19:10 27.02.2024
ՀՀ կրթության, գիտության, մշակույթի և սպորտի նախարարության ֆինանսական աջակցությամբ Հայաստանի ազգային կինոկենտրոնի ներկայացուցիչները՝ տնօրենի պաշտոնակատար Շուշանիկ Միրզախանյանի գլխավորությամբ, մասնակցել են Բեռլինի 74-րդ միջազգային կինոփառատոնին կից ամենամյա Եվրոպական կինոշուկային։
Հայկական տաղավարն այս տարի նվիրված էր աշխարհահռչակ կինոռեժիսոր, սցենարիստ Սերգեյ Փարաջանովի 100-ամյա հոբելյանին: Ձևավորումն անչափ հետաքրքիր ու գրավիչ էր և՛ փարաջանովյան կինոյի երկրպագուների, և՛ մասնագիտական շրջանակների համար։ Կինոշուկայի օրերին հայկական տաղավարի բազմաթիվ այցելուներ հետաքրքրված էին հայկական կինոյի նորություններով և Սերգեյ Փարաջանովի 100-ամյակին առնչվող յուրաքանչյուր նյութով։
Կինոշուկայի ընթացքում հայկական տաղավարում տեղի են ունեցել բազմաբնույթ գործնական հանդիպումներ:
Եվրոպական կինոշուկայի հայաստանյան տաղավարում Հայաստանի ազգային կինոկենտրոնի և Ֆրանսիայի Հանրապետության կինեմատոգրաֆիայի և շարժվող պատկերի ազգային կենտրոնի (CNC) միջև ստորագրվել է կինոյի և շարժվող պատկերի ոլորտում իրականացվող Հայաստան-Ֆրանսիա գործողությունների ծրագրի իրականացման փաստաթուղթը։ Այն ներառում է երկկողմ համագործակցություն կինոոլորտի հետևյալ բնագավառներում` կինոժառանգություն, ուսուցում, մասնագիտական կրթություն, համատեղ արտադրություն և գործընկերություն փառատոների միջև:
Հարկ է նշել նաև, որ դեռևս 2023 թ. սկսված բանակցությունների արդյունքում Եվրոպական կինոշուկայում ձեռք է բերվել Հայաստանի ազգային կինոկենտրոնի և Ֆրանսիայի կինոկենտրոնի (CNC) միջև կրթական ոլորտում համագործակցության պայմանավորվածություն, ըստ որի՝ հայ սցենարիստները հնարավորություն կունենան Ֆրանսիայում մասնակցելու սցենարական դասընթացների:
Կինոշուկայի ընթացքում Հայաստանի ազգային կինոկենտրոնի ղեկավարությունը հանդիպումներ է ունեցել միջազգային տարբեր կինոկառույցների ներկայացուցիչների հետ: Ձեռք են բերվել տարբեր պայմանավորվածություններ, և հաստատվել գործակցության ծրագրեր 2024-2025 թթ. համար:
Հանդիպումներ են կայացել Վենետիկի միջազգային կինոփառատոնի «Դասականներ» բաժնի համադրող Ֆեդերիկո Ջիրոնիի, Պրահայի ազգային արխիվի տնօրեն Միխալ Բրեգանտի, «Կարլովի Վար» կինոփառատոնի գեղարվեստական ղեկավար Կարել Օխի, Մոնտենեգրոյի կինոկենտրոնի տնօրեն Ալեքսանդրա Բոժովիչի, Բեռլինի միջազգային կինոփառատոնի «Դասականներ» բաժնի ներկայացուցիչ Անիկա Հաուպտսի, Տալլինի «Սև գիշերներ» միջազգային կինոփառատոնի «Բացահայտման ճամբար» (Discovery Campus) արդյունաբերական հարթակի տնօրեն Տրիին Տրամբերգի, MK2 ընկերության ներկայացուցիչներ Ժակ Ջագուի և Ֆրեդերիկ Ղուոլի, Եվրիմաժի գործադիր տնօրեն Սյուզան Նյումանի, Հնդկաստանի Ինֆորմացիայի և հեռարձակման նախարարության կինոբաժնի ներկայացուցիչ Լինա Նազարիի և այլոց հետ:
Բոլոր աշխատանքները, հանդիպումներն ու փոխհամագործակցությանն ուղղված քայլերը միտված են հայ կինոյի զարգացմանը, հանրահռչակմանը և միջազգային հարթակներում ներկայացվածությանը:
20:28 01.04.2025
Էլեկտրաէներգիայի անջատումներ կլինեն Երևանում և մարզերում
11:49 02.04.2025
Հրշեջ-փրկարարները կանխել են հրդեհի տարածումը դեպի մոտակա անտառԱպրիլի 1-ին, ժամը 08:50-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վահրավար գյուղի եկեղեցուն հարակից տարածքում այրվում է խոտածածկույթ։ Դեպքի վայր են մեկնել ՆԳՆ ՓԾ մարզային փրկարարական վարչության և հրշեջ-փրկարարական ջոկատի օպերատիվ խմբերը։ Հրշեջ-փրկարարները մեկուսացրել են հրդեհը ժամը 15:35-ին, մարել՝ 21:25-ին: Այրվել են խոտածածկույթ, թփուտներ և ծառեր: Օպերատիվ գործողությունների շնորհիվ հրշեջ-փրկարարներին […] ...
