25 11 2024

$

389.76
3.79
€

406.40

+15.09 ^oC

Ցանկանում ենք հաղթել մեր ճանապարհին հանդիպած բոլոր մրցակիցներին. «Նոայի» գլխավոր մարզիչ

ՍՊՈՐՏ

17:19 20.08.2024

Հայաստանի փոխչեմպիոն «Նոայի» գլխավոր մարզիչ Ռուի Մոտան և թիմի իսլանդացի պաշտպան Գուդմունդուր Թորարինսոնը Սլովակիան ներկայացնող «Ռուժոմբերոկի» դեմ Կոնֆերենցիաների լիգայի որակավորման փուլի փլեյ-օֆֆի դիմակայության առաջին հանդիպումից առաջ կայացած նախախաղային ասուլիսում խոսել են եվրագավաթային մրցաշարում անցած ճանապարհի և ակումբի հավակնոտ նախագծի մասին:

«Եթե հաշվի առնենք, որ «Նոան» պատմության մեջ երբևէ չէր հաղթահարել առաջին փուլի արգելքը, իսկ հիմա որակավորման փլեյ-օֆֆ փուլում է, սա, կարծում եմ, մեծ քայլ է: Ի սկզբանե, դա էր մեր ցանկությունը, առաջին իսկ խաղից մեզ համար նշնակություն չի ունեցել, թե ում դեմ ենք խաղում, հարգում ենք բոլոր մրցակիցներին, բայց ցանկանում ենք հաղթել մեր ճանապարհին հանդիպած բոլոր մրցակիցներին՝ անկախ նրանից, թե ինչ թիմ է, որ երկրից է. սա է մեր ուղին»,-ասել է Մոտան:

Գուդմունդուր Թորարինսոնն էլ նշել է, որ «Նոային» միանալուց առաջ խոսել է մարդկանց հետ, որոնք կապ են ունեցել հայկական ֆուտբոլի հետ: նրան ասել են, որ սա շատ մեծ ու հավակնոտ նախագիծ է:

«Ինձ դուր եկավ այն ամենը, ինչ իմացա: Իհարկե, բարդ է իմ հայրենիքից և ընտանիքից հեռու գտնվելը, և պայմանագիր կնքելուց առաջ պետք էր մանրամասն ամեն ինչի մասին տեղեկանալ, բայց մինչ այս պահը ես ինձ չափազանց երջանիկ ու հաջողակ եմ զգացել այս ակումբի մի մասնիկը դառնալու համար: Ամեն ինչ համապատասխանում էր իրականությանը. սա իսկապես մեծ ու հավակնոտ նախագիծ է, մենք պետք է փորձենք առաջ տանել «Նոան» ու լավ թիմ կառուցել»,- ասել է իսլանդացի պաշտպանը:

«Նոա»-«Ռուժոմբերոկ» դիմակայության առաջին խաղը տեղի կունենա այսօր՝ Աբովյանում:

Հիշեցնենք, որ «Նոան» որակավորման երրորդ փուլում հաղթահարել էր Հունաստանի փոխչեմպիոն ԱԵԿ-ի արգելքը (3-1, 0-1):

Առաջին և երկրորդ փուլերում էլ հայկական թիմը պայքարից դուրս էր թողել հյուսիսմակեդոնական «Շկենդիային» (2-0, 2-1) ու Մալթան ներկայացնող «Սլիմա Ուոնդերերսին» (7-0, 0-0)։

Բաժանորդագրվեք SHANTNEWS.am-ին Telegram-ում

Բոլոր լուրերը

10:42 25.11.2024
Որպես անհետ կորած որոնվող 18-ամյա աղջիկը հայտնաբերվել է

Կապակցված լուրեր

10:42 25.11.2024

Որպես անհետ կորած որոնվող 18-ամյա աղջիկը հայտնաբերվել է

Նոյեմբերի 20-ին հաղորդվել էր 2006 թ. Սուսաննա Բունիաթյանի անհետ կորելու մասին: Համայնքային ոստիկանության Հրազդանի բաժնի ծառայողների ձեռնարկած օպերատիվ-հետախուզական միջոցառումների արդյունքում նոյեմբերի 22-ին, ժամը 21.30-ին, Հրազդան քաղաքի Միկրոշրջան թաղամասում նա հայտնաբերվել և տեղափոխվել է Հրազդանի բաժին, ապա ներկայացվել է Կոտայքի մարզային քննչական վարչություն: Հանգամանքները պարզվում են: ...

