08:39 27.01.2024
Հունվարի 30-ին, ժամը 19։00-ին Կամերային երաժշտության տանը տեղի կունենա «Հովեր» պետական կամերային երգչախմբի մենահամերգը։ Ծրագրում ընդգրկված են 16-րդ, 17-րդ և 20-րդ դարի իտալացի երեք կոմպոզիտորների՝ Կառլո Ջեզուալդոյի, Կլաուդիո Մոնտեվերդիի, Լուչանո Բերիոյի ստեղծագործությունները, որոնք երգչախմբի կողմից կկատարվեն առաջին անգամ։
Համերգը ղեկավարելու է Նարինե Ոսկանյանը, ում խոսքով երեք կոմպոզիտորների ստեղծագործությունները մեկ համերգում զետեղելը պայմանավորված չէ միայն նրանց՝ մեկ երկրի մշակույթի կրողը լինելու հանգամանքով․
«Ջեզուալդոյին, Մոնտեվերդիին և Բերիոյին միավորում է հատկապես այն, որ երեքն էլ իրենց ժամանակին եղել են ավանգարդ կոմպոզիտորներ, հանդես են եկել որպես նորարարներ։ Իհարկե, վերջիններիս ստեղծագործությունները կապվում են նաև ժանրային առանձնահատկություններով։ Խոսքը մադրիգալ ժանրի մասին է, որն իրենից ներկայացնում է աշխարհիկ ստեղծագործություն՝ հիմնականում սիրային-քնարական թեմատիկայով։ Այստեղ յուրաքանչյուր խոսք իր ուրույն հնչերանգով է արտահայտվում երաժշտության մեջ, կարելի է անգամ ասել, որ երաժշտությունը լիովին ենթարկված է խոսքին եւ պոետիկ մտքին։ Հենց այս ժանրի երկու վառ ներկայացուցիչներն են Ջեզուալդոն եւ Մոնտեվերդին»,- նշում է Նարինե Ոսկանյանը։
Անցում կատարելով 20-րդ դարի յուրօրինակ կոմպոզիտոր Լուչանո Բերիոյին և վերջինիս «Լոնդոնյան աղմուկներ» ստեղծագործությանը՝ Նարինե Ոսկանյանը ընդգծում է․
«Չնայած ուրբանիստական թեմատիկային, Բերիոյի այս ստեղծագործությունը ևս հարում է մադրիգալային ժանրին՝ կազմի ընտրությամբ, խոսքի հանդեպ ընդգծված արտահայտչականության ցուցաբերմամբ, ինչպես նաեւ մտքի վառ արտահայտման միջոցով, որի համար կոմպոզիտորն օգտագործել է երգչային տարբեր հնարքներ»։
Բերիոյի «Լոնդոնյան աղմուկներ» ստեղծագործությունը, որ կազմված է 7 մասից, ներկայացնում է լոնդոնյան շուկաներից հնչող բազմերանգ աղմուկներ, որոնք սխտոր վաճառողի հուսահատ բացականչությունից մինչև դեմքի քսուք վաճառողի համոզելու տեսարաններն են ուրվագծում։ Խմբերգային այս շարքի տեքստերը Բերիոն վերցրել է Լոնդոնի փողոցներից՝ ոգեշնչվելով քաղաքային շուկաների վաճառականների զանազան ձայնարկություններից եւ աղաղակներից։
Հունվարի 30-ին «Հովեր» երգչախումբը կկատարի վերոնշյալ կոմպոզիտորների 9 ստեղծագործություն (կլավեսին՝ Հռիփսիմե Աղաքարյան):
11:20 12.03.2025
ԵՄ դիվանագիտության ղեկավարը մտահոգված է Սիրիայում բռնությունների պատճառովԵվրամիությունը լրջորեն անհանգստացած է Սիրիայի ափամերձ շրջանում տարածված բռնությամբ, որը հանգեցրել է մեծ թվով զոհերի, այդ թվում՝ բազմաթիվ խաղաղ բնակիչների շրջանում, հայտարարել է ԵՄ արտաքին գործերի նախարար Կայա Կալլասը։ «Մենք խստորեն դատապարտում ենք Ասադամետ աշխարհազորայինների հարձակումները անվտանգության ուժերի վրա: Մենք նաև խստորեն դատապարտում ենք քաղաքացիական անձանց դեմ կատարված սարսափելի հանցագործությունները, ներառյալ անխտիր սպանությունները, որոնցից շատերը […] ...
