17:12 30.08.2024
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ներկա է եղել Երևանի դպրոցների կողմից ներկայացված նախագծային աշխատանքներն ամփոփող կրթական էքսպոյին, որտեղ ներկայացված էին նախագծեր 21 դպրոցներից: Նախարարը շրջել է տաղավարներում, զրուցել աշակերտների և ուսուցիչների հետ:
Այնուհետև, Ժաննա Անդրեասյանը շնորհակալագրերով է խրախուսել չափորոշչի խրախուսմանն ուղղված նախաձեռնության շրջանակում Երևան քաղաքից լավագույնը ճանաչված տնօրեններին և ուսուցիչներին։ ԿԳՄՍ նախարարը շնորհակալություն է հայտնել ակտիվ մասնակցության համար: Միջոցառմանը մասնակցել է նաև ԿԳՄՍ նախարարի տեղակալ Արաքսիա Սվաջյանը:
Հիշեցնենք՝ հանրակրթական դպրոցների, նախադպրոցական հաստատությունների տնօրենների, փոխտնօրենների մասնակցությամբ անցկացվող օգոստոսյան ավանդական խորհրդակցություններն այս տարի կազմակերպվում են նոր ձևաչափով:
Խորհրդակցություններին համընթաց առաջին անգամ ՀՀ բոլոր մարզերում և Երևանում անցկացվում են կրթական էքսպոներ՝ Հանրակրթության պետական նոր չափորոշչի ներդրման շրջանակում լավագույնս հանդես եկած և չափորոշչի ներդրման լավագույն փորձի խրախուսմանն ուղղված նախաձեռնության շրջանակում ամսվա լավագույնը ճանաչված տնօրենների, նրանց տեղակալների, ուսուցիչների և խմբակավարների մասնակցությամբ, որոնք գործընկերների հետ կիսվում են իրենց առաջավոր փորձով:
«Նախորդ տարվա հաջողություններն ու ձեռքբերումները ոգևորում են մեզ՝ նոր ուսումնական տարում էլ ավելի մեծ ոգևորությամբ և ջանքերով շարունակել մեր աշխատանքը: Հենց այս պատճառով որոշեցինք այս տարի փոքր-ինչ փոխել օգոստոսյան խորհրդակցությունների ձևաչափը՝ կրթական բովանդակություն և միջավայր տեսնելու հնարավորություն ապահովելով: Սա նաև առիթ է՝ իրականացված մեծ ու կարևոր աշխատանքը գնահատելու և շնորհակալություն հայտնելու: Ձեր ամենօրյա աշխատանքը շատ հաճախ իրականացնում եք բավական դժվար ու բարդ մարտրահրավերային իրավիճակներում: Ձեր կատարած ջանադիր աշխատանքի առաջին շահառուները մեր երեխաներն են, հետևաբար ձեր աշխատանքն ամենակարևորն է»,- տնօրեններին և ուսուցիչներին ուղղված խոսքում ասել է Ժաննա Անդրեասյանն ու հաջողություն մաղթել նրանց նոր ուսումնական տարում:
ԿԳՄՍ նախարարի խոսքով՝ Ուսուցչի օրվան ընդառաջ կկազմակերպվի «Տարվա լավագույններ» մրցույթը, որին կմասնակցեն նախորդ ամիսներին լավագույնը ճանաչված մանկավարժական աշխատողները:
Ամսվա լավագույնի կոչմանն արժանացած մանկավարժներից մեկը Երևանի թիվ 108 միջնակարգ դպրոցի կենսաբանության ուսուցչուհի Լուսինե Մուշեղյանն է, որն իր 7-րդ դասարանի աշակերտների հետ նախագծային աշխատանքը ներկայացրել է «Կենսաբանություն» առարկայի շրջանակում՝ «Բակտերիաների և խմորասնկերի կիրառությունը» խորագրով: Սակայն նրանց ներկայացված նախագծերն առնչվում են են ոչ միայն կենսաբանությանը, այլև տարբեր միջառարկայական կապեր են ներառում:
«Ներկայացված է լավաշի, չրերի, պանրի, մածունի, գինու արտադրությունը, որը կապված է նաև «Տեխնոլոգիա» առարկայի հետ: Երեխաները պատրաստել են նաև մոդելներ, աղյուսակներ՝ մածունի թթվեցման ջերմաստիճանի և ժամանակահատվածի վերաբերյալ, որն էլ «Մաթեմատիկա» առարկայի հետ է կապված: Ապահովել ենք այն 8 կարողունակությունները, որոնք անհրաժեշտ են միջնակարգ կրթության համար՝ ըստ հանրակրթության նոր չափորոշչի: Կարծում եմ՝ այս նախագծային աշխատանքի արդյունքում երեխաներն էլ ավելի սիրեցին «Կենսաբանություն» առարկան: Մեզ համար շատ կարևոր էր, որ երեխաները նոր գիտելիքներ ստանան գործնական աշխատանքների միջոցով, քանի որ կատարելով սովորելն էլ ավելի հեշտ ու հետաքրքիր է աշակերտների համար, քան միայն տեսական գիտելիքներ ստանալը»,- նշում է Լուսինե Մուշեղյանը:
Նրա խոսքով՝ երեխաների կողմից հետաքրքրությունը բավական մեծ էր, ինչի արդյունքում 24 աշակերտ ցանկացել է մասնակցել նախագծային աշխատանքին: Այս նպատակով աշխատանքը բաժանվել է տարբեր փուլերի և թեմաների, որպեսզի բոլոր երեխաները կարողանան իրենց մասնակցությունն ունենալ:
«Չափորոշչի շրջանակում նախագծային աշխատանքի ներդրումը հրաշալի էր մեզ համար: Մինչ այդ էլ դպրոցում ունենալով «Էկոլոգիայի խմբակ» և իրականացնելով նախագծային աշխատանքներ՝ արդեն գիտեինք նախագծային աշխատանքի գործնական կիրառության հրաշալի ազդեցության մասին: Սա նաև էապես օգնում է աշակերտների մասնագիտական կողմնորոշմանը»,- եզրափակում է Երևանի թիվ 108 դպրոցի ուսուցիչը:
7-րդ դասարանի աշակերտ Մանե Ալեքսանյանի խոսքով՝ նախագծային աշխատանքն իրականացրել են մեծ ոգևորությամբ, ստացել են նորանոր գիտելիքներ ու առարկայի հանդեպ լցվել են նոր հետաքրքրությամբ. «Նախագծի շրջանակում իրականացրել ենք թղթի, թափոնի վերամշակում, ջրի ֆիլտրում, ստացել ենք նորանոր գիտելիքներ ու մեծ հետաքրքրություն է առաջացել առարկայի նկատմամբ: Մենք նաև գինի ենք պատրաստել, խնամքի միջոցներ, օծանելիք: Այս աշխատանքը շատ հետաքրքիր էր: Այն մեր առաջին փորձն էր, բոլորս մեծ ոգևորությամբ ենք մասնակցել աշխատանքներին: Սովորեցինք միասին աշխատել, գործնականում տեսնել տարբեր առարկաների կապը»:
Նշենք, որ կրթական էքսպոյին մասնակցում էին Երևանի հիմնական և ավագ դպրոցները: Հաջորդաբար տեղի է ունեցել նշված հանրակրթական դպրոցների օգոստոսյան խորհրդակցությունը:
14:42 18.09.2024
Լեհաստանում ձերբակալել են Ալեքսանդր Ուսիկին14:36 18.09.2024
Կաթնամթերքի արտադրամասը կվերսկսի արտադրական գործունեությունը. ՍԱՏՄ13:47 18.09.2024
Էստոնիան Ռուսաստանի հետ սահմանին նոր ռազմաբազա է բացել13:33 18.09.2024
Ուսման հրավեր՝ Ավստրալիայի ազգային համալսարանի քոլեջից. ԿԳՄՍՆ13:25 18.09.2024
Առաջիկա օրերի եղանակային կանխատեսումը13:04 18.09.2024
Երիտասարդի մոտ լիցքավորված գազային ատրճանակ է հայտնաբերվել12:30 18.09.2024
Գորիսի համայնքային ոստիկանները ապօրինի ծառահատման դեպք են բացահայտել12:10 18.09.2024
Անվտանգության միակ երաշխիքը խաղաղությունն է․ Փաշինյան12:05 18.09.2024
Մշտադիտարկվել են Վայոց ձորի մարզի մի շարք հուշարձաններ11:25 18.09.2024
Ընթանում են Սևանի տրանսպորտային հանգույցի հիմնանորոգման աշխատանքները10:55 18.09.2024
Գյումրեցի 48-ամյա տղամարդու մոտ թմրանյութ է հայտնաբերվել10:37 18.09.2024
Օպերատիվ իրավիճակը հանրապետությունում սեպտեմբերի 17-18-ը10:20 18.09.2024
Արթիկ համայնքի Հոռոմ բնակավայրում փորձարկվելու են էլեկտրական շչակներ10:15 18.09.2024
ՀՀ տարածքում ավտոճանապարհներն անցանելի են10:00 18.09.2024
ՃՏՊ Աբովյան-Պուշկին փողոցների խաչմերուկում21:00 17.09.2024
«Նապոլիի» սպորտային տնօրենը խոսել է Խվիչա Կվարացխելիայի մասին20:32 17.09.2024
Դեկլան Ռայսը նորաձևության աշխարհում20:16 17.09.2024
Հրդեհ Հունաստանի նավթավերամշակման գործարանում20:06 17.09.2024
Երկու մարզաձևերի լեգենդների հանդիպումը18:51 17.09.2024
ԱՄՆ-ի կեղտաջրերում կաթվածահար անող վիրուս է տարածվում. NBC18:31 17.09.2024
Մեկնարկել է Հայաստան – Ավստրիա խաղի տոմսերի վաճառքը․ ԱԱ-202718:26 17.09.2024
Լոռու մարզում իրականացվելու են հարկադիր քարաթափման աշխատանքներ17:12 17.09.2024
Երևանում անցկացվում է ըմբշամարտի միջազգային հուշամրցաշար14:56 18.09.2024
Գևորգ Պապոյանը Սլովակիայի դեսպանին է ներկայացրել «Խաղաղության խաչմերուկ» նախագիծըՀՀ էկոնոմիկայի նախարար Գևորգ Պապոյանը սեպտեմբերի 18-ին ընդունել է Հայաստանում Սլովակիայի արտակարգ և լիազոր դեսպան Միրոսլավ Հացեկին։ Հանդիպմանը ներկա է եղել նաև նախարարի տեղակալ Նարեկ Հովակիմյանը։ Քննարկվել են Հայաստանի և Սլովակիայի միջև առևտրատնտեսական հարաբերությունների զարգացմանը, Հայաստանի և Սլովակիայի միջև շուկաների դիվերսիֆիկացմանը, առևտրի և ներդրումների նոր ոլորտների բացահայտմանը, արտահանման և ներմուծման ուղղությունների ընդլայնմանը, գործարար կապերի ամրապնդմանը […] ...
