16:28 29.08.2024
Կառավարության օրենսդրական նախաձեռնությամբ ամբողջությամբ վերանայվում է ընտանիքի ապահովության գնահատման համակարգը: Աշխատանքի եւ սոցիալական հարցերի մշտական հանձնաժողովի՝ օգոստոսի 29-ի արտահերթ նիստում քննարկվել է «Սոցիալական աջակցության մասին» օրենքն ու հարակից օրենքներում փոփոխություններ եւ լրացումներ նախատեսող օրենսդրական փաթեթը:
ՀՀ աշխատանքի եւ սոցիալական հարցերի նախարարի տեղակալ Աննա Ժամակոչյանը տեղեկացրել է, որ նոր խմբագրված օրենքով առաջարկվում է սահմանել նոր ծառայությունների տեսակները, լիազորությունները, ինչպես նաեւ Կառավարության սահմանած չափորոշիչները:
«Թիրախում կյանքի դժվար իրավիճակում հայտնված մարդիկ եւ ընտանիքներ են: Մասնավորապես առաջարկվում է սահմանել սոցիալական ոլորտի նոր սոցիալական ծառայությունների տեսակներ. օրինակ՝ ընտանիքի կենսապահովման կայունացման օգնություն, սոցիալ-հոգեբանական օգնություն, բնակարանային կոմունալ ծառայությունների վճարումների նվազեցում, փոխհատուցում կամ վառելանյութի ձեռքբերման համար հատուցում, սոցիալական պատրոնաժ եւ այլն»,- նշել է փոխնախարարը:
Օրենքի նախագծով լիազոր մարմնին վերապահվել է լիազորություն՝ սահմանելու կենսական ծառայությունների, մասնավորապես խնամքին, ճաշարանի կազմակերպմանը, սոցիալական բնակարանային ֆոնդում ժամանակավոր օթեւանում կացարանով ապահովելուն վերաբերող եւ սոցիալական ծառայությունների նվազագույն չափորոշիչները: Դրանց պահպանման նկատմամբ կիրականացվի պետական վերահսկողություն ՀՀ առողջապահական եւ աշխատանքի տեսչական մարմնի կողմից:
Օրենքի նախագծով սահմանվել են նաեւ «հրատապ արձագանք պահանջող իրավիճակ» հասկացությունն ու դրա հետ կապված սոցիալական ծառայությունների տրամադրման առանձնահատկությունները: Ամրագրվել են նաեւ սոցիալական օգնության տրամադրման նոր սուբյեկտերը: Փոխնախարարը նշել է, որ Միասնական սոցիալական ծառայությանն է վերապահվել ընտանիքի անապահովության գնահատման լիազորությունը, համալիր գնահատումն ու դեպքի վարումը:
Աննա Ժամակոչյանի խոսքով համայնքներն իրավասու են տրամադրել այն սոցիալական ծառայությունները, որոնք կմշակվեն համայնքային սոցիալական ծրագրերով, որն էլ կհաստատի լիազոր մարմինը:
«Արդյո՞ք կան հստակ կարգավորումներ, որոնք խթանելու են համայնքներում սոցիալական աշխատանքի կայացումը»,- հետաքրքրվել է հանձնաժողովի անդամ Զարուհի Բաթոյանը:
«Խնդրահարույց եւ դժվար վիճակում գտնվող ընտանիքների բացահայտումը, տեսանելի խնդիրների արձանագրումն ու փոխանցումը Միասնական սոցիալական ծառայությանը վերապահվում է համայնքներին եւ դա օգնելու է համայնքային սոցիալական ծրագրերի մշակմանը: Այս նախագծով նախարարությունն ունի նաեւ սոցիալական պաշտպանության ոլորտի միասնական տեղեկատվական համակարգի մշակման հանձնառություն»,- պարզաբանել է Աննա Ժամակոչյանը:
Փոխնախարարը պատասխանել է նաեւ հանձնաժողովի անդամների այլ հարցերին:
Հանձնաժողովի նախագահ Հերիքնազ Տիգրանյանը ներկայացրել է առաջարկություններ: Մասնավորապես առաջարկվել է սոցիալական աջակցության ոլորտում պետական լիազոր մարմնի ղեկավարին սույն օրենքի շրջանակում տալ ձեւաթղթեր եւ ուղեցույցներ հաստատելու իրավունք: Մյուս երկու առաջարկությունները վերաբերել են սոցիալական սատարողի իրավունքներին ու պարտականություններին:
