Արաքսիա Սվաջյանն ուսումնական տարվա մեկնարկի առիթով շնորհավորել է սովորողներին – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
06 04 2025
  • $
    391.22
  • RUBLE
    4.63
  • 431.28
WEATHER
+5.09 oC

Արաքսիա Սվաջյանն ուսումնական տարվա մեկնարկի առիթով շնորհավորել է սովորողներին

17:06 02.09.2024

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Գիտելիքի և դպրության օրվա կապակցությամբ ԿԳՄՍ նախարարի տեղակալ Արաքսիա Սվաջյանն այցելել է մի շարք ուսումնական հաստատություններ և շնորհավորել աշակերտներին ու մանկավարժներին:

Նախարարի տեղակալի առաջին կանգառը Երևանի թիվ 167 հիմնական դպրոցն էր: Արաքսիա Սվաջյանը շնորհավորել է Գիտելիքի օրվա կապակցությամբ և նշել, որ իրականացվող բարեփոխումների ֆոնին բազմաթիվ ծրագրեր են նախատեսվում, որոնք ուսումնական գործընթացն առավել հետաքրքրական կդարձնեն:

ԿԳՄՍ նախարարի տեղակալն իրազեկել է, որ ուսումնական տարին հայտարարված է մշակութային կրթության տարի. «Ամեն ինչ պետք է անենք, որ մշակույթի բոլոր ոլորտները կրթության գործընթացում հնարավորինս շատ ընդգրկվեն: Մշակութային տարվա շրջանակում բազմաթիվ միջոցառումներ են նախատեսված»:

Օրվա շրջանակում դպրոցում տեղի է ունեցել նաև նախակրթարանի բացում՝ նախատեսված 25 սանի համար: Ընդհանուր առմամբ՝ Երևանի թիվ 167 հիմնական դպրոց հաճախում է 300 աշակերտ: Դպրոցի ամենակրտսեր սովորողներին ևս շնորհավորել է Արաքսիա Սվաջյանը և մաղթել հետաքրքիր ուսումնառություն:

Օրվա հաջորդ կանգառը Երևանի թիվ 198 ավագ դպրոցն էր: Շնորհավորելով աշակերտներին՝ Արաքսիա Սվաջյանն ասել է.

«Հետաքրքիր, արդյունավետ, գործունեության բազմազան ձևերով, նոր գիտելիքով ու կարողություններով լի տարի եմ մաղթում: Այս տարվանից հանրակրթության նոր չափորոշիչը ներդնում ենք նաև ավագ դպրոցներում, ինչը, ի թիվս բազմաթիվ այլ բաղադրիչների, յուրաքանչյուր աշակերտի հնարավորություն է տալու իր համար նախընտրելի ու հետաքրքիր առարկաներ ընտրել՝ առավել խորքային ուսումնասիրելու: Հուսով եմ՝ դա ձեզ ավելի շատ կկապի դպրոցին, և հենց դպրոցի պատերի ներսում կսկսեք պատրաստվել բուհական քննություններին»:

Արաքսիա Սվաջյանն ընդգծել է՝ նոր չափորոշչի ներդրումն ուսուցիչներից առավել մեծ պատրաստվածություն ու ջանքեր կպահանջի:

«Վստահ եմ՝ միասնաբար այս փորձությունը ևս կհաղթահարենք, որովհետև նախորդ տարիների փորձն արդեն իսկ ցույց է տվել, որ մեր ուսուցիչների մոտ նոր փոփոխություններ իրականացնելու և համբերատար աշխատելու ցանկությունն առկա է»,- ասել է նա և կոչ արել ուսուցիչներին ավելի ակտիվորեն մասնակցել բարեփոխումների գործընթացին:

Այս համատեքստում նախարարի տեղակալը կարևորել է ուսումնառության ընթացքում հետադարձ կապի անհրաժեշտությունը՝ իրականացվող փոփոխությունները վերլուծելու, դրանք կատարելագործելու և հնարավորինս արդյունավետ իրականացնելու նպատակով:

Երևանի թիվ 198 ավագ դպրոցում սովորում է 320 աշակերտ:

Օրվա շրջանակում ԿԳՄՍ նախարարի տեղակալը շնորհավորել է նաև Երևանի պետական հումանիտար քոլեջի ուսանողներին:

«Սա ձեր ուսումնառության հետաքրքիր փուլերից մեկն է, որն ապահովելու է լավ փորձառություն: Այսօր իրականացվում են կրթության որակը փոխելու գործընթացներ, որտեղ բոլորը՝ սկսած ուսանողից և դասախոսից մինչև պետական պաշտոնյա, շատ կարևոր անելիքներ ունեն: Միջին մասնագիտական կրթության ոլորտում մեզ համար առաջնային խնդիրներից է ամրացնել կրթություն-աշխատաշուկա կապը, որովհետև այս համակարգը տնտեսության համար պահանջված մասնագետներ ապահովող առաջնային օղակն է»,- ասել է Արաքսիա Սվաջյանը և մաղթել հետաքրքիր ու արդյունավետ ուսումնական տարի:

Երևանի պետական հումանիտար քոլեջ այս տարի ընդունել է 320 առաջին կուրսեցի՝ 7 մասնագիտությամբ: Պետական միջոցներով վերանորոգվել է քոլեջի տանիքը:

Հաջորդաբար նախարարի տեղակալն այցելել է նաև Կոտայքի մարզի Կաթնաղբյուրի դպրոց, որտեղ անցյալ տարի շահագործման է հանձնվել մոդուլային նոր դպրոց:

Այցերի շրջանակում Արաքսիա Սվաջյանը շրջել է ուսումնական հաստատություններում, ծանոթացել ընթացիկ պայմաններին, հետաքրքրվել խնդիրներով, աշակերտներին ու ուսուցիչներին հուզող հարցերով:

Բոլոր լուրերը

Կապակցված լուրեր

Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունը

00:00 06.04.2025

Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունը

ՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...

Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումը

23:53 05.04.2025

Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումը

Սիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...

Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակը

23:48 05.04.2025

Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակը

Ֆրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...

Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»

23:37 05.04.2025

Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»

Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...

ՄԱԿ-ում ՀՀ պատվիրակությունը կարևորել է ռազմական ոլորտում արհեստական ​​բանականության հավելվածների օգտագործման համար մարդկային պատասխանատվության պահպանման անհրաժեշտությունը

23:24 05.04.2025

ՄԱԿ-ում ՀՀ պատվիրակությունը կարևորել է ռազմական ոլորտում արհեստական ​​բանականության հավելվածների օգտագործման համար մարդկային պատասխանատվության պահպանման անհրաժեշտությունը

Ապրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական ​​բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական ​բանականության կարողությունների զարգացումը պետք է կարգավորվի միջազգային […] ...

«Դինամո Մինսկ»-«Նեման» հանդիպումը չեղարկվել է. հայտնի է պատճառը

23:09 05.04.2025

«Դինամո Մինսկ»-«Նեման» հանդիպումը չեղարկվել է. հայտնի է պատճառը

Ֆուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...

BACK_TO_TOP