20 09 2024

$

387.27
4.18
€

432.15

+19.09 ^oC

ՀՀ գլխավոր դատախազի տեղակալը Սերբիայում ներկայացրել է ապօրինի ծագում ունեցող գույքի բռնագանձման հայաստանյան փորձը

Ձայնագրությունը գեներացված է Armenian Text to Speach արհեստական բանականության միջոցով, որն այս պահին գտնվում է թեստավորման փուլում

ԻՐԱՎՈՒՆՔ

12:47 20.09.2024

Գլխավոր դատախազի` ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալ Սրբուհի Գալյանը սեպտեմբերի 18-20-ը Սերբիայի Հանրապետությունում մասնակցում է Եվրոպայի խորհրդի հովանու ներքո ընթացող՝ «Քրեական բռնագանձման լրացուցիչ գործիքների ներդրում» թեմայով համաժողովին: Այս մասին հայտնում են ՀՀ գլխավոր դատախազությունից։

«Գլխավոր դատախազի տեղակալը ելույթի ընթացքում ողջունել է միջոցառման մասնակիցներին, ընդգծել վերոնշյալ ոլորտում պետությունների միջև համագործակցության կարևորությունը, ներկայացրել ապօրինի ծագում ունեցող գույքի քաղաքացիական կարգով բռնագանձման ոլորտում օրենսդրական կարգավորումները, ձևավորվող պրակտիկան և հայաստանյան փորձը:

Սրբուհի Գալյանն անդրադարձել է նաև Գլխավոր դատախազության ապօրինի ծագում ունեցող գույքի բռնագանձման գործերով վարչության ձևավորումից ի վեր նախաձեռնված 537 ուսումնասիրություններին և նշել, որ 163 անձի վերաբերյալ դատարան է ներկայացվել հայցի ապահովում կիրառելու 192 միջնորդություն: «Դատարան ենք ներկայացրել 110 հայցադիմում, որոնցով պահանջում ենք հօգուտ Հայաստանի Հանրապետության բռնագանձել ապօրինի ծագում ունեցող շուրջ 1205 անշարժ և 230 շարժական գույք, ինչպես նաև շուրջ 320 իրավաբանական անձանցում մասնակցություն, որոնց ընդհանուր արժեքը կազմում է շուրջ 566 մլրդ դրամ»,- նշել է ՀՀ գլխավոր դատախազի տեղակալն ու հավելել, որ ապօրինի ծագում ունեցող գույքի բռնագանձման վարույթի շրջանակում Գլխավոր դատախազությունը կնքել է հաշտության 8 համաձայնություն, որոնցով Հայաստանի Հանրապետության սեփականությանն է փոխանցվել 7 անշարժ և 1 շարժական գույք՝ ընդհանուր շուրջ 4 մլրդ 100 մլն դրամ արժեքով, ինչպես նաև շուրջ 937 մլն դրամ:

Սրբուհի Գալյանի խոսքով՝ 2024 թվականին Հակակոռուպցիոն դատարանի կողմից կայացված 3 վճիռների համաձայն՝ հօգուտ Հայաստանի Հանրապետության բռնագանձվելու է 5 անշարժ և 2 շարժական գույք, 2 իրավաբանական անձանցում մասնակցություն՝ ընդհանուր շուրջ 1 մլրդ 123 մլն դրամ շուկայական արժեքով, ինչպես նաև շուրջ 1 մլրդ 800 մլն դրամ»,-ասված է հաղորդագրության մեջ:

Բաժանորդագրվեք SHANTNEWS.am-ին Telegram-ում

Բոլոր լուրերը

18:38 20.09.2024
«Հեզբոլլահի» պայթեցված կապի սարքերը լցված են եղել PETN պայթուցիկներով. Reuters

Կապակցված լուրեր

18:30 20.09.2024

Ընտրվել է նախորդ 100 տարվա լավագույն շախմատիստը և շախմատիստուհին

ՖԻԴԵ-ի 100-ամյակին նվիրված մրցանակաբաշխության ժամանակ պարգևատրվել են հարյուրամյակի (1924-2024) լավագույն շախմատիստները: Հարյուրամյակի լավագույն շախմատիստ է ճանաչվել Մագնուս Կառլսենը: Դասական շախմատի հնգակի ու արագ շախմատի յոթակի չեմպիոնը շախմատային թագից հրաժարվելուց հետո էլ առաջատարն է ՖԻԴԵ-ի վարկանիշային աղյուսակում: Նորվեգացին 2011 թվականի հուլիսի 1-ից առաջին տեղում է վարկանիշային աղյուսակում: Մրցանակը ստանալիս Կառլսենը հայտարարել է, որ նրա կարծիքով հարյուրամյակի […] ...