Հանձնաժողովը դրական եզրակացություն է տվել օրենսդրական նախաձեռնությանը: Այն առաջարկվել է ընդգրկել ԱԺ ութերորդ նստաշրջանի եւ սեպտեմբերի 9-ին մեկնարկվող ԱԺ հերթական նիստերի օրակարգերի նախագծերում:
Հերիքնազ Տիգրանյանը նաեւ տեղեկացրել է, որ օրենքի նախագծի վերաբերյալ՝ դրա առաջին ընթերցմամբ ընդունվելուց հետո մինչեւ երկրորդ ընթերցմամբ ընդունումը ժամանակահատվածում նախատեսվում է կազմակերպել հանրային քննարկում՝ ոլորտի ներկայացուցիչների եւ հետաքրքրված անձանց մասնակցությամբ:
13:33 18.09.2024
Ուսման հրավեր՝ Ավստրալիայի ազգային համալսարանի քոլեջից. ԿԳՄՍՆ13:25 18.09.2024
Առաջիկա օրերի եղանակային կանխատեսումը13:04 18.09.2024
Երիտասարդի մոտ լիցքավորված գազային ատրճանակ է հայտնաբերվել12:30 18.09.2024
Գորիսի համայնքային ոստիկանները ապօրինի ծառահատման դեպք են բացահայտել12:10 18.09.2024
Անվտանգության միակ երաշխիքը խաղաղությունն է․ Փաշինյան12:05 18.09.2024
Մշտադիտարկվել են Վայոց ձորի մարզի մի շարք հուշարձաններ11:25 18.09.2024
Ընթանում են Սևանի տրանսպորտային հանգույցի հիմնանորոգման աշխատանքները10:55 18.09.2024
Գյումրեցի 48-ամյա տղամարդու մոտ թմրանյութ է հայտնաբերվել10:37 18.09.2024
Օպերատիվ իրավիճակը հանրապետությունում սեպտեմբերի 17-18-ը10:20 18.09.2024
Արթիկ համայնքի Հոռոմ բնակավայրում փորձարկվելու են էլեկտրական շչակներ10:15 18.09.2024
ՀՀ տարածքում ավտոճանապարհներն անցանելի են10:00 18.09.2024
ՃՏՊ Աբովյան-Պուշկին փողոցների խաչմերուկում21:00 17.09.2024
«Նապոլիի» սպորտային տնօրենը խոսել է Խվիչա Կվարացխելիայի մասին20:32 17.09.2024
Դեկլան Ռայսը նորաձևության աշխարհում20:16 17.09.2024
Հրդեհ Հունաստանի նավթավերամշակման գործարանում20:06 17.09.2024
Երկու մարզաձևերի լեգենդների հանդիպումը18:51 17.09.2024
ԱՄՆ-ի կեղտաջրերում կաթվածահար անող վիրուս է տարածվում. NBC18:31 17.09.2024
Մեկնարկել է Հայաստան – Ավստրիա խաղի տոմսերի վաճառքը․ ԱԱ-202718:26 17.09.2024
Լոռու մարզում իրականացվելու են հարկադիր քարաթափման աշխատանքներ17:12 17.09.2024
Երևանում անցկացվում է ըմբշամարտի միջազգային հուշամրցաշար16:50 17.09.2024
Կոտայքի մարզում բախվել են «Volkswagen Touareg»-ն ու «Ford Transit»-ը16:10 17.09.2024
Վրաստանի խորհրդարանն արգելել է ԼԳԲՏ քարոզչությունը և սեռափոխությունը15:50 17.09.2024
Կաթնամթերքի արտադրամասի գործունեության կասեցումը վերացվել է. ՍԱՏՄ13:25 18.09.2024
Առաջիկա օրերի եղանակային կանխատեսումըՀանրապետության տարածքում սեպտեմբերի 18-ի ցերեկը, 22-23-ին կեսօրից հետո առանձին շրջաններում, 19-21-ին՝ ժամանակ առ ժամանակ շրջանների զգալի մասում սպասվում է անձրև և ամպրոպ, առանձին հատվածներում կտեղա կարկուտ։ Սեպտեմբերի 19-21-ին առանձին վայրերում անձրևները կլինեն ինտենսիվ։ Առանձին վայրերում սպասվում է նաև մառախուղ։ Քամին՝ արևմտյան՝ 3-6 մ/վ, ամպրոպի ժամանակ սպասվում է քամու ուժգնացում 18-22մ/վ արագությամբ։ Օդի ջերմաստիճանը սեպտեմբերի 19-ին […] ...
