18:34 26.06.2024
Ամփոփվել են ԼՂ-ից բռնի տեղահանված ընտանիքների բազմոլորտային կարիքների գնահատման ուսումնասիրության արդյունքները․ քննարկմանը մասնակցել են Աշխատանքի և սոցիալական հարցերի նախարարի տեղակալ Աննա Ժամակոչյանը, Հայաստանում ՅՈՒՆԻՍԵՖ-ի ներկայացուցիչ Քրիսթինե Վայգանդը, ինչպես նաև շահագրգիռ մարմինների ու գործընկեր կազմակերպությունների ներկայացուցիչներ։ Այս մասին հայտնում են ՀՀ աշխատանքի և սոցիալական հարցերի նախարարությունից:
Պետական գերատեսչությունների, միջազգային կառույցների մասնակցությամբ իրականացված հետազոտության նպատակն է բացահայտել ընտանիքների առաջնային կարիքները, որոնց հիման վրա հետագայում կմշակվեն նոր քաղաքականություններ ու աջակցության մեխանիզմներ։
Նախարարի տեղակալ Աննա Ժամակոչյանը մասնակիցներին ներկայացրել է Կառավարության կողմից իրականացվող սոցիալական աջակցության միջնաժամկետ և բնակարանային ապահովման պետական աջակցության երկարաժամկետ ծրագրերը։ Վերջինիս խոսքով՝ պետական բնակարանային ծրագրի իրագործմանը զուգահեռ՝ կարևոր է նաև փափուկ հմտությունների, քաղաքացիական կողմնորոշման և նոր գիտելիքի տրամադրման միջոցով օգնել հայրենակիցներին՝ ունենալ տնտեսական ինքնաբավություն և տեսնել իրենց ապագան Հայաստանում։
«Փախստականների համաշխարհային օրվա հիմնական ուղերձն այն է, որ հրատապ լուծումներ են անհրաժեշտ՝ ապահովելու, որ փախստական և տեղահանված երեխաներն ու ընտանիքները կարողանան օգտվել նույն իրավունքներից և հնարավորություններից, ինչ մյուսները: Լուծումների նախագծման կարևոր տարրերից մեկը, իհարկե, փախստական երեխաների և նրանց ընտանիքների կարիքները հասկանալն է: Կիրառված մոտեցումներն ու գործիքները դեռևս 2021 թվականից ի վեր ՅՈՒՆԻՍԵՖ-ի համատեղ աշխատանքի արդյունքն են ՀՀ աշխատանքի և սոցիալական հարցերի նախարարության հետ՝ ուղղված արտակարգ իրավիճակների ժամանակ կարիքների գնահատման համակարգերի բարելավմանը և դրանք սոցիալական պաշտպանության առկա ծրագրերին կապելուն»,- ասել է Հայաստանում ՅՈՒՆԻՍԵՖ-ի ներկայացուցիչ Քրիսթինե Վայգանդը:
Վերջինս նաև նշել է, որ «ՅՈՒՆԻՍԵՖ»-ը բարձր է գնահատում փախստականների ճգնաժամին արձագանքելու ՀՀ կառավարության կողմից իրականացված աշխատանքները՝ և՛ դրամական օգնության, և՛ աջակցության այլ ծրագրերի միջոցով: Քրիսթինե Վայգանդը պատրաստակամություն է հայտնել շարունակելու աջակցությունը՝ փախստականների և հյուրընկալող համայնքի երեխաների ու ընտանիքների համար միջնաժամկետ և երկարաժամկետ ծրագրերի նախագծման ու իրականացման հարցում:
Քննարկման ընթացքում ներկաները ծանոթացել են հետազոտության մանրամասներին՝ կիրառված մեթոդաբանությանն ու գործիքակազմին, կարիքների գնահատման հարցաշարերին։ Անդրադարձ է կատարվել նաև ընտանիքների առողջապահական, մասնագիտական, կրթական, զբաղվածության և այլ հարցերին։
Հետազոտությունն իրականացվել է Աշխատանքի և սոցիալական հարցերի նախարարության նախաձեռնությամբ և ՅՈՒՆԻՍԵՖ-ի տեխնիկական աջակցությամբ, ֆինանսական աջակցություն է ցուցաբերել ԱՄՆ ՄԶԳ-ն, տեխնիկական փորձաքննության հարցում՝ Պարենի համաշխարհային ծրագիրն ու Համաշխարհային բանկը: Ուսումնասիրությունը արտակարգ իրավիճակներում կարիքների համալիր գնահատման համակարգերի և գործիքների լավարկման, սոցիալական պաշտպանության կանոնավոր ծրագրերի իրականացման համար կարևորագույն գործիք է դառնալու՝ նպատակ ունենալով զարգացնել սոցիալական պաշտպանության հասցեական և արդյունավետ արձագանքման համակարգը։
20:48 04.04.2025
Ներկայացվել է Թմրամիջոցների և հոգեմետ նյութերի ոչ բժշկական նպատակներով գործածման և ապօրինի շրջանառության դեմ պայքարի 2025-2027թթ. ռազմավարական ծրագիրըՎարչապետ Նիկոլ Փաշինյանի գլխավորությամբ այսօր Կառավարությունում տեղի է ունեցել խորհրդակցություն, որի ընթացքում ներկայացվել են Թմրամիջոցների և հոգեմետ (հոգեներգործուն) նյութերի ոչ բժշկական նպատակներով գործածման և ապօրինի շրջանառության դեմ պայքարի 2025-2027թթ. ռազմավարական ծրագիրը և դրանից բխող գործողությունները: Ներքին գործերի նախարար Արփինե Սարգսյանն իր խոսքում նշել է, որ ռազմավարական ծրագիրը մշակման բազմաթիվ փուլեր է անցել և ըստ էության, […] ...
