12:58 22.05.2024
ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանն Ալ. Բլոկի անվան թիվ 122 դպրոցում ներկա է եղել «Նախագծային ուսուցում 2023-2024» փառատոնին:
Փառատոնը կազմակերպվել է հանրակրթության պետական չափորոշչի ներդրման շրջանակում, ըստ որի՝ 7-րդ դասարանում պարտադիր ներդրվել է նախագծային ուսուցումը: Ալ. Բլոկի անվան թիվ 122 դպրոցի 7-րդ դասարանի աշակերտները ներկայացրել են 13 նախագծային աշխատանք՝ տարբեր թեմաներով: Ձևավորված տաղավարներում նախագծեր են ներկայացրել նաև դպրոցի այլ դասարանների աշակերտները: Նրանք անդրադարձել են այնպիսի թեմաների, ինչպիսիք են՝ «Մեդիան որպես կապող օղակ», «Սովորենք՝ խաղալով», «Մաթեմատիկան և Հ. Թումանյանի հեքիաթները», «Տարբեր մարմինների արագությունները», «Երկրաչափական պատկերները հայկական զարդանախշերում», «Արդյոք թափոնը աղբ է» և այլն:
ԿԳՄՍ նախարարի տեղակալ Արաքսիա Սվաջյանը և հանրակրթության վարչության պետ Թամարա Սարգսյանը շրջել են տաղավարներում, զրուցել աշակերտների հետ, հետաքրքրվել նրանց նախասիրություններով:
ԿԳՄՍ փոխնախարարի գնահատմամբ՝ աշակերտների ոգևորությունն իրականացրած աշխատանքների նկատմամբ խոսում է նախագծային ուսուցման հաջողության մասին: Ուսուցիչների աջակցությամբ կատարված թեմաների ընտրությունը փաստում է, որ նախագծային ուսուցումը նպաստում է սովորողների թիմային աշխատանքի և մտածողության ձևավորմանը, մեկ նպատակի շուրջ համախմբմանը և տվյալ թեմայի շուրջ համապարփակ գիտելիքի ձեռքբերմանը:
Փառատոնի շրջանակում դպրոցի աշակերտները հայերենով և ռուսերենով հանդես են եկել փոքրիկ բեմականացմամբ:
Օրվա շրջանակում ԿԳՄՍ նախարարի տեղակալ Արաքսիա Սվաջյանը և գլխավոր քարտուղար Հասմիկ Հակոբյանն այցելել են նաև Երևանի Միքայել Նալբանդյանի անվան թիվ 33 և Մարտիրոս Սարյանի անվան թիվ 86 հիմնական դպրոցներ: Նրանք տեղում ծանոթացել են պետական ֆինանսավորմամբ վերակառուցված մարզադահլիճների ընդհանուր վիճակին, կահավորմանը, առկա խնդիրներին:
18:36 17.04.2025
ՀՀ ԱԳՆ գլխավոր քարտուղարը հանդիպել է Մերձավոր Արևելքի աշխարհաքաղաքական հարցերի առաջատար փորձագետի հետԱպրիլի 17-ին ՀՀ ԱԳ նախարարության գլխավոր քարտուղար Դավիթ Կարապետյանը հանդիպում է ունեցել ֆրանսիացի քաղաքագետ, Մերձավոր Արևելքի աշխարհաքաղաքական հարցերի առաջատար փորձագետ Ժիլ Կեպելի հետ: Հանդիպման ընթացքում զրուցակիցները մտքեր են փոխանակել տարածաշրջանային և գլոբալ աշխարհաքաղաքական վերջին զարգացումների վերաբերյալ՝ ներառյալ իրադարձությունները Մերձավոր Արևելքում: Դավիթ Կարապետյանը զրուցակցին է ներկայացրել տարածաշրջանում անվտանգային իրավիճակը, առկա մարտահրավերները և կայուն խաղաղության հաստատման ուղղությամբ […] ...