11:06 12.03.2025
Լավրով. Ռուսաստանը չի ընդունի ՆԱՏՕ-ի զորքերի ներկայությունը ՈւկրաինայումՌուսաստանի Դաշնությունը ոչ մի դեպքում չի ընդունի Ուկրաինայում ՆԱՏՕ-ի զորքերի՝ որպես խաղաղապահների ներկայությունը։ Այս մասին հայտարարել է ՌԴ ԱԳՆ ղեկավար Սերգեյ Լավրովը ամերիկացի բլոգերներ Մարիո Նաուֆալին, Լարի Ջոնսոնին և Էնդրյու Նապոլիտանոյին տված հարցազրույցում։ Հարցին, թե ինչ պայմաններում Ռուսաստանը կարող է ընդունել ՆԱՏՕ-ի ռազմական ուժերի՝ որպես խաղաղապահների ներկայությունը Ուկրաինայում, Լավրովը պատասխանել է՝ միանշանակ մերժելով համապատասխան նախաձեռնություն […] ...
10:55 12.03.2025
Թբիլիսիի դատարանը Սաակաշվիլիին դատապարտել է 9 տարվա ազատազրկմանԹբիլիսիի քաղաքային դատարանը Վրաստանի նախկին նախագահ Միխեիլ Սաակաշվիլիին մեղավոր է ճանաչել առանձնապես խոշոր չափերով պետական միջոցների յուրացման մեջ և դատապարտել 9 տարվա ազատազրկման։ Դատավոր Բադրի Կոչլամազաշվիլիի խոսքով, այս գործով մեղադրվում է նաև Պետական անվտանգության ծառայության նախկին ղեկավար Թեյմուրազ Ջանաշիան, ով պարտավորվել է վճարել 300 հազար լարի տուգանք։ Ամբաստանյալները մեղադրվում են բյուջեից ինը միլիոն լարի, այսինքն՝ […] ...
10:41 12.03.2025
Փրկարարներն Արագածի գագաթին հայտնաբերել են որոնվող քաղաքացու դինԺամը 10։15-ին փրկարարները հայտնաբերել են որոնվող քաղաքացու դին։ Արագած լեռան գագաթին ժամը 06։00-ի դրությամբ որոնողափրկարարական աշխատանքները մեկնարկել են։ Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից մեկ մարտական հաշվարկ և մեկ օպերատիվ խումբ։ Որոնողափրկարարական աշխատանքներին ներգրավվել են 17 փրկարարական ծառայող, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի 13 […] ...
10:30 12.03.2025
Հանդիպում Հայ ավանդական երաժշտության կատարողական արվեստի ամբիոնի ուսանողների և դասախոսների հետՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանն այսօր հանդիպել է Երևանի Կոմիտասի անվան պետական կոնսերվատորիայի Հայ ավանդական երաժշտության կատարողական արվեստի ամբիոնի պրոֆեսորադասախոսական կազմի և ուսանողների հետ: Հանդիպումը մեկնարկել է համերգային միջոցառմամբ, որի ընթացքում Հայ ավանդական երաժշտության կատարողական արվեստի ամբիոնի ուսանողները հանդես են եկել գործիքային և վոկալ կատարումներով: Նախարարի տեղակալ Դանիել Դանիելյանը ողջունել […] ...
10:21 12.03.2025
Մեկ օրում գրանցվել է 11 ՃՏՊ, 11 մարդ ստացել է տարբեր աստիճանի մարմնական վնասվածքներԸստ ոստիկանության օպերատիվ հաղորդագրությունների ամփոփագրերի՝ մարտի 11-12-ը ՆԳՆ ոստիկանության ստորաբաժանումները բացահայտել են հանցագործության 153 դեպք, որոնցից 4-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 33, թմրանյութի հայտնաբերման՝ 27, մարմնական վնասվածք պատճառելու՝ 8, ֆիզիկական ներգործության՝ 7, հոգեկան ներգործության, բնակարանային գողության ու խարդախության՝ […] ...
