28 11 2024

$

391.63
3.58
€

412.31

+2.09 ^oC

Աղստև գետի ավազանում հուլիս ամսին դիտված հորդացումները

ՀԱՍԱՐԱԿՈՒԹՅՈՒՆ

11:30 07.08.2024

ՀՀ շրջակա միջավայրի նախարարությունը տեղեկացնում է, որ 2024 թվականի հուլիսի 27-28-ին Հանրապետության տարածքը գտնվել է Ազորյան անտիցիկլոնի կատարի հարավային ծայրամասերով անցնող ցուրտ մթնոլորտային ճակատի ազդեցության գոտում։

«Ցուրտ մթնոլորտային ճակատը Կովկասյան լեռների ազդեցությամբ ներխուժել է և արևելքից, և արևմուտքից ինչով պայմանավորված՝ ողջ հանրապետությունում դիտվել է անձրև և ամպրոպ, Լոռիում, Տավուշում, Գեղարքունիքում, Արագածոտնի և Կոտայքի լեռնային շրջաններում՝ հորդառատ։

Այսպես, Դիլիջանում հուլիսի 27-ին թափված տեղումների քանակը կազմել է 17.2 մմ, իսկ 28-ին՝ 36.8 մմ, ընդ որում 34.1 մմ-ը դիտվել է միայն հուլիսի 28-ի գիշերը։

Իջևանում հուլիսի 26-ին թափվել է 6.4 մմ տեղում, 27-ին՝ 26 մմ, իսկ 28-ին՝ 26.6 մ, որից 19.8 մմ-ը դիտվել է 28-ի գիշերը, Ճամբարակում տեղումների գումարային քանակը հուլիսի 27-28-ին կազմել է 77.2 մմ, որը կազմել է ամսական նորմայի 148%-ը։

Արդյունքում պայմանավորված այն հանգամանքով, որ տեղումները շարունակական բնույթ կրեցին և բավական հորդառատ էին, հողի խոնավությամբ հագեցվածության պայմաններում հանգեցրեցին բավական մեծ մակերևութային հոսքի և գետերում ջրի ելքերի մեծացման։

Մասնավորապես ջրի զգալի մեծացում գրանցվեց հուլիսի 28-ին երբ դիտված ելքերը բազմակի անգամ գերազանցել են նախորդ օրը դիտված ելքերին՝

Աղստև գետի Դիլիջան հիդրոլոգիական դիտակետում ջրի ելքը հուլիսի 27-ի ժամը 08։00 դիտված 3.51 մ3/վ-ից հուլիսի 28-ի 08։00-ին հասավ 28.3 մ3/վ-ի,

Իջևան դիտակետում հուլիսի 27-ի ժամը 08։00 դիտված 7.90 մ3/վ-ից հուլիսի 28-ի 08։00-ին հասավ 45.8 մ3/վ-ի, իսկ 20։00-ին՝ 86.0 մ3/վ-ի,

Գետիկ-Գոշ դիտակետում հուլիսի 27-ի ժամը 08։00 դիտված 4.12 մ3/վ-ից հուլիսի 28-ի 08։00-ին հասավ 13.1 մ3/վ-ի, իսկ 29-ի առավոտյան 23.2 մ3/վ։

1935-2023թթ ընթացքում Աղստև-Իջևան հիդրոլոգիական դիտակետում հուլիս ամսվա դիտված առավելագույն ելքը կազմել է 107 մ3/վ և դիտվել է 1960 թվականի հուլիսի 20-ին։

2024 թվականի դիտված 86.0 մ3/վ ելքը հուլիս ամսին դիտված պատմական երկրորդ առավելագույն ելքն է եղել Իջևան հիդրոդիտակետի համար»,-նշված է հաղորդագրության մեջ։

Բաժանորդագրվեք SHANTNEWS.am-ին Telegram-ում

Բոլոր լուրերը

10:42 28.11.2024
Որոնվում է տեսանյութում երևացող անձը

Կապակցված լուրեր

10:42 28.11.2024

Որոնվում է տեսանյութում երևացող անձը

ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական առաջին բաժնում քննվող քրեական վարույթի շրջանակներում որոնվում է տեսագրության մեջ պատկերված անձը: Քրեական վարույթով բազմակողմանի, օբյեկտիվ և լրիվ քննություն ապահովելու նպատակով միջոցներ են ձեռնարկվում՝ տվյալ անձին հայտնաբերելու ուղղությամբ: Խնդրում ենք նշված անձին ներկայանալ վարույթն իրականացնող մարմնին կամ ովքեր ճանաչում են նրան, որևէ […] ...