18:30 17.04.2025
Բարսեղյանի գոլային փոխանցումը չի օգնել «Սլովանին»Սլովակիայի գավաթի խաղարկության կիսաեզրափակչի պատասխան խաղում Բրատիսլավայի «Սլովանը» հետխաղյա 11-մետրանոցներով պարտվել է Տրնավայի «Սպարտակին»։ Հանդիպման հիմնական ժամանակում «Սպարտակը» հաղթել է 2-1 հաշվով։ «Սլովանի» գոլը 39-րդ րոպեին խփել է Գուրամ Կաշիան` եզրափակելով Հայաստանի ազգային հավաքականի կիսապաշտպան Տիգրան Բարսեղյանի փոխանցումը։ Հետախաղյա հարվածաշարի ժամանակ Բարսեղյանը վրիպել է. մրցակցին փրկել է դարպասապահ Զիգա Ֆրելիխը։ «Սպարտակը» չորրորդ տարին անընդմեջ դուրս […] ...
18:24 17.04.2025
Արմեն Գրիգորյանը Բրյուսելում հանդիպել է Բելգիայի վարչապետի դիվանագիտական խորհրդականի հետԲրյուսելում ՀՀ ԱԽ քարտուղար Արմեն Գրիգորյանը հանդիպել է Բելգիայի Թագավորության վարչապետի դիվանագիտական խորհրդական Ռալֆ Մորոյի հետ: Հանդիպման ընթացքում զրուցակիցները քննարկել են Հայաստան-Բելգիա երկկողմ հարաբերությունները և դրանց զարգացման հնարավորությունները, մասնավորապես՝ տնտեսական համագործակցության ոլորտում: Կողմերը նաև անդրադարձ են կատարել Հարավային Կովկասի անվտանգային իրավիճակին՝ ընդգծելով կայուն և համապարփակ խաղաղության հաստատման հրամայականը: ...
18:16 17.04.2025
ՍԴ դատավոր Վահե Գրիգորյանը հրաժարականի դիմում է ներկայացրելՍԴ դատավոր Վահե Գրիգորյանը հրաժարականի դիմում է ներկայացրել: ««Ազգային ժողովի կանոնակարգ» սահմանադրական օրենքի 147-րդ հոդվածի 1-ին մասի համաձայն` Հայաստանի Հանրապետության Սահմանադրական դատարանի դատավոր Վահե Գրիգորյանը 2025 թվականի ապրիլի 17-ին հրաժարականի դիմում է ներկայացրել»,- նշված է ՀՀ ԱԺ նախագահի տեղակալ, ԱԺ նախագահի պարտականությունները ժամանակավոր կատարող Ռուբեն Ռուբինյանի ստորագրած հայտարարության մեջ: ...
18:12 17.04.2025
«Չելսին» 100 միլիոն ֆունտից ավելի կպահանջի Կայսեդոյի համար«Չելսին» ակումբի կիսապաշտպան Մոյզես Կայսեդոյի տրանսֆերային իրավունքը կվաճառի, եթե վճարվի 100 միլիոն ֆունտից ավելի գումար, հայտնում է The Telegraph-ը։ Էկվադորցի ֆուտբոլիստի ծառայություններով հետաքրքրված է Սաուդյան Արաբիան ներկայացնող «Ալ Նասրը», որտեղ հանդես է գալիս «Ոսկե գնդակի» 5-ակի դափնեկիր Կրիշտիանու Ռոնալդուն: «Չելսին» Կայսեդոյի տրանսֆերային իրավունքը 2023թ. ամռանը 116 միլիոն եվրոյով գնել էր «Բրայթոնից»։ ...
18:06 17.04.2025
Դեսպան Սուրեն Բաղդասարյանը Հանոյում մասնակցել է «Կանաչ աճի և Կայուն զարգացման Գլոբալ Նպատակների 2030-ի գործընկերություն» չորրորդ գագաթնաժողովի բացմանըՎիետնամում Հայաստանի Հանրապետության արտակարգ և լիազոր դեսպան Սուրեն Բաղդասարյանը ապրիլի 16-ին մասնակցել է Վիետնամի կառավարության կողմից Հանոյում կազմակերպված «Կանաչ աճի և Կայուն զարգացման Գլոբալ Նպատակների 2030-ի գործընկերություն» (P4G) չորրորդ գագաթնաժողովի բացման նիստին և բարձր մակարդակի վեհաժողովին։ Այս մասին հայտնում են Վիետնամում Հայաստանի դեսպանությունից: «Այս նշանակալի միջոցառումը ներկա էին աշխարհի տարբեր երկրների կառավարության, բիզնեսի և քաղաքացիական […] ...
