Խուլիգանություն, առգրավված ինքնաձիգ ու սահմանը հատելու փորձ. Տավուշի ոստիկանների բացահայտումը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
27 11 2024
  • $
    391.63
  • RUBLE
    3.58
  • 412.31
WEATHER
+6.09 oC

Խուլիգանություն, առգրավված ինքնաձիգ ու սահմանը հատելու փորձ. Տավուշի ոստիկանների բացահայտումը

15:52 20.08.2024

Օգոստոսի 15-ի երեկոյան Տավուշի պարեկների և ոստիկանության Տավուշի բաժնի ծառայողների համատեղ ուժեղացված ծառայության ժամանակ ստացվել է տեղեկություն, որ Վարագավան գյուղի վարչական շենքում ծեծկռտուք է:

Մեկնել են օպերատիվ խումբը, վարչության և բաժնի ղեկավարներ: Ձեռնարկված օպերատիվ-հետախուզական միջոցառումների արդյունքում ստացվել են տվյալներ, որոնք իրացնելով՝ պարզվել է հետևյալը:

Օգոստոսի 15-ի ժամը 16.30-ին Բերդ քաղաքի բնակիչ 28-ամյա երիտասարդը Վարագավան գյուղի հասակակից բնակչի հետ գնացել է վարչական ղեկավարի աշխատասենյակ, կենցաղային հարցերի շուրջ վիճաբանել նրա հետ, հայհոյանքներ հնչեցրել նրա հասցեին և բռունցքներով հարվածներ հասցրել դեմքին՝ պատճառելով մարմնական վնասվածքներ: Հետո երիտասարդները դիմել են փախուստի:

Վարագավանի 42-ամյա վարչական ղեկավարը «ՎԱԶ-2121» մակնիշի մեքենայով հետապնդել է նրանց, սակայն միջնակարգ դպրոցի մոտ նրա մեքենայի առջևը կտրել է մի «Մերսեդես»: «Մերսեդեսի» ուղևորը` Բերդ քաղաքի 28-ամյա երիտասարդի 56-ամյա հորեղբայրը, մեքենայից իջել է ինքնաձիգը ձեռքին, հայհոյանքներ հնչեցրել վարչական ղեկավարի հասցեին, սպառնացել սպանել և մարտական դիրքի է բերել ինքնաձիգը: Այդ պահին սկսվել է ծեծկռտուք, որի ընթացքում վարչական ղեկավարը հորեղբոր ձեռքից խլել է ինքնաձիգը: Հորեղբայրը փորձել է նաև դանակով հարվածել նրան, որից հետո «Մերսեդեսով» դիմել են փախուստի:

Ժամը 19-ին վարչական ղեկավարը իրավապահներին է ներկայացրել հորեղբոր ձեռքից խլած ինքնաձիգը:
Կազմված փաստաթղթերն ու ինքնաձիգը ներկայացվում են Բերդի քննչական բաժին, նախաձեռնվում է քրեական վարույթ:
Նույն օրը, ժամը 22.45-ին, Բագրատաշենի սահմանային անցակետը հատելու պահին 56-ամյա տղամարդը հայտնաբերվում, հիմնավոր կասկածանքով ձերբակալվում և ներկայացվում է քննչական բաժին: Նրա վարած «Տոյոտա» մակնիշի մեքենան տեղափոխվում է Տավուշի բաժնի պահպանվող հատուկ տարածք:

Տավուշի բաժնի ծառայողների օպերատիվ-հետախուզական միջոցառումների և բացատրական աշխատանքի արդյունքում հաջորդ օրը ցերեկը ինքնակամ բաժին է ներկայանում «Մերսեդեսի» 37-ամյա վարորդը, իսկ երեկոյան` Բերդ քաղաքի բնակիչ 28-ամյա երիտասարդը: Հիմնավոր կասկածի առկայության հիմքով երկուսն էլ ձերբակալվում և ներկայացվում են քննչական բաժին:

Նախաքննությամբ հանգամանքները պարզվում են:

Բոլոր լուրերը

Կապակցված լուրեր

Խուլիգանություն և մարդու առևանգման փորձ Եղեգնաձորում. երկու անձ կալանավորվել է

17:00 27.11.2024

Խուլիգանություն և մարդու առևանգման փորձ Եղեգնաձորում. երկու անձ կալանավորվել է

Համայնքային ոստիկանության Եղեգնաձորի բաժնի ծառայողները ստացած օպերատիվ տեղեկությունն իրացրին Քրեական ոստիկանության Վայոց ձորի մարզային վարչության գործընկերների հետ: Պարզվեց, որ նոյեմբերի 19-ին, ժամը 23-ի սահմաններում, Եղեգնաձորի Սպանդարյան փողոցում՝ մթերային խանութի դիմաց, յոթ տղամարդ կենցաղային հարցերի շուրջ մոտ 10 րոպե վիճաբանել են միմյանց հետ, հնչեցրել սեռական բնույթի հայհոյանքներ: Այդ ընթացքում Երևանի 19-ամյա բնակիչն իր մոտ եղած ատրճանակով […] ...