10:33 28.11.2024

Անահիտ Ավանեսյանի գլխավորած պատվիրակությունը հանդիպում է ունեցել Ռաֆայել Գրոսսիի հետ

Վիեննայում ընթացող «Միջուկային գիտության, տեխնոլոգիաների, կիրառությունների և տեխնիկական համագործակցության ծրագրի» նախարարական համաժողովի շրջանակներում նոյեմբերի 27-ին ՀՀ առողջապահության նախարար Անահիտ Ավանեսյանի գլխավորած պատվիրակությունը հանդիպում է ունեցել Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսսիի հետ։ Հանդիպմանն անդրադարձ է կատարվել ԱԷՄԳ տեխնիկական համագործակցության ծրագրի շրջանակներում Առողջապահության նախարարության հետ իրականացվող ընթացիկ և ապագա ծրագրերին։ Նախարար Ավանեսյանը […] ...

10:24 28.11.2024

Լիբանանը ՄԱԿ-ի օգնություն կստանա Իսրայելի հետ զինադադարից հետո

ՄԱԿ-ի կառույցներն ու գործակալությունները կշարունակեն հումանիտար օգնություն ցուցաբերել Լիբանանին Իսրայելի հետ հրադադարից հետո։ Այս մասին հայտնում է Լիբանանում ՄԱԿ-ի հումանիտար հարցերի համակարգման գրասենյակը (OCHA): «ՄԱԿ-ը կշարունակի աջակցել Լիբանանի կառավարությանը և գործընկերներին: Զինադադարի առաջին օրը ՄԱԿ ՓԳՀ-ի 11 բեռնատարներ Բաալբեկի ավելի քան 3000 բնակիչներին մատակարարեցին առաջին անհրաժեշտության պարագաներ, ներառյալ վերմակներ, ներքնակներ, ձմեռային բաճկոններ, սավաններ»,- նշվում է […] ...

10:15 28.11.2024

Տարադրամի փոխարժեքները նոյեմբերի 28-ին

Shantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 391․50 դրամ, վաճառքի նվազագույն արժեքը՝ 395 դրամ: Եվրոյի առքի առավելագույն արժեքն է 413 դրամ, վաճառքի նվազագույն արժեքը՝ 418 դրամ: Ռուսական ռուբլու առքի առավելագույն արժեքն է 3․47 դրամ, վաճառքի նվազագույն արժեքը՝ 3․6 դրամ։ ...

10:00 28.11.2024

ՄԱԿ-ի գլխավոր քարտուղարի գրասենյակը հայտարարել է Գազայում հրադադարի ջանքերը խրախուսելու մասին

ՄԱԿ-ը պատրաստ է խրախուսել ցանկացած քայլ, որը կնպաստի Գազայի հատվածում հրադադարի հաստատմանը։ Այս մասին ճեպազրույցում հայտարարել է համաշխարհային կազմակերպության ղեկավարի պաշտոնական ներկայացուցչի տեղակալ Ֆարհան Հակը՝ մեկնաբանելով ամերիկյան իշխանությունների հայտարարությունը անկլավում զինադադարի հասնելու փորձի մասին։ Երեքշաբթի օրը ԱՄՆ նախագահ Ջո Բայդենը հայտարարել է, որ Միացյալ Նահանգները և Իսրայելը միջնորդների հետ՝ ի դեմս Եգիպտոսի, Կատարի և Թուրքիայի, […] ...

09:49 28.11.2024

Նիդեռլանդները միացել է հեռահար հրթիռների արտադրության ֆրանսիական նախաձեռնությանը

Նիդեռլանդները որոշել է միանալ ֆրանսիական նախաձեռնությանը, որը մշակում է հեռահար հրթիռներ։ Այս մասին հայտարարել է Նիդերլանդների պաշտպանության նախարարության ղեկավար Ռուբեն Բրեկելմանսը։ «Եվրոպական երկրները հեռահար հրթիռների կարիք ունեն»,-նշել է նա: Ֆրանսիական ELSA (European Long-Range Strike Approach) նախաձեռնության շրջանակներում եվրոպական երկրները ցանկանում են մշակել ցամաքային թեւավոր հրթիռներ՝ 1 հազարից 2 հազար կմ թռիչքի հեռահարությամբ։ Ծրագրին մասնակցում են […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.