14:51 18.09.2024
31-ամյա տղամարդու դանակահարության վարույթով հանրային քրեական հետապնդում է հարուցվել երկու անձի նկատմամբ. ՔԿՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում քննվող քրեական վարույթի շրջանակներում իրականացվում են քննչական և վարութային այլ գործողություններ՝ Երևանի 31-ամյա բնակչի առողջությանը ծանր մարմնական վնաս պատճառելու դեպքի բոլոր հանգամանքները պարզելու ուղղությամբ։ 2024 թվականի սեպտեմբերի 7-ին` ժամը 15:57-ին, «Արաբկիր» բժշկական համալիրից ահազանգ է ստացվել այն մասին, որ դանակահարության հետևանքով «կրծքավանդակի թափանցող […] ...
14:46 18.09.2024
Ալեն Սիմոնյանն ընդունել է Հայաստանում Կանադայի դեսպան Էնդրյու ԹըրներինՀՀ ԱԺ նախագահ Ալեն Սիմոնյանը սեպտեմբերի 18-ին ընդունել է ՀՀ-ում Կանադայի դեսպան Էնդրյու Թըրներին: Քննարկվել են ինչպես հայ-կանադական հարաբերություններին վերաբերող հարցեր, այնպես էլ տարածաշրջանային զարգացումներին և խաղաղության օրակարգին առնչվող թեմաներ: Հանդիպմանն անդրադարձ է կատարվել նաև ՀՀ ԱԺ նախագահի գլխավորած պատվիրակության՝ Կանադա կատարվելիք այցի նախապատրաստական հարցերին: ...
14:42 18.09.2024
Լեհաստանում ձերբակալել են Ալեքսանդր ՈւսիկինՊրոֆեսիոնալ բռնցքամարտի ծանր քաշային կարգի աշխարհի բացարձակ չեմպիոն, ուկրաինացի Ալեքսանդր Ուսիկը ձերբակալվել է Լեհաստանի Կրակով քաղաքի օդանավակայանում, հայտնում է BAZA-ն: 37-ամյա մարզիկը շտապելիս գերազանցել է մեքենայի արագությունը և հայտնվել է լեհական հատուկ ծառայությունների ուշադրության կենտրոնում: Հանրահայտ բռնցքամարտիկին ազատ են արձակել, երբ գործին միջամտել է Ուկրաինայի նախագահ Վլադիմիր Զելենսկին: Հիշեցնենք, որ Ալեքսանդր Ուսիկը դեկտեմբերի 21-ին տիտղոսային […] ...
14:36 18.09.2024
Կաթնամթերքի արտադրամասը կվերսկսի արտադրական գործունեությունը. ՍԱՏՄՀՀ սննդամթերքի անվտանգության տեսչական մարմնի Կոտայքի մարզային կենտրոնի տեսուչները կրկնակի ստուգայցի ընթացքում պարզել են, որ «Վայթ Ֆուդ» ՍՊԸ-ին պատկանող կաթնամթերքի արտադրամասում (Կոտայքի մարզ, գյուղ Զովունի) վերացվել են սանիտարահիգիենիկ բնույթի բոլոր խախտումները: Տեսչական մարմնի ղեկավարի որոշմամբ՝ արտադրամասի արտադրական գործունեության կասեցումը վերացվել է: ...
14:29 18.09.2024
Նիկոլ Փաշինյանը չի բացառել ապագայում Ադրբեջանից Հայաստան գազի մատակարարումըՎարչապետ Նիկոլ Փաշինյանը չի բացառել ապագայում Ադրբեջանից գազի ներկրման հնարավորությունը։ Այս մասին վարչապետն ասել է Համաշխարհային հայկական երկրորդ գագաթնաժողովում՝ անդրադառնալով էներգետիկ անվտանգությանը։ «Ռուսաստանից ներկրում ենք գազ, Իրանից ներկրում ենք գազ։ Որոշ ժամանակ առաջ Ադրբեջանից հայտարարություններ էին հնչում, որ ապագայում խաղաղության հաստատման դեպքում Հայաստանը կարող է գազ ներկրել նաև Ադրբեջանից։ Եթե պատկերացնենք, որ Հայաստանի տարածքով տարանցիկ […] ...