18:24 20.09.2024

Քննարկվել են էլեկտրաէներգիայի խափանումների, անջատումների հետ կապված հարցեր

Վերջին ամիսներին ամբողջ հանրապետությունում աճել են էլեկտրաէներգիայի խափանումների դեպքերը: ԱԺ «Քաղաքացիական պայմանագիր» խմբակցությունն այս խնդրի առչությամբ սեպտեմբերի 20-ին կազմակերպել էր «Էլեկտրական էներգիայի մատակարարման ոլորտում առկա խնդիրները եւ դրանց լուծման ուղիները» թեմայով աշխատանքային քննարկում: Քննարկմանը, որը վարել են խմբակցության ղեկավար Հայկ Կոնջորյանը եւ խմբակցության քարտուղար Արթուր Հովհաննիսյանը, հրավիրված էին ՀՀ տարածքային կառավարման եւ ենթակառուցվածքների նախարար Գնել […] ...

18:17 20.09.2024

Արագածոտնի մարզում անցկացվել է ցուցադրական հատուկ տակտիկական ուսումնավարժություն

Սեպտեմբերի 18-ին Արագածոտնի մարզի Ապարան քաղաքի մշակույթի տանն անցկացվեց «Փրկարարական և որոնողափրկարարական աշխատանքների կազմակերպումը և իրականացումն ուժեղ երկրաշարժի դեպքում» թեմայով ցուցադրական հատուկ տակտիկական ուսումնավարժություն։ Այս մասին հայտնում են ՀՀ ՆԳՆ փրկարար ծառայությունից: Ուսումնավարժության առանցքային նպատակն էր՝ • ստուգել և կատարելագործել արձագանքող ուժերի գործնական հմտությունները փրկարարական և վթարավերականգնողական աշխատանքների իրականացման գործում, • ստուգել ուժերի և միջոցների […] ...

18:10 20.09.2024

Ադրիանոն հրաժեշտի հանդիպում կանցկացնի

Բրազիլիայի հավաքականի և Միլանի «Ինտերի» նախկին հարձակվող Ադրիանոն հրաժեշտի հանդիպում կանցկացնի, հայտնում է CNN Brazil-ը: Դեկտեմբերի 15-ին «Մարականա» լեգենդար ստադիոնում կմրցեն բրազիլական «Ֆլամենգոն» և իտալական «Ինտերը»: Բանն այն է, որ հենց այս ակումբներում է 42-ամյա Ադրիանոն ամենաշատ հանդիպումներն անցկացրել: Երբեմնի գերաստղը մեկական խաղակես կանցկացնի յուրաքանչյուր թիմի կազմերում: Հիշեցնենք, որ Ադրիանոն պրոֆեսիոնալ կարիերան ավարտել է 2016 […] ...

18:05 20.09.2024

ԱԽ քարտուղար Արմեն Գրիգորյանն ընդունել է ԱՄՆ պետքարտուղարի փոխտեղակալին

Սեպտեմբերի 20-ին ՀՀ ԱԽ քարտուղար Արմեն Գրիգորյանն ընդունել է ԱՄՆ պետքարտուղարի փոխտեղակալ Ջոշուա Հաքին։ Զրուցակիցները քննարկել են Հայաստան-ԱՄՆ երկկողմ հարաբերությունների օրակարգային հարցեր։ Մասնավորապես անդրադարձ է կատարվել տնտեսական հարաբերությունների զարգացմանը, ոլորտում իրականացվող համագործակցության ամրապնդմանը։ Կողմերը շեշտել են նաև երկկողմ բազմաոլորտ համագործակցության խորացման անհրաժեշտությունը։ Հանդիպմանն անդրադարձ է կատարվել նաև տարածաշրջանային անվտանգային իրավիճակին, հայ-ադրբեջանական հարաբերությունների կարգավորման բանակցային գործընթացին։ ...

18:00 20.09.2024

SHANTNEWS

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.