրականացվող ծրագրերը, այդ թվում՝ «Ակադեմիական քաղաք» ծրագրի իրականացման ընթացքը:
«Հորիզոն Եվրոպա» ծրագրին ՀՀ մասնակցությունը խթանելու շրջանակում ներկայացվել են «Գիտական և նորարարական գործընկերությանն աջակցման կենտրոն» հիմնադրամի կողմից իրականացվող միջոցառումները, Հետազոտությունների և նորարարության հարցերով Արևելյան գործընկերության ոչ պաշտոնական աշխատանքային խմբի շրջանակում ԵՄ – ՀՀ համագործակցությունը և այլ ընթացիկ հարցեր։
«Հորիզոն Եվրոպա» ծրագրի մասնակցության աճ
2024 թվականին նույնպես աճել է «Հորիզոն Եվրոպա» ծրագրի շրջանակում ներկայացված հայտերի քանակը: Ստորագրված դրամաշնորհների թիվը 16 է, իսկ 3 դրամաշնորհային պայմանագրերի կնքումն ընթացքի մեջ են։ Արձանագրվել է ծրագրին ՀՀ մասնակցության աճի դրական միտումը, և կարևորվել թիրախային միջոցառումների իրականացման շարունակականության անհրաժեշտությունը մասնակցության ակտիվացման նպատակով։ Բարձրագույն կրթության և գիտության կոմիտեի նախագահ Սարգիս Հայոցյանը կարևորել է նաև ԵՀ կողմից տրամադրվող խորհրդատվական և տեխնիկական աջակցության գործիքները ծրագրին՝ մասնակցության աճի տեսանկյունից և շեշտել ծրագրի ընձեռած հնարավորություններից առավելագույնս օգտվելու ուղղությամբ ձեռնարկվելիք քայլերը։ Կարևորվել է նաև Բարձրագույն կրթության և գիտության կոմիտեի և Հայաստանում Եվրոպական միության պատվիրակության միջև ստորագրված դրամաշնորհային պայամանագրի արդյունքում յուրաքանչյուր տարվա անդամավճարի 50 տոկոսի փոխհատուցումը, ինչը զգալիորեն նպաստում է «Հորիզոն Եվրոպա» ծրագրին ՀՀ մասնակցության շարունակականության ապահովմանը և թույլ է տալիս առավել շատ միջոցներ ուղղել ենթակառուցվածքների զարգացմանը։
«Այս աջակցությունը կարևոր է, քանի որ այն թույլ է տալիս մեր ռեսուրսներն ուղղել ազգային գիտահետազոտական էկոհամակարգի արդիականացմանն ուղղված բարեփոխումների իրականացմանը»,- նշել է Սարգիս Հայոցյանը։
Նիստի ավարտին ընդունվել են գործառնական եզրակացություններ, որոնց ուղղությամբ կողմերը կշարունակեն աշխատել 2025 թվականին։
21:35 16.10.2024
Ավստրալիան Ուկրաինա կուղարկի շահագործումից հանված 49 տանկ20:06 16.10.2024
Նաիր Թիկնիզյանը նոր պայմանագրի առաջարկ է ստացել «Լոկոմոտիվից»18:37 16.10.2024
Հայտնի է Մաքգրեգորի առաջիկա մրցակիցը18:20 16.10.2024
Զախարյանը կվերադառնա ընդհանուր խմբի մարզումներին18:05 16.10.2024
«Մանչեսթեր Յունայթեդի» հանդերձարանը գաղտնալսել են17:27 16.10.2024
Ռաֆայել Նադալը ցանկանում է աշխատել Մադրիդի «Ռեալում»17:06 16.10.2024
Նիգերիայում առնվազն 94 մարդ է զոհվել բենզատարի պայթյունի հետևանքով16:42 16.10.2024
Փրկարարները բեռնատարը դուրս են բերել արգելափակումից15:11 16.10.2024
«Ռեալը» Մբապեին հեռացրել է գովազդային լուսանկարից13:56 16.10.2024
Թոմաս Տուխելը կարող է գլխավորել Անգլիայի հավաքականը12:53 16.10.2024
Թուրքիայում տեղի է ունեցել 6,1 մագնիտուդ երկրաշարժ12:40 16.10.2024
Տարադրամի փոխարժեքները հոկտեմբերի 16-ին21:51 16.10.2024
Ռոնալդինյոն դարձել է ամերիկյան ակումբի բաժնետերԲրազիլայի հավաքականի ու կատալոնական «Բարսելոնայի» լեգենդար նախկին ֆուտբոլիստ Ռոնալդինյոն դարձել է ամերիկյան «Գրինվուլ Տրիումֆ» ակումբի բաժնետեր։ 44-ամյա բրազիլացուց բացի, ակումբն ունի նաև ներդրողների խումբ, հաղորդում է «Գրինվուլ Տրիումֆի» մամուլի ծառայությունը։ Թիմը հանդես է գալիս ԱՄՆ-ի երրորդ լիգայում (USL League One) և 19 խաղից հետո 31 միավորով չորրորդ տեղում է։ ...
