«Երգ և պոեզիա՝ ի հիշատակ Շառլ Ազնավուրի» խորագիրը կրող գիտաժողով է անցկացվել Սորբոնի համալսարանում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
06 04 2025
  • $
    391.22
  • RUBLE
    4.63
  • 431.28
WEATHER
+8.09 oC

«Երգ և պոեզիա՝ ի հիշատակ Շառլ Ազնավուրի» խորագիրը կրող գիտաժողով է անցկացվել Սորբոնի համալսարանում

12:54 09.06.2024

Շառլ Ազնավուրի ծննդյան 100-ամյա հոբելյանի կապակցությամբ հունիսի 7-ին և 8-ին Սորբոնի համալսարանում անցկացվել է «Երգ և պոեզիա՝ ի հիշատակ Շառլ Ազնավուրի» խորագիրը կրող գիտաժողով։ Այդ մասին հայտնում են Ֆրանսիայում ՀՀ դեսպանությունից։
Գիտաժողովը կազմակերպվել է Սորբոնի համալսարանի դասախոս, ֆրանսիական և համեմատական ​​գրականության պրոֆեսոր, Համեմատական գրականության ֆրանսիական կենտրոնի գիտաշխատող, Բեռնար Ֆրանկոյի, Ազնավուր հիմնադրամի և «Ֆրանսիական գրականության օրեր» ասոցիացիայի նախաձեռնությամբ։
Երկօրյա գիտաժողովի բացման արարողությանը ներկա են գտնվել Ֆրանսիայում ՀՀ դեսպան Հասմիկ Տոլմաջյանը, Շառլ Ազնավուրի որդին՝ Միշա Ազնավուրը, գիտաժողովի նախաձեռնող, Սորբոնի համալսարանի դասախոս Բեռնար Ֆրանկոն, Համալսարանի դասախոսներ, գրական շրջանակների ներկայացուցիչներ, ուսանողներ, հյուրեր։
Գիտաժողովին Մեծ Արտիստի՝ որպես երգչի, երգահանի, բանաստեղծի, դերասանի, ​​ստեղծագործությունների վերաբերյալ զեկույցներով են հանդես եկել Ֆրանսիայի և միջազգային համալսարանների անվանի ակադեմիկոսներ, գրականագետներ, երաժշտագետներ։
Դեսպան Տոլմաջյանն իր խոսքում երախտագիտություն է հայտնել Սորբոնի համալսարանին գիտաժողովի հյուրընկալման, ինչպես նաև բանախոսներին՝ հարուստ և հետաքրքիր քննարկումների համար: Անդրադարձել է աշխարհահռչակ մեծանուն Արտիստի՝ ինչպես բանաստեղծական, այնպես էլ երաժշտական և դերասանական ստեղծագործական հարուստ գործունեությանը, ընդգծել նրա հիշատակի ոգեկոչման, ինչպես նաև նրա ինքնատիպ ժառանգությունը հաջորդ սերունդներին փոխանցելու կարևորությունը։ Շեշտել է իրեն 100% հայ և 100% ֆրանսիացի համարող մեծանուն գործչի անմնացորդ նվիրումն ու դերակատարությունը հայ ժողովրդի համար կարևոր հարցերում՝ Հայոց ցեղասպանության ճանաչման, 1988 թվականի Հայաստանի ավերիչ երկրաշարժի և Լեռնային Ղարաբաղի հայ ժողովրդի նկատմամբ իրականացված պատական անարդարության համատեքստում։ Բարձր է գնահատել հայ-ֆրանսիական հազարամյա բարեկամական կապերի ընդլայնման ու ամրապնդման գործում, ինչպես նաև Հայաստանի անկախության վերականգնումից ի վեր ի նպաստ երկրի զարացման նրա` Հայաստանի Հանրապետության ազգային հերոսի ու դեսպանի նշանակալի ներդրումը։
Գիտաժողովի շրջանակում Սորբոնի համալսարանում կազմակերպվել է նաև Մեծանուն երգչի, բանաստեղծի հիշատակին նվիրված համերգ՝ երգչուհի, դերասանուհի Ժոանա Մանդիլի կատարմամբ և 1994թ․-ից ի վեր Շառլ Ազնավուրի խմբավար, կոմպոզիտոր, դաշնակահար Էրիկ Վիլմսի նվագակցությամբ:
Գիտաժողովը կազմակերպվել է L’Harmattan հրատարակչության կողմից հրապարակվող L’Orizzonte ժողովածուի տնօրեն Ջովանի Դոտոլիի հետ համագործակցաբար։ L’Harmattan հրատարակչության կողմից հրատարակվելու են երկօրյա գիտաժողովի արդյունքներն ամփոփող նյութերը:
Բոլոր լուրերը

Կապակցված լուրեր

Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունը

00:00 06.04.2025

Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունը

ՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...

Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումը

23:53 05.04.2025

Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումը

Սիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...

Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակը

23:48 05.04.2025

Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակը

Ֆրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...

Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»

23:37 05.04.2025

Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»

Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...

ՄԱԿ-ում ՀՀ պատվիրակությունը կարևորել է ռազմական ոլորտում արհեստական ​​բանականության հավելվածների օգտագործման համար մարդկային պատասխանատվության պահպանման անհրաժեշտությունը

23:24 05.04.2025

ՄԱԿ-ում ՀՀ պատվիրակությունը կարևորել է ռազմական ոլորտում արհեստական ​​բանականության հավելվածների օգտագործման համար մարդկային պատասխանատվության պահպանման անհրաժեշտությունը

Ապրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական ​​բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական ​բանականության կարողությունների զարգացումը պետք է կարգավորվի միջազգային […] ...

«Դինամո Մինսկ»-«Նեման» հանդիպումը չեղարկվել է. հայտնի է պատճառը

23:09 05.04.2025

«Դինամո Մինսկ»-«Նեման» հանդիպումը չեղարկվել է. հայտնի է պատճառը

Ֆուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...

BACK_TO_TOP