Ինչպե՞ս է «Ռեալը» խաղալու «Լիվերպուլի» դեմ առանց Վինիսիուսի

16:55 27.11.2024

Ինչպե՞ս է «Ռեալը» խաղալու «Լիվերպուլի» դեմ առանց Վինիսիուսի

Մադրիդի «Ռեալի» գլխավոր մարզիչ Կառլո Անչելոտին Չեմպիոնների լիգայի 5-րդ տուրի «Լիվերպուլի» հետ խաղում Վինիսիուս Ժունիորի վնասվածքի պատճառով ամբողջական անցում է կատարելու 4-4-2 խաղային սխեմային։ Այս մասին հայտնում է իսպանական Relevo հրատարակությունը։ «Ռեալը» պատրաստվում է «Լիվերպուլի» հետ խաղին երկու հարձակվող դաշտ դուրս բերել՝ ֆրանսիացի Կիլիան Մբապեին և մարոկացի Բրահիմ Դիասին։ Միաժամանակ կիսապաշտպանության եզրերից մեկում պետք է […] ...

Իրավիճակը ՀՀ ավտոճանապարհներին՝ 16։30-ի դրությամբ

16:47 27.11.2024

Իրավիճակը ՀՀ ավտոճանապարհներին՝ 16։30-ի դրությամբ

Նոյեմբերի 27-ին՝ ժամը 16։30-ի դրությամբ, Ապարանի, Սպիտակի, Թալինի, Արթիկի, Ախուրյանի (Քեթիի և Ջաջուռի լեռնանցքներ), Աշոցքի, Սևանի, Ճամբարակի, Վայքի, Ջերմուկի, Սիսիանի տարածաշրջաններում ձյուն է տեղում։ Վարդենյաց լեռնանցքում, Տաթև-Լծեն, Արագածից մինչև Ծիլքար ատոճանապարհներին տեղ-տեղ մերկասառույց է։ Ծիլքարից մինչև Ջրաշեն (Սպիտակի ոլորաններ) ճանապարհահատվածը միակողմանի երթևեկելի է միայն մարդատար տրանսպորտային միջոցների համար, իսկ ծանր և կցորդով տրանսպորտային միջոցների համար […] ...

Արարատ Միրզոյանն աշխատանքային այցով կգտնվի Ֆինլանդիայում

16:40 27.11.2024

Արարատ Միրզոյանն աշխատանքային այցով կգտնվի Ֆինլանդիայում

Նոյեմբերի 28-29-ը ՀՀ ԱԳ նախարար Արարատ Միրզոյանն աշխատանքային այցով կգտնվի Ֆինլանդիայում: Կայանալու է հանդիպում Ֆինլանդիայի ԱԳ նախարար Էլինա Վալտոնենի հետ: Հանդիպումներ են ծրագրված Ֆինլանդիայի գործադիր և օրենսդիր շրջանակների նաև այլ բարձրաստիճան պաշտոնյաների հետ: ԱԳ նախարար Միրզոյան. «Մենք պատրաստակամ ենք շարունակաբար ընդլայնել քաղաքական երկխոսությունն ու համագործակցությունը Ֆինլանդիայի հետ՝ ինչպես երկկողմ, այնպես էլ բազմակողմ ձևաչափերով։ Ժողովրդավարական բարեփոխումների […] ...

Ներկայացվել է Հայաստանում անցկացվելիք հոկեյի աշխարհի առաջնության լոգոն

16:33 27.11.2024

Ներկայացվել է Հայաստանում անցկացվելիք հոկեյի աշխարհի առաջնության լոգոն

Հոկեյի միջազգային ֆեդերացիան հաստատել է Երևանում 2025 թվականի ապրիլի 13-19-ը կայանալիք 4-րդ դիվիզիոնի աշխարհի առաջնության լոգոն: Դրա մշակման ընթացքում օգտագործվել են երկրի պետական դրոշի գույները, Արարատ լեռան պատկերը՝ որպես հանրապետության գլխավոր խորհրդանիշներից մեկը, ինչպես նաև հոկեյի տարրեր՝ մականը և տափօղակը։ Հայաստանը առաջին անգամ 15 տարվա ընդմիջումից հետո կմասնակցի աշխարհի առաջնությանը: Մեր հավաքականի մրցակիցները կլինեն Մալայզիայի, […] ...

Կատարը կվերսկսի ՀԱՄԱՍ-ի և Իսրայելի միջև միջնորդությունը խաղաղության հասնելու համար

16:25 27.11.2024

Կատարը կվերսկսի ՀԱՄԱՍ-ի և Իսրայելի միջև միջնորդությունը խաղաղության հասնելու համար

Կատարի ղեկավարությունը պատրաստ է վերսկսել միջնորդական ջանքերը՝ Իսրայելի և պաղեստինյան ՀԱՄԱՍ շարժման միջև հրադադարի հասնելու համար, եթե նրանք նման ցանկություն ցուցաբերեն։ Այս մասին հայտարարել է Կատարի արտաքին գործերի նախարարության պաշտոնական ներկայացուցիչ Մաջիդ բեն Մուհամմեդ ալ Անսարին։ «Իմ կառավարության անունից ես արձանագրում եմ, որ երբ մենք տեսնենք երկու կողմերի հանձնառությունը, դուք կտեսնեք, որ Կատարը լիովին կվերականգնի […] ...

BACK_TO_TOP