11:40 02.04.2025
Ապօրինի զենք-զինամթերքի կամավոր հանձնումներ՝ բացատրական աշխատանքի արդյունքումՀամայնքային ոստիկանության և Քրեական ոստիկանության գլխավոր վարչությունների տարածքային ստորաբաժանումների ծառայողներն ամենօրյա ակտիվ բացատրական աշխատանք են իրականացնում՝ ապօրինի պահվող զենք-զինամթերքի կամավոր հանձնման ուղղությամբ։ Ոստիկանության օպերատիվ կառավարման կենտրոն զանգահարած քաղաքացին հայտնել է, որ Արցախյան պատերազմի մասնակից է և Նորագավիթ թաղամասի գերեզմանատանը զինամթերք է թողել: Ոստիկանները նշված վայրում հայտնաբերել են «ՏՕԶ» տեսակի հրացան, հարթափող որսորդական 2 հրացան, գազային […] ...
11:28 02.04.2025
ՊԵԿ-ը բացահայտել է ստվերային շրջանառության նոր դեպք. պետական բյուջե չի վճարվել շուրջ 8.2 միլիարդ դրամի հարկՀՀ պետական եկամուտների կոմիտեն շարունակում է հետևողականորեն պայքարել ստվերային տնտեսության, հարկերից խուսափելու և ՀԴՄ կիրառման կանոնների խախտումների դեմ՝ կանխելով խոշորածավալ հարկային չարաշահումները, որոնք վնասում են ինչպես պետության, այնպես էլ՝ օրինապահ գործարար համայնքի շահերը։ Կոմիտեի հետաքննության և օպերատիվ հետախուզության վարչությունը, հետամուտ լինելով օրենքով իրեն վերապահված գործառույթների անշեղ կատարմանը, բացահայտել է ստվերային շրջանառության նոր դեպք: Այսպես, օպերատիվ […] ...
11:22 02.04.2025
Բուլղարիայի բուհերում կրթություն ստանալու նպատակով հայտարարված մրցույթի ժամկետը երկարաձգվել էՀՀ կրթության, գիտության, մշակույթի և սպորտի նախարարությունը տեղեկացնում է, որ 2025-2026 ուստարվա համար Բուլղարիայի Հանրապետության բուհերում անվճար բարձրագույն կրթություն ստանալու նպատակով հայտարարված մրցույթի ժամկետները փոխվել են: Փաստաթղթերի ընդունման վերջնաժամկետը երկարաձգվել է մինչև 2025 թվականի ապրիլի 7-ը ներառյալ: Քննությունների անցկացման ժամկետ է սահմանվել ապրիլի 14-18-ն ընկած ժամանակահատվածը: Բուլղարիայի Հանրապետության բարձրագույն ուսումնական հաստատություններում բակալավրի և մագիստրոսի կրթական […] ...
11:14 02.04.2025
Սրբուհի Գալյանը շրջայց է կատարել «Արմավիր» քրեակատարողական հիմնարկումՀՀ արդարադատության նախարար Սրբուհի Գալյանը՝ նախարարի տեղակալ Գևորգ Քոչարյանի և Քրեակատարողական ծառայության պետի առաջին տեղակալ Սահակ Գրիգորյանի ուղեկցությամբ այցելել է «Արմավիր» քրեակատարողական հիմնարկ: Նախարարն այնտեղ հետևել է քրեակատարողական հիմնարկի Ինքնագործ մշակութային միավորման անդամ՝ ազատազրկված անձանց նախաձեռնությամբ և մասնակցությամբ բեմադրված «Խնամախոս» ներկայացմանը: Բեմադրության ավարտին տեղի է ունեցել ազատազրկված, Ինքնագործ մշակութային միավորման նախագահ Մխիթար Մոս-Մուշեղյանի հեղինակած «Խնամախոս» […] ...