20:22 04.04.2025
Վարդենիս համայնքի Խաչաղբյուր բնակավայրում բացվեց նորակառույց «Առաջատար ֆերման»Ապրիլի 4-ին Գեղարքունիքի մարզի Վարդենիս համայնքի Խաչաղբյուր բնակավայրում բացվեց «Անասնապահության զարգացում Հայաստանում՝ հարավ-հյուսիս 2» ծրագրի շրջանակներում կառուցված «Առաջատար ֆերմայի» պաշտոնական բացման արարողությունը։ Այս մասին հայտնել են Գեղարքունիքի մարզպետի աշխատակազմից: «Առաջատար ֆերմայի» հիմնադրվել է ՀՀ Էկոնոմիկայի նախարարության, «Ռազմավարական զարգացման գործակալություն» ՀԿ-ի աջակցությամբ, Ավստրիական զարգացման և համագործակցության ծրագրային միավոր Ավստրիայի զարգացման գործակալության ֆինանսավորմամբ։ Միջոցառմանը ներկա էին ՀՀ […] ...
19:54 04.04.2025
Կրիշտիանուին մարզելը շատ հեշտ է․ Ռուդի Գարսիա«Ալ Նասրի» նախկին գլխավոր մարզիչ Ռուդի Գարսիան խոսել է Կրիշտիանու Ռոնալդուի հետ աշխատելու մասին, հաղորդում է RMC Sport-ը: «Կրիշտիանուին մարզելը շատ հեշտ է: Ընդհանրապես, մեծագույն ֆուտբոլիստներին մարզելն իսկապես շատ հեշտ է: Ես այնքան էլ չեմ հետևում սոցցանցերին, բայց կարող եմ ասել, որ Ռոնալդուի տեղափոխությունից հետո «Ալ Նասրի» հետևորդների թիվն ավելացել է մի քանի հարյուր միլիոնով»,- […] ...
19:48 04.04.2025
«Ներուժ 6.0» սփյուռքի տեխնոլոգիական ստարտափների ծրագրի քննարկման նպատակով կայացել է աշխատանքային հանդիպում«Ներուժ 6.0» սփյուռքի տեխնոլոգիական ստարտափների ծրագրի քննարկման նպատակով ՀՀ բարձր տեխնոլոգիական արդյունաբերության նախարարության և Սփյուռքի գործերի գլխավոր հանձնակատարի գրասենյակի միջև կայացել է հերթական աշխատանքային հանդիպումը։ Քննարկվել են մի շարք առանցքային հարցեր, ուղղված ծրագրի առավել արդյունավետ իրականացմանը։ Մասնավորապես, ուշադրության կենտրոնում են եղել ծրագրի վերաբերյալ իրազեկման աշխատանքների ակտիվացումը, գրասենյակի կողմից ծրագրում ներգրավվածության մակարդակի բարձրացումը, ինչպես նաև համագործակցության […] ...
19:43 04.04.2025
Գերմանացի փորձագետների հետ քննարկվել են երկրաշարժադիմացկուն շինարարության ոլորտում համագործակցության հնարավորություններըՔաղաքաշինության կոմիտեում հյուրընկալել են Գերմանիայից ժամանած երկրաշարժադիմացկուն շինարարության ոլորտի փորձագետներին ու «Միջազգային հրշեջ և փրկարարական համադաշնության» ներկայացուցիչներին։ Քննարկվել են երկրաշարժադիմացկուն շինարարության ոլորտում համագործակցության հնարավորությունները։ Հանդիպմանը մասնակցել են նաև «ՀԱՎԱՏԱՄՔ» հիմնադրամի տնօրեն Գայանե Ափինյանն ու Ճարտարապետության և շինարարության Հայաստանի ազգային համալսարանի պրոֆեսոր Մհեր Մարկոսյանը։ Քաղաքաշինության կոմիտեի նախագահի առաջին տեղակալ Դավիթ Գրիգորյանը և տեղակալ Նունե Պետրոսյանը ներկայացրել […] ...