13:18 18.09.2024
ԵՄ լիիրավ անդամ դառնալու իրատեսական հնարավորության դեպքում Հայաստանը պահը բաց չի թողնի. վարչապետԵվրամիության հետ կապված Հայաստանի հետագա անելիքները պետք է լինեն թափանցիկ, թափանցիկ պետք է լինեն նաև Եվրամիության գործընկերների մտադրությունները։ «Արմենպրես»-ի հաղորդմամբ՝ այս մասին հայտարարել է վարչապետ Նիկոլ Փաշինյանը Համաշխարհային հայկական երկրորդ գագաթնաժողովում՝ անդրադառնալով իր այն հայտարարությանը, թե Հայաստանը պատրաստ է առավել մոտ լինել Եվրամիությանն այնքան, ինչքան Եվրամիությունը դա հնարավոր կհամարի: «Ոչ մի գաղտնիք չկա, որ Հայաստանում […] ...
13:12 18.09.2024
Օգոստոսին վարձու աշխատողի չձևակերպման դեպքեր արձանագրվել են 48 հարկ վճարողի մոտ․ տուգանքի չափը կազմել է 41.250 մլն դրամՊետական եկամուտների կոմիտեն տեղեկացնում է, որ 2024 թվականի օգոստոս ամսվա ընթացքում ավարտված հսկողական աշխատանքների արդյունքներով վարձու աշխատողի չձևակերպման դեպքեր արձանագրվել են ընդհանուր առմամբ 48 հարկ վճարողի մոտ, իսկ տուգանքի չափը կազմել է 41.250 մլն դրամ: Երեք և ավելի վարձու աշխատողների չձևակերպման 21 դեպքով 21 հարկ վճարող տուգանվել է 31 մլն դրամով: Մասնավորապես, դեպքերն արձանագրվել են […] ...
13:04 18.09.2024
Երիտասարդի մոտ լիցքավորված գազային ատրճանակ է հայտնաբերվելՆԳՆ ոստիկանության ՊԾ Երևանի գնդի պարեկները սեպտեմբերի 17-ին, կեսգիշերն անց, Սարյան փողոցում հայտնաբերել, ապօրինի զենք-զինամթերք կրելու կասկածանքով ձերբակալել և ոստիկանության Կենտրոնական բաժին են ներկայացրել 31-ամյա մի երիտասարդի: Անձնական խուզարկությամբ նրա մոտ հայտնաբերվել է թմբուկավոր գազային ատրճանակ` լիցքավորված հինգ փամփուշտով: Կազմված փաստաթղթերը փոխանցվել են քննչական բաժին: Հանգամանքները պարզվում են: Ծանուցում. Ենթադրյալ հանցանքի մեջ կասկածվողը կամ մեղադրվողը […] ...
12:56 18.09.2024
Տարադրամի փոխարժեքները սեպտեմբերի 18-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 386 դրամ, վաճառքի նվազագույն արժեքը՝ 388 դրամ: Եվրոյի առքի առավելագույն արժեքն է 428 դրամ, վաճառքի նվազագույն արժեքը՝ 431 դրամ: Ռուսական ռուբլու առքի առավելագույն արժեքն է 4.20 դրամ, վաճառքի նվազագույն արժեքը՝ 4.25 դրամ: ...
12:42 18.09.2024
ՀԱՊԿ-ը ստեղծում է սպառնալիքներ Հայաստանի հետագա գոյության և պետականության համար․ վարչապետՎարչապետ Նիկոլ Փաշինյանը հայտարարել է, որ ինչքան ՀԱՊԿ-ում չեն հնչում Հայաստանի հարցերի պատասխանները, այդքան ամեն վայրկյան ՀՀ-ն ավելի ու ավելի է հեռանում ՀԱՊԿ-ից, մեծ է հավանականությունը, որ կանցնի անդառնալիության կետը։ «Արմենպրես»-ի հաղորդմամբ՝ վարչապետն այս մասին հայտարարել է Համաշխարհային հայկական երկրորդ գագաթնաժողովում՝ անդրադառնալով Հայաստանի անվտանգային ճարտարապետության փոփոխությանը։ «Մենք ՀԱՊԿ-ում մեր անդամությունը սառեցրել ենք ոչ միայն այն […] ...