15 10 2024

$

387.20
4.00
€

422.20

+20.09 ^oC

Աբովյան համայնքում սուբվենցիոն ծրագրերի շրջանակում իրականացվում են ծավալուն աշխատանքներ

ՀԱՅԱՍՏԱՆ

11:38 15.10.2024

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Կոտայքի մարզի Աբովյան համայնքում սուբվենցիոն ծրագրերի շրջանակում իրականացվում են բնակավայրերի բարեկարգման և բնակիչների կենսապայմանների բարելավմանն ուղղված ծավալուն աշխատանքներ, հայտնում է ՀՀ տարածքային կառավարման և ենթակառուցվածքների նախարարությունը։

2024 թվականին պետություն-համայնք համաֆինանսավորմամբ իրականացվել են ճանապարհաշինական, ներհամայնքային փողոցների բարեկարգման լայնածավալ աշխատանքներ:

Ծրագրի շրջանակում Աբովյան քաղաքի Էդ. Ավագյան փողոցը վերակառուցվել, ասֆալտապատվել է 950մ երկարությամբ, 10մ լայնությամբ (9500մ2 մակերեսով), մայթը հիմնանորոգվել է 1800 մ երկարությամբ, 3,5 մ լայնությամբ (6300մ2 մակերեսով), կառուցվել է ջրահեռացման համակարգ 950մ երկարությամբ:

Ընթացիկ տարում ներհամայնքային փոցոցների բարեկարգման աշխատանքներ են կատարվել նաև համայնքի ինը գյուղական բնակավայրերում:

Համայնքային փողոցների ասֆալտապատում ծրագրի ընդհանուր բյուջեն 1 045 159 159 դրամ է, որից պետական բյուջեի մասնաբաժինը 35% է (365 805 706 դրամ), իսկ համայնքի ներդրումը 65% (679 353 453 դրամ):

Աբովյան համայնքում պետություն-համայնք համագործակցությամբ իրականացվող աշխատանքներից այս
պահին ընթացքի մեջ են նաև Բալահովիտ բնակավայրում հիմքից կառուցվող մանկապարտեզի շինարարական աշխատանքերը: 2022 թվականին հաստատված սուբվենցիոն ծրագրի արժեքը 158 մլն. դրամ է, որից 70%-ը (110 600 000 դրամ) պետական բյուջեի ֆինանսական մասնաբաժինն է, 30%-ը (47 400 000 դրամ) համայնքի ներդրումը:

Բալահովիտ բնակավայրում 70 երեխայի համար կառուցվող
մանկապարտեզի աշխատանքները գտնվում են ավարտական փուլում:

Աբովյան համայնքում այս պահին ընթանում են նաև Աբովյան քաղաքի շուրջ 292 վերելակների արդիականացման աշխատանքները, որը ներառում է վերելակների ընդհանուր խցիկի փոխարինում, խցիկի ներսի կառավարման վահանակի և դրսի կանչի վահանակի փոխարինում նորերով:

Սուբվենցիոն ծրագրի ընդհանուր արժեքը 92 534 982 դրամ է, որից 45%-ը (41 640 742 դրամ) պետական բյուջեի ֆինանսական մասնաբաժինն է, 55%-ը (50 894 240 դրամ) համայնքի ներդրումը:

Բաժանորդագրվեք SHANTNEWS.am-ին Telegram-ում

Բոլոր լուրերը

16:07 15.10.2024
Իրանը դադարեցրել է բոլոր թռիչքները դեպի Եվրոպա

Կապակցված լուրեր

16:00 15.10.2024

Էլինա Ավանեսյանը մեկնարկել է հաղթանակով. Օսակա

Հայաստանը ներկայացնող Էլինա Ավանեսյանը հաղթանակով է մեկնարկել Ճապոնիայի Օսակա քաղաքում ընթացող WTA-250 շարքի մրցաշարում: Առաջին շրջանում 22-ամյա թենիսիստուհին երկու սեթում հաղթել է ամերիկացի Էշլին Կրյուգերին (65-րդ ռակետ): Գրանցվել է 7-6, 6-3 հաշիվը: Աշխարհի 48-րդ ռակետը 1/8 եզրափակչում մրցելու է ճապոնացի Սառա Սաիտոյի հետ, որը 179-րդն է WTA-ի դասակարգման աղյուսակում։ ...