21:45 16.10.2024
Իրանը հայտարարել է երկրում միջուկային զենքին գերազանցող զենքի առկայության մասինԻրանն ունի զենքեր, որոնք գերազանցում են միջուկայինը, այս մասին հայտարարել է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) միջազգային վարչության նախկին ղեկավար, պաշտոնաթող գեներալ-մայոր Էբրահիմ Ռոստամին։ «Իրանի զսպման ուժը շատ ավելի ուժեղ է, քան միջուկային զենքը, մենք ունենք միջուկային զենքից ավելի հզոր զենք»,-ասել է նա Didban Iran պորտալին տված հարցազրույցում։ Գեներալի խոսքով՝ […] ...
21:35 16.10.2024
Ավստրալիան Ուկրաինա կուղարկի շահագործումից հանված 49 տանկԱվստրալիան Ուկրաինային կփոխանցի շահագործումից հանված տասնյակ ամերիկյան Abrams տանկեր։ Այս մասին հայտնում է ավստրալական ABC հեռուստաընկերությունը։ «Այս տանկերը կբարձրացնեն Ուկրաինայի զինված ուժերի կրակային հզորությունը և շարժունակությունը»,-ասել է Ավստրալիայի պաշտպանական արդյունաբերության նախարար Փեթ Քոնրոյը: Նշվում է, որ Կանբերան շահագործումից հանելու է 49 M1A1 Abrams տանկ և կտեղափոխի Կիև։ Զրահատեխնիկայի մի մասը վերանորոգման կարիք ունի և կարող […] ...
21:27 16.10.2024
«Տոտենհեմի» աստղի հայրիկին տուգանել են երեխաների հանդեպ բռնի ուժ կիրառելու համարԼոնդոնի «Տոտենհեմի» հարավկորեացի հարձակվող Հյոն Մին Սոնի հայրը՝ Վուն Չժուն Սոնը, ով ֆուտբոլային մարզիչ է, տուգանվել է երեխաների պաշտպանության մասին օրենքը խախտելու համար, հաղորդում է AP-ն։ Միջադեպը տեղի է ունեցել Հարավային Կորեայի ֆուտբոլային ակադեմիաներից մեկում։ Երեխայի ծնողները հայտնել են, որ մարզիչներից մեկն անպատվել ու անկյունային դրոշակով հարվածել է իրենց որդուն։ Վուն Չժուն Սոնն ու ևս […] ...
21:20 16.10.2024
Քաղաքացին մոլորվել է «Պարզ լիճ» կոչվող հանգստյան գոտու շրջակա անտառներումՀոկտեմբերի 16-ին, ժամը 16:29-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Պարզ լիճ» կոչվող հանգստյան գոտու շրջակա անտառներում քաղաքացին մոլորվել է․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները հայտնաբերել են քաղաքացիներ Ն․ Կ․-ին (ծնված 1962 թ.), Ն․ Չ․-ին (ծնված […] ...