10:35 25.11.2024

2024թ․-ի երրորդ եռամսյակում ՀՆԱ-ն ընթացիկ գներով կազմել է 2 տրլն 738 մլրդ 969.1 մլն դրամ

2024թ․-ի երրորդ եռամսյակում Հայաստանի Համախառն ներքին արդյունքն (ՀՆԱ) ընթացիկ գներով կազմել է 2 տրլն 738 մլրդ 969.1 մլն ՀՀ դրամ՝ նախորդ տարվա նույն ժամանակահատվածի 2 տրլն 574 մլրդ 593․3 մլն ՀՀ դրամի համեմատ։ Նախորդ տարվա նույն ժամանակահատվածի նկատմամբ ՀՀ-ում ՀՆԱ-ն աճել է 5․2%-ով։ 2024թ.-ի երրորդ եռամսյակում Հայաստանում մեկ շնչի հաշվով ՀՆԱ-ն կազմել է 894 հազ. […] ...

10:33 25.11.2024

Ռուսաստանը հավատարիմ է մնում Հայաստանի անվտանգությունն ապահովելու իր պարտավորություններին. Սերգեյ Կոպիրկին

Ռուսաստանի Դաշնությունը հավատարիմ է մնում Հայաստանի անվտանգությունն ապահովելու իր պարտավորություններին՝ ինչպես երկկողմ ձևաչափով, այնպես էլ Հավաքական անվտանգության պայմանագրի կազմակերպության (ՀԱՊԿ) միջոցով։ «Արմենպրես»-ի փոխանցմամբ՝ այս մասին «Իզվեստիա» թերթին տված հարցազրույցում հայտարարել է Հայաստանում Ռուսաստանի դեսպան Սերգեյ Կոպիրկինն՝ անդրադառնալով հարցին, թե որո՞նք են ՀԱՊԿ-ում Երևանի լիարժեք գործունեության վերսկսման հեռանկարները, և արդյոք այդ գործունեության սառեցումն ազդե՞լ է Մոսկվայի […] ...

10:22 25.11.2024

Վերացվել է Արամի փողոցի վրա գտնվող հանրային սննդի օբյեկտի խոհանոցի արտադրական գործունեության կասեցումը

«Պեստո» ՍՊԸ-ին պատկանող հանրային սննդի օբյեկտում ՀՀ սննդամթերքի անվտանգության տեսչական մարմնի արագ արձագանքման բաժնի տեսուչները իրականացարել են կրկնակի ստուգայց, որի ընթացքում խախտումներ չեն հայտնաբերել (ք․ Երևան, Արամի փ․)։ Հանրային սննդի օբյեկտի խոհանոցի արտադրական գործունեության կասեցումը վերացվել է։ ...

10:16 25.11.2024

Տարադրամի փոխարժեքները նոյեմբերի 25-ին

Shantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389 դրամ, վաճառքի նվազագույն արժեքը՝ 392 դրամ: Եվրոյի առքի առավելագույն արժեքն է 407 դրամ, վաճառքի նվազագույն արժեքը՝ 412 դրամ: Ռուսական ռուբլու առքի առավելագույն արժեքն է 3․75 դրամ, վաճառքի նվազագույն արժեքը՝ 3․82 դրամ: ...

10:00 25.11.2024

Իշխող կուսակցության թեկնածուն ընդունել է Ուրուգվայի նախագահական ընտրություններում իր պարտությունը

Իշխող աջ կենտրոնամետ Ազգային կուսակցության թեկնածու Ալվարո Դելգադոն շնորհավորել է ձախ կենտրոնամետ «Լայն ճակատ» կոալիցիայի մրցակից Յամանդա Օրսիին՝ նախագահական ընտրությունների երկրորդ փուլում հաղթանակի կապակցությամբ։ «Ցավով, բայց առանց մեղքի զգացման կարող ենք շնորհավորել հաղթանակածին»,- ասել է նա՝ դիմելով իր կողմնակիցներին։ Նոյեմբերի 24-ին Ուրուգվայում կայացել է նախագահական ընտրությունների երկրորդ փուլը։ Exit poll-ը ցույց է տվել Օրսիի համոզիչ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.