15:56 15.10.2024

Հոկտեմբերի 15-ը Ձեռքերը լվանալու համաշխարհային օրն է

Հիվանդությունների վերահսկման և կանխարգելման ազգային կենտրոնը տեղեկացնում է՝ ՄԱԿ-ի Մանկական հիմնադրամը հոկտեմբերի 15-ը պաշտոնապես հայտարարել է Ձեռքերը լվանալու համաշխարհային օր, որն առաջին անգամ նշվել է 2008թ. ՄԱԿ ԳԱ-ի կողմից: ԱՀԿ-ի 2024 թվականի կարգախոսն է. «ՄԱՔՈՒՐ ՁԵՌՔԵՐԸ ԿՅԱՆՔԵՐ ԵՆ ՓՐԿՈՒՄ» (SAVE LIVES Clean Your Hands, Чистые руки спасают жизнь!): ՄԱԿ-ի և ԱՀԿ-ի փորձագետները նշում են, որ […] ...

15:49 15.10.2024

Հաշտարարների ինքնակարգավորվող կազմակերպության կառավարման մարմինների ձևավորման հարցերը քննարկվել են երկօրյա աշխատաժողովում

Հաշտարարների ինքնակարգավորվող կազմակերպության վերաձևավորմանն ընդառաջ՝ անցկացվել է երկօրյա աշխատաժողով որակավորված հաշտարարների մասնակցությամբ: Ինչպես տեղեկացնում են Արդարադատության նախարարությունից, աշխատաժողովի ընթացքում մասնակիցները մանրամասն քննարկել են Հաշտարարների ինքնակարգավորվող կազմակերպության կառավարման մարմինների ձևավորման հետ կապված հարցերը` ներկայացնելով իրենց տեսակետները և առաջարկությունները, ինչպես նաև ծանոթանացել են նախագահի և խորհրդի անդամների թեկնածուների հավակնորդների ծրագրերին և մասնագիտական գործունեությանը: Քննարկվել են նաև էթիկայի […] ...

15:42 15.10.2024

Վահագն Խաչատուրյանը հանդիպում է ունեցել Ղազախստանի նախագահ Կասիմ-Ժոմարտ Տոկաևի հետ

Հանրապետության նախագահ Վահագն Խաչատուրյանը Ղազախստան կատարած պաշտոնական այցի շրջանակում հանդիպում է ունեցել Ղազախստանի նախագահ Կասիմ-Ժոմարտ Տոկաևի հետ: Ղազախստանի նախագահը, ջերմ ողջունելով Հայաստանի նախագահին, նշել է, որ իր երկիրը հետաքրքրված է հայ-ղազախական հարաբերությունների՝ որակապես նոր մակարդակի բարձրացմամբ: «Վստահ եմ, որ այսօրվա պայմանավորվածությունները կօգնեն ամրապնդել երկկողմ հարաբերությունները: Մենք մեծ նշանակություն ենք տալիս բարձր մակարդակի պարբերական բնույթ կրող […] ...

15:37 15.10.2024

Երևան քաղաքն ընդգրկվել է 20 ամենաանվտանգ քաղաքների շարքում, իսկ տարածաշրջանում առաջինն է. ՆԳ նախարար

ՀՀ ՆԳ նախարար Վահե Ղազարյանը ելույթ է ունեցել Ազգային ժողովի լսումների ընթացքում` ՀՀ-ում 2019-2023 թթ. արձանագրված հանցագործությունների վերլուծության վերաբերյալ: Մանրամասները՝ այստեղ: ...

15:29 15.10.2024

Գլխավոր դատախազ Աննա Վարդապետյանի ելույթը՝ ԱԺ խորհրդարանական լսումներին

Հայաստանի Հանրապետության գլխավոր դատախազ Աննա Վարդապետյանն այսօր մասնակցել է ՀՀ Ազգային ժողովում ընթացող՝ «Հայաստանի Հանրապետությունում 2019-2024 թվականների ընթացքում հանցավորության վիճակի, կառուցվածքի, դինամիկայի, հաշվառման, բացահայտման հետ կապված հարցերն ու հիմնախնդիրները, բարեփոխումների իրական արդյունքներ» թեմայով խորհրդարանական լսումներին: Աննա Վարդապետյանն իր ելույթում անդրադարձել է 2019-2024 թվականների ընթացքում հանրապետությունում գրանցված հանցագործությունների թվային ցուցանիշներին, հրազենի գործադրմամբ կատարված հանցագործություններին, թմրամիջոցների մաքսանենգությանն […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.